Table of contents for 11 July 2024 in Landbouweekblad

Die beker loop oor . . . Die Kougadam het begin Junie vir die tweede keer sedert einde September 2023 oorgeloop ná wydverspreide reën in sy opvangsgebied. Die dam het verlede September vir die eerste keer sedert 2015 oorgeloop ná ’n langdurige droogte in die opvangsgebiede. Boere wat uit die dam besproei, sê hulle is baie optimisties oor die komende seisoen. Dit is die eerste keer in meer as sewe jaar dat hulle genoeg water vir besproeiing het. SG Ferreira, boer van Patensie, sê boere gaan nie meer dieselfde hoeveelhede water kry as voor die droogte nie omdat die departement van water en sanitasie ’n nuwe stelsel ingestel het vir die bestuur van dié hulpbron. “Omdat ons meer gereeld droogtetoestande kry, is besluit om minder water uit dié dam beskikbaar…

Manie Te midde van gunstige reaksie binne die georganiseerde landbou oor John Steenhuisen se aanstelling as nuwe minister van landbou het Manie ’n groter waarheid besef: Ja, dit is waar dat ’n nuwe minister ’n belangrike rol kan speel en groot invloed kan uitoefen, maar wat veel belangriker is, is dat hierdie skuif nie moet lei tot ’n poging om die wiel te herontwerp nie. Wat die landbou nou nodig het, is nie nuwe planne nie, maar die dringende toepassing van bestaande planne. Met sakevertroue in die landbou wat op sy laagste vlak in 15 jaar is, durf politici nie die sektor as ’n pion in hul politieke skaakspel misbruik nie. Die landbou is van deurslaggewende belang vir die ekonomie, voedselsekerheid en werkskepping, en daar is nie verniet ’n hele…

Nnuwe gene vir koringteling kan verkry word uit ’n versameling van 827 koringbevolkings (“koringlandrasse”) uit verskillende wêrelddele wat die afgelope 100 jaar in Brittanje in stand gehou is. Gene wat koring se stikstofkunsmisbehoefte kan verlaag as dit by hedendaagse kultivars ingesluit word, is reeds geïdentifiseer, asook gene wat weerstand teen sekere skadelike plantsiektes kan verhoog. ’n Span wetenskaplikes van die landbougenomika-instituut in Shenzhen, China, het die volgorde van ál hierdie koringrasse se genome ontsyfer en met 208 moderne kultivars vergelyk. Wetenskaplikes in Engeland en China het saad uit die versameling geneem en die plante se fisieke eienskappe in kweekhuise en op landerye ondersoek, luidens ’n navorsingsartikel wat in Nature gepubliseer is. Simon Griffiths, ’n genetikus by die John Innes-sentrum in Norwich, waar die versameling in stand gehou word, sê die…

’n Veeldoelige band vir die landbou BKT Tires, die multinasionale Indiese ontwikkelaar en vervaardiger van veldrybande, sê sy splinternuwe reeks Powertrailer SR 331-staalstraalbande is “die nuwigheid waarvoor die landbouwêreld gewag het”. Die SR 331 het ’n dubbeldoelvermoë om landbousleep- en tenkwaens doeltreffend op teer- én grondpaaie te vervoer. Volgens BKT kombineer dié bande omvattende duursaamheid met verbeterde brandstofdoeltreffendheid tydens padvervoer, en goeie flottasieeienskappe om grondverdigting in landerye te help verminder. Ander sleutelkenmerke van die SR 331-reeks sluit in stabiliteit en gewigverspreiding, veral teen hoër snelhede en in draaie. Dan is daar die SR 331 se staalkonstruksie vir ekstra sterkte en beskerming teen sywand-impakte en bandvryf. “Die blokkiesontwerp van die SR 331 se loopvlak bied talle voordele vir die vervoeroperateur, naamlik uitstekende rygerief en goeie padhouvermoë selfs in nat toestande. Boonop…

Boere en belanghebbendes in die bedryf moet onthou dat geen besproeiings- of filtrasiebesluite geneem kan word sonder voldoende kennis van die waterbron en watergehalte nie. Daarom moet ’n waterontleding gedoen word as deel van die beplanningsfase van enige gewasprojek. Verder is dit belangrik om die watergehalte deurlopend te monitor aangesien gehalte gedurende die produksietydperk kan wissel namate seisoene en ander faktore verander. Die besproeiingsbedryf stel belangrike standaarde vir waterontleding en die geskiktheid van besproeiingswater. Dit is baie belangrik dat hierdie standaarde nagekom word, sê Charl van Reenen, landboukundebestuurder by Netafim Suid-Afrika. “Ons kan nie bekostig dat boerderybedrywighede misluk weens stappe wat oorgeslaan en standaarde wat geïgnoreer word nie. Maak seker die nodige kundiges word betrek by die beplanningsproses van die besproeiingstelsel en groter gewasprojekbeplanning.” Filtrasie en vereistes Voorts is dit…

Wanneer daar geoes word, tel elke pit graan. Daarom is die S7-stroper se baanbrekertegnologie wat die boer se werk soveel makliker maak, iets om te beleef. Met die eerste oogopslag herinner die S7 baie aan die X9, waarop sy ontwerp geskoei is. Die kajuit bied dieselfde uitleg en gemak as die res van die stroperreeks, wat dit maklik maak vir operateurs om tussen modelle te wissel. Die tegnologie in die S7 is ontwikkel om doeltreffendheid, produktiwiteit en winsgewendheid te bevorder. Twee van die nuwe kenmerke wat uitstaan, is die Groundspeed Automation en Harvest Setting Automation. Groundspeed Automation verstel self die stroper se spoed na gelang van data wat deur sensors verskaf word, en die rekenaarstelsel aan boord interpreteer die inligting onmiddellik. Die sensors neem verskeie aspekte in ag, naamlik die…

Geskeerde ramme Ramme beoordeel met wol…

Om ’n afslaer van lewende hawe te wees, is nie alle mense beskore nie. Dit is ’n beroep wat kennis, toewyding en veral passie verg. Vir jong mense wat die bedryf wil betree, is dit nie altyd maklik om ’n voet in die deur te kry nie. Hulle het ’n goeie mentor en ervaring nodig. Dit is hier waar die BKB Afslaersakademie ter sprake kom. Onder die leiding van Frik Verster, nasionale bemarkers-en-afslaerskonsultant en hoof van die BKB Afslaersakademie, het die eerste klas onlangs hul leerlingafslaer-sertifikate ontvang. “Aangesien BKB deurgaans goeie afslaers benodig, het ons dit goed gedink om ’n interne BKB Afslaersakademie van stapel te stuur. Dit bied onder meer bestaande personeel die geleentheid om binne die besigheid te groei in die afslaersbedryf. ’n Afslaer word nie oornag opgelei…

Die Hoëveldse SA Vleismerino-klub se jaarlikse produksieveiling het op 18 Junie by die Hoëveld-veilingsentrum op Standerton plaasgevind. Die duurste ram op die veiling was 2088 WI van Ibeth van Niekerk van Vaalspruit SAVM by Kriel, wat vir R18 000 verkoop is aan David en Tina du Toit van Kriel. Altesaam 23 ramme is vir gemiddeld R10 435 verkoop. BKB Standerton het die veiling aangebied en Billy Lyons was die afslaer.…

’n Suid-Afrikaanse rekordprys van R70 000 vir ’n Savanna-ram is op 8 Junie op die eerste produksieveiling van die Royal Genetics-groep op Bela-Bela behaal. Dit is R15 000 meer as die vorige hoogste prys wat vir ’n Savannabok betaal is. Die verkoper is die Maize Valley-stoetery (Boerbokke, Savannas, Kalahari Reds en Brangus-beeste) van Hoopstad van Andrew Roberts. Die koper is André Marx van Marxville Brahmane van Vereeniging. Dié ram was die tweetand-kampioen, asook die senior kampioenram op die Royal-skou in Pietermaritzburg. Volgens Andrew is dit ’n ram wat ’n groot verskil in die bedryf kan maak en enige Savanna-kudde sal verbeter. Altesame 255 Boerbokke, Savanna-bokke, Meatmaster-skape en Kalahari Red-bokke is aangebied, en die totale opbrengs was net meer as R2,1 miljoen. Dit is die enigste veiling in sy soort waarop…

SA vra panele om EU se sitrusregulasies te bekyk Suid-Afrika het die Wêreldhandelsorganisasie (WHO) versoek om twee panele op die been te bring om die Europese Unie (EU) se “onwetenskaplike en diskriminerende” regulasies op die invoer van Suid-Afrikaanse sitrus te ondersoek. Luidens ’n gesamentlike verklaring deur die departement van landbou, grondhervorming en landelike ontwikkeling, die departement van handel, nywerheid en mededinging en die Suider-Afrikaanse Sitrusvereniging (SKV) moet die panele die EU se regulasies oor swartvlek en valskodlingmot bekyk. Plaaslike sitruskwekers bestee jaarliks miljarde rande om aan dié regulasies te voldoen, terwyl dit onwetenskaplik en onnodig is, aangesien Suid-Afrika reeds ’n doeltreffende, wêreldgehalte-bestuurstelsel het om die veiligheid van uitvoersitrus te verseker. Die regulasies het veral ’n groot impak op opkomende sitruskwekers. Die versoek is ’n noemenswaardige ontwikkeling, aangesien dit die eerste…

BYGEWERKTE syfers van ’n belangrike studie aan die einde van 2022, waarin vyf mites oor grondhervorming weerlê word, toon dat bykans 25% van alle landbougrond voorheen in wit boere se besit nou reeds aan swart begunstigdes oorgedra is, deur swart boere gekoop is of deur die staat besit word. Dié opspraakwekkende studie deur prof. Johann Kirsten, direkteur van die buro vir ekonomiese navorsing aan die Universiteit Stellenbosch, en Wandile Sihlobo, hoofekonoom van Agbiz, het onteenseglik bewys daar steek geen waarheid in die mite dat nog net 8% van landbougrond in swart besit is nie. Volgens syfers tot Augustus 2023 word nou beraam dat die totale area van grondregte wat oorgedra of herstel is op 19 311 057 ha te staan kom, wat gelykstaande is aan 24,9% van landbougrond. Dié syfer…

Klimaat DENEMARKE gaan die eerste land word om in 2030 te begin om koolsuurgasvrystellings deur vee te belas. Luidens ’n berig op www.reuters.com is die besluit geneem om Denemarke te help om kweekhuisgasvrystellings teen 2030 met 70% vergeleke met die vrystellingsvlakke in 1990 te verlaag. Denemarke is ’n groot uitvoerder van varkvleis en suiwelprodukte. Volgens ’n ooreenkoms wat die Deense regering met boere en omgewingsgroepe bereik het, is voorgestel dat ’n belasting van 300 Deense krone (sowat R780) per ton koolsuurgas wat boerderye vrystel, in 2030 gehef sal word. Teen 2035 sal dit tot 750 krone (R1 961) per ton verhoog word. Reuters berig dat boere ’n korting van 60% op inkomstebelasting sal kry, wat beteken dat die werklike koste per ton in 2030 120 krone (R313) per ton sal…

Aktueel Dieregesondheid Nie dat daar ooit ’n goeie tyd is nie, maar vir melkboere in die Oos-Kaap kon bek-en-klouseer nie op ’n slegter tyd uitgebreek het nie. Aan die vooraand van die kalftyd is uitbrekings van die siekte tans op sewe plase in die munisipaliteite Kouga en Koukamma, asook op ’n plaas by Berlyn naby Oos-Londen bevestig. Die tyd het aangebreek vir dragtige verse op versplase om na die melkstalle verskuif te word, en weke nadat die kalwers aangekom het, sal bulkalwers van die melkplase verwyder moet word. Waar plase egter in kwarantyn weens bek-en-klouseeruitbrekings is, gaan dié verskuiwing van vee nie moontlik wees nie. Dit gaan boere onder druk plaas waar die verskuiwing van diere noodsaaklik is om beskikbare weiding vir winsgewende melkproduksie te bestuur. Boonop kan melkproduksie weens…

Kortliks NUWE navorsing wys beeste toon hoë stresseine by mans en het ’n voorkeur vir interaksie met vroue. Navorsers van die Universiteit van New York en die Amerikaanse militêre akademie by West Point het beeste as terapiediere ondersoek en toe bevind dat die beeste interaksie met vroue bo interaksie met mans verkies. Vroue was ook meer geheg aan die beeste as mans. Navorsers het die interaksie van ses vroue en vyf mans met twee Holstein-beeste wat as terapiediere gebruik is, ondersoek. Elke mens het 45 minute met die beeste deurgebring deur hulle te vryf en vir hulle kos te gee. Die beeste het dikwels aan die mense geruik of gelek. Deur die mans en vroue af te wissel, kon die navorsers die stresseine by die beeste vasstel. “Beeste wat menslike…

Veeboerdery Die loopbaan van ’n boer strek gewoonlik oor sowat veertig jaar. Dit beteken nuwe boere wat vandag tot die veebedryf toetree, sal aan die einde van hul loopbaan slegs 62% van die potensiaal van die bestaande plaas oorhê. Hoewel hierdie voorspelling deur die vooraanstaande landbou-ekonoom prof. Helmke Sartorius von Bach op Namibië van toepassing is, geld dit ook veedistrikte in Suid-Afrika met soortgelyke toestande. Hy was een van die sprekers op ’n boeredag oor veerkragtigheid wat die Schneider-familie by Grootfontein in Namibië aangebied het. Helmke, hoogleraar in landbou-ekonomie aan die Universiteit van Namibië, het sy voorspelling gegrond op ’n ondersoek wat die universiteit oor die lewendehawebedryf gedoen het. Daarvolgens het die potensiële, benutbare biomassa van natuurlike veldweiding in Namibië sedert 1971 tot 82,28% gedaal. GRAFIEK 1 toon die agteruitgang…

Profiel Op Boer soek ’n vrou droog sy die trane af, is sy ’n skouer om op te huil en deel sy in die vreugde van boere se liefdesverhale. Vanjaar bied Marciel Hopkins dié program, waarin boere liefde soek en soms vind, vir die vierde jaar agtereenvolgens aan wanneer die eerste episode van reeks 16 op 18 Julie op kykNET uitgesaai word. Maar dié keer is dit vir háár bittersoet . . . Hoewel dit die begin sal wees van ’n opwindende reis vir tien boere op soek na liefde, sal dit die einde van haar pad saam met dié maatsoekprogram wees. Ná vier jaar in die aanbiedersrol groet Marciel die program om ’n nuwe avontuur aan te pak. “Ek is nog nie seker wat ek gaan doen nie,” vertel…

Wisselende omgewings- en klimaatstoestande tydens planttyd het ’n invloed op elke gewas se ontkieming, groei en ontwikkeling. Om die regte plantdatum te bepaal, is dus deurslaggewend vir die optimale opbrengs. Sonneblom is baie aanpasbaar omdat dit lae én hoë temperature kan verdra. Dit maak dit ’n ideale wisselbou- of vanggewas, maar beteken ook sonneblom moet reg bestuur word om die beste opbrengs op die boer se belegging in insetkoste te verseker. Indien ’n gewas buite die optimale planttydperk geplant word, kan dit nadelige gevolge inhou en die boer se risikoblootstelling verhoog. “As ’n boer te vroeg plant, kan koue ’n nadelige invloed op die ontkieming van die saad en ontwikkeling van saailinge hê. Laat aanplantings verkort weer die groeiseisoen, wat die risiko vir koue- of rypskade later in die seisoen…

Die jaarlikse veiling van die Bosveld-Meatmaster-klub is op 24 Mei by die Warmbad-veemark op Bela-Bela gehou, met 250 ooie en 20 ramme wat aangebied is. Baywind Trading 12 KB van Mokopane het die Meatmasterstoetram wat teen R34 000 die hoogste prys behaal het, van PHW Vermaak van eMalahleni (Witbank) gekoop. Elders Rust-boerdery en Faith Family Farms het die duurste Meatmaster-stoetooi met ’n lam op die veiling vir R7 500 aan PHW Vermaak en Thaba Nyala Game Breeders (Edms.) Bpk. van Empangeni verkoop. ’n Dragtige Meatmaster-stoetooi van Faith Family Farms het die hoogste prys van R8 000 behaal. Die koper is Hoogmoedfontein Landgoed (Edms.) Bpk. van Bela-Bela. ’n Meatmaster-stoetooi van Baywind Trading is vir R7 000 aan WW Kruger van Thabazimbi verkoop. Vleissentraal Bosveld het die veiling met die samewerking van…

TOT dusver vanjaar het speenkalfprysbewegings ’n korrelasie van 99% met die speenkalfpryse van 2018 getoon, hoewel die pryse wat aangeteken is gemiddeld 7% laer as die gemiddelde prys in 2018 is. Dr. Johnny van der Merwe, direkteur van AMT, sê die afgelope paar maande word minder wisselvalligheid in speenkalfpryse gesien. “Ek dink nie daar gaan binnekort groot dalings of stygings wees nie.” Indien ’n rentekoersverlaging teen einde vanjaar deur die Reserwebank aangekondig word, kan pryse verbeter namate verbruikers se besteebare inkomste verhoog. Hy sê die kans is goed dat verkope van luukser vleissnitte en -soorte eerste kan begin styg, want dit is verbruikers in die hoër LSM-groepe wat eiendom afbetaal wat deur rentekoerse beïnvloed word. “Volgens die statistieke kan pryse in Julie effens styg, met ’n hoogtepunt wat in Augustus…

“DIT is ’n ongekende jaar . . . In my 35 jaar in die bedryf is dit die meeste druk wat die veilingsbedryf en -agente nóg ondervind het,” sê Johan Vorster van Vleissentraal oor vanjaar se veeveilings. Hy is die streekbestuurder vir die gebied noord van die N4 wat Limpopo, ’n deel van Noordwes en ’n deel van Mpumalanga insluit. “Pryse vir vee op veilings is oral onder druk. Die druk wissel van streek tot streek, veral omdat die reën kolkol of in strepe geval het, en die toestande dus verskil.” Vorster sê in sy streek is daar nie ’n ooraanbod van vee op die veilings nie. Die kopersmark is wel pap omdat boere se inkomste onder druk is. “Op sommige stoetveeveilings bied boere minder diere te koop aan as…

Die RCL-groep het die afgelope paar jaar ontwikkel tot ’n voedselgroep wat hoofsaaklik uit twee bene bestaan – die voedselmark en die braaihoendermark. In die 2023-boekjaar was die sogenoemde waardetoegevoegde voedselvertakking se omset R24,5 miljard en dié van Rainbow Chickens R13,5 miljard. Die besluit is geneem om die meer sikliese Rainbow afsonderlik te bedryf en op 1 Julie op die JSE te noteer. Rainbow se besigheid behels braaihoenderproduksie en die voeronderneming Epol. RCL sal ’n waardetoegevoegde voedselgroep bly met suikerbelange, kruideniersware en die bakbedryf. Saaiboere diversifiseer Rainbow as ’n afsonderlike, nuut genoteerde maatskappy sal die tweede grootste braaihoender- en voergroep in Suid-Afrika wees ná Astral. Die notering van Rainbow gee aan nuwe aandeelhouers – in dié geval saaiboere – ’n geleentheid om ’n aandeel in die waardeketting te bekom en…

’N ROBOTIESE arm is een van die maniere waarop tegnologie ingespan kan word om presieser bestuiwing in boorde te bewerkstellig. Die behoefte aan strategiese, kunsmatige bestuiwing van ’n persentasie van die bloeisels aan ’n appelboom om die gewenste oes te lewer, het gelei tot die ontwerp van ’n prototipe van dié robotiese bestuiwer. In Hortgro se nuusbrief, Fresh Quarterly, verduidelik prof. Matthew Whiting, ’n boomfisioloog verbonde aan die departement van tuinbou aan die Washington-staatsuniversiteit, hoe dié nuutskepping boere sal help om hul boorde presieser te bestuif. Die prototipe bestaan uit ’n klaargemaakte robotarm met drie skarniere en ses grade se beweeglikheid. “Dit is maklik om te beheer, veeldoelig, en kan gemonteer word waar jy ook al wil.” ’n Kamera, sigstelsel en aangepaste spuitstuk is op die arm aangebring wat aan…

Brief uit die buiteland Dit is nie ongewoon dat Suid-Afrikaners wat na die buiteland uitgewyk het, terugkom nie, maar dit gebeur nie sommer dat diegene wat in ’n ander land gaan boer het, terugkeer nie. Adriaan en Margareth Frick, hul seun en dogter, Pieter en Lia, het die 17 jaar wat hulle in Wes-Australië gebly en geboer het, geniet, maar sê dit is baie lekker om terug te wees in Suid-Afrika. Adriaan het op ’n plaas by Sutherland in die Noord-Kaap grootgeword, waar sy pa, wyle Piet Frick, met Dorpers en Merino’s geboer het. Margareth kom oorspronklik van KwaZulu-Natal. Hulle boer van Januarie af met rooi Angusse, Meatmasters en Boerbokke op ’n plaas by Darling in die Wes-Kaap. Adriaan vertel meer. Wat het julle laat besluit om terug te kom?…

Boereplan Die L-vormige laaibak agterop ’n ou Ford-onderstel wat net met ’n wenas en ’n breë band bedryf word, speel vinnig klaar met die laai van ronde bale. Boonop het dié laaier Pieter Swart van die plaas Goedeverwachting by Napier net R500 gekos. Die Overbergse hitte en laaiwerk van ’n baal wat gemiddeld 200 kg weeg en voorheen tot drie manne geverg het, het dié Angus-beesboer na die sweistafel gedwing. “Kleiner, vierkantige bale is makliker om op ’n bakkie of waentjie te laai, maar groot, ronde bale is ’n beslommernis.” Reeds in 2012 het Pieter ’n prototipe van sy rondebaallaaier gebou uit ’n stokou Ford-bakkie wat aan sy oorlede pa behoort het. “Ek het dit in ’n gewone sleepwa omgebou deur die wiele, onderstel en as te gebruik. Daarna het…

Vrugte wat kneusplekke tydens hantering opdoen, kan beleggings in duur infrastruktuur, soos nette of weerkaatsende grondbedekking, ongedaan maak. Daarom het Willie Kotzé, tegniese adviseur by Dutoit Agri, gaan kyk waar in die na-oeshanteringsketting die kneusplekke opgedoen word en hoe dit voorkom kan word. “In die verlede was dit tydrowend om ’n krat vrugte uit te pak om te bepaal hoeveel kneusing plaasgevind het, en dan weet jy eintlik steeds nie waar of deur wie dit veroorsaak is nie. Dit is nie lekker om in die pakhuis te sien hoe lelik gekneus appels is wat in die boord nog perfekte klas 1-vrugte was nie. “Danksy tegnologie, soos sensors, is dit vir ons makliker om ons stelsels te evalueer, maar as jy werklik kneusings wil voorkom, moet jy ’n holistiese benadering volg,”…

Die spreekwoord lui dat geld nie op jou rug groei nie. As ’n boer sal jy sekerlik kan getuig dat geld beslis ook nie aan bome groei nie. John Deere Financial verstaan dat kontantvloei vir jou as boer regdeur die jaar ’n kwelling kan wees. Daarom bied dié onderneming jou finansiering vir John Deere-toerusting sodat jy nie altyd dadelik jou hand in jou sak hoef te druk nie. Boonop bied John Deere Financial gerieflike, vinnige finansieringsprosesse wat minimale insette van die kliënt vereis en ’n vinnige omkeertyd verseker. Tyd is geld Finansiering in die landbou speel ’n uiters belangrike rol, veral deur die nodige kapitaal vir toerustingaankope en bedryfsuitbreiding te voorsien. Dit is juis op dié gebied waar John Deere Financial homself reeds onderskei het as ’n staatmaker-handelsvennoot. Wanneer dit…

Swart Angusse Rooi Angusse…

VeilingsVEILING VAN DIE WEEK DIE ENIGSTE stoetbeesveiling in Namibië wat nog op ’n plaas gehou word, was “een vir die boeke”. Op die jongste produksieveiling van dr. Joggie en Eugenie Briedenhann van Namibië het bulle gemiddeld R202 000 behaal, die Hartebeestloop Bonsmara-stoetery se hoogste gemiddelde prys nóg. Die afslaer, Deon Klopper, sê hy het nog nooit só iets beleef nie. Dit dui op die Bonsmara se besonderse teelwaarde en die groot vraag na uitsonderlike bulle. Net twee van die 32 bulle op die veiling is vir minder as R100 000 verkoop en het steeds goeie pryse van R90 000 en R75 000 behaal. Dít ondanks die erge droogte wat in dele van dié land woed. Telers is dus steeds optimisties oor hul bedryf. Die veiling is op 8 Junie op…

Veilings Die Sentraalwes-Bonsmara-klub se veiling het op 6 Junie by Brauhaus Afrika, Rustenburg, plaasgevind, waar goeie pryse behaal is. Op die veiling is 18 bulle teen gemiddelde R57 059 verkoop. Die bul GTF 21 187 van Ons Tuiste Boerdery, Silverlakes, is teen die hoogste prys van R110 000 verkoop aan T.N. Nagel van Magaliesburg. Ons Tuiste Beesboerdery het ook die duurste dragtige koei op die veiling teen R21 000 verkoop aan K.M. Moabi van Rustenburg. Dragtige verse is teen gemiddeld R17 286 verkoop, dragtige koeie met kalwers teen R23 722, koeie met kalwers teen R21 375, oop verse teen R8 636 en verse wat by bulle geloop het teen R13 833. Die veiling se totale omset was R2 428 750. Die veiling is aangebied deur Vleissentraal Bosveld. Craig le Roux…