Table of contents for 14 February 2020 in Vrouekeur

Facebook kan my soms geweldig irriteer. Nee wag, dié stelling moet ek kwalifiseer: Mense se kommentaar op Facebook kan my soms geweldig irriteer. In so ’n mate dat ek dit al sterk oorweeg het om my eie Facebook-blad te sluit, maar nes ek dit wil doen, lees ek weer iets sinvols, interessants, insiggewends of moois raak wat my keer om die kind met die badwater uit te gooi. Soos dít wat ek in hierdie week van Valentyn met julle wil deel. Kyk wat lees ek raak oor verhoudings op die Montgomery County Women’s Center, (deur Rising Women) se Facebook-blad: 1 WAT MAAK VERHOUDINGS DOOD? Onuitgesproke verwagtinge Vermyding Om altyd reg te wil wees ’n Wees-meer-soos-ek-mentaliteit Reaktiewe gedrag en ongeduld Weerhouding van liefde Mikrobestuur en beheer Bevele in plaas van uitnodigings…

“O plass in haar vyftigerjare, het sy begin verstaan wat ‘al die pad’ beteken, en dat dit soms niks met tienerseks te doen het nie. Dis ’n pad wat jy soos ’n pelgrim aflê terwyl jy jou verliese verwerk. Die verlies van ’n huwelik en ’n lewensmaat, van ’n prentjie van persoonlike geluk wat jy gereken het jou beskore is, later ook die verlies van professionele ambisies en politieke illusies, en uiteindelik kom jy by ’n soort aanvaarding uit.” Dis die gedagtes van Theresa, die hoofkarakter in Marita van der Vyver se jongste roman, Grensgeval, wat pas herinnerings aan die Grensoorlog laat herleef het. Verlies is een van die deurlopende temas in Marita se volwasse romans. “Ek het nog nie regtig aan deurlopende temas in my romans gedink nie, maar…

DON QUIXOTE IN JOHANNESBURG Die Johannesburgse balletgeselskap bied van 13 tot 22 Maart die klassieke opvoering Don Quixote aan. Dit word by die Joburg Theatre aangebied en vertel die storie van Kitri en die barbier, Basilio. Kaartjiepryse wissel. Bespreek by www.joburgtheatre.com of www.webtickets.co.za FRANSCHHOEK-HOSPIESKONSERT Die jaarlikse piekniekkonsert ten bate van die Franschhoek-hospies word op 16 Februarie by die Hugenote-monument op die dorp gehou. Vanjaar se konsert sal deur jazzsangeres Melorie Jane geopen word. Die talentvolle Coda Africa en Carol Thorns (in haar borrel!) sal ook optree. Die konsert begin halfsewe en kos R300 per persoon. Bel 021 876 3085 of 082 887 8666 vir meer inligting MURATIE-OESFEES Die Muratie-wynlandgoed buite Stellenbosch hou op Saterdag 29 Februarie hul jaarlikse Oesfees. Besoekers kan allerhande prettige aktiwiteite soos druiwetrap en trekkerritte en natuurlik…

Voedselonsekerheid is iets wat nie weggewens kan word nie. Daarom dat iZindaba Zokudla, ’n Soweto-gegronde inisiatief waardeur opkomende swart boere bemagtig word, dr Naudé Malan so na aan die hart lê. Kortliks behels dit dat dr Naudé ontluikende, stedelike entrepreneurs met belanghebbendes in die landboubedryf in kontak bring en sodoende geleenthede tot samewerking en aksienavorsingsmetodes skep. In die proses word op plaaslike voedselekonomieë in townships gefokus sodat armoede deur middel van sistemiese verandering verlig kan word. iZindaba Zokudla beteken – losweg uit Zoeloe vertaal – “gesprekke oor die kos wat ons almal saam eet”, verduidelik dr Naudé (49), ’n senior lektor in antropologie en ontwikkelingstudie aan die Universiteit van Johannesburg (UJ). Hy het dit in 2013 saam met ’n doktorale student en kollega as navorsingsprojek van stapel gestuur. Sedertdien het…

GEBAKTE CAMEMBERT MET FRAM-BOOSKONFYT EN KARAMELNEUTE 2 porsies BESTANDDELE 125 g (1 blok) camembertkaas, in foelie125 ml (½ k) frambooskonfyt125 ml (½ k) suiker50 g (½ pakkie) kasjoeneute50 g (½ pakkie) pampoenpitte METODE Stel oond op 180 °C. 1 sit camembert op bakplaat en bak vir 7–10 minute of tot sag. 2 sit camembert op opdienbord en skep frambooskonfyt bo-oor. 3 smelt suiker stadig tot karamelkleur. Roer neut en sade vinnig by. 4 Gooi karamelmengsel op bakpapier en laat hard word. 5 Breek karamel bo-oor kaas en sit saam met beskuitjies voor. GROENTE IN KNOFFEL-EN-KRUIE-BOTTERSOUS 2 porsies BESTANDDELE 100 g (1 pakkie) dun groenboontjies100g (1 pakkie) klein worteltjies65 g (1 pakkie) langsteel-broccoli100 g (1 pakkie) aspersies125 ml (½ k) botter15 ml (1 e) vars pietersielie, fyngekap1 5 ml (1 e)…

Ons gooi laatmiddag moeg ons bagasie by ons verblyf af en teen sononder sit ons soos oorsese toeriste op die koppie by Whalesong Hotel & Spa vir ’n jenewer-ervaring. Shephard Hewu beveel vir ons elkeen ’n jenewer volgens ons voorkeure aan. Hy kom met ’n oulike skinkbord met ment, aarbei, suurlemoen, lemoen, komkommer en ander geurmiddels na ons tafel toe en meng ons elkeen se drankie in ’n koperbekertjie. So terwyl die son oor die see ver onder in die baai ondergaan, teug ons aan ons drankies. “Die jenewer-ervaring het groot plaaslike aanhang en is ’n wonderlike manier om oorsese toeriste aan Suid-Afrika se boetiekjenewers bekend te stel. “As julle kos bestel, oorweeg die ribeye steak met ’n sopie van Inveroche se nuwe kakao-jenewer en ’n skyfie lemoen. Druk dit…

“An emotionally thin artist bleached by celebrity.” Dit is hoe die gesaghebbende kunskritikus Robert Hughes by geleentheid na Andy Warhol verwys het. Warhol, die kunstenaar wat self opgemerk het: “Making money is art and working is art and good business is the best art.” Wat mens ook al van Warhol of sy kuns dink, die een onomstootlike feit is dat hy tussen 1962 en sy dood in 1987 as voorste eksponent van Pop-kuns die Westerse kunswêreld onherroeplik verander het. Dit het hy grootliks gedoen deur ’n spieël op te hou vir wat mens sou kon noem ’n Ameri sug na glinster en roem, en les bes New York se polsende subkultuur. Dit het geblyk uit sy werk waarna Tate Modern as “ikonies” verwys: Van portrette van Marilyn Monroe tot sy…

ONBETROKKE OUMA My ouers is geskei. My pa bly naby ons en is baie by ons kleuters betrokke. My ma woon in ’n ander deel van die land, maar hoewel sy genoeg tyd en geld het om te kom kuier, sien sy die kleinkinders hoogstens een keer per jaar. Sy mis alle oupa-en-ouma-dae, skoolprysuitdelings en selfs die kinders se doop. Hoe kan sy so onbetrokke wees? Dit is duidelik dat jou ma jou pa probeer vermy. Ongelukkig versuur sy só haar eie lewe. Om jou kleinkinders te sien grootword, moet een van die grootste voorregte vir enige grootouer wees. Sy straf eintlik haar kleinkinders wat sonder ’n ouma grootword eerder as jou pa. Dit is duidelik dat daar onafgehandelde sake tussen jou pa en ma is en dit veroorsaak vervreemding.…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Indien woorde van waardering jou primêre liefdestaal is, word jou liefdestenk baie vinnig deur komplimente en verbale uitdrukkings van liefde volgemaak. Voorbeelde van waar Jesus woorde as liefdestaal gebruik, kom in Lukas 24 voor waar Jesus sy dissipels seën voordat Hy opvaar hemel toe. Hy het lewe en goeie dinge oor hulle uitgespreek. Hy het genoeg potensiaal in hulle raakgesien om aan hulle ’n baie besonderse roeping toe te vertrou, naamlik om sy evangelie tot aan die uithoeke van die aarde te gaan uitdra. In Matteus 26 spreek Jesus sy waardering uit teenoor die vrou wat sy voete gewas het en Hy prys haar vir wat sy gedoen het. Wanneer…

Wie is die drie Poggenpoels? vra jy. Dit is Evita Bezuidenhout, gebore in 1935 as Evangelie Poggenpoel, haar suster Bambi Kellermann, gebore Sarie “Baby” Poggenpoel in 1938, en Ouma Ossewania Kakebenia Poggenpoel, gebore tydens die Boereoorlog en moeder van die twee legendes. Evita het in 1978 as ’n karakter in Pieter-Dirk Uys se Sunday Express rubriek begin. Bambi Kellermann se eerste verskyning was in 1985 in ’n onderhoud in die fliek Skating on thin Uys en Ouma Ossewania het in 1995 by die eerste KKNK toeskouers diep geskok. Pieter vertel dat Evita die beginpunt in die familie was en mense wou meer weet. “Haar ma? Haar man? Ander familie? Dus het die details stukkie vir stukkie saamgekom in die volle alfabet van persoonlikheid en dimensie. Hulle het al drie uiteenlopende…

Dit verg nie veel van ’n musikale oor om te hoor dié meisiekind het uitsonderlike sangtalent nie. Vandat sy vier jaar oud is, bekoor sy oud en jonk met haar stem, wat toe reeds as besonders beskryf is. Verlede jaar het Bianca Solomons Talent Africa gewen toe sy die paneel van beoordelaars hoendervleis laat kry het met haar weergawe van O mio babbino caro, ’n aria wat in 1918 deur Giacomo Puccini vir die opera Gianni Schicchi gekomponeer is. Tuis het sy en haar ma, Ellen Fouché (57), dit nie breed nie en dit gaan swaar met Ellen, wat aan motorneuronsiekte (MS) ly, se gesondheid. Maar Bianca sê sy sou niks aan haar lewe wou verander nie. Dié ontluikende operasangeres ken verwerping van die vrou wat veronderstel was om haar…

GESOUTE KARAMEL-KOLWYNTJIES 24 kolwyntjies BESTANDDELE 500 ml (265 ml) koekmeel5 ml (1 t) bakpoeier2,5 ml (½ t) koeksoda2,5 ml (½ t) sout2,5 ml (½ t) kaneel125 ml (½ k) melk125 ml (½ k) suurroom1 20 ml (115 g) botter by kamertem peratuur60 ml (¼ k) suiker180 ml (¾ k) karamelsuiker2 groot eiers1 eiergeel60 ml (¼ k) kookwater VERSIERSEL125 ml (120 g) botter125 ml (½ k) room250 ml (165 g) nat bruinsuiker3,75 ml (¾ t) sout875 ml (465 g) versiersuiker5 ml (1 t) gevlokte sout Oblietjieharte (wafer biscuits)½ blik (180 g) gekookte kondensmelk, opsioneel METODE Voorverhit oond tot 180 °C en voer kolwyntjiepanne met kolwyntjiepapiertjies uit. 1 Sif meel, bakpoeier, koeksoda, sout en kaneel saam. Meng goed. 2 Klits melk en suurroom en hou eenkant. 3 Klits botter, suikers en eiers…

RUDI MULLER VERSKUIF GOSPELGRENSE Rudi Muller het in 1991 met sy album Kan jy my hoor? gedebuteer. Daarna het nog ’n aantal suksesvolle sekulêre albums gevolg totdat ’n konfrontasie met die dood ’n omwenteling in sy lewensiening teweeg gebring het en tot die geestelike albums Deurbraak, Tetelestai (goue status) en Loflied gelei het. Nou bied hy musiekliefhebbers sy negende album (die vierde geestelike CD) Nuwe dag (Vonk-Musiek). Die opbouende boodskap van hoop, geloof en liefde strek egter veel wyer as die gospelsfeer. Dit is baanbrekerswerk in dié genre; nie ’n ongemaklike gedweep en aangeplakte heiligheid nie. Rou eerlikheid en menslike feilbaarheid kenmerk dit. Die album open met ’n Skrifgegronde voorlesing van die skeppingsverhaal – Terug na die begin – wat deur ruimtelike musiek verryk word. Die 14 snitte wat volg…

Het fiksie nog ’n plek in die 21ste eeu? Is fiksie nog nodig in ’n tyd waarin elektroniese media, veral sosiale media, ongetwyfeld ’n veel groter impak op mense se lewens het? Is fiksie selfs wenslik in ’n tyd waarin die bestaan van feite uitgedaag word? Die biblioteek aan die einde van die wêreld is ’n reaksie op hierdie vraag, ’n demonstrasie van wat ’n roman in ons Twitter-tyd van aandaggebrek en groot-lawaaibestraffing deur die #deugpolisie kán wees. Die roman (alle kuns) word ’n soort vesting (’n biblioteek aan die einde van die grondpad) buite die alsiende oog van die inligtingoorlaaide “netwerk”, wat tot genuanseerder denke vanuit persoonlike ervarings dwing. Byna elke relevante besprekingstema in ons land word in Die biblioteek aan die einde van die wêreld betrek: grondonteiening; dekolonisering;…

Die lang man en sy reusehond draf by haar verby. ’n Pirenese berghond, met ’n wit pels wat eintlik in sneeuwêreld hoort. Sy is pootuit en gaan staan hygend. Hoekom moor sy haarself so? Draf hier teen die berg waar die swaartekrag teen haar is. Iets omtrent daardie man laat haar aan ’n voorval terugdink waaroor sy haar nou nog skaam. Snaaks dat dit nou by haar opkom. Seker omdat hy gelyk het asof hy haar nie eens raaksien nie. Sy was wel nog ’n voortvarende, naïewe student, maar hoe kon sy iets so geks aangevang het? Die nuwe student in haar Afrikaan-shonneursklas was ouer as die ander. ’n Nerd, hoewel hy eerder na ’n fikse rugbyspeler gelyk het. Sy wou die topstudent in die klas wees, met die oog…

MOEILIKHEIDSGRAAD:  BENODIGDHEDE ELLE PURE GOLD DK 1(1; 1; 2; 2; 2) balle Bark CHARITY DK 1 bal Blue Fin of gebruik enige twee DKkleure van jou keuse 3.25 mm-en 4 mm-naalde steekhouer AFKORTINGS aw – aweregs gl1 – glip 1 st regsgewys ms – mossteek r – regs R(V)K – regte (verkeerde) kant tgso – trek glipsteek oor vmeer – vermeerder vmin – verminder GROOTTE 3–4(5–6; 7–8; 9–10; 11–12) jaar BREI-INLIGTING Vmin vir mousgat Vmin binne die randst wat in elke ry regs gebrei word. Ná randsteek: gl1, r1, tgso. Voor randsteek: r2tes. Vmin vir halsrand Vmin aan weersk van die 2 r-ste in die middel van die hals voor. Pat tot 1 st voor die 2 r-ste, r2tes, gl 1 st regsgewys, r1, tgso. VOORPANT Met 3.25 mm-naalde…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 13 woorde, baie goed 17 woorde of meer, uitstekend OPLOSSING: Kommapunt, kapmou, komma, makou, nakom, omkap, ompak, omtak, opkam, ouman, amok, kamp, koma, mank, mout, munt, ouma Woordsoek Hierdie rooster bevat 35 soogdier-soorte wat opgespoor moet word. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar.…

Ben Viljoen was ’n boeregeneraal en politikus, koeranteienaar en skrywer, avonturier en pierewaaier, sirkusboer en showman en nog meer. Op 48-jarige ouderdom blaas hy sy laaste asem in Nieu-Mexiko uit. Carel van der Merwe vang die lewe van ’n merkwaardige Afrikaner hier vas. www.proteaboekhuis.co.za 3 lesers kan die boek wen. SMS KANSVATTER gevolg deur jou naam, van en adres voor 19 Februarie 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied.…

Daar’s min mense wat soveel beroepe op hul kerfstok het soos die 41-jarige DuPreez Strauss – musiekregisseur, TV-, radio-en teatervervaardiger, komponis, skrywer, akteur, rolverdelingsagent, orkesdirigent, model en TV-aanbieder. Dis omtrent ’n mondvol en niks vreemds nie wanneer mense vir hom vra: “Maar wat doen jy nou eintlik?” Sy antwoord is gewoonlik: “Ek is ’n kunstenaar wat in verskillende media werk.” Dan voeg hy by: “Eintlik is al die verskillende beroepe wat ek beoefen soos die kante van een juweel. Al mag dit klink of ek ’n scatterbrain is, maak dit heeltemal sin in my kop,” verduidelik hy. DuPreez se een groot passie, musiek, het reeds op vyfjarige ouderdom vlam gevat. “Ek het gereeld net op ons klavier getokkel en my ma-hulle het besef die getjommel klink soos iets en my…

FOKUSPUNT Die ontslape Carrol Boyes het haar ontwerpe uit ’n reeks sketse gemaak. Hierdie kussingoortreksels word Full of Grace genoem en sal ’n sterk fokuspunt wees, R895. www.carrolboyes.com LIGGEWIG Die K-Way Evo Gearbag is net die sak wat jy nodig het wanneer jy vir ’n naweek weggaan. Dit het ’n volume van 35 l en is klein genoeg om steeds as handbagasie op ’n vliegtuig deur te gaan, R550. www.capeunionmart.co.za NET REG VIR VALENTYNSDAG Valentynsdag kan nie sonder sjokolade gevier word nie. LINDOR is die gepaste keuse vir ’n soet ervaring. Maak iemand se dag met Lindt se Strawberries & Cream of enige van hul ander onweerstaanbare geure. VARS OP SY BESTE Druk vars sap van enige sitrusvrugte met hierdie oulike drukker uit. Dit het klein gaatjies waardeur die sap…

D ie Masons woon die afgelope 11 jaar in ’n historiese huis van bykans 90 jaar in die hartjie van die Strand buite Kaapstad. Die huis het hoë plafonne, houtvloere en ’n pragtige groot stoep wat bykans regom die huis strek. Juan is die eienaar van Mason’s Bike Inn, ’n fietswinkel op Stellenbosch, Anneline (Viljoen) is ’n fisioterapeut en hul dogtertjie, Juanné, is tien. Die gesin het drie troeteldiere, Nella, die schnauzer, Noha, die Maltese poedel en Karla, die kat. DEKORLEUSE Anneline erken dat sy nie volgens ’n motto versier nie, maar koop wat hul sak pas. “Ek sal nooit iets op skuld koop nie. Ek verf eerder of laat nuut oortrek. Juan laat my toe om binne te maak soos ek goed dink. Hy is verantwoordelik vir buite en…

Daar’s meer as genoeg rede hoekom ek nie moes ja sê nie, maar jy kan ook net soveel episodes van The Bachelor kyk en nie wonder of jou eie happily ever after nie dalk iewers agter die bult vir jou wag nie. Jy’t al genoeg paddas in jou lewe gesoen om jou eie vlei op te vul, maar wat het jy om te verloor? Jou tyd, jou selfrespek, jou humeur … Ag toe, moet tog nie so negatief wees nie. Jy’t pas ’n uitnodiging na ’n troue van ’n vriendin ontvang wat jare lank ’n alleenloper was. Sy’t óók gedink haar pot het nie ’n deksel nie en kyk nou net. Buitendien, dis nie regtig ’n afspraak nie, dis net ’n koppie koffie saam met iemand. Iemand wat die moeite…

Bamboes is een van daai wonderplante: Hulle kan vir jou kos op die tafel sit, papier in jou drukker, ’n vloer onder jou voete, klere aan jou lyf, meubels in jou huis en brandstof in jou kaggel. Die beste van alles? Hulle bied ongelooflike veelsydigheid vir die tuinier. Bamboes is ’n houterige lid van die grasfamilie en groei natuurlik in die meeste dele van die wêreld. Die diversiteit in natuurlike habitatte beteken dat daar verskeie variëteite is wat in omtrent enige tuin sal aard. Vir diegene met beperkte ruimte, sal bamboes heel gelukkig in houers groei, maar omdat hulle redelike ruimte vir wortels nodig het, kies die grootste houer wat in jou tuin sal pas. Jy sal ook meer water en kos vir bamboes in potte moet gee as wat…

Wenk as jy fudge maak Week suiker oornag in melk, want dan kook die fudgemengsel beter. WENWENKE Dis deesdae ’n gesukkel om wenboeke by ons lesers uit te kry en dis van so ’n aard dat ek eers bietjie daarmee halt roep. Sodra ons ’n ander plan of prys beraam het, sal ons julle in kennis stel. Wenke sal steeds waardeer word. Dankie vir jul ondersteuning! G’N TRANE Voor jy uie sny, is dit goed om die mes eers met olyfolie te smeer. Dit help blykbaar dat jou oë nie traan nie. OLIE VIR DIE VERF As daar verf op jou hande is, vryf dit met olyfolie af. Weg met vlooie Meng 1 k ammoniak met 4 k water in ’n bottel en spuit die huis daarmee om vlooie weg…