Table of contents for 30 April 2026 in Landbouweekblad

Die ander sê AMERIKAANSE boere voel die styging in kunsmispryse, wat weens die oorlog in die Midde-Ooste die hoogte ingeskiet het, aan hul sak. Party het voor die lenteplantseisoen bestellings geplaas, maar dit blyk dat die aflewerings vertraag word as gevolg van die sluiting van die Straat van Hormoes. Die mielies en sojabone op Andy Corriher se plaas in Noord-Carolina is reg vir plant, maar die kunsmisbestelling wat hy weke gelede geplaas het, het steeds nie opgedaag nie. Dié boer is een van vele Amerikaners wat weens die stygende kunsmis- en dieselpryse in ’n kosteknyptang vasgevang is as gevolg van Amerika en Israel se aanvalle op Iran. “Dié tyd van die jaar word die meeste kunsmis in die landerye gebruik. Ons is op die slegste moontlike tyd getref, want ons…

DIÉ vraag spruit uit die skerp prysstygings van diesel en kunsmis weens die oorlog in die Midde-Ooste, tesame met strukturele probleme op lang termyn, soos die gebrekkige invoertariefmeganisme en liggingsdifferensiaal op koring. Suzanne Lureman, ekonoom van Overberg Agri, het reeds in Maart gewaarsku dat koringboere in die Swartland vanjaar ’n opbrengs van minstens 2,71 ton per hektaar moet haal net om gelyk te breek. By kanola is 1,5 ton per hektaar die minimum opbrengs om gelyk te breek. Met insetkoste wat vinniger styg as die pryse wat boere vir hul produk behaal, is dit vir baie onmoontlik om ’n wins te maak. In die mieliebedryf lyk sake nie beter nie. Selfs vóór die skerp dieselprysverhogings in April het Graan SA se syfers getoon dat die totale produksiekoste per ton vir…

WAT bedoel is as ’n siektebekampingsmaatreël het op grondvlak ’n stelsel geword wat volgens boere met wie Landbouweekblad gepraat het, meer ekonomiese skade aanrig as bek-en-klouseer self. Die probleem lê nie net in die regulasies nie, maar in die toepassing daarvan. Boere kla oor ’n gebrek aan duidelike riglyne, teenstrydige besluite oor permitte en ’n byna totale gebrek aan terugvoer oor bloedtoetse en wagtye. Sonder uitslae of permitte kan geen diere verskuif of verkoop word nie, wat beteken boere kan geen inkomste verdien nie, terwyl uitgawes dieselfde bly of selfs toeneem. Selfs formele vrae wat skriftelik aan die owerhede gestel word, bly onbeantwoord. Dit sluit kwessies in soos wagtye vir verskuiwings, definisies van “dag nul” en hoe lank kwarantyn werklik geld. Boere wys ook op praktiese probleme met toetsing en…

ONDERGRONDSE brande is ’n ernstige bedreiging vir Suid-Afrika se veenlande omdat sulke brande uiters moeilik is om te blus. Suid-Afrika het volgens dr. Jason le Roux, navorser en projekleier van die Landbounavorsingsraad (LNR) se kampus vir natuurlike hulpbronne en landbou-ingenieurswese, ’n paar besonderse veenlande wat duisende jare oud is. Met die verwagte droë siklusse die volgende paar jaar raak die risiko vir veenbrande baie groot. Le Roux het by ’n bewusmakingsdag oor veenbrande in Pretoria gesê ’n veenland is ’n vleiland waar organiese materiaal teen sowat 1 mm per jaar, dus 1 m per 1 000 jaar, opgebou het omdat dit nat bly en die materiaal daarom nie afbreek nie. Die Mfabeni-veenland naby St. Lucia in KwaZulu-Natal is een van die oudstes ter wêreld, indien nie dié oudste nie. Dit…

Een van die kernprobleme waarmee wildboere tans worstel, is die gebrek aan eenvormige regulasies oor provinsiale grense heen. JP Smith, bestuurder van Wildswinkel, wys daarop dat boere en kopers met nege verskillende provinsiale stelsels werk, elk met sy eie interpretasie van reëls, benewens nasionale vereistes. Hierdie gefragmenteerde benadering skep nie net administratiewe rompslomp nie, maar vertraag ook die beweging van diere en bemoeilik beplanning. In baie gevalle, sê hy, word teoretiese risiko’s hoër geag as die werklike risiko op die grond, wat tot onnodige beperkings lei. Die probleem word verder vererger deur swak gestruktureerde kommunikasie tussen die staat, provinsiale owerhede en die private sektor. Volgens JP is dit dikwels nie duidelik wat presies vereis word vir ’n spesifieke verskuiwing van diere nie of wie verantwoordelik is vir watter deel van…

EIENAARS en telers van 24 beesrasse van SA Stamboek en Vleissentraal se nasionale elitebulgroeitoetsklas word op 27 April tydens die Bloemskou vereer. Een wenbul van elk van die 24 beesrasse, wat op grond van hul prestasie, genetiese meriete en funksionele voorkoms kwalifiseer, is aangewys. Vanjaar ontbreek die visuele beoordeling, maar die telers en eienaars word op 27 April in Bloemfontein vereer. AFRIKANER JEV 23-0150 Eienaar: Jannie Visagie Beter groei en meer melk is die mikpunt van Jannie Visagie, eienaar van die Jannie Visagie Afrikaner-stoetery van Kimberley. Die stoetery bestaan sedert 2017 en Jannie het deur die jare die beste bulle moontlik probeer bekom om hierdie doelwit ’n werklikheid te maak. Die kudde is bekend om hul uitstekende groei. ’n Groep bulkalwers vanuit die kudde het onlangs uitstekend gepresteer in die…

Suid-Afrikaanse boere besef die waarde van vliegtuie – nie net as ’n doeltrefende hulpmiddel in hul boerderybedrywighede nie, maar ook as ’n praktiese oplossing vir persoonlike vervoer. Suid-Afrika staan aan die voorpunt van landboulugvaart in Afrika. Hoewel daar nie presiese statistieke is oor die aantal boere wat vliegtuie besit nie, meen bedryfskenners dat daar ’n beduidende aantal landbouverwante lugvaartuie in die land is. Volgens die artikel “The best aircraft registry for African owners” wat in 2023 op die webwerf www.avbuyer. com verskyn het, is Suid-Afrika se ZS-geregistreerde vliegtuie te sien in die hele Afrika, wat die land se gevorderde lugvaartinfrastruktuur weerspieël. Die meeste van hierdie vliegtuie word deur groot kommersiële boere besit, wat dikwels uitgestrekte eiendomme bestuur wat andersins moeilik is om te bereik en te besigtig. Mites en feite…

Landbouweekblad het in Mei 1919 as ’n gedrukte publikasie begin, en het sedertdien ontwikkel tot ’n multimedia-aanbieding van landbou-inligting met ’n reikwydte oor verskeie platforms. “Gebou op ’n eeu oue erfenis het Landbouweekblad tred gehou met veranderende tye. Die handelsmerk het verander van ’n tradisionele landboutydskrif tot ’n dinamiese reeks platforms wat gedrukte publikasies, digitale aanbiedinge, televisieprogramme, geleenthede en pasgemaakte bemarkingsoplossings insluit,” sê Chris Burgess, hoofredakteur. “Hierdie voortdurende ontwikkeling is ’n bewys van Landbouweekblad se verbintenis om in die ontwikkelende behoeftes van boere én landboubesighede te voorsien.” Praat met ’n breë gehoor Landbouweekblad se gehoor verteenwoordig die hele Suid-Afrika se landboubedryf. Die primêre gehoor sluit gevestigde kommersiële boere in wat op Landbouweekblad staatmaak vir betroubare inligting om produktiwiteit en winsgewendheid te verbeter. Hierdie boere waardeer die publikasie se wetenskaplik gegronde…

Die landboubedryf is propvol stories; stories oor die mense en verhoudinge, oor die werktuie en oor die grond en produkte. Eersteling Boerdery is geen uitsondering nie. Hier skryf ’n toegewyde span saam aan ’n verhaal van familie- en gemeenskapsbande teen die agtergrond van Groblersbrug se Bosveldlandskap in Limpopo. John Deere Financial het die plaas besoek om dié stories en die unieke lewe daar vas te vang. Hulle het nie net die pragtige plaas op film vasgelê nie, maar ook die samehorigheid, toewyding en verhoudinge wat Eersteling oor ses geslagte heen laat floreer. Dié kort rolprent, aangebied deur John Deere Financial, gee ’n blik op wat dit beteken om ’n moderne plaas te bestuur – waar sukses nie net aan opbrengs gemeet word nie, maar aan mense, gemeenskap en nalatenskap. Tog…

Vir meer as twee dekades spesialiseer Wuhlf Equipment al in die vervaardiging, invoer en verskaffing van verskillende werktuie, soos vurkhysers en voorlaaiers, maar is veral bekend om sy topgehalte-ontbossers (mulchers). Dié plaaslike maatskappy is ook voortdurend besig met die ontwikkeling van nuwe produkte wat die lewe vir die boer makliker maak. Die nuutste werktuig wat Wuhlf besig is om te ontwikkel, is ’n afstandbeheerde ontbosser waarvan die prototipe vanjaar op Nampo te sien sal wees. “Die rede waarom ons só ’n werktuig na die mark bring, is omdat hy op rowwer terrein kan werk,” sê Johan Grobler, direkteur van Wuhlf Equipment. “Op sekere plekke waar dit skuins is, kan dit gevaarlik wees om met ’n standaard-werktuig te ontbos omdat dit kan omval. Die afstandbeheerde ontbosser is platter, daarom sal dit…

STIHL bied gereedskap om enige probleem op jou plaas te takel. Gevolglik het hierdie vervaardiger en verspreider van kragtoerusting drie hoëprestasie-gereedskapstukke in ’n landboupakket saamgevoeg. Dié toerusting is gebou volgens die uitstekende standaarde wat ’n mens van STIHL verwag. Die sogenoemde driemanskap is kragtige toerusting, maar dit is lig en met die oog op gebruiksgemak en eenvoudige onderhoud ontwerp. Hierdie drie gereedskapstukke help die boer om slimmer te werk en sodoende die produktiwiteit op sy plaas te verhoog. STIHL WP 600-waterpomp Met ’n maksimum uitset van 1 050 liter per minuut lewer die STIHL WP 600-waterpomp doeltreffende en betroubare verplasing van water – of jy nou water uit riviere, damme, putte of reservoirs onttrek of van ongewenste wateropbou ontslae wil raak. Met ’n suighoogte van tot 7 m en ’n…

Van grondpaaie tot plaashekke en van werkspersele tot gesinsritte – min voertuie het sulke diep spore in Suid-Afrika getrap soos die Toyota Hilux. Nou wil Toyota Suid-Afrika Motors (TSAM) dié nalatenskap op ’n unieke manier vier deur nie net ’n nuwe generasie van dié staatmaker bekend te stel nie, maar ook geskiedenis te maak. TSAM wil ’n Guinness-wêreldrekord vir die meeste Hilux-bakkies op een plek breek as deel van die viering van die splinternuwe negende-generasie-Hilux. Die bestaande rekord van 1 440 Hilux-bakkies is in 2025 in Nieu-Seeland opgestel. Die geleentheid vind op Woensdag 13 Mei 2026 tydens die Nampo-oesdag op Nampo-park by Bothaville plaas en beloof om een van die hoogtepunte op die landboukalender te wees. Die rekordpoging sal in die suidelike parkeerterrein naby hek 1 aangebied word en is…

Produkte wat nog nie tevore vertoon is nie, is vanjaar op JoJo-tenks se standplaas op die Nampo-oesdag by Bothaville te sien. Dit sluit in pasgemaakte oplossings, werkende uitstallings, demonstrasies, asook ’n verkoopsafdeling waar besoekers produkte teen promosiepryse kan aankoop. Dié aanbiedinge is eksklusief beskikbaar op JoJo se standplaas (solank voorraad hou) en sal ook in Mei in sy aanlyn winkel te kry wees deur die koeponkode JOJONAMPO26 te gebruik. Doeltreffende waterbestuur Een van JoJo-tenks se nuutste toevoegings waaroor sy span besonder opgewonde is, is die JoJo Remote Tank Pump Controller – ’n slim oplossing wat ontwerp is om waterbestuur op plase eenvoudiger en doeltreffender te maak. Water is een van die belangrikste hulpbronne op enige plaas, maar om dit oor groot afstande te bestuur, kan kopkrap verg. Of dit nou…

Afrimat Cement, ’n filiaalmaatskappy van Afrimat, is nie net in Suid-Afrika aan die bou nie, maar is deel van die land se fondament. As ’n Trots Suid-Afrikaans maatskappy verstaan hy plaaslike nuanses en prioriteite, en het hy die stewels op die grond om die land te bou. ’n Nalatenskap van plaaslike uitnemendheid Vir Afrimat is “100% Suid-Afrikaans” meer as ’n slagspreuk – dit is ’n verbintenis tot die mense wat in Suid-Afrika se strate loop en in die huise woon wat Afrimat help bou. Die maatskappy se besluite word plaaslik geneem, aangedryf deur ’n diepgaande begrip van die Suid-Afrikaanse ekonomie en die spesifieke kwessies in die plaaslike bousektor. Die maatskappy se plaaslike ingesteldheid stel hom in staat om ’n produk te verskaf wat nie net aan internasionale standaarde voldoen nie,…

Produsente moet marktoestande en voerpryse noukeurig bestudeer voordat hulle besluit om self hul beeste markgereed te kry. Dié faktore beïnvloed winsgewendheid, veral as vetmesting net ’n seisoenale, nie-permanente instelling op die plaas gaan wees. Fasevoeding Die vetmesting van beeste word gewoonlik in drie fases opgedeel, hoewel dit soms voordelig is om slegs een rantsoen (’n groeirantsoen) te voer omdat dit bestuur vergemaklik. Fasevoeding word toegepas om akkurater in die bees se voedingsbehoeftes te voorsien en die vermorsing van voedingstowwe te beperk. Aanvangsfase Die aanvangsfase duur gewoonlik 14 dae in die voerkraal. Die klem word hier gelê op die aanpassing van kalwers, osse of graad C-beeste tot ’n volvoerrantsoen. Met kalwers sal die rantsoen ’n hoër proteïeninhoud – en dus ook ’n deurvloeiproteïenbron – bevat, wat raamgroei en-ontwikkeling ondersteun. Dié rantsoen…

Jy het op ’n plaas grootgeword. Hoe beïnvloed daardie agtergrond jou kosfilosofie vandag? My waardering vir goeie, vars produkte, gehaltebestanddele en boerdery spruit beslis uit my grootwordjare op my ouers se plaas. Min van die kos wat ons geëet het, het nie van ons plaas of uit die onmiddellike omgewing gekom nie. Die beste vleis, die varsste groente en vrugte, plaasmelk en eiers – daarvoor het my pa gesorg. My ma het tradisioneel en seisoenaal gekook: Eenvoudig en sonder tierlantyntjies, sodat jy die vars, goeie produkte waarmee sy gewerk het, regtig kon waardeer. Net soos sy, hou ek vandag nie daarvan om kos te oordoen nie. Ek verkies dit eenvoudig, maar goed gegeur en perfek gaargemaak. Wat beteken “boerekos” vir jou? Ek dink eerste aan die tradisionele, nostalgiese resepte wat…

Oudste Boran-koei ter wêreld ‘was al die jare soos ’n jong koei’ Die oudste Boran-koei ter wêreld, KB5X, het op 13 April “die tydelike met die ewige verwissel”. Dié koei het die besonder hoë ouderdom van 22 jaar bereik – ’n rekord-ouderdom vir beeste. KB5X, oftewel KB, het aan Radie Loubser van die Umoja-stoetery by Dewetsdorp behoort. KB het op die plaas Welkom van Zippo Lamprecht van die Bloodline Boran-stoetery geloop ná ’n ooreenkoms in 2018 dat Loubser se beeste op Lamprecht se grond kan loop. Loubser het dieselfde jaar die koei by Bokkie Kritzinger van Tulpieskraal in die Joubertina-distrik gekoop. KB was deel van ’n aantal Borane, met die naam Grasmere, wat in 2003 met ’n Russiese vliegtuig vanaf Zambië na Eswatini gevlieg is en van daar na Suid-Afrika…

POSBUS 1802, KAAPSTAD 8000; e-pos: lbw@landbou.com BKS benodig streeksbenadering Met die eerste bevestigde uitbreking van bek-en-klouseer (BKS) in Lesotho onlangs is daar nie meer ’n ander realistiese alternatief as ’n streeksbenadering tot die bekamping van die siekte nie. Buiten Namibië is daar tans geen ander land wat aan Suid-Afrika grens waar uitbrekings buite beheerde gebiede nie bevestig is nie. Namibië en Botswana volg streng, gedissiplineerde protokolle om hul rooivleisuitvoerstatus te beskerm, maar die beweging van vee oor grense, asook binnelands vanuit geraakte distrikte na die res van die streek, word swak beheer. Selfs al is Suid-Afrika se landwye inentingsprogram suksesvol, sal die uitgawes en die moeite daaraan verbonde tevergeefs wees indien daar nie gelyklopende naspeurbaarheidsprogramme en konsekwente bewegingsbeheer toegepas word nie. Die volgehoue swak beheerde beweging van vee oor die…

NAVORSING oor die risiko’s wat diere inhou nadat hulle van bek-en-klouseer herstel het, het verreikende gevolge vir die landbousektor, veral vir vleisbeesboere, voerkrale en die uitvoermark. Prof. Armanda Bastos van die Universiteit van Pretoria het haar navorsingsresultate hieroor op 8 April in ’n lesing uiteengesit. John Steenhuisen, minister van landbou, het die lesing bygewoon. Haar navorsing konsentreer op die werklike risiko’s wat bek-en-klouseer inhou wanneer diere wat van die siekte herstel het, gestuur word om geslag te word. Bastos het bevind dat die bestaande regulasies dalk nie meer deur die jongste wetenskap geregverdig kan word nie. In haar studie is 90 beeste ondersoek wat reeds deur ’n bek-en-klouseeruitbreking is en ná die voorgeskrewe wagtydperk vir sogenoemde “beheerde slag” gestuur is. Hoewel sowat 57% van die diere tekens van ’n sogenoemde…

Einde Maart het die nasionale oesskattingskomitee die tweede someroesskatting vir die seisoen bekend gemaak. Die oeste is deurgaans groter as wat in die eerste skatting geraam is. Die totale somergraanoes word op 20,307 miljoen ton geraam, teenoor 2025 se 20,45 miljoen ton. Die oesverwagting het aansienlik verbeter met die beter reënval wat in Maart oor die grootste deel van die somergraanproduksiegebied aangeteken is. Dit het dus die uiteindelike opbrengspotensiaal aansienlik verbeter. Daar word allerweë verwag dat die finale oeste en opbrengste in die volgende skattings hoër aangepas gaan word namate die oes gefinaliseer gaan word. Ongelukkig beteken dit dat die pryse van die hoofgewasse — mielies en sojabone — teen uitvoervlakke verhandel en winsmarges tans onder groot druk is. Die skerp stygings in die brandstof- en kunsmispryse kompliseer die situasie…

KANOLA kan meer dikwels geplant word as siekte- en onkruiddruk noukeurig en geïntegreerd bestuur word. Wisselbou is een van die belangrikste beginsels in bewaringslandbou en kanola het die afgelope 30 jaar ’n integrale deel van baie wisselboustelsels in die Wes-Kaap geword. Gewoonlik word aanbeveel dat meer as twee jaar tussen aanplantings verloop. Aangesien kanola tans dikwels winsgewender is as die graangewasse waarmee dit afgewissel word, het boere begin wonder of dit nie wys sal wees om die tyd tussen die kanola-fases te verkort om winsgewendheid te verhoog nie. Hoewel daar kommer is oor opbrengsstabiliteit en siektedruk weens Sclerotinia-stamvrot in korter fases, wys die data van 11 jaar se proewe deur die Wes-Kaapse departement van landbou en die Landbounavorsingsraad (LNR) by Riversdal dat verkorte kanola-rotasies mededingende opbrengste en hoër bruto marges…

Die rooi sand van die Kalahari het ’n manier om in ’n mens se hart in te kruip. Dit is iets waaroor drie wildboere uit dieselfde wêreld maklik saamstem. Op 2 Mei, net buite Askham in die Noord-Kaap, bring Japie van Niekerk van Kalahari Genetics, Louis van der Watt van STS Meletse en Piet du Toit van Piet du Toit Wildbedryf daardie gedeelde liefde en jare se teelwerk bymekaar vir die eerste Groot Kalahari-veiling. Dié drie boere se plase lê almal binne ’n radius van sowat 60 km van mekaar – tussen Askham en Van Zylsrus. Hulle het dieselfde landskap, klimaat en ingesteldheid oor hoe wild geteel behoort te word. “Ons het bymekaar gekom en gesê ons het dieselfde doelwitte om Kalahari-diere van topgehalte op ’n volhoubare manier te teel.…

Omdat hy nie self kinders het nie, het Christoff Brits vyftien jaar gelede vir Tommie Scholtz direk ná universiteit gewerf om vir hom te kom werk. Só het Tommie alles van Christoff Brits Boerdery se saai-en-vleisbeesboerdery by Bergville geleer. Vandag is Pannar albei se vertroude vennoot. Christoff Brits onthou met ’n tikkie humor hoe hy Tommie Scholtz, wat geen vorige boerdery-ervaring gehad het nie, aan die spreekwoordelike diep kant ingegooi het in die eerste twee jaar ná sy aanstelling in 2011. Op ’n ernstiger noot sê hy Tommie het sy staal gewys toe hy skielik die boerdery alleen moes behartig terwyl Christoff liggaamlik en geestelik herstel het ná ’n gewelddadige plaasaanval in November 2013. “Dis net deur die genade van Bo dat ek nog leef. Tommie moes noodgedwonge besluite namens…

Damsak, wat spesialiseer in die verskaffing van buigsame, kostedoeltreffende en betroubare oplossings om water op te gaar, het sy nuwe 500 000 liter-sakreservoir bekend gestel. Dié reservoir is Damsak se grootste reservoir nóg. Dit is ontwerp om moderne waterbestuursbehoeftes aan te pak. Dit word vervaardig uit poliester-versterkte, drinkwatergraad-PVC, wat uitstekende sterkte, betroubaarheid en lang gebruik verseker. Damsak® se stelsels is reeds sedert 2007 bekend om hul duursaamheid, terwyl die tienjaar-waarborg van die produkte van vertroue in die gehalte van die vervaardiging getuig. Die geslote ontwerp en donker binnekant voorkom algegroei, verminder die risiko van besoedeling en skakel waterverlies deur verdamping uit. Dit maak dit onder meer ideaal vir die opgaar van skoon drinkwater. Danksy die groot kapasiteit kan die reservoir ’n noodwaterbron vir plaasgesinne en omliggende gemeenskappe wees wanneer die…

Giovanni Landini het in 1884 ’n ingenieursonderneming gevestig in die stad Fabbrico, sowat 250 km suid van Milaan, Italië. Hier het hy suksesvol masjinerie vir onder meer die wynbedryf vervaardig. In 1900 het hy die Wêreldskou in Parys, Frankryk, bygewoon en is geïnspireer deur die nuwe tegnologie waarmee hy kennis gemaak het. In daardie stadium was stoomaandrywing Giovanni se keuse vir sy masjinerie, maar die Hornsby-Akroyd-gloeikopenjins was reeds baie gewild. Dit het moontlik die vonk verskaf vir die ontwikkeling van ’n gloeikopenjin vir die aandrywing van Landini-produkte in Giovanni se eie werkswinkels. In 1910 was hy een van die eerste ingenieurs om ’n gloeikopenjin op ’n raam met wiele te monteer vir die aandrywing van onder meer dorsmasjiene en waterpompe. Die naam stilstaande enjin (stationary engine) is aan dié soort…

In ’n tyd waarin die landbousektor toenemend onder druk verkeer, word die vermoë om aan te pas en vooruit te dink al hoe belangriker. Teen hierdie agtergrond is die Nampo-oesdag, wat van 12 tot 15 Mei vanjaar in Nampo-park buite Bothaville in die Vrystaat plaasvind, weer die middelpunt waar produsente, landbou-ondernemings en belanghebbendes in die waardeketting byeenkom. Vanjaar se tema, “Veerkragtigheid deur innovasie”, is nie bloot ’n slagspreuk nie, maar ’n akkurate weerspieëling van die probleme én geleenthede wat die bedryf tans definieer. ’n Bedryf onder druk – en in beweging Die Suid-Afrikaanse landboubedryf bevind hom in ’n situasie wat al hoe ingewikkelder raak. Klimaatsverandering veroorsaak onsekerheid in produksietoestande, terwyl insetkoste – van brandstof en kunsmis tot arbeid – voortdurend styg. Daarmee saam is die immer wisselende aard van die…

Presisieboerdery is nie meer ’n konsep van die toekoms nie. Die tipe landboutegnologie wat tot die beskikking van Suid-Afrikaanse boere is, ontwikkel en verbeter voortdurend. Die hoofklem bly op presisie om bestuursbesluite te verbeter en die beste moontlike opbrengste te behaal. Kenners wat vroeër vanjaar met Landbouweekblad gesels het, het gesê ’n algemene doelwit van baie van die jongste landboutegnologieë is om selfs groter presisie, beheer en doeltreffendheid moontlik te maak ‒ van besluitneming en produksie tot die oes van die plaas se eindprodukte. ’n Verskeidenheid data uit vorige produksiesiklusse moet ingesamel en ontleed word. Die inligting daaruit, tesame met voorspellings danksy tegnologie, moet die boer in staat stel om toenemend meer ingeligte besluite oor die volgende produksiesiklus te neem. Boer met tegnologie in jou hand Tegnologie het vir baie…

Op die Nampo-oesdag sal New Holland ’n indrukwekkende reeks werktuie op sy standplase A2 en A3 ten toon stel. Dit weerspieël die maatskappy se verbintenis tot die vooruitgang van boerderypraktyke. Kom besoek New Holland gerus en besigtig die nuwe produkte en verbeterings aan bestaande modelle van naderby. New Holland het in 1975 baanbrekerswerk gedoen met die gebruik van dubbelrotors vir dors met die bekendstelling van Twin Rotor™-stropers. Meer as 50 jaar later het dié tegnologie ’n kenmerk geword van byna elke hoë-uitset-stroper. Die nuwe CR10-stroper is New Holland se antwoord op die boerdery-eise van vandag én môre. Dit is ontwerp om graanverliese te beperk, graangehalte te beskerm, lopende koste laag te hou en die boer se landerye in die beste moontlike toestand vir die volgende seisoen te laat. Die manier…

Dit is nie aldag dat só iets gebeur nie en ’n mens kan die opgewondenheid in Etienne Meyer, bemarkingsbestuurder by AFGRI Equipment, se stem hoor wanneer hy daaroor gesels. “Ons het ons pryse vir sekere werktuie hersien. Dit is by uitstek ’n ongewone gebeurtenis. Die vorige prysaanpassing was 22 jaar gelede.” Hierdie is ’n belangrike stap vir die landbousektor en is deur AFGRI Equipment met die samewerking van John Deere bewerkstellig. Die nuwe pryse volg op gunstige wisselkoerse, onder meer ’n sterker Suid-Afrikaanse rand teenoor belangrike internasionale geldeenhede. In ’n tyd waar wêreldmarkte deur verhoogde politieke en ekonomiese onsekerheid beïnvloed word, kan wisselkoerse vinnig en onvoorspelbaar verander. Daarom is die tyd nóú reg vir só ’n hersiening. “Ons het gekyk hoe ons die voordeel van die gunstige rand-dollar-wisselkoers kan benut…

Is jy op soek na inligting oor boerdery- en finansiële praktyke, boerekosresepte, ’n nuwe bakkie of gesprekke met kundiges oor veiligheid? Die Nampo-oesdag bied dit alles. Daar is jaarliks ’n groot verskeidenheid uitstallers: van die verskaffers van snoeiskêre en kraggereedskap vir algemene plaaswerk tot voertuigvervaardigers, verskaffers van vierwielmotorfietse, veldnutsvoertuie en ander gereedskap wat nuttig vir selfdoentake is. Vir die boer wat sy werkers met veiligheidsklere wil toerus, is daar ook opsies, en vir vroue is daar heelwat snuisterye. Plaasveiligheid is altyd hoog op boere se voorranglys. Daarom is daar verskeie produkte in dié verband beskikbaar, van GPS-halsbande wat jou diere monitor tot nagsigtoerusting en kameras. Geen landbouskou kan deesdae sonder ’n goeie aanbieding van toerusting vir alternatiewe energie wees nie. Die Nampo-oesdag is geen uitsondering nie, en daar is onder…

In die moderne landbou is dit nie net die toerusting wat prestasie bepaal nie – dit is wat binne-in gebeur wat die verskil maak. Skoon smeermiddels en gehalte-diesel speel ’n deurslaggewende rol in die werkverrigting, betroubaarheid en gebruiksduur van swaardiens-toerusting. Selfs geringe besoedeling kan lei tot verhoogde slytasie, hoër brandstofverbruik en uiteindelik duur staantyd. Navorsing toon dat ’n groot persentasie van probleme met toerusting regstreeks verband hou met besoedeling in smeermiddels. Stof, water, bymiddels van swak gehalte en ander onsuiwerhede versnel die slytasie van onderdele en verminder doeltreffendheid. Vir produsente beteken dit verhoogde onderhoudskoste en verlore produktiwiteit – veral tydens belangrike produksietye. Vanuit ’n omgewingsperspektief word die rol van smeermiddels en brandstof al hoe belangriker. Doeltreffende verbranding en gevorderde smeermiddeltegnologie dra by tot minder uitlaatgasse en verbeterde brandstofdoeltreffendheid. In ’n…

Die krisis weens beken-klouseer het vanjaar die aanbiedings van heelparty skoue in Suid-Afrika verander. Die Nampo-oesdag is geen uitsondering nie deurdat geen diere met gesplete kloue toegelaat word nie. Dit beteken egter nie dat ’n beesboer nie ’n rede het om Nampo by te woon nie. Uitstallers wat die veebedryf met inligting en produkte oor voeding, die bestuur van produksiesukses, die bevordering van teelmateriaal en die behandeling van dieresiektes bedien, is steeds daar. Met dít in gedagte moet ’n veeboer sy besoek aan Nampo beplan. Om te help met dié beplanning bied Landbouweekblad ses wenke aan vir sukses met ’n veekudde sodat die boer daardie inligting en produkte op Nampo kan ontgin. 1. Beplanning is goue draad van sukses Jan-Hendrik Zietsman van AntroVet het op verlede jaar se Wagyu-konferensie op…

Vleisbeesprodusente word jaarliks gekonfronteer met wisselende klimaatstoestande – van seisoenale droogtes tot hoë reënval – wat ’n direkte impak op weidings en kuddeprestasie het. Teen laat somer begin weidings afneem, terwyl speentyd, dragtigheid en parasietdruk bykomende stres op koeie plaas. Dié faktore verlaag weerstand, verhoog siektedruk en kan uiteindelik kalfpersentasies nadelig raak. Daarom is tydige en doelgerigte lek- en voedingsbestuur van deurslaggewende belang. Die belangrikste bestuursinstrument vir die wintermaande bly goeie weidingsbestuur. Dit sluit in dat die regte veebelading gehandhaaf word volgens die beskikbare weiding. Produsente moet betyds van oortollige diere ontslae raak terwyl hulle nog in goeie kondisie is, pleks van om te wag vir voerskaarste. Só word druk op veld en diere verminder en verliese beperk. Lekaanvulling is ’n kostedoeltreffende manier om voedingstekorte aan te vul. Dit ondersteun…

Die vyf vennote van Lamb & Legacy boer al geslagte lank in die Karoo, maar kies doelbewus om hul bemarking anders te benader. Pleks daarvan om tevrede te wees met beperkte opbrengste op plaasvlak terwyl verbruikers duur vir skaapvleis betaal, het Sybrand Venter, Lukas Steenkamp, Hannes Olivier, Pieter Wiese en Jana Beets-Tippett besluit om hul produk direk aan die mark te lewer. Hul klem is nie net op verkope nie, maar ook op verbruikersopvoeding. Volgens Pieter is baie mense onseker oor skaapvleis en hou hulle by bekende snitte, bloot omdat hulle nie weet hoe om ander dele te berei nie. Lamb & Legacy wil hierdie gaping oorbrug deur verbruikers te wys hoe veelsydig skaapvleis kan wees. Daarom moedig hulle kliënte aan om eerder ’n halwe of heel lam te koop,…

SUID-AFRIKA se tamatiemark word ál meer deur skerp aanbodskokke en ’n onbestendige vraag gedryf. Dus was pryse die afgelope twee jaar baie wisselvallig en produsente is in ’n moeilike beplanningsomgewing, sê Absa in sy jongste AgriTrends-verslag. Limpopo bly die spilpunt van die bedryf en lewer sowat twee derdes van die landwye produksie, met die Onderberg in Mpumalanga en die Oos-Kaap wat kleiner, maar strategies belangrike bydraes lewer. Hierdie geografiese konsentrasie beteken dat die weerstoestande in ’n enkele streek ’n buitensporige invloed op die nasionale mark kan hê. Die pryse het laat in 2023 gestyg weens hael, aanhoudende reën en hittegolwe, wat die produksie en gehalte benadeel het. Laer volumes het tot ’n skerp prysstyging van sowat 46% gelei. Dié neiging het in 2024 voortgeduur en die pryse het in April…

DIE staat het hierdie plaas einde verlede jaar vir R15,7 miljoen gekoop. Die eiendom is bedoel as alternatiewe verblyf vir kleinboere wat moet skuif ingevolge ’n hofbevel wat ’n grondeienaar van Mosselbaai in 2020 teen dié dorp se munisipaliteit verkry het. Dit was nadat mense van KwaNonqaba stelselmatig deur die jare met hul boerderye op stroke oop grond langs die N2 begin het. Dié boerderye behels nie net varke nie, maar ook beeste, bokke en hoenders. Die munisipaliteit het ná die hofbevel gesukkel om geskikte alternatiewe grond vir die boere in die Mosselbaai-omgewing te vind, en met die hulp van die departement van landelike ontwikkeling en grondhervorming uiteindelik einde verlede jaar die plaas langs die Stilbaai-pad gevind wat te koop was. Die plaas is sowat 70 km wes van waar…

Die probleem met ’n krisis is nie net die krisis self nie – dit is hoe jy dit bestuur. Op papier lyk die stryd teen bek-en-klouseer alles reg. Daar is regulasies, sones, permitte, protokolle en nog vele meer. In werklikheid sit ’n boer egter met beeste wat hy nie mag verskuif nie, ’n bankrekening wat leegloop en niemand wat vir hom kan sê wanneer dinge gaan verander nie. Dit is nie siektebekamping nie, maar ekonomiese sabotasie. Die staat tree op asof bekamping dieselfde as bestuur is. Dit lyk vir Manie die staat dink hoe meer reëls, hoe beter; hoe meer vorms, hoe veiliger. Intussen wag boere maande lank vir bloedtoetsuitslae, wat niemand kan opspoor nie, en permitte wat soms goedgekeur word en soms nie – vir presies dieselfde situasie. Daar…

DIE prys van ureum, wat in kunsmis gebruik word om opbrengs te verhoog, het begin vandeesmaand weens die oorlog in die Midde-Ooste sy hoogste vlak in baie jare bereik, het Loffie Brandt, Absa Agribesigheid se hoof van landbou, op 14 April by die bekendstelling van die herfsuitgawe van die bank se verslag oor neigings in die landbou gesê. Dit het vroeg in April vanjaar teen meer as $650 per ton verhandel. (Dit was op 14 April teen die wisselkoers sowat R10 630/ton en sowat 70% meer as ’n jaar gelede.) Brandt het gesê prysaanpassings in ander kunsmiskategorieë word ook verwag. Hy het gewaarsku dat produsente wat nie reeds hul voorraad kunsmis gekoop het nie, hoër koste en laer beskikbaarheid kan verwag omdat die internasionale voorsieningskettings onder druk verkeer. “Met petrol-…

“DIE wiel bestaan reeds. Dit hoef nie herontwerp te word nie, maar dit beteken nie daar is nie sekere klein aspekte wat jy maklik kan aanpas om daardie wiel vinniger en makliker te laat draai nie.” Dít is hoe Pierre van Eeden sy boerdery by Edenville en sy brandstofonderneming op Kroonstad benader. Die werking van stelsels fassineer hom, en hy krap rond vir inligting om dit te probeer verstaan. Dié nuuskierigheid kom van sy ouers, Ben en Henda van Eeden, asook sy oupas, Morris Leonard (Henda se pa) en Petrus van Eeden (Ben se pa), wat albei in die Vrystaat geboer het, maar ook ander sakebelange gehad het. Morris, wat tussen Koppies en Sasolburg geboer het, was ’n voormalige bestuurslid van Vrystaat Landbou. Hy het ook Suid-Afrika se graansorghumraad gestig,…

’n Groot verskeidenheid veldplantspesies is die beste teenvoeter vir veldverswakking deur hoër weidingsdruk. ’n Span navorsers onder leiding van dr. Lucio Biancari en prof. Fernando Maestre van die Koning Abdullah-universiteit van wetenskap en tegnologie (Kaust) in Saoedi-Arabië het veldopnames in 25 lande gedoen om ekostelselweerstand, oftewel die vermoë van ekostelsels om plantbedekking in stand te hou as weidingsdruk verhoog word, te evalueer. Hulle het bevind dat verhoogde weidingsdruk tot verminderde plantbedekking op 80% van die 73 persele gelei het. Swaarder beweiding het ’n gemiddelde afname van 35% in plantbedekking veroorsaak. Van ál die faktore wat ekostelselweerstand kan beïnvloed, is spesierykheid die belangrikste. Met meer spesies is die verlies aan plantbedekking kleiner. “Vir volhoubare beweiding sal dit nie help om net minder diere aan te hou nie,” sê Biancari. “Hoewel veebelading…

Aan die voet van die Drakensberg, ’n klipgooi van Lesotho en met golwende hooglandterrein wat sterk aan Skotland herinner, is waar van Suid-Afrika se beste wol gekweek word. Barkly-Oos se goeie weiding, yskoue winters en grond swaar met donker, vulkaniese basalt gee dié gesogte wol ’n ligblou kleur – ’n verskynsel wat Britse handelaars in Bradford, Leeds en Huddersfield in die 1800’s “Barkly Blue” gedoop het. Terwyl sy groen heuwels in die winter dikwels toe onder sneeu lê en party mense dit as wolhemel bestempel, bring Msingathi Makhohliso (45), wat die Barkly-Oos-kleinboervereniging (Besfa) lei, jou vinnig aarde toe. “Dit voel asof God nie meer hier is nie. Ons baklei te veel. Daar is nie genoeg weiding vir ons diere nie. In die winter verhonger hulle, en as húlle verhonger, verhonger…

Een van die belangrikste bydraes van die NWKV tot die plaaslike wolbedryf is ’n klassifikasiestelsel wat tot vandag toe help om Suid-Afrikaanse wol baie aantreklik vir internasionale kopers te maak. Jacobus le Roux, BKB se bestuurder van korporatiewe bemarking en openbare verhoudinge, is al meer as 30 jaar as boer, voormalige rasdirekteur van Merino Suid-Afrika en werknemer van BKB, die oudste wolmakelaar in die land, nou by die wolbedryf betrokke. Hy het ook ’n voorliefde vir die geskiedenis van die plaaslike wolbedryf en is onder meer betrokke by die BKB-wolmuseum in die BKB Wool Exchange-gebou in Gqeberha, waar Suid-Afrika se wol weekliks opgeveil word. Die NWKV vier vanjaar sy 100ste bestaansjaar, en het deur die jare ’n belangrike rol gespeel om ’n stem aan die wolboer te gee en ’n…

In boerdery is verandering die enigste konstante, en in ’n tyd dat die winsgewendheid van gewasboere op ’n historiese laagtepunt is, glo Jannie Baard dit is die geskikte tyd om ’n ander koöperasiemodel bekend te stel. Jannie, ’n Suid-Afrikaanse boer wat sedert 2011 in Australië woon, praat al die afgelope sowat agt jaar hieroor met omtrent elke persoon wat hy teëkom. Hy sê sy aanvanklike teiken was om met minstens 1 000 mense te praat oor sy plan vir koöperatiewe saamboerdery, wat herlewingslandbou- en biologiese boerderypraktyke aanwend om gesonde kos sonder enige gifstowwe of kunsmatige bemesting of spuitmiddels te produseer. Hy het die afgelope agt jaar verskeie lande besoek en oral doelbewus met mense oor kos gepraat – waar dit vandaan kom en hoe dit geproduseer word. “Op lughawens, by…

Jare lank was die klem in gewasverbouing eenvoudig: Gee vir die plant oplosbare voedingstowwe en jaag opbrengs binne een seisoen so hoog as moontlik na. Op kort termyn het dit gewerk, maar die nagevolge begin nou duidelik wys – grond word uitgeput, verdig, waterbronne raak besoedel, biodiversiteit neem af en produsente raak al hoe meer afhanklik van duur sintetiese insette. Op die lang duur kom die grond se volhoubaarheid onder druk. ’n Volhoubaarder benadering tot gewasvoeding vra ’n ander manier van dink. In plaas daarvan om grond net as ’n dooie groeimedium te sien wat chemies bestuur moet word, begin ons dit beskou as ’n lewende stelsel. Die klem skuif weg van “voer die plant” tot “bou die grond op”. Wanneer die grond se biologie gevoed en ondersteun word, begin…

Vyftien jaar gelede het graanboere nog gewonder of die volgende plantseisoen “normale” weer sou bring. “Vandag vra almal eerder hoe die weer sal wees, want almal weet daar is nie meer ’n ‘normale’ seisoen nie.” Dít was die boodskap van Casey Onstot, ondervoorsitter van Corteva se internasionale mieliesaadafdeling, op ’n boeredag op die plaas De Rots by Hoopstad. Dié boeredag was deel van Pioneer se Suid-Afrikaanse viering van sy 100ste bestaansjaar. Dié landboumaatskappy is in 1926 deur Henry A. Wallace gestig. Hierdie Amerikaanse boer en wetenskaplike was ’n baanbreker in die kommersiële produksie van bastermieliesaad. Vandag is Pioneer deel van Corteva Agriscience, ’n wêreldwye landboumaatskappy wat saad, gewasbeskermings- en digitale landbou-oplossings bied. Hy het gesê Corteva bestee $4 miljoen (sowat R65,4 miljoen) per dag aan navorsing en ontwikkeling omdat die maatskappy…

Handelsonsekerheid en klimaat kry sitrusbedryf nie onder DIE Suid-Afrikaanse sitrusbedryf bly op ’n groeipad, maar volgens Absa se jongste AgriTrends-verslag skep toenemende klimaatsveranderlikheid, geopolitieke spanning en veranderende handelsreëls ’n ingewikkelder en meer riskante uitvoeromgewing. Desondanks word verwag dat sitrusuitvoer in die komende seisoen steeds met 3-5% sal groei – die tweede jaar agtereenvolgens van ’n sterk uitvoerprestasie. Die verslag wys daarop dat sitrusproduksie in die Noordelike Halfrond onder druk verkeer weens swak blom, hittegolwe en wisselvallige reënval. Dit het tot kleiner oeste, veral in Spanje en dele van Amerika, gelei. Dit skep geleenthede vir Suid-Afrika, want ’n swakker internasionale aanbod kan prysondersteuning bied en ruimte vir groter uitvoervolumes laat. Die land bly ’n oorheersende uitvoerder van vars lemoene na Europa, en het in reaksie op die swakker internasionale sappryse meer…

In ’n tyd waarin die Suid-Afrikaanse landbou onder toenemende druk verkeer, bied Nasie in Gesprek op die Nampo-oesdag ’n belangrike platform waar produsente, kenners en belanghebbendes uit die bedryf saam kan dink oor oplossings en die pad vorentoe. Die gesprekke konsentreer op kernkwessies wat die volhoubaarheid en mededingendheid van die sektor regstreeks raak – van plaasvlak-ekonomie tot globale handelsdinamika. Die jaarlikse Nasie in Gesprek op Nampo het deur die jare gegroei tot een van die belangrikste forums vir oop, eerlike en soms moeilike gesprekke oor die stand van die Suid-Afrikaanse landbou. Vanjaar se program bou voort op dié tradisie en pak ’n reeks onderwerpe aan wat nie net produsente raak nie, maar die hele landbouwaardeketting – en uiteindelik elke verbruiker. Ekonomie Die eerste sessie, “Om te boer of nie te…

Die Landbou.app-platform wil boere nader aan hul markte bring en groter deursigtigheid in landbouwaardekettings skep sodat boere winsgewender kan boer. Dié nuwe platform is ontwikkel deur Landbou24 – ’n handelsmerk gebore uit ’n gesamentlike onderneming tussen Media24 se landboupublikasie Landbouweekblad en Agrista, ’n ontwikkelaar van slim digitale landbou-oplossings. Landbou24 se doel is om pasgemaakte digitale produkte te skep wat die landboubedryf bemagtig vir die handel van die toekoms. Dit bring boere, finansiële instellings, verskaffers en markte saam in een digitale ekostelsel waar handel vereenvoudig, deursigtigheid verbeter en naspeurbaarheid versterk kan word. Volgens Chris Burgess, hoofredakteur van Landbouweekblad, is dié bekendstelling deel van ’n nuwe aanslag vir die publikasie en sy digitale projekte. “Die tydskrif is meer as ’n eeu gelede gestig om Afrikanerboere ekonomies te help herstel ná die Anglo-Boereoorlog.…

Op Nampo 2026 gee Smith Power Equipment ’n belangrike stap vorentoe met die bekendstelling van sy nuwe reeks laerkilowatt-Deutz-Fahr-trekkers. Dié bekendstelling plaas die klem op praktiese, betroubare en kostedoeltreffende oplossings – perfek vir die behoeftes van Suid-Afrikaanse produsente. “Ons sien ’n groeiende behoefte aan trekkers wat eenvoudig, robuus en bekostigbaar is, maar steeds die gehalte van Deutz-Fahr bied,” sê David Kelder, besturende direkteur van Smith Power Equipment. “Hierdie reeks is spesifiek saamgestel met die plaaslike mark in gedagte.” Hoewel die reeks ’n wye spektrum modelle insluit – soos die Deutz-Fahr 3045, 4046, 4060, 4.80 en 55 Keyline – val die kollig met dié bekendstelling op twee sleutelmodelle: die Deutz-Fahr 75 Keyline Narrow en die Deutz-Fahr 5125 Cab. Betroubare eenvoud wat werk Die 75 Keyline Narrow is gebou vir gebruik in…

Syngenta word wêreldwyd as die leier in sonneblomteelmateriaal beskou. “Suid-Afrikaanse boere het toegang tot Argentynse sonneblombasters wat ons toets om seker te maak dat dit ook vir plaaslike toestande aangepas is. Die bykomende voordeel is dat hierdie basters ’n hoë oliepersentasie het,” sê Hendrik van Staden, eenheidshoof van Syngenta se saadafdeling in Suid-Afrika en hoof van rygewasse in Afrika en die Midde-Ooste. Volgens Charles Basson, wat in beheer van Syngenta se sonneblom-en-mielieprodukplasings is, selekteer Syngenta reeds vroeg in die teelprogram sade vir ’n hoë olie-inhoud. Syngenta het onlangs ’n groep boere en bedryfskenners op ’n sonneblomstudiereis na Argentinië geneem. Een van die hoofdoelwitte van die besoek was om dieper te delf in die wetenskap agter ’n hoë oliepersentasie in sonneblomsaad en wat die impak daarvan op produsente se verbouingspraktyke en…

Al ooit gewonder wie sonder twyfel aan kliënte betroubare produkte van topgehalte in die sonkragbedryf voorsien en boonop uitstekende naverkoopdiens lewer? Ná 30 jaar se bemarking in Landbouweekblad is All Power, met nuwe produkte en groter stelsels, steeds op koers om as leier in die sonkragbedryf te dien. All Power is ook nou die voorloper in die elektriesevoertuigmark met Kandi se reekse elektriese voertuie en motorfietse. Reeds meer as vier dekades neem All Power die voortou in sonkrag-innovasie. Hy het ’n reputasie opgebou wat gerugsteun word deur volharding, presisie-ingenieurswese en kompromielose betroubaarheid. Die maatskappy het sedert 1974 meer as 35 000 sonkraginstallasies in die nywerheidsen landbousektor opgerig – ’n nalatenskap wat eerder gewortel is in prestasie as belofte. Teen 2001 het All Power sy sonkragreikwydte uitgebrei en dieselfde robuuste, veldgetoetste…

Die Ford Everest Platinum is ontwerp vir elke rit, of dit nou op grondpaaie, ’n langafstand-avontuur of die sleep van toerusting is. Die kern is Ford se kragtige V6-turbo-dieselenjin van 3,0 liter, gekoppel aan ’n 10-gangoutomatiese ratkas en vierwielaandrywing. Hierdie gevorderde kragbron lewer gladde werkverrigting oor veranderende terrein en bied die traksie en stabiliteit wat vir onvoorspelbare plaastoestande nodig is. Van modderspore en sinkplaatpaaie tot lang ente teer – die Everest Platinum is ontwerp om jou met vertroue aan die beweeg te hou, ongeag die toestande. Sleep met selfvertroue Vir baie boere en landbou-sakelui is sleepwerk deel van hul daaglikse lewe. Van sleepwaens met vee of landboutoerusting tot bote of woonwaens – die Everest Platinum maak die sleep daarvan makliker en sorg dat jy meer beheer het. Pro Trailer-rugsteunhulp stel…

In ’n landboubedryf wat vinnig verander, is doeltreffendheid, betroubaarheid en aanpasbaarheid nie meer luukshede nie, maar noodsaaklikhede. Boere en belanghebbendes in die waardeketting moet elke dag struikelblokke trotseer – van wisselende terrein en lang afstande tot streng tydsraamwerke om produkte betyds by markte te kry. Teen hierdie agtergrond raak geïntegreerde vervoeroplossings al hoe belangriker om produktiwiteit te verseker en mededingend te bly. Van insette wat betyds op die plaas moet aankom tot vars produkte wat vinnig en veilig hul bestemming moet bereik – vervoer vorm die ruggraat van die moderne landbou. Sonder betroubare logistiek stagneer selfs die beste produksiepraktyke. Dit is juis hiertoe dat Tata Motors, deur sy verspreider, Tata Africa, ’n betekenisvolle bydrae lewer. Met ’n groeiende teenwoordigheid in Suider-Afrika het Tata Africa ’n uitgebreide netwerk handelaars gevestig. Hierdie…