Inhaltsverzeichnis für 20 November 2025 in Kuier

In ons huis is dit al soos 'n ritueel om saam Suidooster te kyk. Saans as ek en my man eers die kleingoed klaar reggemaak het vir bed, is dit ons beurt om 'n bietjie voor die TV te ontspan. En as daai eerste note van die gewilde Kaapse sepie Suidooster se temaliedjie wegtrek, weet jy al dis nou weer tyd vir die lief en leed van Ruiterbosch en sy mense. Dié sepie se storielyne oor die jare het ons al by tye oopmond laat sit – én ons bloeddruk erg opgestoot! Net as jy dink Zeempie het 'n nuwe blaadjie omgeslaan, begin hy weer met sy gekonkel. AB se skokdood het kykers vir 'n ses geslaan. En die tonge het behoorlik geklap toe die upstairs Bridgette 'n Ben 10…

SIMONE BISCOMBE (41) Met haar spontane geaardheid het Simone oor 10 jaar kykers bekoor as die geliefde Bianca in Suidooster. Sy het 'n graad in drama en het vir agt jaar gevryskut in die bedryf, tot sy later deur 'n Gumtree-advertensie-kontak voorgestel is vir 'n oudisie vir die rol van Bianca … Hoe het jy in die rol beland? Voor Suidooster het ek radio-, verhoogen kamera-ervaring opgebou. Ek het eendag op Gumtree gesien daar's 'n advertensie vir corporate werk by Shopritetakke, maar nie geweet wat dit behels nie. Ek't toe vir die oudisie gegaan en hulle sê toe ons moet soos narre aantrek en dan na verskillende takke gaan en mense entertain en stationery uitdeel. Ons was in spanne en ek's toe eendag met iemand van die Paarl in 'n…

Toe sy hulle haar naam as Mej. Suid-Afrika 2025 hoor uitroep, het dit gevoel asof sy haar suster se onvoltooide droom leef om die land se top skoonheidskompetisietitel te verower. Net twee jaar tevore het Qhawekazi Mazaleni se ouer sussie Homba die nasie betower en die top vyf in die Mej. SA-kompetisie gehaal. Toe die 24-jarige Qhawekazi onlangs by die glansryke geleentheid in Pretoria gekroon is, het sy geglo sy sit haar familie se skoonheidskompetisie-storie voort. “Om my suster se reis te aanskou, was pragtig,” sê Qhawekazi. “Sy het groot idees in bruikbare stappe omskep – die soort selfontwikkeling waarna ek gesmag het. “Ek het ingestap en gedink: ‘Ek wil 'n beter mens uitkom as wat ek ingestap het, ongeag die uitkoms.’” Dis 'n filosofie wat perfek aansluit by die…

LOS EN KAS Vrystaande meubels is gewild vir kombuise met 'n rustic feel soos dié een, maar dit kan vir enige styl aangepas word – van industrieel (dink sluitkas-tipe kaste) tot maksimalisties (dink kleurvolle bal-en-klou). As jy plek het, kan jy unieke stukke tussen ingeboude kaste inwerk. MOOI VASGEPEN Hoekom bêre jy jou koekieplate en ander bakgereedskap diep in 'n kas weg as jy dit gereeld gebruik? Veelsydige pennetjieborde maak muurruimte beskikbaar waaraan jy noodsaaklike kombuisitems netjies kan rangskik. Dis ideaal vir 'n klein kombuis. MAAK MEER VAN MURE Het jy 'n klein kombuis? Kyk of jy onbenutte muurruimte het waarteen jy rakke kan opsit. Ons hou baie van die rakke bo die deurraam in dié kombuis. OP 'N STOKKIE 'n Enkele staaf het hangplek vir 'n verskeidenheid items. Dit…

JOU GINEKOLOGIESE GESONDHEID Studies wys 77% van vroue het ginekologiese probleme. Hoe vaar jy? 1. Is jou maandstondes vandag nog dieselfde as wat dit altyd was? Ja: 1 punt Nee: 0 punte As maandstondes swaarder, ligter of seerder word, kan dit op menopouse of probleme soos fibroma of poliepe dui. 2. Meng jou maandstondes met jou lewe in? Ja: 0 punte Nee: 1 punt Onder vroue sê 46% hul maandstonde het al verhoed dat hulle aan sport deelneem, terwyl 40% sê dit het gesinsaktiwiteite verhoed. Voorbehoedmiddels en ander medisyne kan help met baie pynlike of swaar maandstondes, of dit selfs uitstel. 3. Lek daar ooit 'n bietjie urine uit wanneer jy hoes, nies, lag of oefen? Ja: 0 punte Nee: 1 punt As jy “ja” geantwoord het, beteken dit jou…

Ansa verseker ons dat alles nie verlore is nie. Met bewuste leiding kan ouers hul dogters help om geanker te bly in wie hulle werklik is, eerder as in die samelewing se noue definisies van wie hulle behoort te wees. Bou bande eerder as beheer. Jy kan nie – en behoort nie – jou dogter in borrelplastiek toe te draai nie. Om sosiale media heeltemal te verbied of haar van vriende te isoleer, is nie realisties of doeltreffend nie. Fokus eerder om jou band met haar te versterk. Gesels oop, eerlik en sonder oordeel oor wat sy aanlyn, in winkels en onder haar maats sien. Help haar om krities te dink oor die boodskappe agter wat bevorder word, eerder as om haar bloot daarvan te beskerm. Vier wie sy is,…

NR.206 aanvang aftrekking atleties berg betalend bloedrooi collage deling deurspek droogvoets dubbeltjie edelvalk erewag essensieel fluister frustrasie gadeslaan genetika gespe halsband hertog hoogstens instorm invalide joernaal jongspan kabinet karavaanpark loergaatjie loper manalleen melktand nadruklik nasien onderdeel opknap oseaan potlood pragtig rekonstruksie ruskamer sandkuil senaat tuinbou twyfel uitval vaderlik vergelyk wakker wonderskoon OPLOSSING VERSKYN IN DIE UITGAWE VAN 4 DESEMBER 2025. SOEK VIR DIE SPELETJIENOMMER.…

Baie van ons leef meer vir ander as vir onsself. Ek het dit ook gedoen, en toe tref 'n trauma my wat die mat onder my voete uitgeruk het. Journaling het my gehelp om my lae een vir een af te skil totdat ek besef het: Ek is meer as net die rolle wat ek speel. Vandag is ek weer myself en dit voel bevrydend! Die koue houtbank onder my in die hofsaal het harder gevoel as wat dit sekerlik was. Daar sit ek, opgedollie. In my gedagte: As my wêreld dan nou in duie moet stort, moet ek ten minste oulik lyk, reg? My hande het sweterig geklou aan 'n stuk papier met woorde op wat ek nou moes herhaal aan 'n “edelagbare”, maar dit was eintlik my hart…

“Reuben en sy hartsmense”, 6 November My gunstelingsjef. Sal hom so graag wil ontmoet. MARION Sterkte en gebede vir jou en al jou geliefdes. Mag (jou broer) se siel in ewige vrede rus. JESS “Ons lesers vertel …”, 6 November Ons eie Wellingtonse kind. Geniet jou gawe Magdalena (Hendricks). Jy bespeel die klavier seker teen dié tyd ook goed. HESTER Pragtig, mevrou. Solank u dit geniet. Die niksdoen tuis en rondlê sal u siek maak. PIET “Skemergrond se Mario Haupt maak hart oop”, 23 Oktober Hou jou kop hoog! Moenie toelaat dat jy aan die donkerte se genade toegee nie. Jy is gebore vir die tyd van oorwinning. Jesus sal jou verder dra. Sy genade en liefde is vir ons genoeg. Alle sukses op jou loopbaan vorentoe! ESME Soveel volwassenes,…

Die pragtige en selfversekerde vrou wat vandag op die verhoog verskyn in skoonheidskompetisies en ander bemoedig deur haar eie lewenslesse, het nie oornag só geraak nie. “As ek vandag terugkyk, sien ek God se vingerafdrukke op elke bladsy van my lewensverhaal. Die geslote deure, die divine delays, die onverwagte ompaaie – dit het alles na beter gelei,” sê Samantha Gillion (41) van Hawston in die Wes-Kaap. Dié ma van twee en top 30-finalis in die Mev. Suid-Afrika-kompetisie is die lewende bewys van hoe Jesus haar anker en groot liefde geword het. Só vertel sy in haar boek, Love Says. Dís vir 'n jong vrou of meisie wat dalk, net soos sy, as kind nodig gehad het om hul waarde in God te ontdek. En vir elke kopie wat sy verkoop,…

MAKLIKE TJOKLITKOEK Genoeg vir 10 mense BESTANDDELE botter, vir smeer 90 g almond flour 90 g cocoa-poeier 2 teelepels bakpoeier 1 teelepel koeksoda ½ teelepel sout 4 eiers 1 koppie olyfolie 120 g xylitol 2 teelepels vanilla essence gerasperde skil van 1 lemoen ¾ koppie sterk swart koffie, kokend warm Tjoklit icing ⅓ koppie botter, saggemaak ⅔ koppie roomkaas ½ koppie room 1 teelepel vanilla essence 3 eetlepels xylitol, fyngemaal 2 eetlepels cocoa-poeier 'n knippie kaneel METODE Voorverhit die oond tot 160°C. Smeer 'n losboom-koekpan met 'n 17 cm-deursnee met botter en voer dit met bakpapier uit. Giet die beslag in die voorbereide koekpan en bak vir 40-45 minute, of tot 'n toetspen wat ingesteek word, byna skoon uitkom (die koek is baie klam, so daar sal 'n paar krummels…

1 Is ek geregtig op 'n bonus? Volgens die Suid-Afrikaanse Wet op Arbeidsbetrekkinge is geen werknemer geregtig op 'n bonus nie, tensy dit in jou indiensnemingskontrak uiteengesit word en jy aan die vereistes in jou kontrak voldoen. 2 Hoe kan ek aankope prakties beperk? Gaan alleen winkels toe en hou by jou inkopielys. Moenie jou kinders of vriende saamneem nie; hulle laat jou meer koop. 3 Hoe leer ek my tiener om nie dadelik al sy sakgeld te blaas nie? Wys ouer kinders hoe om 'n begroting op te stel. Aan die einde van 'n maand kan julle saam kyk na die geld wat hulle gekry, bestee of gespaar het. 4 Spaar ek met internetaankope? Vergelyk altyd die pryse met tradisionele winkels s'n. Maar dit spaar jou beslis die rondryery, jy…

VRAAG: Watter animasiemaker het die meeste Oscars tot nog toe ontvang, met'n allemintige 26 agter sy naam? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 24 Desember 2025. SMS/R1,50. Die oplossing verskyn in die uitgawe van 15 Januarie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 24 DESEMBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Het jy al iemand gesien en by jouself gedink die persoon lyk darem vreeslik bekend, maar jy kan voor jou siel nie uitwerk van waar jy die persoon ken nie? Of jy dink, “vir jou het ek al iewers raakgeloop”, maar wáár? Dit gebeur gereeld met my. In die verlede het ek my daarop geroem dat ek nooit gesigte vergeet nie, maak nie saak of ek jou 20 jaar laas gesien het nie. Of net 'n vlietende interaksie met jou gehad het nie, ek sou jou gesig onthou. Deesdae raak dit vir my ál moeiliker om te onthou hoe en waar ek 'n gesig al gesien het. Ek stel my sommer voor aan mense met wie ek al gekuier het, tot groot verleentheid van my vrou. (Ter versagting wil ek…

Stel jou voor jy aanskou hoe mense vermoor word en neem dan eendag die dapper stap om teen die skuldiges in een voorval te getuig, net om uiteindelik gedwing te word om te vlug vir jóú lewe en al jou dierbares agter te laat om oorsee te gaan woon. Dit klink soos iets uit 'n misdaadriller, maar vir die aktivis Roegshanda Pascoe (51) is dit die hartseer werklikheid. Sy en haar familie het jare lank in vrees in hul huis in die bendegeteisterde Manenberg op die Kaapse Vlakte geleef. Sy onthou die eerste skietvoorval soos gister. Dit was op 23 Desember 2013. Haar oudste dogter (nou 27), was toe 15 en tuis toe hulle skiet. 'n Dwaalkoeël, wat vir haar ma bedoel was, het haar getref. In 2019 was dit…

Vir haar HANDIG Gee vir die vrou of vriendin in jou lewe dié stylvolle, kompakte handsakkie waarin sy al haar essentials kan bêre sonder om te swaar te dra. Dis ook beskikbaar in beige en swart. BOEKWURM As sy hou van opkrul met 'n boek, gee vir haar ure se leesgenot met 'n boek of twee. Dié versameling Jane Austenromans se ontwerp is mooi, dis goedkoop en dit pas boonop in haar handsak. Dis te koop as individuele boeke of per stel. GROEN VINGERS Dié oulike kontrepsie maak seker jou tuin of potplante kry genoeg water. Die gepunte deel wat in die grond kom is gemaak van terracotta, wat verseker die water word geleidelik in die grond vrygestel. Beskikbaar in blou of perskekleur. SOETE BEDERF Vergeet van Durban toe, dié…

Hy's pal online besig Vraag OP VAN DOOMSCROLLER Antie, my man doomscroll gedurig en die gevolg is dat hy nou in gesprekke al hierdie topics wil deel met mense as ons kuier. Van die onderwerpe is interessant en lei tot lekker geselsies, maar soms vat hy dit te ver. Veral met die conspiracy theories oor byvoorbeeld die moon landing “wat nooit gebeur het nie”, en vele ander. Hoe kan ek dit stopsit sonder om hom te laat voel ek beperk 'n deel van sy personality? Ek love sy honger vir leer oor als, maar dit ruk handuit en soms verloop ure. Hy kyk nie eens meer TV saam met my nie. ANONIEM Antwoord BESTE ANONIEM Dit kan mense afsit as iemand die heeltyd sy insae oor conspiracy theories deel. Dit…

Jy is by die winkel op soek na iets ouliks, ouderdomsgepas en stemmig vir jou dogtertjie. Maar elke rak vertel 'n ander storie, en elke winkel het dieselfde soort goed. Die rokke sit styf, die toppies is kort of het uitsnyJsels, en die slogans klink meer geskik vir'n jong vrou as'n kind. Jy loop gefrustreerd weg en wonder wanneer kinderklere opgehou het om vir kinders te wees. Dis presies hoe Lenina Rassool, ma van 'n 11-jarige dogter, onlangs gevoel het. “Ek wou net iets prakties en gemakliks hê vir my dogter om te dra. Die eerste ding wat ek opgemerk het aan die winkelpoppe was hierdie stywe rokke met dun bandjies – die soort item wat jy sou verwag om'n grootmens of tiener te sien dra.” Lenina,'n joernalis en vroueregte-aktivis van…