Table of contents for 16 August 2019 in Vrouekeur

Die afgelope paar weke is ek grasweduwee, wat beteken my aande is my eie tyd. Behalwe dat ek verlang, gee dit my die geleentheid om na hartelus tot in die nanag te verf. Om die stilte te verbreek, is my iPad neffens my in my piepklein studio en ek luister Forensic Files op Netflix, want jy hoef nie te kyk nie – die lopende kommentaar vertel vir jou die storie. Dit herinner my aan my kinderjare toe ek saans saam met my ma na stories op die radio geluister het – Lux radio theatre as ek reg onthou. So ek het dit reggekry om na al nege reekse (elke reeks het 40 stories) te luister. Dis 360 stories. Hoekom vertel ek dié storie? Omat ek nie kan glo dat mense…

As TV-akteur ken ons hom vir rolle in Die meisie van Suidwes, Die Mannheim-sage, Agter elke man, Ballade vir ’n enkeling, Arsenaal, Onder draai die duiwel rond, Plek van die vleisvreters, 7de Laan, Dryfsand, Andries Plak, Binnelanders, Vlug na Egipte en Riemvasmaak. Maar dis nie net op die kassie waar hy sy slag gewys het nie, hy was ook in verskeie toneelstukke soos Die Van Aardes van Grootoor, Die staatsgetuie, Plaston DNSkind, Die goue kring, Die potlooddief en die engel, The Time of the Hyena, Hamlet, Minnaar onder die wapen en Die laaste strooi. Van die rolprente waarin Richard verskyn het, sluit in Treurgrond, Trouvoete, Karate Kallie, Stoute boudjies en Liewe hemel, Genis!. Richard vertel in sy jongste musiekvertoning, Tweespoor, waar hy saam met Steffie le Roux, Mariëtte Galjaard en…

Riette Pretorius is ’n selfversekerde vrou met ’n vlekkelose gelaat wat jare jonger as haar 36 voorkom. Welsprekend en intelligent. Baie uitgesproke. Om haar nek hang ’n helderkleurige serp wat haar man agter tralies vir haar gehekel het. Sy het twee jaar gelede ewige trou gesweer aan dr Wilhelm Pretorius (40), ’n teoloog, wat tot 25 jaar gevangenisstraf weens hoogverraad gevonnis is. Wilhelm was betrokke by die Boeremagsaak. Hy is reeds 16 jaar agter tralies, maar die eerste bykans 11 jaar wat hy in die gevangenis voor vonnisoplegging in Oktober 2013 was, word nie van die vonnis afgetrek nie. Die uitgerekte Boeremag-saak het groot opslae in die land gemaak nadat berig is dat hulle beplan het om ’n voertuig waarin die destydse staatspresident, Nelson Mandela, sou reis, wou opblaas. Hul…

KOOP DIT HIER Forever New www.forevernew.co.za, MrP www.mrp.co.za, Woolworths www.woolworths.co.za, YDE www.yde.co.za, Zara www.zara.com/za…

Linda sê ouers kan hul kleuters help om minder nagmerries te kry deur aandag te gee aan spanning tuis en in die gesin en indien moontlik op te los. As dit nie moontlik is nie, kan spelterapie hulle help om traumatiese of spanningsvolle gebeure te verwerk. Positiewe aandag deur die dag kan ook help dat hulle minder gereeld nagmerries kry. Bangmaakstories en TVprogramme wat nie ouderdomstoepaslik is nie, moet verbied word. Troos jou kind as hy of sy van ’n nare droom wakker word. Luister aandagtig wanneer hul jou van hul droom vertel en hou hulle vas totdat hul weer rustig genoeg is om verder te slaap. Minette gee die volgende wenke as kinders byvoorbeeld oor ’n monster droom: ▶ Hou jou kind vas. Vertel dat dit ’n slegte droom…

DEKORDINGE IN KAAPSTAD Die 2019 Kaapstad Homemakers Expo word van 29 Augustus tot 1 September by die Kaapstad-konvensiesentrum gehou. Die tema vanjaar is Raw Comfort en jy sal die jongste neigings in dekor, ontwerp en lewenstyl kan sien. Kaartjies is by die deur en via Quicket beskikbaar en wissel van gratis (kinders onder 16) tot R90 vir volwassenes en R70 vir pensioentrekkers. Die ekspo sal daagliks van 10:00 tot 19:00 oop wees. Besoek www.homemakersonline.co.za vir meer inligting WEN KAARTJIES! 5 lesers in Kaapstad kan dubbelkaartjies na die skou wen. SMS EXPO gevolg deur jou naam, van en adres voor 21 Augustus 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir…

KONDENSMELKKOEKIES 100 koekies 500 ml (500 g) botter250 ml (220 g) strooisuiker5 ml (1 t) vanieljegeursel1 blik (385 g) kondensmelk1 325 ml (700 g) koekmeel20 ml (4 t) bakpoeier1,25 ml (¼ t) sout1 plak (80 g) donkersjokolade Voorverhit oond tot 180 °C en voer bakplate met waspapier uit. 1 Klop botter en strooisuiker tot lig en donsig. Gooi vanieljegeursel en kondensmelk by en klop vir verdere twee minute.2 Sif meel, bakpoeier en sout saam.3 Gooi meelmengsel by bottermengsel en meng tot deeg vorm.4 Rol deeg in balletjies en pak op bakplaat. Druk elke balletjie plat.5 Bak vir 12 minute tot goudbruin en gaar. Haal uit oond en laat op draadrak afkoel.6 Smelt donkersjokolade en skep in plastiekspuitsak. Spuit elke koekie met sjokolade. Laat sjokolade stol en sit voor.…

PG du Plessis het eens so oor skryf werk en menslikheid geskryf: … daar is geen einde aan ons perversies en wreedhede en luste nie. Of aan ons klein en groot leed nie. Elkeen sou sy wereld anders wou gehad het, en hom- of haarself. Skryf is dalk ook die kyk na die onnoemlike binne-in jouself – na dit waarvan jy goddank min genoeg ontvang het om dit nooit tot ’n daad te bring nie. Om die mensdom bietjie lief te he, kom uit deernis, en deernis kom uit jammerte, en jammerte kom uit skrik – dat dit jy kon gewees het met wie dit gebeur het, dat dit jy kon gewees het wat so was. As daar een ding is wat mens bybly ná die lees van die huldigingsbundel…

ROLPRENTE ARTEMIS FOWL Met Adrian Scarborough en Judi Dench Regisseur Kenneth Branagh FANTASIE Almal ken vir sir Kenneth Branagh, ’n beroemde akteur, maar deesdae ook regisseur van die onlangse Murder on the Orient Express, en dame Judi Dench, een van die wêreld se beste aktrises. Maar jy het hulle nog nooit in hierdie gedaante gesien nie! Branagh as regisseur van ’n wetenskapsfiksie-fantasie en Dench as deel van die fantasie! Die towersprokie gaan oor die mens wat sy eie planeet vernietig het, en as gevolg van besoedeling en gierigheid nou ’n baie duur prys daarvoor moet betaal. Maar die feetjie LEPrechon, word deur Artemis Fowl 11 ontvoer. As jy nie jou feetjies van jou ontvoerders kan onderskei nie, wees gerus. Hierdie is die soort fliek wat jou met sy visuele reise…

‘rooi rose’ stel bekend rrRADIO: Suid-Afrika se eerste, gratis Afrikaanse podsendingskanaal vir vroue! Die gehalte-inhoud waarvoor ‘rooi rose’ bekend is, is nou ook in ’n nuwe oudioformaat beskikbaar. Die eerste seisoen van rrRADIO bestaan uit drie oorspronklike reekse: BOTOX, BARBIES & BIETSE In dié vervolgverhaal deur Martie Swanepoel, stel Elize Cawood jou voor aan Liesl Burger, ’n kunstenaar wat die plooie van haar man se verraad met ’n vintage Barbie uit haar lewe botox. Lag saam het haar. Huil so ’n bietjie … en herontdek jou vrouwees. TEE & TAAI TOFFIES Bekendes gesels openhartig met ons veteraanjoernalis Ilse Salzwedel oor hul doen en late. Boonop gaan hulle probeer om vir luisteraars raad oor hul probleme te gee. Gaan dit werk? Luister en oordeel maar! Ons waarborg ’n luisterervaring vol deernis…

TEKEN IN OF HERNU jou inskrywing teen R747,50 PER JAAR! ■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES■ SMS die woorde ‘CAXTON VK’ na 47098 (R1,00 per SMS)■ STUUR ’N FAKS na 086 670 4101 met jou besonderhede van hernuwing of intekening■ SKRYF IN OP ONS WEBWERWE www.vrouekeur.co.za / www.magsathome.co.za■ STUUR ’N E-POS na subs@magsathome.co.za■ POS ’N TJEK uitgemaak aan RamsayMe dia Subs en stuur dit saam met ’n brief en jou besonder hede van hernuwing of inteke ning na: Vrouekeur-subskripsies, Vrypos CBO209, Posbus 596, Howard Place, 7450■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIP SIE NOMMER of jou VAN en…

As mense my vra wat ek vir ’n lewe doen, antwoord ek altyd: “Ek skryf boeke vir kinders.” Ek vergeet maklik dat ek soms ander goed ook skryf om die pot aan die kook te help hou, want kinder- en jeugverhale is my eerste liefde. Dit is waarmee ek grootgeword het en dit maak steeds 90% uit van alle boeke wat ek lees. Dalk het ek nooit regtig grootgeword nie, of dalk geniet ek dit bloot omdat dit my ver weg neem van die vervelige en soms neerdrukkende realiteit van elke dag se dinge. Kinders is wonderbaarlike, unieke, magiese wesens, (en ja, ons was almal ook eenkeer so) en gelukkig is daar heelwat kinderboekskrywers en uitgewers wêreldwyd wat dit besef, en wat boeke skryf en skep wat aan kinders se…

“Daar was ’n harde kraakgeluid. Meteens het ek net naalde en spelde deur my hele liggaam gevoel en op die veld inmekaargesak,” vertel Koben Hofmeyr van daardie oomblik in 2018 wat sy lewe verander het. As kaptein van Louis Trichardt se o.16Aspan het hy die span minute vantevore teen Hoërskool Warmbad op die veld gelei. “Alles het goed begin,” onthou Koben. “’n Paar minute nadat ek in die tweede helfte ’n drie vir my span gedruk het, was ek op volle spoed op pad om ’n opponent plat te trek. My kop het in die proses tussen die opponent, wat ook op volle spoed was, se bobene verstrengel geraak. Dit is toe dat ek daardie geluid gehoor het. Ek het dadelik geweet iets groots is fout.” ’n Paar maande tevore,…

Na haar eerste week in die skool was sy baie ongelukkig omdat sy nog nie self tydskrifte of koerante kon lees nie. “My ouma het die reusetaak op haar geneem om my daardie naweek te leer lees. Teen Maandag kon ek wraggies ’n hele artikel lees.” Sommer gou het sy die biblioteek se kinder- en tienerboeke klaar gelees. “My ma-hulle moes toe maar sorg dat hulle genoeg storieboeke vir my in die stad kry wanneer hulle soontoe gegaan het.” Die gesin het dikwels verhuis en sy was in drie laerskole en vyf hoërskole. “Dit was goed om aan soveel skole blootgestel te word, want dit leer mens om aanpasbaar te wees. In al die skole het ek maklik vriende gemaak en skool was baie lekker, behalwe die laaste twee.” In…

AUGUSTUS-WENBOEK Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Bederf jou gesin met ou familiegunstelinge soos lewerkoekies, bobotie en skaapboud in die “toe”-gedeelte en geniet weer die liplekker lekkerte van melktert, gemmerkoekies en gemmerbier, om maar net enkeles te noem. As jou tyd beperk is, wend jou tot die kortpad-getoetste resepte in die “nou”- gedeelte waar die mikrogolf ingespan word, soos ’n sjokoladekoek wat in slegs sewe minute gemaak word, en beproefde, gesonder geregte soos spinasiegebak, pampoenmuffins, bobotie met ’n appellaag en eiervrugslaai. Die boek word deur Human & Rousseau uitgegee en is by toonaangewende boekwinkels beskikbaar ANNETJIE SWANEPOEL VAN LICHTENBURG HET ’N WENK GESTUUR: Hou ’n leë koeldrankbottel in jou motor as julle ry en druk…

Digte mis le aan die voet van die Outeniquaberg en jy weet sommer dit gaan vandag warm raak. Maar wat anderkant die berg wag, is alles die moeite werd. Die padwerk op die Oudtshoorn-pad neem baie tyd in beslag en ons kom redelik laat by die Swartbergpas aan. Ons ry stadig, want ná die onlangse reën is die pad vol slote gespoel en groot klippe steek oral uit. Die pragtige vallei daar onder in die kom verstom my altyd en natuurlik ook die mense wat die pas met hul fancy karre aandurf. Die meeste van die historiese plekke in die pas is met ’n bordjie gemerk, byvoorbeeld Stalletjie, Witdraai, Fonteintjie en Skelmdraai. Ons ry bergop tot by Die Top. Daar het jy ’n ongelooflike uitsig oor die vallei en die…

Hulle se mos as jy rerig ’n skrywer se werk bewonder, moet jy liewers nie die skrywer in lewende lywe ontmoet nie. Die mens wat die woorde geskep het, is byna nooit so bewonderenswaardig soos die woorde nie. Soos so baie dinge wat “hulle” sê, is daar ’n kern van waarheid in hierdie opvatting. Net om dit duidelik te maak, ons praat nou nie van plaaslike skrywers nie. Ons Suid-Afrikaanse skrywers is almal ongelooflik gawe mense. (Glo dit as jy wil. Dink jy ek gaan dit waag om enige van my Afrikaanse kollegas hier te kritiseer?) Kom ons bepaal ons eerder by internasionaal beroemde skrywers, die Groot Name wat oral op aarde herken word. Daar is inderdaad enkele Suid-Afrikaners wat deesdae ook Groot Name in die wêreldwye boekbedryf is. Deon…

Dis of ek vanaf stap 1 met hierdie kassie die see kon ruik en die branders hoor. As jy jou voorbereiding reeds gedoen het, kan jy hierdie hierdie kassie oor ’n naweek klaarmaak. VOORBEREIDING Skuur jare se olie en vernis goed af. Vee goed met spiritus af en dan met ’n klam lap. VERF Verf drie lae Granny B’s Old Fashioned Paints se Daisy White oral oor. Wag minstens 90 minute tussen die lae om goed droog te word en laat die verf oornag verhard. TRANSFER Sny jou ontwerpe vir die blaaie en kante uit en monteer dit stuk vir stuk. Ek het dele van Floral Lover (geruite patroon), French Ceramics (blomme) en Never Ending Story (skrif) gebruik. (Kyk op www.grannyb.co.za vir meer inligting.) AFRONDING Seël met Granny B Armour…

Binne ’n week is Mia oortuig dat haar lewe voorheen amper geen betekenis gehad het nie. Sy is uitgeput. Slaap min, bekommer haar baie. Maar sy is vervuld en bowenal verwonderd. Hoe het haar lewe nie binne oomblikke verander nie! Dirk en haar miserabele huwelik kom byna nooit meer in haar gedagtes op nie. Dis asof sy nooit van Vredenwijn weg was nie. Sy en Fienie is so besig met die baba dat die nuwe roetine hulle vorm en brei en op groter dinge voorberei. Altans, so voel dit. As sy dit saans aan etenstafel probeer verwoord, kyk selfs Ben na haar met die spoor van ’n glimlag. “Ek weet wat julle dink,” sug sy een aand, “ek moet liewer nie te geheg aan haar raak nie. Maar ag, het…

MOEILIKHEIDSGRAAD: ★★ STEEKVERDUIDELIKING Geheime hegsteek Wanneer jy by die einde van die laaste rondte kom, of, wanneer jy kleur wil verander, moenie die rondte sluit met ’n glipsteek nie. Knip jou hekeldraad en trek jou hekelpen boontoe totdat die stert deur is. Sit jou draad in ’n wolnaald. Steek van voor na agter onderdeur die TWEEDE steek aan die linkerkant. Trek deur. Jy gaan nou terug waar die draad vandaan kom. As jy mooi naby kyk sal jy sien die draad kom uit die middel van die V aan die regterkant. Steek na naald daar in, van voor na agter, kantel jou werk effens en steek deur die derde lus ook. Trek deur. Moenie styf trek nie. Trek net styf genoeg dat die nuut gevormde V dieselfde grootte is as…

Ons hoor dikwels iemand se: “Gee my blomme terwyl ek lewe.” Dit laat my dink aan die man wat doodsiek was. Die dokters het hom huis toe gestuur sodat hy by sy geliefdes kon wees. Die middag ruik hy die wonderlikste geure wat uit die kombuis kom. Hy kom sukkelend orent, staan stadig uit die bed op, skraap al sy kragte bymekaar en klim die trappe af na die kombuis toe. Toe hy daar kom, sien hy vars gebakte koekies. Hy strek so ewe uit om ’n koekie te neem, toe sy vrou sy hand wegklap en sê: “Los uit, dis vir jou begrafnis!” So ironies, nie waar nie! Een van my pa se motto’s was: Live with no regrets! Ek probeer dit ook my mantra maak. Wil jy aan…

Ons gesels op ’n koue Kaapse wintersdag en haar hande vou om haar beker groentee. “Die groenteedrinkery is vir balans,” vertel Christia Visser nog voor ek kan vra. “Ek het gisteraand twee pizzas opgeeet,” vertel sy met ’n groot glimlag. En ná pizzas praat ons oor toebroodjies, want haar karakter in Fynskrif, Adele, verkoop toebroodjies. “Ek is glutenweerstandig, maar ek maak heeldag toebroodjies!” vertel sy laggend. Maar sy geniet die rol, omdat Adele baie na aan haar eie persoonlikheid is. “Sy het ook geen filter voor haar mond nie!” Ek is nie seker oor watter een van haar groot 2019-gebeurtenisse ons eerste moet gesels nie, haar verlowing aan Thomas Webb of haar musiekvideo van 17 Shots nie. Christia het haar eerste liedjie op sewejarige ouderdom geskryf. Dis nou toe sy…

WENK Eet die sop net so, of sit die ekstra bestanddele op die etenstafel, sodat mense hulle self kan help NACHO-SOP 4 porsies 1 ui, gekap15 ml (1 e) Nacho-speserye840 g (2 blikke) tamatiepulp1 𝓁 (4 k) hoenderaftreksel½ spithoender, gevlok800 g (2 blikke) rooiboneBO-OPNacho-skyfiesavokadosuurroomkoljander 1 Braai ui in bietjie olie, gooi speserye by en braai tot geure loskom.2 Roer tamatiepulp en aftreksel by en bring tot kookpunt. Verpulp met staafmenger tot glad.3 Gooi hoender en rooibone by.4 Bo-op Sit met ekstra skyfies, gesnyde avokado, suurroom en koljander voor. SUURROOM-EN-SAMPIOEN-PASTA 4 porsies 500 g pasta1 ui, gekap500 g (2 pakkies) sampioene, gekap½ spithoender, gevlok250 ml (1 houer) suurroom250 ml (1 k) mayonnaise 1 Kook pasta in borrelende soutwater tot net sag, dreineer en hou eenkant.2 Braai ui tot sag. Roer sampioene…

GEURE TE KIES EN TE KEUR Voeg heerlike geure by jou disse met Cape Herb & Spice se nuwe, innoverende reeks geurmiddels. Dit is vry van kunsmatige kleur- en geurmiddels, bevat geen bygevoegde MSG of preserveermiddels nie en is geskik vir veganiste. Kies uit verskeie geure soos Caramel – ’n soet-suur mengsel ideaal vir vark, hoender of ribbetjies, of Seeded, perfek vir slaaie, sop of groentedisse, ongeveer R39,95 by supermarkte. www.capeherb.co.za BAK SOOS OUMA Woolworths se Olive & Rosemary Bread Mix word plaaslik gemaak, en word in ’n emaljepotjie verpak. Daarby saam kort nog een plaaslike produk – bier! Voeg net die aangeduide hoeveelheid bier by die mengsel en jy het ’n heerlike tuisgebakte broodjie, R149,99. KUNSTIG By The Crazy Store is daar vele kunsbenodigdhede wat kinders vir ure sal…

▶ Het jy geweet die Swartbergpas is in 1988 tot ’n nasionale monument verklaar? ▶ Die Karoo Donkey Sanctuary se besoektye is van 11:00 tot 15:00. Bel 082 900 6103 of besoek www.karoodonkeysanctuary.org.za ▶ Besoek Gay’s Guernsey Dairy in Kerkstraat. Tel 023 541 1274 of www.gaysguernseydairy.com. In 1990 het Gay van Hasselt drie koeie in ’n klipkraal gemelk en dit was die begin van hierdie onderneming. Bel net eers om seker te maak wanneer hulle oop is. ▶ The Showroom is ’n Art Decojuweel. Kyk gerus wanneer hulle vertonings het, e-pos admin@showroomtheatre.co.za of bel 023 541 1563. ▶ Besoek Fernskloof-wyne sowat 16 km buite Prins Albert. Bel 023 541 1702 of besoek www.fernskloof.co.za ▶ Gaan proe olywe by een van die olyfplase, Kredouw-olyfplaas, bel 023 541 000 of besoek www.kredoufarm.com…

In 1978 het Edoardo Villa een van sy grootste en terugskouend een van sy belangrikste beeldhouwerke gemaak: ’n beeldgroep waarvan die grootste figuur vier meter hoog staan en die werk beslaan iets soos sewe meter. Mens sou verwag dat só ’n tamaaie beeldegroep ’n opdrag sou wees, maar dit was nie. Hy het dit sonder opdrag en sonder bestelling gemaak, omdat hy wou. Villa (1915–2011), ’n gebore Italianer wat tydens die Tweede Wêreldoorlog as krygsgevangene in die Zonderwater-tronk in Cullinan beland het en ná sy vrylating in Suid-Afrika aangebly het, was nooit per se ’n politieke wese nie. Die rede vir sy aanbly in Suid-Afrika het hy só verwoord: “In Europa is alles reeds gedoen, bevraagteken en uitgeput. Hier, in Afrika, voel ek die moontlikheid van ontginning … van die…

Die talentvolle en veelsydige sangeres en musikant Cheree se jongste album, Wilde waters (Universal), is puik! Dit is haar eerste solo-album in tien jaar, en gewis haar beste nóg! Die album bevat 13 snitte en wissel tussen country, pop en rock. Die dosyn nuwe liedjies hierop is deur gesoute skrywers geskep: onder andere Vaughan en Nerine Gardiner en Hugo Ludik. Die byderwetse verwerkings is deur Andrew Roos (ook klawerbord, baskitaar en programmering) behartig, met Johan Rautenbach en Raymond Green se kitare en Bruce Wallace en Vinnie Henrico se tromme. Chereé beskik oor ’n sensuele countrytimbre en sy vertolk met boeiende passie en beïndruk veral met haar laer register. Elkeen van die snitte is bekoorlik, met tussen die mooiste die ritmiese, opgewekte popliedjie Praat (eerlik uit Chereé se pen), die country…

Dis ’n foto van baklava op haar foon wat maak dat Maureen vir Daniel in ’n kombers toedraai en Mayfair toe ry. Sy sukkel om hom uit die karstoeltjie te lig, al het sy reeds drie maande se oefening agter die rug. Sy kry die stootwaentjie uit die kattebak en maak hom daarin vas. Sy vou die kombers wat haar ma gehekel het om sy kop. Die wind ruk aan die laaste Augustusblare wat nog rondlê, ten spyte van die nuwe groei wat reeds sigbaar is. Maureen sukkel ook om die stootwaentjie teen die twee trappies op te kry, maar die reuk binne die bakkery laat haar onmiddellik ontspan. Dit ruik soet en iets herinner aan haar ouma se kombuis op die plaas as sy koesisister gebak het. Sy staar…

SIELKUNDIGES WORD VERDOEM My man meen sielkundiges is nie van die Bybel nie en verdoem elke woord wat deur ’n sielkundige gespreek word. Ek het ’n teenoorgestelde siening en het juis in die verlede by die ingryping van ’n sielkundige baat gevind. Hoe bewys ek hom verkeerd? – Stem nie saam Dit is nie nodig om hom verkeerd te bewys nie. Jou man het waarskynlik vele aspekte uit sy verlede wat hom jaag en om te voorkom dat hy gehelp word, verdoem hy sielkundiges wat hom kan help. Daar is sielkundiges van verskeie gelowe, insluitende Christene. Jy het duidelik baat gevind by die ingryping van ’n sielkundige en sal dus eerstehands weet of daar vir jou waarde daarin was of nie. Ons doen nie vreemde dinge nie, ons help die…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 11 woorde, baie goed 14 woorde of meer, uitstekend OPLOSSING: Vuurkewer, vuurwerk, verwerk, verrek, verruk, verwek, verwer, revue, verre, veer, veër, vrek, vurk, vuur Woordsoek Ons het 31 Suid-Afrikaanse musikante in die rooster weggesteek. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk of jy…