Inhaltsverzeichnis für January 2017 in Idees

Ek het nog altyd geglo as daar een gegewe in die lewe is, is dit dat dinge verander. In ons wêreld van tydskrifte behoort dit in vet letters bo-aan jou lysie van persoonlikheidseienskappe te staan: ‘Ek hanteer verandering goed.’ Of dalk selfs: ‘Ek verwelkom verandering met ope arms.’ Want hier verander dinge vinnig. Binne net tien jaar moes ons leer klaarkom met minder as ’n kwart van die mense as wat ons voorheen gehad het, ons hou markte, maak selfdoenvideo’s, gee ’n weeklikse digitale nuusbrief uit, bly daagliks in kontak op sosiale media én ons het onlangs ons eie televisiereeks, ’n Ster vir my bed, getakel. En ek kla nie, want dis alles opwindend en nuut en hoofsaaklik heerlik. Niks soos ’n uitdaging om ’n mens jonk en op jou…

Villiers is ’n klein dorpie op die oewer van die Vaalrivier, net-net in die Vrystaat op die grens met Mpumalanga. Hier op die plaas Oscardale woon Magda Deysel in haar sjarmante prêrie-styl huis saam met haar man, Frans. Hul seun Coenraad boer op die nabygeleë plaas Sweethome waar die ‘rooi huisie’ se deure vir gaste oop is. Magda het onlangs teruggekeer na die plaas nadat sy 25 jaar op Heidelberg in Gauteng gewoon het. Dis ook waar hulle seun Francois en sy vrou en kinders steeds woon. Die derde seun, Emile, gaan hom binnekort by hulle aansluit om te boer. Magda se groot liefde is om ou huise te restoureer en weer mooi te maak. Só het sy die ou pastorie op Heidelberg in ’n gastehuis omskep, en in die…

MOEILIKHEIDSGRAAD: die borduursteke self is maklik, maar die tekkie is baie dik op plekke én dis nogal moeilik om binne-in te borduur TYD: naweekprojek JY BENODIG ♥ gewone wit seiltekkies ♥ borduurpatroon (sien bladsy 40 vir die steke wat ons gebruik het) ♥ kwilterspotlood of materiaalmerkpen ♥ stringborduurgare in die kleure van jou keuse ♥ borduurnaald met ’n skerp punt ♥ vingerhoed (opsioneel) ♥ bypassende veters SO MAAK JY 1 Gebruik ’n kwilterspotlood of materiaalmerkpen om die patroon van jou keuse op die tekkies te teken. Maak seker dit is dieselfde op albei tekkies en besluit vooraf watter kleure en steke jy vir jou patroon gaan gebruik. 2 Borduur die patroon op die tekkies met drie draadjies borduurgare in die kleure en steke van jou keuse. Vir ons tekkies het…

MAKLIKE GEBAKTE VIS Hierdie is ’n wonderbaarlik maklike resep: Dit smaak fantasties en vat net ’n paar minute om te berei en gaar te maak. Die groot geheim van lekker vis is om dit nooit oorgaar te maak nie. Vis word baie vinnig gaar – dit is reg sodra die vleis wit is en maklik vlok. Genoeg vir: 4 Bereidingstyd: 20 minute Gaarmaaktyd: 20 minute ♥ 15 ml fyngerasperde vars gemmer ♥ 2 knoffelhuisies, fyngedruk ♥ 1 vars brandrissie, in dun ringetjies gesny ♥ 10 ml grondboon- of sonneblomolie ♥ 30 ml sojasous ♥ 20 ml vars suurlemoen- of lemmetjiesap ♥ 2 ml bruinsuiker ♥ 1 steel sitroengras, in stukke gesny en gekneus ♥ 1 rooi en 1 geel soetrissie, pitte verwyder en in repies gesny ♥ 250 g knopiesampioene,…

BOLSTERKUSSINGS MOEILIKHEIDSGRAAD: redelik maklik TYD: 3-4 uur per kussing JY BENODIG (VIR 2 KUSSINGS) ♥ 60 x 150 cm-stuk stewige katoenmateriaal met fyn strepies ♥ 60 x 150 cm geruite katoenmateriaal ♥ 2,25 cm wit kant ♥ 2 m smal wit lint ♥ 1,5 m wit katoenmateriaal vir binnekussings ♥ poliësterstopsel ♥ ’n merkpen wat weer later verdwyn (dis van groot hulp) SO KNIP JY OORTREKSELS: Knip twee reghoeke – een van geruite materiaal en een van strepiesmateriaal – van 60 x 56 cm; vier stroke vir valletjies – twee geruit en twee met strepies – van omtrent 84 x 10 cm elk; vier endstroke, twee geruit en twee met strepies, van omtrent 56 x 22 cm elk; en vier stukke kant van 56 cm elk. BINNEKUSSINGS: Knip twee reghoeke…

Ek het onlangs ’n skerpskertsvertoning – beter bekend as ’n stand-up show – by die Cape Town Comedy Club bygewoon waar my maagspiere tot die uiterste beproef is. So tussen die lagbuie deur het ek heeltemal vergeet van al die swaar, ernstige dinge van my wilde week, maar wel onthou watter belangrike rol humor op ’n daaglikse grondslag in ons lewe speel. Boonop is ons in die gelukkige posisie dat ons ’n magdom opsies het om die ligter kant van die lewe in ons huis en kantoor in te nooi. Humor is ’n kragtige stuk gereedskap om ’n saai lewe in sy peetjie te stuur, en as jy ongeïnspireerd voel op kantoor, kan jy jou altyd tot die internet wend: Daar sal jy ’n stortvloed selfdoenhandleidings aantref – party fantasties,…

1 EN 3. SKILMESSE dié klein skerp messies, ook bekend as paring knives, het ’n gladderand-lem wat reguit of geboë kan wees. Jy gebruik dit om vrugte en groente te sny of af te skil, of om fyner takies af te handel, soos om brandrissies se saad uit te skraap en groente of garnerings te sny. 2. SITRUSSKILLER ’n Zester het ’n kort stomppuntlem met vyf gaatjies. Jy trek dit oor die skil van sitrusvrugte om dun repies skil (sonder enige bitter wit skil) af te skraap. die repies kan in sout geregte, nagereg of gebak gebruik word om ’n sitrusgeur te gee, of as garnering. 4. SPANSPEKLEPEL Jy gebruik dié klein skeplepels om bolletjies uit spanspek of komkommer te sny. dié bolletjies kan in nageregte of slaaie of as…

WES-KAAP 6-7 Januarie Die L’Ormarins Queen’s Plate word by die Kenilworth-renbaan in Kaapstad gehou. Tof jou op in blou en wit en neem deel aan die kompetisie vir die besgeklede paartjie of die beste hoed. Geniet heerlike wyn en kos asook ’n partytjie ná al die perdepret. Kaartjies by Computicket, of besoek lqp.co.za vir meer inligting. 10, 17, 20 & 31 Januarie Begin die nuwe jaar op ’n kreatiewe noot en skryf in vir een van Ginger & Lime in Fresnaye se kookkursusse, wat insluit Mediterreense cuisine, seisoenale somerkos, maklike onthaalkos en Thaise geregte. Die kursusse kos R650 per persoon en sluit resepte en drankies in. Meer inligting: gingerandlime.co.za. 12 & 13 Januarie Leer om brood te bak saam met die sjef Pieter de Jager by Leopard’s Leap buite Franschhoek…

chocolateforbasil.com ‘As die titel van Jerrelle Guy se blog nie klaar jou mond laat water nie, sal die kosfoto’s beslis daarin slaag,’ skryf The Improper Bostonian. Jerrelle se lewensmaat, eric Harrison, is ’n vegetariër en sy gebruik die blog om haar kosavonture en -eksperimente soos patatsamoesas en rou suurlemoenmeringuetert met borrie aan te teken. ‘Voeg daarby haar foto’s en jy het die perfekte bestanddele vir die versameling watertand resepte op haar blog en elektroniese nuusbrief.’ theshabbycreekcottage.com Jy sal Gina Luker gewoonlik met ’n boor in die een hand en ’n skemerkelkie in die ander aantref terwyl sy tussendeur blog. Sy is verslaaf aan koffie, polkakolle, rocksterre, Instagram en akwa in al sy gedaantes. Gina en haar man is sedert 2009 besig om die huis waarin sy grootgeword het, oor te…

Met behulp van ’n slim selkommunikator, ’n flukse bio-identiese handlanger en ’n kragtige antioksidant kan jy jou vel ’n hupstoot gee op die suksespad na teenveroudering. Sorg dat jou vel elke dag ’n dosis van elkeen kry. Byvoorbeeld: serums met hialuronsuur en vitamien C soggens, laag op laag, en retinol saans, gevolg deur dag- of nagroom. HIALURONSUUR: BIO-IDENTIES WAT DOEN DIT? Hialuronsuur (HA) is die enigste molekule wat die vel kan opplomp. Dit is ’n vel-identiese bestanddeel, wat beteken dit kom natuurlik in die vel voor. Al ooit gewonder hoekom ’n pasgebore baba so ’n perfekte vel het? Omdat hy of sy vir nege maande in amniotiese vloeistof – wat ’n baie hoë konsentrasie van HA bevat – geleef het. HOE WERK DIT? Die rol van HA is om watermolekules…

MOEILIKHEIDSGRAAD: maklik TYD: 5 uur, plus droogtyd JY BENODIG ♥ 10 cm-koek (resep op die oorkantste bladsy) ♥ botterversiersel (resep op die oorkantste bladsy) ♥ omtrent 200 g wit fondant ♥ ’n potjie goudpoeier ♥ kleurlose alkohol ♥ verfkwas ♥ mielieblom ♥ koekroller ♥ groot, skerp mes ♥ verseëlbare sak Maak die konfetti twee dae voor jy die koek wil versier. Rol ’n sesde van die fondant 1 mm dik uit op ’n oppervlak wat met mielieblom bestrooi is. Laat dit staan om uit te droog terwyl jy nog fondant uitrol. Sif genoeg mielieblom oor en gebruik ’n groot, skerp mes om dit in dun repies te sny – druk die mes in een stewige beweging af in die fondant. Draai die repe om en sny dit dwarsoor in klein…

DEURHANDVATSELS MOEILIKHEIDSGRAAD: uitdagend TYD: 2 uur Gebruik deurhandvatsels wat op ’n klein houtdeurtjie gemonteer is as uitstalplek vir jou sleutels. Ons het tweedehandse deurhandvatsels met ’n laag Rust-Oleum-kalkverf bedek – onthou net om die handvatsels eers deeglik skoon te maak voor jy dit verf. Pak die handvatsels op die houtdeur uit. Trek ’n lyn om die handvatsels en merk die sleutelgate sodra jy gelukkig is met die komposisie. Verwyder die handvatsels en boor die sleutelgate op die merke wat jy gemaak het. Pak die handvatsels terug op die bord en skroef dit vas. Ons het ook ’n paar vintage-skêre bygevoeg vir ’n prettige element. BOTTELBEKKE MOEILIKHEIDSGRAAD: maklik TYD: 5 minute Stal sleutels en ou skêre uit in die bek van vintage-bottels van verskillende groottes en vorms. Jy kan die bottels…

SHABBYSJIEK TAFEL MOEILIKHEIDSGRAAD: gemiddeld TYD: 1-2 dae (sluit droogtyd in) KALKVERF Kalkverf (chalk paint) is ’n dekoratiewe verf met ’n dowwe afwerking, wat dit ideaal maak om vir verweringstegnieke in te span, maar jy kan ook gewone waterbasis-emaljeverf (sien bladsy 82) gebruik. JY BENODIG ♥ kalkverf in twee kleure: een vir die basislaag en een vir die bolaag ♥ verfkwaste ♥ suikerseep ♥ kers ♥ verfskraper ♥ growwe skuurpapier ♥ waks vir kalkverf, of gebruik ’n kleurlose meubelvernis Was die hele meubelstuk met suikerseep en laat dit heeltemal droog word. Verf die meubelstuk met die kalkverf wat jy vir jou basiskleur gekies het, met ander woorde met die kleur wat onder die boonste laag verf gaan wys wanneer jy die verweringstegniek doen. Laat dit droog word en verf nog ’n…

Het jy nuus wat jy op sosiale media wil deel? ’n Video kan ’n baie meer persoonlike opsie wees – ’n opname van jou kreatiewe proses voel immers meer eg as gestileerde foto’s. Kykers voel of hulle deel is van die aksie, en as jy ’n handwerker of blogger is, kan dit dalk net mense aanmoedig om jou werk te ondersteun. Dalk gebruik jy lankal Instagram om jou projekte of produkte te deel, maar met ’n video kan jy ook ’n vinnige demonstrasie lewer of wys wat agter die skerms gebeur. Jy kan video’s van tot 60 sekondes op Instagram maak of bestaande materiaal oplaai, maar video’s op jou rekenaar sal eers na jou foon oorgedra moet word. Van daar af kan jy enige grootte lêer gebruik omdat Instagram dit…

Die tipografiese term ‘sans serif’ beteken letterlik ‘sonder skreef’, afgelei van die Franse woorde ‘sans’ (wat ‘sonder’ beteken) en ‘serif’ (wat verwys na daardie klein strepies of krulletjies aan die begin en einde van sommige letters). Sanserif is ook die naam van ’n splinternuwe onderneming van die Stellenbosse entrepreneur Lizl Burger. Lizl se produkte, ’n treffende, minimalistiese reeks sakke, notaboeke en kalenders met tipografiese elemente, is net so sonder frille en fieterjasies soos die naam aandui. Trouens, die slagspreuk wat op haar webblad pryk, is: ‘Eenvoud is die toppunt van gesofistikeerdheid’ (‘Simplicity is die ultimate sophistication’). Selfs die produkkleure is beperk tot swart, wit, bruin of grys, met net enkele spatsels kleur. Lizl het byna 15 jaar lank as ’n grafiese ontwerper en kunshoof gewerk vir groot maatskappye. Dit was…

Dis die voorblad (haar voorkoms) wat jy eerste raaksien en wat jou nader trek… Dan maak jy haar oop en sien al haar detail, haar kleurrykheid, haar persoonlikheid. Sy is nooit dieselfde nie; met elke weergawe is daar ’n diepte wat jy nog nie leer ken het nie. Jy begin haar verstaan, haar waardeer en haar liefkry. Sy word ’n ouma met al haar wysheid, ’n ma met al haar kennis, en ’n vriendin met al haar ondersteuning. En dan besef jy jy sal haar nooit kan los nie, want sonder haar is jou lewe swart-en-wit, verbeeldingloos… Maand ná maand leer ken ek ’n nuwe vrou en verwelkom haar in my lewe. Ek blaai haar eers deur, vinnig, en my oë dans op die blaaie wat voor my flits. Hoek…

Trap mooi Ons kan nie ophou staar na dié pragtige skoene nie! Chocolaticas word ontwerp deur die Venezolane Carolina Aguerrevere en Pablo Martinez en word gemaak van ‘geheueskuim’ (memory foam), wat beteken dis duursaam én wasbaar. Tilla & Jacob, ’n dekorwinkel in Kroonstad, is die alleenverspreider in Suid-Afrika. • Maak ’n draai by Hillstraat 20 of besoek tillaenjacob.co.za om jou gunstelingpaar te koop. BEPLAN JOU JAAR Hierdie jaarbeplanner-cumnotaboek wat jy enige jaar kan gebruik, sal jou help om jou lewe in orde te kry, en danksy die 12 maande sonder spesifieke datums kan jy dit letterlik enige tyd van die jaar begin gebruik. Die binneblaaie is ontwerp om minimalisties en elegant te wees met hope ruimte waar jy kan skryf, teken of in detail beplan. Die blommekunswerk op die voorblad…

JEANS MET ROOSDETAIL Kikker jeans op met mooi sakke en laat dit lyk na ’n ontwerperspaar. MOEILIKHEIDSGRAAD: maklik TYD: 1 uur JY BENODIG ♥ jeans ♥ oorskietmateriaal met borduurwerk ♥ stywe aanstryktussenvoering ♥ bypassende masjiengare ♥ materiaalmerkpen SO MAAK JY 1 Torring die jeans se sakke los. Stryk stywe tussenvoering vas aan die verkeerde kant van die materiaal vir die nuwe sakke. 2 Merk met die sak wat jy losgetorring het die sakpatroon op die verkeerde kant van jou materiaal. Tel 1 cm rondom by vir die naattoelatings. Knip die sak uit, vou die naattoelatings rondom na die verkeerde kant om en stryk dit in posisie. 3 Speld die sakke op die jeans vas – maak seker dit stem ooreen met die plek waar die sak voorheen was sodat daar…

WAT IS ’N SMOOTHIEBAKKIE? Smoothiebakkies is soos smoothies – net lekkerder! – en boonop regtig maklik om te maak: Jy gooi eenvoudig alles in ’n versapper of smoothiemaker en rond dit af met ’n verskeidenheid bestanddele van jou keuse. Smoothiebakkies is dikker as gewone smoothies en kan met ’n lepel geëet pleks van gedrink word. Jy kan ook allerlei kraaklekker bolae byvoeg wat dit meer vullend maak (en ook sommer lekkerder om na te kyk). Vir die beste resultate moet jy die vrugte en van die vloeistof voor die tyd vries. Skil die vrugte af en sit dit in verseëlbare sakkies in die vrieskas. Veral piesangs en bessies vries baie goed. Gooi vloeistowwe soos jogurt, vrugtesap en amandel- of klappermelk in ysbakkies om te vries. Deur meer bevrore bestanddele by…

MAAK: 1 koek van 10 cm en nog 1 van 15 cm BEREIDINGSTYD: 15 minute BAKTYD: 20-30 minute OONDTEMPERATUUR: 180o C SJOKOLADELIKEURKOEK ♥ 4 groot eiers ♥ 150 g Huletts Castor Sugar ♥ 250 g Huletts Treacle Sugar ♥ 330 g koekmeel ♥ 50 g kakaopoeier ♥ 20 ml bakpoeier ♥ 250 ml warm melk ♥ 125 g gesmelte botter ♥ 20 ml vanieljegeursel of 10 ml elk vanielje- en haselneutgeursel STROOP ♥ 100 ml Huletts Castor Sugar ♥ 100 ml Frangelico-likeur VERSIERSEL ♥ 250 g sagte botter ♥ 500 g Huletts Icing Sugar ♥ 15 ml kookwater 1 Gebruik ’n staanmenger of ’n mengbak en elektriese klitser om die eiers, strooisuiker en melassesuiker saam te klits tot dit lig en donsig is. 2 Sif die meel, kakao en bakpoeier…

TAFELLAMP ’n Klein spoelvormige tafelpoot is die perfekte oplossing om ’n mooi basis vir ’n bedlampie te maak. MOEILIKHEIDSGRAAD: moeilik TYD: 1 dag JY BENODIG ♥ klein tafelpoot ♥ lampskerm ♥ teken-ink ♥ elektriese koord ♥ elektriese ligpasstukke en kragprop ♥ boor met ekstralang houtboorpunt ♥ sterk gom (ons het Pratley Quickset Clear gebruik) SO MAAK JY 1 Gebruik ’n boorpunt wat effens dikker is as die elektriese koord wat jy gaan gebruik (ons het ’n 6 mm-boorpunt gebruik) en boor ’n gat deur die middel van die poot. Boor ’n gleuf in die basis wat breed genoeg is sodat die koord knus daarin pas en die bedlampie mooi gelyk staan. 2 Gooi die ink in ’n houer wat groot genoeg is sodat die poot daarin kan staan en verdun…

Koebaai Abba, Lego en Ikea. Die jongste gonswoord uit Skandinawië is ‘hygge’, ’n Deense leefstylgier wat daaroor gaan dat jy waar of wanneer ook al ’n knus, intieme atmosfeer skep en die eenvoudige plesiere van die lewe geniet – dinge soos opkrul met ’n boek in ’n sonkol in die tuin, koek en koffie saam met ’n vriend, jou hande vuil smeer terwyl jy bak, of luister na reëndruppels op die dak. In sy topverkoper The little book of hygge: The Danish way to live well skryf Meik Wiking hygge word heeljaar uitgestel sodat mense dit oor die feesseisoen kan geniet. ‘Die wete dat jou familie en vriende hard gewerk het sodat julle bymekaar kan kom sonder om aan werk, geld en allerlei aardse dinge te dink is die ware…

KREATIEWE WOORD VAN DIE MAAND MARMERPAPIER Papier met ’n marmer-effek word verkry deur ’n marmerpatroon met ink op ’n wateroppervlak te skep en dit dan op papier oor te dra. Vul ’n groot, vlak bak met water en drup ’n paar druppels nie-oplosbare ink (of gewone naelpolitoer) daarop. Jy kan een of meer kleure gebruik. Trek ’n tandestokkie heen en weer deur die ink om ’n marmerpatroon te skep en plaas dan die papier ’n paar oomblikke lank op die water om dit te ‘marmeer’. Kurkprop of skroefdop? V Wat is die verskil tussen wyne met ’n kurkprop en dié met ’n skroefdop? A Volgens die kenners by Wellington Wines vra mense dikwels of ’n kurkprop of skroefdop ’n aanduiding van die gehalte van die wyn is. Die antwoord is…