Table of contents for 20 September 2019 in Vrouekeur

Hoe vergewe jy? bly ’n aktuele vraag. Dis ’n tawwe vraag – veral vir mense wie se geliefdes deur ander mense se toedoen dood is. Op Netflix is daar ’n reeks waarin die aanbieder met familielede gesels wat ’n broer, suster, ma, pa of kind moes begrawe omdat hulle wreed vermoor is. In dieselfde program praat die aanbieder ook met die persoon wat die misdaad gepleeg het en nou op die doodstraf wag, maar die familielede van dié mense kry ook ’n spreekbeurt. Doodstraf is ’n onderwerp op sigself en een wat ek in beginsel nie ondersteun nie, maar dis ’n ander vraag wat my mening sou wees as een van my mense vermoor is. Doodstraf is niks vreemds in sekere state in Amerika nie, maar sonder om deeglik op…

Anita du Preez het jare gelede die eerste prys in ’n landwye romansekompetisie gewen. Sy het haar weninskrywing met ’n string romanses opgevolg. Haar eerste tchick lit-roman, Mooier as Marilyn, het pas verskyn. Wat het haar laat besluit om dié genre aan te pak? “My redakteur het oor ’n koppie koffie opgemerk dat my skryfstyl baie soos chick lit is en vra toe hoekom ek dit nie probeer skryf nie,” sê Anita. “Toe doen ek dit! Die oorskakeling was moeiliker as wat ek gedink het, maar lekkerder. Dit was ’n nuwe uitdaging. Ek was ’n bietjie senuweeagtig, maar ek dink ek het redelik gou by die nuwe ritme aangepas. “Ek kon meer intrige skep. Ek het geleentheid gehad om meer geronde karakters te skep wat nie net mooi en ryk…

WEN Een van 2 pare Veldskoenvellies! Gaan na www.vrouekeur. co.za om in te skryf…

Dr Irene sê alle mense beleef soms trauma en dis veral dit wat kleintyd of as jongmens met ons gebeur het en nooit hanteer is nie, wat later via die liggaam se ongemak vir hantering aan ons deur kom klop. “Aanvanklik beskerm ons liggaam ons teen die trauma, maar later word dit onmoontlik vir die lyf om alles in die volgepropte koffertjie te stoor. Allerhande stresreaksies vind dan in die lyf plaas en meestal is dit ongemaklike emosies en gedagtes waarvan ons bewus raak wat ons net meer pla as ooit te vore.” Sy sê om daarvan te vergeet, pak mense allerhande projekte aan, probeer meer positief dink, probeer meer of te veel uitgaan of drink of rook of eet of reis of oefen of marathons hardloop of fietsry. “Maar…

Jenny Wentzel was van kleins af gek na sport. Sy het in Durban grootgeword en het gereeld saam met haar gesin sokkerwedstryde by die sokkerstadion gaan kyk. In 1974 het haar pa haar na ’n Britse Leeus-rugbywedstryd geneem en die gogga het gebyt. Sy was mal oor rugby. Ná skool het sy openbare betrekkinge studeer en ’n TV-kursus voltooi wat haar geleer het hoe om klank te meng. “Met my sertifikate in die hand, het ek die bestuurder by Umhlanga Sands Hotel genader en gevra vir ’n werk in openbare betrekkinge. Ek het verskillende poste beklee en was vir omtrent 14 jaar in die hotelbedryf werksaam. In daardie tyd het ek ook by Sun City gewerk, waar ek aan verskeie sportgeleenthede soos die Million Dollar-gholfuitdaging, wêreldtitelboksgevegte en vele ander glansgeleenthede…

Bykosse kan ’n braai maak of breek. Probeer hierdie lipleklekker bykosse en souse vir Braaidag op 24 September GEROOSTERDE GROENTE MET PESTO EN PARMESAAN 4 porsies 250 g (1 pakkie) langsteelbroccoli8 murgpampoentjies170 g (1 pakkie) aspersies200 g (1 pak) spinasieblaartjies60 ml (¼ k) pesto ekstra olyfolie6 0 ml (¼ k) parmesaan, met skiller gesny80 g (1 houer) granaatpitte 1 Smeer broccoli, murgpampoentjies en aspersies met bietjie olie. 2 Braai op rooster tot net gaar. Pak op spinasieblare. 3 Roer bietjie olyfolie by pesto om dit gladder te maak. Gooi oor groente. 4 Sprinkel parmesaan en granaatpitte oor. BLT-PASTASLAA 4 porsies 500 g strikkiepasta 2 00 g (1 pakkie) spek, in stukkies gesny 150 g slaaiblaartjies 2 00 g (1 pakkie) klein tamaties, in kwarte gesny250 ml (1 k) romerige slaaisous 1…

ROOIWYN VIR ELKE SMAAK Angels Tears is ’n lekker rooiwyn vir elke dag. Dit het rooibessiegeure wat hoofsaaklik uit merlot en cabernet sauvignon bestaan. Daar is ’n tikkie petit verdot en shiraz te bespeur – net om die wyn die perfekte smaak te gee. Al die druiwe word van Grande Provence-wingerde in Franschhoek geoes. Beskikbaar teen ongeveer R69 by onder meer Makro, Pick n Pay en Spar of www.shop.grandeprovence.co.za VYF DINGE OP ’N WYNETIKET NAAM VAN PRODUSENT Dit is wie die wyn gemaak het, byvoorbeeld Beyerskloof STREEK Die streek dui aan waarvandaan die druiwe kom, byvoorbeeld Robertson VARIËTEIT Dit dui aan watter soort druiwe gebruik is om die wyn te maak, byvoorbeeld chardonnay. VINTAGE Dis die jaar wanneer die druiwe geoes is, byvoorbeeld 2016. ALKOHOL BY VOLUME Die hoeveelheid alkohol…

Afrikaans het eintlik verbasend min sportromans. Mens sou verwag dat veral die “rugbyroman” ’n veel sterker genre sou wees in ’n samelewing wat as sportmal of rugbymal beskryf word. ID du Plessis se jeugromans, Die Springbok, Die silwer varing, Die rugbykroon en Rugby in Rio het reeds in die 1930’s verskyn, maar is nie regtig deur ’n groei in dié genre opgevolg nie. Ná die verskyning van Braam van der Vyver se Stywearm (1994), gevolg deur die Springbokke se oorwinning in 1995, het ek gedink ’n sterk stroom rugbyromans sou volg. Maar dit het nie gebeur nie. Een van die beste pogings die afgelope klompie jare was waarskynlik die Varsity Beker-slot FJ Labuschagne se roman, Beseringstyd (2014). Ongelukkig het dié debuutroman, ondanks oortuigende rugbybeskrywings, baie mankemente. Hond se gedagte is…

ROLPRENTE HUSTLERS Met Jennifer Lopez en Julia Stiles Regisseur Lorene Scafaria WARE LEWENSDRAMAKOMEDIE Ja-nee, hierdie oorsig oor die omstrede rolprent begin met twee clichés: “die waarheid is vreemder as fiksie” en “ware verhale het meer trefkrag as enigiets wat ’n skrywer kan uitdink”. In dié guitige huldeblyk aan die krag van vrouwees, kom ’n klomp vroue teen veral emosionele mishandeling in opstand. Hulle sorg vir hul gesinne deur saans hul klere in nagklubs uit te trek. Hulle is moeg daarvoor om deur hul kliënte misbruik te word. Die manne is dikwels skatryk Wall Street-bankiers. Maar nadat die ekonomie in 2008 in duie gestort het, maak die manne nog meer dikwels van ontkleedansers se dienste gebruik sonder dat hul vrouens weet! Die meisies moet ook van hul fooie afstaan. Wraak is…

Die wêreld sal nie altyd die goeie dinge wat jy ’n miljoen keer doen, waardeer nie, maar sal jou vir die een verkeerde ding wat jy doen, kritiseer Op ’n dag het ’n juffrou die volgende op die bord geskryf: 9 x 1 = 7, 9 x 2 = 18, 9 x 3 = 27, 9 x 4 = 36, 9 x 5 = 45, 9 x 6 = 54, 9 x 7 = 63, 9 x 8 = 72, 9 x 9 = 81, 9 x 10 = 90, 9 x 11 = 99, 9 x 12 = 108 Toe sy klaar is, het sy omgedraai. Die hele klas het vir haar gelag omdat haar eerste berekening verkeerd was. Sy sê toe: “Ek het die eerste een doelbewus verkeerd…

Therese Bam het besluit om vir eers programbeplanning en -skedules eenkant toe te skuif en haar toneelspeltalent te slyp, maar sy is nog tussendeur veldaanbieder vir Kwêla. “In my hart bly ek maar ’n aktrise en ek het die toneelspeel gemis.” Therese sê sy sal graag self iets wil vervaardig, maar met haar voltydse werk was daar nooit tyd nie. Sy en ’n paar van haar vriende werk nou aan ’n kortfliekreeks waarin sy gaan speel, “maar dis ’n liefdesprojek – niemand word betaal nie en niemand gee om nie. Ons wil graag saamwerk en pret hê.” Sy vertel opgewonde dat sy dit geniet om saans tuis te wees as haar man, Christian, ’n argitek, by die huis kom; dat sy hom met ’n lekker maaltyd kan inwag. “Ek geniet…

Suid-Afrika kan met nóg ’n wêreldeerste op mediese gebied spog: Die eerste oorplanting van 3Dgedrukte middeloorbeentjies. Prof Mashudu Tshifularo (55) is die man agter die ontwikkeling van hierdie baanbrekende tegniek wat vroeër vanjaar in die Steve Biko Akademiese Hospitaal in Pretoria uitgevoer is. Volgens prof Mashudu, die hoof van die Universiteit van Pretoria (UP) se departement otorinolaringologie (oor-neus-enkeelkunde), kan dit dalk net die antwoord wees op geleidende gehoorverlies wat oorgeërf of deur iets soos infeksie, trauma of metaboliese siektes veroorsaak word. “Dit is ’n groot prestasie,” sê hy ooglopend opgewonde. “Almal verwys nou na ’n ‘eerste’ in hierdie veld, wat beteken dat Suid-Afrika se naam hierna altyd sal opkom, ongeag hoeveel verdere vordering gemaak word.” Voordat hy op die gedagte van 3Dgedrukte oorbeentjies gekom het, was daar volgens hom dekades…

Jou liggaam en die herhalende patrone in jou gedagtegang probeer dalk iets vir jou sê. Amy Morin, ’n psigoterapeut en skrywer van boeke soos 13 Things Mentally Strong People Don’t Do, sê onder meer dat om oor dinge te tob ernstige gevolge vir jou gesondheid kan inhou. Studies wat in 2013 in die Joernaal van Abnormale Sielkunde publiseer is, toon dat wanneer jy gereeld in jou gedagtes tyd aan jou foute, tekortkominge en probleme bestee, dit jou risiko van geestesiektes kan verhoog. Voorts verhinder ooranalisering jou probleemoplossingsvaardighede omdat dit jou in die probleem vasvang eerder as om ’n oplossing te soek. Studies beaam ook dat ’n oormatige getob jou slaappatrone en gehalte van rus beïnvloed. Die webwerf www.psychalive.com sê tyd wat jy bestee om te reflekteer, is ’n belangrike deel…

Jenny het in Durban verskeie konferensies en sportgeleenthede gereël. “Ek het selfs begin om vir ekstra inkomste spyseniering in een van die rugbylosies te doen. Niemand het geweet dat ek die etes op ’n klein tweeplaatstofie voorberei nie, maar my pa het my geleer waar daar ’n wil is, is daar ’n weg. “Die ekstra geld het gehelp sodat ek ’n diploma in sportbestuur kon volg.” Een van Jenny se vriende het in daardie stadium by die Haaie-rugbyspan gewerk en hy het vir haar ’n onderhoud by ’n groot sportbemarkingsmaatskappy, MegaPro Marketing, gereël. Sy het die pos gekry en uiteindelik die algemene bestuurder van die Kwa- Zulu-Natal-tak geword, waar haar lewe om krieket en rugby gedraai het. Sy is as die nasionale geleentheidsbestuurder vir MegaPro Marketing na Johannesburg oorgeplaas en…

PEER-EN-AMANDEL-KOEK 1 koek 125 ml (120 g) sagte botter250 ml (210 g) suiker2 groot eiers10 ml (2 t) vanieljegeursel330 ml (175 g) koekmeel6,25 ml (1¼ t) bakpoeier1,25 ml (¼ t) sout125 ml (½ k) suurroom3 (275 g) pere, geskil en in skywe gesny60 ml (52 g) suiker80 ml (1/3 k) gevlokte amandels room Voorverhit oond tot 180 °C en voer 23 cm-ringboompan met bakpapier uit. 1 Klop botter en suiker tot lig en donsig. 2 Voeg eiers en vanieljegeursel by en klop tot goed gemeng. 3 Sif meel, bakpoeier en sout by beslag. Voeg suurroom by en vou by beslag in. 4 Gooi pere by beslag en meng deur. 5 Skep beslag in pan en maak dit plat met paletmes. 6 Strooi suiker en amandels bo-oor. 7 Bak vir 45…

In Europa kruip die herfs vandeesmaand met koel vingers nader, anders as in my geboorteland waar September die begin van die lente beteken, van bloeisels en blomme en tekens van nuwe lewe orals in die natuur. En tog ervaar ons ook hier in die Noordelike Halfrond elke September ’n soort hergeboorte, ’n afskeid van wat verby is en optimisme oor nuwe moontlikhede, omdat dit die begin van die nuwe akademiese jaar is. Derduisende kindertjies gaan vir die eerste keer skool toe, tieners vir die eerste keer hoërskool toe, studente vir die eerste keer universiteit toe – en al die ma’s en pa’s en oumas en oupas en ander familielede word natuurlik deel van hierdie belewenis. In Frankryk word dit la rentrée genoem, die terugkeer, amper soos ’n terugkeer na die…

FATMAN SOEK REDDING Musiekliefhebbers het eers in 2017 van Fatman, oftewel Johan Brümmer, kennis geneem met sy verrassende vertolking van Mika se wêreldtreffer Grace Kelly in M-Net se musiekrealiteitsreeks The Voice SA. Hy het die Top 5 gehaal en sy debuutalbum Boom Baby het ’n rits treffers opgelewer wat boaan radiostasies se trefferparades gepronk het. Sy opvolgalbum, S.O.S, bevat 16 snitte – onder meer ’n klomp snitte van sy debuutalbum. Die toonvenstersnitte is juis daardie ballades wat hier herleef: die eiesoortige verwerking van Kurt Darren se treffer Kaptein, saam met die Parlotonesvoorsanger Kahn Morbee (sy afrigter), die Jannie du Toit-komposisie Liedjie vir jou (’n pragduet saam met Caroline-Grace Brüssow van The Voice SA) en sy oorspronklike liedjie Sonneblomgesiggie, wat hy vir sy kinders geskryf het. Dié werk ontgin sy kreatiwiteit.…

THE BARBARIAN INVASIONS 9/10 Met Rémy Girard en Stéphane Rousseau Regisseur Denys Arcand MENSLIKE DRAMA As jy The Decline of the American Empire (1986) gesien het, mag hierdie rolprent ’n knop na jou keel bring. ’n Professor lê op sterwe en moet van sy gesin en vriende afskeid neem. Maar waar dit maklik was om onbetrokke oor die lewe en dood voor ’n klas te filosofeer, verander die prentjie wanneer die doodsengel langs jou bed staan. Hierdie Oscar-bekroonde meesterstuk bring uiteenlopende mense bymekaar om afskeid te neem en opnuut oor die vlietende aard van die lewe te besin. Dit waarsku: Mens moet ten volle in elke oomblik leef. Onvergelyklik goed. (Ster-Kinekor Home Entertainment)…

Moeilikheidsgraad:★★★ SPESIALE NOTAS ▶ Hierdie patroon is so geskryf dat jy dit met enige tipe hekeldraad en vir enige grootte kussing kan gebruik. Krap ’n bietjie jou oorskiet-hekeldraad uit en maak hierdie vrolike boheemse kussing vir jouself. Dan is daar baie plek vir nuwe wolle! ▶ Vir hulp met die patroon: WhatsApp 082 641 6912 of vra op die Faceboekgroep Vrouekeur Brei en Hekel. BENODIGDHEDE Strooikussing Oorskiet-hekeldraad Hekelpen in geskikte grootte AFKORTINGS EN STEEKVERDUIDELIKINGS hlb – halflangbeen kb – kortbeen ks – kettingsteek lb – langbeen pm – plaas merker st – steek trs – trossie: (kb, hlb, lb) als in dies st sXso – slaan X aantal steke oor sXkso – slaan X aantal kettingsteke oor PATROON KUSSINGKANTE Vermeerdering Begin met 2 ks. Ry 1: trs in 2de st…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Bobbejaan, baobab, njabba, baboe, banjo, boaan, bojan, nabob, abba, baan, boen Woordsoek Soek die 23 kombuisdinge in hierdie rooster. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk of jy almal kan kry. OPLOSSING: Besem, ketel, koelkas, koppie, meelsif, mop, neutekraker, oondbak, piering, poleerder, primus, skottel, souskom, spaan,…

Albert Pretorius is eersdaags in die fliek Griekwastad, en ook in Fynskrif 3 te sien en speel toneelverhoë regoor die land aan die brand. Hy was onlangs op die kassie in onder meer Binnelanders, Sub Judice, Buurtwag, Die Boekklub, Die Boland Moorde, Spreeus, Dwaalster, Fynskrif, Vloeksteen en Waterfront. Sy mees onlangse rolprentrol was as die verwarde kunstenaar Konstant in Die seemeeu. Ons albei woon in Kaapstad, maar dis in Nelspruit by die Innibos Nasionale Kunstefees waar ons uiteindelik kon gesels. Hy is vars gestort ná die laaste vertoning van die Innibos-vlagskipproduksie, Nagskofkliek, die jongste toneelstuk deur Fiësta-wenner Retief Scholtz, waarin Albert teenoor die komediant Melt Sieberhagen speel. Dit het sy debuut in die Laeveld en het ook speelvakke in Pretoria se Atterburyteater, voor dit landwyd onder meer ook by ander…

SEPTEMBER-WENBOEK September-wenners wen twee Romanzas met die komplimente van LAPA Uitgewers: In Sophia Kapp se Tweede kans op geluk gaan Nanette terug na haar skoonouers se plaas, Geluk, maar dinge is nie hoe sy dit onthou nie. Haar seer en swaarkry is eg, maar is dit net een kant van die storie? Ontstig ontdek sy dat haar swaer, Barry, wat sy maklik kon afmaak as ongevoelig, iemand is wat weet wat die liefde is en hoe diep dit kan reik. Hartsbesit deur Anna van Tonder is ’n SuperRomanza met Minni Minnaar as die hoofkarakter. Sy verloor haar onderneming en haar vriendin nooi haar om op haar ouers se plaas te gaan kuier terwyl sy haar lewe in oënskou neem. Hier ontmoet sy vir Zak Erasmus, ’n aantreklike boer, maar dis…

“Ek raak altyd so hartseer as ek deur tydskrifte blaai of na praatjies luister waar mense aangemoedig word om positief te dink, om die verlede agter te laat en net vorentoe te kyk, om nie op negatiewe gedagtes te fokus nie en te probeer om ongemaklike gedagtes te ignoreer, sê dr Irene Strydom, ’n sielkundige en SHIP®- terapeut in die Wes-Kaap. “Ons is lankal verby die stadium waar alles op ’n tweebeenskaal gemeet kan word: positief of negatief, goed of sleg, mooi of lelik, slim of dom … “Ons praat ook lankal nie meer van goeie en slegte emosies nie – ons hoef ook nie meer van slegte emosies ontslae te raak nie. “Alle emosies is eintlik kosbare psigobiologiese juweeltjies komende van die liggaam wat ’n uiters gesofistikeerde stelsel is wat…

Jenny is deur ’n bestuurder by SA Rugby gekontak wat gevra het of hy haar naam vir ’n posisie by die Rugbywêreldbeker in Japan mag indien. Wêreldrugby moet tien wedstrydbestuurders en tien wedstrydkommissarisse van oor die wêreld aanstel vir die Rugbywêreldbeker wat vanjaar in Japan plaasvind. “Ek is as wedstrydbestuurder aangestel, die enigste persoon uit Afrika. Die hele proses het 17 maande geduur totdat ek my kontrak en vlugkaartjies ontvang het om vir opleiding na Japan te reis. Die enigste keer wat ek werklik besef het wat gebeur, was toe ek die veiligheidsgordel op die vliegtuig vasgemaak en vir myself gesê het: ‘Skattie, jy is die enigste persoon uit Afrika wat gaan … jy is ’n vrou!’ Ek wou daar en dan begin huil.” Dit is ongetwyfeld ’n baie uitdagende…

HOU GRIMERING BYMEKAAR Lou Harvey het die perfekte grimeersakkies vir jou handsak of as jy vir ’n naweek weggaan. Dis groot genoeg, maar nie so groot dat dit te veel ruimte opneem nie, R168 vir ’n klein grimeersakkie en R200 vir ’n groter een met twee ritssluiters. www.louharvey.co.za VERLIGTING VIR SEER VOETE Liddorings en eelte is ongemaklik en seer. Liddorings word meestal veroorsaak deur skoene wat druk. Kroko Corn and Callus Remover is ’n salf wat help om van liddorings en eelte ontslae te raak en vinnige verligting bied. Gebruik die Corn Protectors saam met die salf om pyn te verlig terwyl die liddorings uitgroei. Plak dit bo-oor die salf sodat dit nie afvryf nie. Die Medicated Corn Plasters is ’n kombinasie van die salf en Corn Protectors en sal…

Daar is darem ’n paar literêre museums in Suid-Afrika – die National English Literary Museum op Makhanda (eers Grahamstad), die Nasionale Afrikaanse Letterkundige Museum en Navorsingsentrum in Bloemfontein, en dan huismuseums soos dié van Olive Schreiner, Langenhoven, AG Visser en Totius. Waar die Visser-huis op Heidelberg skaars met sy staf, keil en dokterstas kan spog, is byna elke ding in die Totius-museum die oorspronklike wat aan die digter behoort het. As mens aanneem dat iemand wat ’n huismuseum besoek iets van die romantiek van ’n kunstenaar wil agterhaal, of wonder of ’n kykie na die kunstenaar se werklikheid iets oor sy of haar kuns of benadering tot skeppendheid kan verklap, speel Buddenbrookhaus in Lübeck nog meer met die sinne en verbeelding. Buddenbrookhaus is ’n eiesoortige huismuseum. Die onderste vloer is…

In 1945 het Life Magazine ’n artikel gepubliseer oor New York se beoogde nuwe kunsmuseum op die hoek van Fifth Avenue en East 89th Street in die Upper East Side-buurt van Manhattan – onder die opskrif: “New Art Museum Will Be New York’s Strangest Building.” Kort nadat Frank Lloyd Wright se ontwerp vir die kunsmuseum bekend geword het, was daar heelwat teenkanting teen die oprigting van dié gebou. Die skrywer Norman Mailer was oortuig die gebou “shattered the mood of the neighborhood” en hy het die uitwerking as “wantonly” en “barbarically” beskryf. Verskeie vooraanstaande avant-garde-kunstenaars het ’n petisie geteken dat hul werk nié daar vertoon mag word nie. Nietemin is Solomon R Guggenheim se Museum of Non-Objective Painting, deesdae bekend as die Guggenheim, wat sy deure 60 jaar gelede op…

Op die patriotiese snit Afrikaans: Die taal van my hart herinner die sanger-liedjieskrywer Sonja Lochenberg luisteraars aan gestorwe boerehelde (sy is ’n direkte afstammeling van generaal Andries Pretorius), die Voortrekkers se kaalvoetstryd oor die Drakensberge, die bou van ’n volk met ’n strewe na vryheid en vrede, sonder berou, maar met geloof – dit álles, boonop in Afrikaans. In 2019 kan die meerderheid Afrikaanssprekendes gewis nie hul moedertaal met bogenoemde sentimente vereenselwig nie! Dit is die openingsnit op haar derde album, Alles net vir jou. Dié album volg op haar voriges, Twee plus twee (in 2006) en Droom van my (2008). Sonja, wat op ’n plaas tussen Ottosdal en Lichtenburg grootgeword het, het ’n mooi, natuurlike timbre wat haar stem uiters geskik vir countrymusiek maak. Op dié album is daar…

Die kliënte vir wie ek hierdie kas nuut gemaak het, hou van juweelkleure en goud in hul huis en reis graag. Ek wou dié liefdes in die kassies sigbaar maak. As ek aan ouwêreldse ontdekkingsreise dink, sien ek in my geestesoog skepe, ’n kompas, kaarte en ’n bietjie later ook handgeskrewe poskaarte. Granny B’s Old Fashioned Paint se transfers met hierdie elemente as tema, is ideaal vir die projek. Siende dat hulle van goud hou, het ek goudkleurige elemente ook ingespan. VOORBEREIDING Skuur alle ou olie en vernis goed af. Vee daarna als met spiritus op ’n opwassponsie en dan met ’n klam lap af. VERF Alle produkte vir hierdie projek is van Granny B’s Old Fashioned paint en die kassies het albei een laag Teacup Green en een laag…

Die plaasgemeenskap van my kinderjare was so diep in die boendoe dat ons van die laastes in die Bosveld was wat telefoondrade gekry het. Nuus uit die “voorwêreld”, soos ons die stad genoem het, het ons deur die Sondagkoerant, die radio en die slingerfoon bereik. ’n Plaaslyn-sentrale werk mos so dat die hele kontrei kan hoor wie gebel word. Elkeen had sy eie luitoon – soveel kortes, soveel langes. Jy moes mooi luister om te weet of die oproep vir jou bedoel is. Boeremanierlikheid het vereis dat jy die foon flink moes optel, sodat niemand na ’n lang gelui hoef te luister nie; jy moes nie op die lyn boer nie, sodat ander ook ’n praatkans kry; en as jy perdalks ’n ander luitoon met joune verwar, moes jy die…

MAN KAN NIE GENOEG AANDAG KRY NIE My man is afgetree, ek nie. Ek werk van die huis af (met syfers) wat baie konsentrasie verg. Hy val my heeldag lastig en voel dan afgehaal as ek nie dadelik aan hom kan aandag gee nie. Ek skeep hom glo af. Ek sukkel om my werk gedoen te kry. Hoe kan ek dit tot hom laat deurdring sonder om hom seer te maak? – Raadop Jou man is verveeld en daarom pla hy jou terwyl jy werk. Ek maak die aanname dat hy nie ’n stokperdjie het wat hom besig hou nie. Jy sal met hom moet praat en verduidelik dat jy sukkel om te konsentreer as hy jou steur. Om ’n kantoor van die huis af te bedryf, het soms ook…