Inhaltsverzeichnis für September 2015 in Lééf

Wenbrief! Soos ‘n kroon Ek het Alta Beetge se artikel in die Lééf van Julie 2015 met groot empatie gelees. Net soos sy moes ek ’n paar maande gelede my “kroon” laat gaan. In my geval weens chemoterapie. Soos my hare minder geword het, het my paniekvlakke gestyg. Wat nou? Kopdoekies soos baie vroue by Onkologie? Of bloot ’n kaalgeskeerde, blinkgepoetste kop? Ek het ’n pruik gekies. Met ’n dierbare vriendin aan my sy is ek na die salon. Met die instap het ons albei geskok vasgesteek. Reg voor ons in die uitstalkas was ’n pruik wat presies reg was – die kleur, styl… dit was ék! Ons was in trane. Dit kon mos net ons Vader gewees het! Ek het dit opgesit en daarmee uitgestap. Ek dra my nuwe…

Legkaart Met sy 85ste verjaardag onlangs vra ’n goeie vriend vir sy vrou om vir hom ’n legkaart van die wêreld te koop. “Dalk help dit my om weer beter te verstaan hoe dinge inmekaarsteek,” voer hy aan. Op sy ouderdom begin slyp hy waarskynlik reeds sy tande vir ’n ander wêreld. Maar ’n man met kinders en kleinkinders kan ook nie help om te wonder oor klein, nuwe doekdraertjies wat met wankelrige treetjies begin steier deur ’n wêreld waarin mensgemaakte instellings en sekerhede oornag soos lastige verkoues kan opdroog nie. Die Bybel sê ons ken net ten dele. Die groter prentjie bly ons ontwyk. Ons leef soos ’n man wat stukkies keramiek in millimeter-afmetings uitkap in die hoop dat iemand later ’n abstrakte patroon, ’n hoenderhaan of ’n pou…

Die son bak gesellig in die opelug-restaurant terwyl die vrolike gejil van kleuters uit die glytonnels van die speelarea opklink. In die eetplek staan klein Ben (17 maande) kiertsregop op sy pa se skoot. Hy staar stip na die plafon, vasgenael deur iets wat die grootmense nie kan sien nie. Op hulle beurt staar Marlee (34) en manlief Frans (42) na hulle kleinding, eweneens vasgenael. Dis of die Here haar oë opnuut oopgemaak het vir wie sy kan wees, glimlag sy. “Ek voel asof ek gebore is om te wees wie ek nou is. Nie vir hoofrolle nie, maar vir ma-wees. Om nes te skop, al is dit soms ’n bietjie deurmekaar. ’n Kind wat sy loopneus aan my kraag afvee. Deesdae is ek eerder trots op my hoenderbredie as…

Met die oorgang van een seisoen na ’n ander herinner die orde in die natuur ons dat iets so basies en eenvoudigs soos om jou huis ’n bietjie met nuwe oë te bekyk en te orden, ook ’n manier is om harmonie en ewewig te bring. Ene Gunilla Norris gaan sover om te sê dat huishou en gebed pasmaats is: “Wanneer ons ons huis skoonmaak en orden, orden ons op ’n manier ook onsself.” Dit doen iets aan ’n mens se gees as dinge rondom jou weer ’n plek en ’n ritme het. Jy voel dit onmiddellik aan as jy oor ’n huis se drumpel tree. Wie van ons het nie al ’n dag rukkerig begin net omdat ons wéér die sleutels verlê het nie? In my eie lewe weet…

Pienk in al sy skakerings is sekerlik die vroulikste kleur op aarde. Deur dié sagte kleur reg te gebruik kan jy jou gesig behoorlik laat straal. Pienk is ook ’n uiters maklike kleur om te dra, dit verleen ’n gesonde blos aan die gesig, en daar is talle skakerings om van te kies. Maar die geheim lê in die regte kleurkeuse en aanwending. Dra pienk op jou wange, lippe, vingers en tone en selfs op jou oë. Kies altyd ’n kleurtint wat by jou velkleur pas. Vermy pienk as jou vel ’n rooierige ondertoon het. As jy goed lyk in warm, aardse kleure, behoort jy ’n pienk met ’n bruin ondertoon te dra. Pruim- en perspienk lyk mooi by ’n olyfkleurige gelaat. As jy mooi lyk in koel kleure soos…

Kom ervaar die saligheid van ’n luukse [comfort zone] Sublime Radiance-gesigbehandeling wat jou vel vernuwe en weer sal laat straal. Dié behandeling kos gewoonlik R950, maar word op ons spesiale lesersdag teen slegs R450 aangebied! Boonop kry jy die jongste Lééf, ’n Mooi soos ’n beminde-skoonheidsjoernaal, ’n glasie vonkelwyn en ’n geskenkpak met [comfort zone]-produkte ter waarde van R400. Jy is ook welkom om tyd in die stoom- en stilkamer en spakafee deur te bring en jou siel én lyf vir ’n rukkie te laat rus. Christine Ferreira, Lééf se redakteur en gasvrou vir die dag, nooi jou om saam te kuier en jouself ’n slag behoorlik te bederf. [comfort zone] is ’n besonderse reeks skoonheidsprodukte wat uit Italië ingevoer word. Net die beste bestanddele word gebruik om dié reeks…

Doener van nog, noem Karen Kelly, stilis en eienaar van die webjoernaal Lovilee.co.za en Weddinghangers.co.za, haarself. “Ek wil altyd meer, iets nuuts of anders, aanpak.” By Lovilee.co.za kan almal met ’n liefde vir dekor en onthaal artikels oor troues, partytjies, huisdekor en meer kry. Karen (32) plaas dikwels doen-dit-self-projekte, gratis aflaaibare patrone en prente en ander idees op die blog met die hoop om ander te inspireer. “My ma, Lynette, het my en my suster, Elmari, van kleins af aan kreatiewe projekte bekendgestel,” vertel Karen, self ma van ’n driejarige seuntjie. “My ma was ’n onderwyseres wat vir ’n tydperk huishoudkunde gegee het. Ek en my sussie het saam die proefsessies gedoen van die projekte wat in die klas onderneem sou word. “Elmari het die kookkuns bemeester en ook modeontwerp…

Elkeen van ons ken tye van swaarkry. Ons leef in ’n stukkende wêreld. Ons hoor ook van ander se beproewings en smart – van siekte, dood, armoede en egskeidings. Om ons is mense moeg van al die gejaag… Dalk is jy vandag in ’n tyd van beproewing. Dis juis wanneer ons moet vashou aan ons geloof en God se beloftes! Hebreërs 10:36 in Die Boodskap sê: “Julle moet tot elke prys vasbyt.” Ons lees in Habakuk 3:17-18: “My vertroue in die Here is nie afhanklik daarvan dat dit met my goed gaan nie. Al dra die vyeboom nie vye nie en is daar nie druiwe aan die wingerd nie, al misluk die olyfoes en lewer die landerye geen oes op nie, of al vrek die skape en die beeskrale is…

Ek moet bieg dat ek meer gereeld nié die Sabbat onderhou nie, al is dit nou al meer as tien jaar dat ek getrou ’n poging aanwend om weekliks dié rusdag in my oorvol dagboek in te pas. My besluit jare terug het gekom toe my drie kinders nog woelige voorskolers was. Dit was omtrent moeilik om elke dag kop te hou; ek kon nie anders as om my dagboek haarfyn te beplan en seker te maak nie ’n enkele minuut gaan verlore nie. Om betyds by my weeklikse Bybelstudie-groep uit te kom (kerk op Sondag was darem die een ander konstante in ons lewe), moes ek die vorige aand reeds die babasak pak, die volgende dag se ontbyt en middagete berei, die tafel dek en my Bybel en notaboek…

In die immergewilde musiekblyspel Fiddler on the Roof sing die karakter Tevye se dogters: “Matchmaker, Matchmaker, make me a match, find me a find, catch me a catch…” Dit is woorde waarby menige jong (en ouer) vrou aanklank kan vind. Maar hoe gemaak as jou moontlike pasmaats yl gesaai is en jy nie meer weet waar om hubare mans te ontmoet nie? Webtuistes vir enkellopende Christene bied hoop vir talle mense wat op soek is na ’n lewensmaat. Daar is deesdae ook sekulêre webtuistes wat jou toelaat om jou soektog tot Christene te beperk en jou selfs die opsie bied om jou voorkeurdenominasie te kies! Maar moet jy soek? Dit is die vraag wat baie Christene vra. Moet jy nie liefs terugsit en vertrou dat God jou sal seën met…

Baie mense dink gebed is om maar net ’n vooraf opgestelde lysie met behoeftes tot God te rig. As jy so´ oor gebed dink, is dit ’n eensydige gesprek wat niks van God se Vaderhart vir die mens oordra nie. Gebed is fellowship met die Vader, ’n diep en noodsaaklike persoonlike kontak met God. Wanneer Petrus oor gebed praat, skryf hy: “Die Here sorg vir die opregtes en luister na hulle hulpgeroep” (1 Petrus 3:12). Weerstaan daarom die versoeking om gebed te verander in ’n godsdienstige wet wat geen krag het nie. Gebed is veronderstel om doeltreffend te wees en krag te he^. Dit is hoe dit oorspronklik aan ons verduidelik is. Jakobus 5:16 se^ dat die gebed van ’n gelowige ’n kragtige uitwerking het. Terwyl jy in die volgende…

Haar resepteboek se naam is Low carb is lekker, maar is dit wáár, wil ’n mens vra oor dié stuitige stelling. “Dit is beslis!” sê ma van twee, Inè Reynierse van Kaapstad. “Vra enigiemand wat al my crème de la crème sjokoladekoek geëet het. Die meeste van my lekkernye is so propvol voedingswaarde, jy kan dit selfs vir ontbyt eet!” Die idee vir ’n resepteboek met laekoolhidraat-alternatiewe vir Suid-Afrikaanse geregte het ontstaan uit Inè se behoefte om tradisionele troos- en streekskos steeds lekker te maak, maar sonder graan of suiker. “En wat ’n heerlike en kreatiewe reis word dit nie!” vertel sy. “Ek het letterlik begin deur alternatiewe vir my gesin se gunsteling-geregte te toets. Sommige was maklik, ek moes net enkele bestanddele ruil, ander was omtrent ’n eksperiment. Omdat…

Dié 58-jarige gebore Pretorianer het nog altyd met woorde gewoeker. As akteur, kunsresensent en destydse redakteur van De Kat. Deesdae ook as vryskutjoernalis en dramaturg met ’n rits toekennings agter sy naam, onder meer ’n spesiale toe-kenning vir besondere kultuurprestasie van die FAK. Maar dis sy debuutroman, Boomkastele, wat boek- en boomliefhebbers se hart warm laat klop. “Oor die jare het ek gewerk aan ’n roman met hopeloos te veel karakters en storielyne. Ná ’n inspirerende gesprek met die joernalis en skrywer Willemien Brümmer het ek besluit om net die twee sterkste stories te gebruik en ’n novelle te skryf. Die projek het uiteindelik tot ’n roman gegroei. Tydens die skryfproses was Schalk deurentyd bewus van ’n oerbegeerte om te skep, wat uiteindelik vrygelaat word. “Al die resepte, stylreëls en…

Om die liefde te leef Deur Bob Goff (Struik Christian Media, R169,95) Bob Goff het by die rektor se kantoor gaan pleit omdat sy punte nie goed genoeg was om regte te studeer nie. Vandag is sy prokureurskantoor op ’n eiland in Disneyland, sy visitekaartjie sê Helper, en hy het onder meer sy kinders op ’n wêreldreis geneem om roomys saam met (eensame) staatshoofde te eet! Dié skrywer weet hoe om die liefde te leef: Hy wag nie vir ander om ’n verskil te maak nie. Hy doen dit self – en jy kan ook! Bestel by 021 914 4015. Raai hoe lief is ek vir jou Deur Sam McBratney (H&R, R139,95) Wil jy graag vir iemand wys hoe lief jy vir hom/haar is, maar jou arms kan nie wyd…

‘Wanneer Hy kom, die Gees van die waarheid, sal Hy julle in die hele waarheid lei” (Johannes 16:13). Daar is mos twee soorte mense: dié wat jou meer energie gee en dié wat jou energie steel. Opgewonde en optimistiese mense laat jou ook sommer kans sien vir alles, maar negatiewe en kritiese mense wil jou spoedig die vlaktes laat inhardloop! ’n Mens moet inderdaad nie toelaat dat sulke mense of gedagtes huurvry in jou kop kom bly nie. Verhoog die huur of laat hulle gaan! Sielkundiges het al baie navorsing gedoen oor optimistiese en pessimistiese mense en daar is ’n besliste verband tussen optimisme en algemene geluk, en selfs sukses. Daar is ook bevind dat optimisme aangeleer kan word: Die regte benadering is om vals of katastrofale denke te herken…

Wys jou heart Maak ’n voorskoot – vir hom óf haar! – en jy kan ’n Bernina-pakket ter waarde van R23 690 of bederfprodukte van Clarins wen! Die tyd is amper op om ’n mooi voorskoot (vir hom of haar) te maak vir Lééf se Wys jou hart-wedstryd! Die voorskote word einde vanjaar by die Mosaïek Expo uitgestal en sal ten bate van liefdadigheid verkoop word. PRYSE: Die wenner in elke afdeling (Voorskoot vir haar & Voorskoot vir hom) ontvang elkeen ’n ongelooflike Bernina-pryspakket van R23 690. Die tweede en derde prys in elke afdeling is ’n Clarins-geskenkpak met produkte ter waarde van R2 325 per pak. SLUITINGSDATUM: 30 September 2015. NAVRAE: Vir volledige wedstrydreëls, vereistes vir inskrywings en inskrywingsvorms, kontak Yolandé Roodt by 011 888 5898 of yolande.roodt@leef.co.za…

Teken vandag nog in op Lééf – met hart & siel teen slegs R36,30 per maand (posgeld ingesluit) en jy kan een van vyf R250-koopbewyse by die aanlyn winkel van die leefstylhuis Ruah ontvang. Gaan loer by www.ruah.co.za vir heerlike bederfgoed soos lekkerruikseep en badmelk van strelende kruie. Jy kan ook twee nagte se verblyf vir twee volwassenes en twee kinders (jonger as 12) wen by hulle wild-enkruieplaas, aangrensend aan die Bona Bona-lodge buite Wolmaransstad, ter waarde van R5 400. Ingesluit is ’n uitstappie na die Ruah-fabriek en die laventel- en roosmarynlande met versnaperinge wat daarop volg. Lees meer oor Ruah en sy mense op bl. 70. Teken in op een van dié maniere: E-pos jou besonderhede na leef_inteken@media24.com Gaan na www.leef.co.za en teken aanlyn in  Bel 087…

Nog altyd daarvan gedroom om ’n egte Shabbat-viering in Jerusalem te beleef, op die See van Galilea te vaar of in die Jordaan gedoop te word? Dan’s ons gewilde 11 dae lange hartsreis deur Israel vir jou! Kom kry ’n intieme binnekykie in die Joodse leefwêreld onder leiding van Lééf se redakteur, Christine Ferreira, en haar man, Johan, saam met Marzanne Leroux-Van der Boon, bekroonde skrywer van onder meer HaKotel: Die Muur. Ons stap ook in die spore van Marc en Rivkah, die hoofkarakters uit Marzanne se seweluik-romanreeks oor dié land, en hoor die storie agter hulle storie… Dié toer, deur Pelgrimstoere en Sure Makro Travel, kos R33 890. Die toerprys is bereken teen R11,60 vir $1. Betaal jou nie-terugbetaalbare deposito van R3 500 voor 30 September 2015 om jou…

In die lente. Dís wanneer die fassinerende verhaal van heuningbye ingelui word. Blomme in al die kleure van die reënboog rek en strek totdat ’n bloeisel gebore word en siedaar, uiteindelik lig ’n perfekte blom haar kop. Binne-in elkeen is klein, geheime sakkies waarin stroopsoet sap skuil: nektar. Die werkerby vlieg van blom tot blom, sak af, suig die nektar op en zoem met haar papierdun vlerkies, wat sy vinniger as twee honderd keer per sekonde kan klap, na die volgende een. Doelgerig werk sy haar pad oop totdat haar heuningmaag versadig is en dit tyd raak om die dag se oes huis toe te vat. In die begin En so begin die eerste hoofstuk in die wonderbaarlike proses van heuningmaak. In Die Bybel word sewe keer na bye en…

‘Die MOOISTE vroue in die wêreld is dié wat al mislukking ervaar het, lyding ken, dié wat weet wat dit beteken om te sukkel, iemand wat al ’n geliefde verloor het, maar deur alles steeds haar pad uit die donker dieptes vind. So ’n vrou het ’n DANKBAARHEID en ’n SENSITIWITEIT vir die lewe wat haar toerus om empatie te toon, gaaf te wees en vir iemand diep om te gee. Mooi mense gebeur nie net nie, hulle word so GESLYP’ELISABETH KÜBLER-ROSS…

Vir hom & haar Chanel Eau Vive Eau de Parfum is ’n vars en verfrissende vroulike sitrusgeur met ’n hart van pomelo. Azzaro Pour Homme Eau de Parfum is ’n manlike, aromatiese houtgeur. R945 vir 100 ml. R1 165 vir 50 ml. Klassieke kleur Les Beiges Chanel is ’n natuurlike grimeerreeks wat Coco Chanel se liefde vir die Franse kus, ’n gunstelingkleur en haar liefde vir strepe versinnebeeld. Dis klassieke moet-hêitems vir enige Chanel-aanhanger. Les Beiges Healthy Glow Multi-Colour Mariniére SPF15 (R855). ‘Laat nestel liefde in jou hart. ’n Lewe daarsonder is soos ’n tuin sonder son waar die blomme verwelk’OSCAR WILDE NUUT OP DIE RAK 1 Lancôme Absolue Precious Oil Nourishing Luminous Oil bevat roosolie vir ’n stralende vel. R2030. 2 Beauty Fix Radiant Make-Up Finish Hydrating and Nourishing…

Met die moderne wetenskap en al ons tegnologiese vooruitgang gaan baie van die mensdom se oeroue kennis verlore. Soos dat ons vergeet het hoe gesond heuning kan wees. Dié vloeibare goud, wat so moeilik is om te oes, maar so bevredigend is om te geniet, pronk sedert die vroegste tye in moederaarde se skatkis. Egiptenare het dit gebruik om mummies te preserveer, en die antieke Grieke het dit as salf vir wonde gebruik. Vandag ontwikkel laboratoriums chemiese produkte vir ons gesondheidsprobleme, terwyl ons dikwels eintlik uit die koskas gedokter kan word. Maar in ’n era waar suiker en kalorieë vloekwoorde geword het, word heuning te dikwels oor dieselfde kam geskeer as gouestroop en witsuiker en afgemaak as iets wat bloot vet maak. Die waarheid is egter dat dit as supervoedsel…

Die woord “genade” kan maklik in ons gedagtes onder “kerk-les” geliasseer word. Totdat ’n mens op ’n dag probeer neerskryf wat genade alles vir jou behels. Dan word hierdie enkelbegrip ’n stroom ontdekkings wat soomloos deur jou lewe vloei. En heel dikwels lê dit juis in die dinge wat nié maklik is nie, maar ’n goeie uitkoms het; die dinge wat ons laat struikel en ons juis dan op ons knieë bring. Want genade is om te besef dat dit juis die uitdagings is wat jou laat groei. Dis om moeg by die huis te kom, maar tevrede te wees omdat jy jou talente en gawes kon uitleef. Genade is om kwaad te word en dan tog te kan vergewe; om met verhoudings te stoei, maar telkemale by versoening uit…

Die ding met ore is dat daar gewoonlik twee van hulle is. Twee ore en een mond. Pa Jan sê dis omdat jy twee keer meer moet luister as praat. As ek so na die soveelste nat badkamervloer kyk, die skoene en speelgoed wat steeds in die sitkamer rondlê, dan wonder ek sterk oor die funksionaliteit van daai ore. Boonop is ons in die Karoo geseën met stilte; daar kan nie ’n oormatige indruising van klank wees wat beteken die bevele van ouers kan nie gehoor word nie… Ek het mooi opgelet en begin wonder hoekom die mensdom nou eintlik so moeilik luister. Na mekaar, na God, na ons binneste. Die antwoord, glo ek, lê by die skaap. Hulle het baie swak sig maar kan baie goed hoor. Hulle kan…

Skemertyd, wanneer Pa van die werk af gekom het, het sy troppie opgetoë seunskinders hom gewoonlik op die hoek van ons kort doodloopstraatjie ingewag. Dan het die jongstes in die motor geklouter en die laaste entjie saam met Pa gery, terwyl die oudstes langs die motor gehardloop het – uitgelate soos jong kalwers. Elkeen vasbeslote om die motor te wen en eerste die randsteen voor die huis te raak. Een aand moes Pa na ’n vergadering gaan en hy het die motor buite op die inrypad gelos. Nadat die opgeruimde span die huis in is, het die jongste – skaars drie jaar oud – die motordeur oopgekry en agter die stuurwiel ingeklim. Waarskynlik met ’n groot gesukkel en nóg groter vasbeslotenheid. Om alleen agter Pa se stuurwiel te kan sit…

Hermien van der Merwe het eendag besluit sy wil Romeine 8 uit haar kop uit leer. En sy hét toe. Dis daardie pragtige, kragtige hoofstuk waarin Paulus die nuwe lewe in Christus so poëties verwoord: “…want die Gees van God woon in julle (vers 9)”. Hermien (42) is ’n woekerende kunstenaar wat in Durbanville bly saam met haar man, Roelf, ’n skoolkys, en hulle kinders, Carla (13), Mari (11) en Roelf (7). Wanneer sy in haar lugtige ateljee op die boonste verdieping van die gesin se huis werk, priem die teksverse omtrent deur haar kop. “Ek dink byvoorbeeld graag aan Ester. In die Bybel staan daar sy het juis vir ’n tyd koningin geword en haar doel op aarde was om die hele Jodedom van uitwissing te red. En dan…

’n Boodskap van hoop deur Karien Basson Vir dekades al deel die mense van Suid-Afrika ’n passie vir sport. Maar wat ons regtig saamsnoer, is die hoop wat in ons hart leef. Karien Basson bring hierdie twee eg Suid-Afrikaanse elemente saam in een inspirasieaanbieding. In ’n Boodskap van hoop deel vyftig sportsterre, onder andere Duane Vermeulen, Cornal Hendricks, LJ van Zyl, Eben Etzebeth en JP Duminy, wat hulle eintlike doel is – om ’n lewe te leef wat God sal verheerlik. Hulle deel teksverse wat hulle na aan die hart lê, bied persoonlike boodskappe aan lesers en dra die hoop uit wat hulle vir Suid-Afrika en sy mense koester. Die boek word afgerond met kleurfoto’s uit die sterre se persoonlike foto-albums en interessante sportfeite. ’n Boodskap van hoop…

Anna Koch (60) van Port Alfred is die September-wenner in ons Wys jou hart-fotowedstryd saam met Nikon in Suid-Afrika. Sy sê hulle tuin grens aan die gholfbaan waar sy dié oulike skildpadjie en sy sibbes gemerk het: “’n Hartjie op my doppie; daar geplaas deur Jesus. Ja, ons het baie hartjies en liefde nodig in hierdie stukkende wêreld!” WEN! Stuur vir ons jóú mooiste foto van enige hart! Elke maandwenner slaan ’n COOLPIX L320 van R1 600 los. Die algehele jaarwenner kry ’n Nikon D3200 DSLR-kamera plus 18-55mm VR-lens en kamera-opleiding van R7 100. Die tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton…

Kom word deel van ’n twee uur lange inspirasiesessie oor innerlike en uiterlike skoonheid saam met redakteur Christine Ferreira. Ons gaan gesels oor God se droom vir elkeen van ons, saam ontdek wat Sy Woord ons oor ware skoonheid leer, en opnuut uitvind hoe mooi ons in Sy oë is. Christine en ’n grimeerkunstenaar van Bobbi Brown gaan ook praktiese mooimaakraad en voorkomswenke deel en jou help om jou grimeerstyl nuut te bekyk. Hierdie is ’n lekker informele kuieroggend waar ons God se liefde vir elkeen van ons, Sy bemindes, gaan vier. SLEGS 8 GASTE PER SESSIE!  WAAR LééfSPA, Malibongwe-rylaan 77, Linden-uitbreiding, Johannesburg WANNEER Vrydag 2 Oktober 2015, 10:00-12:00 of 14:00-16:00 AANBIEDER Christine Ferreira, Lééf se redakteur en skoonheidsredakteur SPESIAAL ’n Grimeerkunstenaar van Bobbi Brown sal vir elke vrou persoonlike…

Dagboek 5 Kom kuier saam by die jaarlikse Genealogieen-Familie-erfenisfees en leer meer oor genealogiese navorsing en jou familie se stamboom. Daar is ’n teetuin en kosstalletjies asook boeke te koop. Atrium, Lynnwoodrif-gemeente, h/v Lanciastraat 269 en Hibiscusstraat, Lynnwoodrif, Pretoria. Koste: Gratis toegang tot die terrein. Kontak isabelg@mweb.co.za 5-6 Die NG gemeente Moreletapark in Pretoria hou konferensie vir oud en jonk met sprekers soos Tom Smith, Stephan Joubert, Norma Rossouw en Johan Smith. Die lofprysing word gelei deur Louis Brittz en KrissTel. Vanjaar se tema is Een God, een lewe, een kans. 012 997 8000 of e-pos konferensie@moreleta.co.za 22-27 Die CY Mark op die Welbeloondwynlandgoed aan die buitewyke van Durbanville beloof ’n inkopie-ervaring soos min. Toegang is R30 per persoon. Maandag tot Vrydag, 9:00-18:00; Saterdag, 9:00-17:00; Sondag 9:00-14:00. Vir meer inligting,…

Hoog in die noordelike gras-en-vleilande van Mpumalanga, in die hart van die distrik Chrissiesmeer, lê die pragtige plaas Florence. “Kom trou in ’n sandsteenskuur,” nooi hulle webwerf. Voor die Klipskuur waar groot bruilofsfeeste gevier word, troon ’n windpomp. Klipkaggel, sandsteenmure, sinkplaat, ’n soomlose same-smelting van die aardse en ’n tikkie Franse flair – dis wat ’n besoek hier spesiaal maak. “Die gebied rondom Chrissiesmeer het ’n sterk Skotse geskiedenis en talle plase het Skotse name,” vertel Ané Steinberg (55), wat saam met haar man, Nico (57), die Florence-gastehuis-en-troulokaal besit. “Florence het vir ons ook ’n Skotse klank, ’n vrou se naam, dink maar aan Florence Nightingale.” Die gastehuis het in 1997 geopen en organies gegroei tot agt kamers. “Al die plaasgeboutjies op die werf het kamers geword, en nadat die…

Elkeen van ons is op die naam geroep, sê die Skrif. Jou naam het betekenis en krag. Marietjie se naam beteken ’n getuie van oorwinning in Jesus Christus en dui op ’n suiwerheid van hart. gawe Marietjie het ’n beradingspraktyk en leer vroue meer oor die vrug van die Gees. Sy help hulle om God se Teenwoordigheid en plek in die gesin te verstaan. God het haar ’n vermoë gegee om goed te kommunikeer en netwerke te bou waar vroue met verskillende gawes deel kan word van die liggaam van Christus. Haar wens is om hierdeur nóg meer gebroke vroue te kan bedien. kleur Marietjie is self deur ’n helingsproses ná ’n lang woestyn-tyd. Sy moes eers in haar vlees “sterf ” om God se stem duidelik te kon hoor.…

‘Geur skep atmosfeer en verander emosies in ’n oogwink. Ek wou ’n reeks moderne geure skep wat iets persoonliks sê van die vrou wat dit dra,” sê Aerin Lauder oor haar nuwe reeks met vyf fyngeure. Elke eiesoortige geur verteenwoordig ’n aspek van Aerin se lewe en herinneringe. Gardenia Rattan spreek van die perfekte somersdag – die son wat warm skyn, ’n pragtige oseaan en vars blomme. Katjiepiering is een van die eerste geure wat Aerin uit haar kleintyd onthou en dit vorm die hart van dié geur. Tuberoos en amber gee Gardenia Rattan sagtheid en tekstuur. Amber Musk is ’n warm geur wat jou nooi om jou daarin toe te vou soos ’n sagte kombers op ’n koue aand. Dié geur bevat ’n mengsel van sensuele blomme, amber en…

Natuurlik! Gegeurde water is ’n lekker alternatief vir sap of koeldrank wat dikwels baie suiker, kleur-, geur- en preserveermiddels bevat. Inè Reynierse, skrywer van Low carb is lekker (Struik Lifestyle), sê jy kan dié bestanddele by 1-2 liter gewone of bruiswater voeg: Sitruswater: 5-6 suurlemoene of lemmetjies in dun skyfies gesny. Kruisement-en-komkommerwater: 8 skyfies komkommer en 1 takkie vars kruisement. Gemmer-en-lemoenwater: 2 skyfies vars gemmer en 3 skywe lemoen. Bloubessieen-roosmarynwater: 4 e (60 ml) bevrore bloubessies en 1 takkie vars roosmaryn. Nie(net)vir kinders nie! ’n Nuwe gier het die wêreld aan die gons: inkleurboeke vir volwassenes. Studies toon die brein van mense wat aan sulke kuns- of handwerk-aktiwiteite deelneem, bly langer skerp én dit kan die risiko verlaag om later dimensie te kry. Omdat inkleur verskeie dele van die brein…

Maandag Selfvoldaan? Lees 1 Petrus 5:5: “God weerstaan die hoogmoediges, maar aan die nederiges gee Hy genade.” Ondersoek jouself. Oor watter dinge in jou lewe voel jy meerderwaardig of selfvoldaan? Dalk jou goeie familie? Jou oulike kinders? Skryf hierdie dinge neer. Dinsdag Bely dit Moontlik voel jy nes die Fariseër wat gebid het: “O, God, ek dank U dat ek nie soos die ander mense is nie – rowers, onregverdiges, egbrekers – of ook nie soos hierdie tollenaar nie” (Lukas 18:11). Iemand wat só bid, verwar selftevredenheid met dankbaarheid. Delf diep. Bely jou hoogmoed. Woensdag Jesus, jou voorbeeld Toe Jesus Christus op aarde was, het Hy saam met die eenvoudigste mense en selfs die uitgeworpenes verkeer. Kyk met Christus se oë na ander. Ons moet doen wat Filippense 2:3 vra:…

Julle nuwe album is getiteld Drome . Het julle drome al waar geword? Jeanette: My droom was nog altyd om my passie vir musiek uit te leef en ’n verskil daardeur te maak; nou doen ek dit! Dis ook wonderlik om ’n mamma en vrou te kan wees vir ’n wonderlike man, Adriaan, en pragtige dogtertjie, Megan. Henk: Soveel van my eie drome het al waar geword: Ek wou nog altyd iets doen waar ek ander se lewe positief verander en ek dink ek doen dit deur musiek. Hoe maak God julle lewe heuningsoet? Jeanette: Hy wys op die kleinste maniere vir my hoe groot Hy is en dat Hy altyd naby is. Henk: God maak my lewe soet deur die mense wat Hy oor my pad…

Vir Trudi Kasselman, ’n plaaskind van Leeudoringstad wat haar vandag in die reukolie-bedryf bevind, is die geure wat aan haar kleintyd herinner waarskynlik dié van stof en modder waarin sy graag saam met haar twee broers, sussie en nefies gespeel het. Sy het “grootgeword tussen planne” (pa Pieter Ernst is ’n siviele ingenieur en ma Anéle Jonker was ’n gewilde aktrise in die jare sewentig) en het ná skool in dieselfde rigting as haar pa op Tukkies gaan studeer. Hoewel haar droom altyd was om damme te bou, iets vir mense te beteken en werk te verskaf, het Trudi haar bedenkinge gehad oor haar toekoms as vrou in die ingenieursbedryf. In haar derde jaar het sy besluit om eerder ’n B.Sc. in wiskundige wetenskappe te probeer. Maar iewers langs die…

'Ek was 22 jaar oud en in ’n koma ná ’n ernstige motorongeluk, gekoppel aan lewensondersteunende masjiene. Die dokters het gewonder hoe ek oorleef het: My heup was vergruis, my dybeen het in my baarmoeder ingesteek en afgebreek, my diafragma het geskeur, my lewer het geskuif, my longe het platgeval… In die hospitaal het ek ’n hemelse nadoodse ervaring gehad. God het vir my die keuse gegee: Bly, of gaan terug en gaan saai hoop. Ek het gekies om terug te kom, maar die pad vorentoe was allesbehalwe maklik. Ek was twee weke lank in ’n koma, twee maande in traksie in die hospitaal en nog tien maande daarna in ’n rolstoel. Ek moes weer leer loop en het my werk as ’n lugwaardin vir ’n buitelandse lugredery verloor. Tydens…

’n Vriendin is goud werd Partykeer wens ’n mens jy kan die tyd terugdraai. Terug na waar jy weer kan kies en dié keer reg kan kies. Sy het gebel en ’n boodskap op die antwoordmasjien gelos, maar ek het nie tyd gehad om terug te bel nie. Die pynlike waarheid is dat jou dae nie skroom om jou prioriteite te weerspieël nie. Maande later het ek vir haar ’n briefie gestuur. Sommer ’n notatjie om te sê hoe ek haar waardeer, haar mis en vir haar ’n stapeltjie boeke ook aangestuur. Hoe is haar hart, wou ek weet? Sy’t gewag tot die koring goud geword het voor sy geantwoord het. Haar boodskap was digitaal, net ’n paar piksels lank: “Jy is besig. Dit gaan goed met my. Seën vir…

1 Vier die lente met dié staal-blomhangertjie van Georgini. Vanaf R1 399. Bestel joune by www.georgini.co.za 2 Tooi jou tafel met ’n draadmandjie vol blomme. Bestel by Juané Scheepers van A seed to sow by 082 956 5748. R75. 3 Haute Cabrière Pierre Jourdan Ratafia het ’n ryk heuningsmaak en kan voor of ná ete bedien word. R80. 4 Avianto Estate in Muldersdrift is lieflik en herinner aan die Italiaanse platteland – dis die ideale plek om jou droomtroue of -onthaal te hou. Gaan loer wat daar alles is by www.avianto.co.za 5 Kies Grand Provence in Franschhoek vir ’n romantiese wegbreek vir twee. Oornag by The Owner’s Cottage – dis luuks en privaat. Bespreek by www.grandprovence.co.za of skakel Vera Alberts by 021 876 8600 of stuur ’n e-pos na ownerscottage@grandeprovence.co.za…

Dagstukkies vir klein hartjies deur Wendy Maartens Laat jou kleinding sommer vroeg leer hoe belangrik dit is om God se wonderwêreld daagliks saam met Hom te verken. Wendy Maartens se Dagstukkies vir klein hartjies se 50 oordenkings en interaktiewe illustrasies leer kinders om elke dag stil te word by God terwyl hulle leer om dít wat in die Bybel staan, deel te maak van hulle lewe. Die rakprys is R149,95. Lééf-lesers kry egter ’n volle 10% afslag. Neem jou September-uitgawe na jou naaste CUM-boekwinkel om te kwalifiseer. Kyk uit vir die Lééf-keuseboekplakker. Geldig tot 30 September 2015. Lééf luister na... Grace through the wandering Aaron Gillespie Aaron was die tromspeler vir die post-hardcore- groep Underoath, en slaan tans op toer tromme vir die rockgroep Paramore. Tussendeur is hy sanger en…

1 Dinsdag JZ LZK GOED! Dit seën my as iemand vir my sê ek lyk goed, of my komplimenteer oor iets wat ek gedoen het. Maak my vandag ook ’n seën vir ander, Here! Amen. 2 Woensdag ’N DRUKKIE GEE Dit seën my as my maat my ’n drukkie gee, ’n mooi boodskappie stuur of sê hy het my lief. Maak my vandag ook ’n seën vir hom, Here! Amen. 3 Donderdag AS KINDERS PROBEER Dit seën my as my kinders my in ag neem en op hulle manier probeer om te doen wat ek verwag. Maak my vandag ook ’n seën vir hulle, Here! Amen. 4 Vrydag IN DIE STRATE Dit seën my as mense bedagsaam in die verkeer optree of vriendelik groet. Maak my vandag ook ’n seën…