Table of contents for 8 February 2024 in Landbouweekblad

Kortliks SUID-AFRIKA se enigste opgeleide heuningsommelier, Natasha Lyon, se naam pryk nou in die Italiaanse register vir kundiges in die sensoriese ontleding van heuning. Sy is een van net twaalf studente wêreldwyd wat in Desember die veeleisende eksamen by Crea (die raad vir landbounavorsing en -ekonomie) in Bologna afgelê het. Net vyf van die studente is in hierdie ronde tot die register toegelaat. Natasha is die eerste mens uit Afrika wat die gesogte goue speldjie van wêreldleiers in die sensoriese ontleding van heuning ontvang het. Dié wetenskap is soortgelyk aan wat by wyn, olie en kaas toegepas word. Dit is dekades gelede in Frankryk ontwikkel en toe in Italië verfyn, waar die amptelike lys van kundiges dan in ’n register aangeteken word. Natasha, stigter van die Suid-Afrikaanse onderneming Lyon RAW…

Daar is iets ekstra treurigs en tragies aan ’n begrafnis vir slagoffers van sogenoemde plaasmoorde. Dit help egter min om die vele redes vir sulke misdade te probeer ontleed sonder om vordering te maak met die bekamping daarvan nie. Ons kan eenvoudig nie toelaat dat moorde voortduur terwyl slim mense (en ook domastrantes) daaroor debatteer nie. Dit is soms asof openbare besprekings oor plaasmoorde gevolg word deur ’n nuwe vlaag aanvalle. Die boodskap word versprei dat boere maklike, sagter teikens is. Tog, ondanks die potensiële gevare op die platteland, voel baie boere steeds veiliger op die plaas as in ’n stad. Veral ouer boere sê reguit hulle waag eerder hul lewe en bly aan op hul geliefde grond tussen hul diere en mense voordat hulle verkoop en stad toe trek…

Erdwurms is volop in die grond en dra 40% tot 90% by tot die biomassa van makro-organismes, asook 8% tot die totale biomassa van alle grondorganismes. In die grond in Suid-Afrika is daar tot dusver meer as 300 spesies wat aan tien families behoort, geïdentifiseer. Die rol wat erdwurms in grondvrugbaarheid speel, is reeds in 1881 deur Charles Darwin, Britse natuurkundige bekend om sy bydraes tot die evolusieleer, erken. In sy boek The earth moved: On the remarkable achievements of earthworms verwys Darwin na erdwurms as die natuur se ploeg, aangesien hulle grond bewoon en bewerk het lank voor die gebruik van werktuie. Die belangrikheid van erdwurms in grondgesondheid is te danke aan die verskeidenheid ekostelseldienste wat hulle lewer. In baie gevalle word hulle geassosieer met gesonde grond. Die grawe-aksies…

Só sê ’n varkboer Die Heins-familie van Stellenbosch is bekend as wyn-en-varkboere. Heidi de Villiers (née Heins) vertel hoe hul Duitse afkoms — haar grootjie was ’n Duitse immigrant — hul liefde vir varkvleis aanvuur. Vertel van jul varkboerdery, wat al meer as 60 jaar oud is. My oupagrootjie het die plaas De Clapmuts in 1946 gekoop en ’n gemengde boerdery bedryf met hoenders, varke, wingerd en koring. Toe my oupa oorvat, het hulle die varkboerdery verbeter. Destyds was dit nog ’n konvensionele boerdery, maar ons klimaatstoestande is eintlik nie geskik vir vrylopende varke nie. In 2008 het my pa ’n hoësorgeenheid opgerig. Daar pas ons kunsmatige inseminasie toe en voer die diere in gereguleerde temperature. Ons voerders is outomaties. In 2019 het ons die groeivarke ook onder dak geskuif.…

Jou storie Klein plattelandse gemeentes voer deesdae ’n oorlewingstryd, want die jong mense gaan werk eerder in die stad en die ou mense gaan dood. Die paar wat oorbly, raak al hoe minder. Tog moet die kerk – en alles daarmee saam – steeds onderhou word. ’n Ander neukery met die klein gemeente-oorblyfsels is dat dit nogal sukkel met die singery in die kerk. Al die lidmate kom ook nie op dieselfde dag kerk toe nie, en dan sukkel dit om die kerk vol te sing. En toe tref die terugslag ons: ons orrelisantie, wat omtrent al net so lank soos die orrel daar is, laat weet hul plaas is verkoop en hulle gaan by die see aftree. Ons het ’n ander tante op die reserwebank wat darem klavier kan…

DIE verwoesting wat die vloede in Desember en Januarie in KwaZulu-Natal aangerig het, toon weer eens dat Suid-Afrika nie vinnig genoeg optree om gepaste stedelike beplanning in werking te stel nie. Meer as 45 mense het die afgelope twee maande in die vloede omgekom, en meer as 250 huise is ernstig beskadig. Die vloede van April 2022 het minstens 459 lewens geëis, meer as 40 000 mense is ontwortel, meer as 12 000 huise vernietig en 45 000 mense was tydelik werkloos. Suid-Afrika het ’n omvattende nasionale aanpassingstrategie vir klimaatsverandering en die owerhede is bewus van vloedskade, maar kan nie byhou met die herstelwerk nie. In KwaZulu-Natal het ’n gebrek aan risikogebaseerde stadsbeplanning baie van die provinsie se paaie en geboue, wat dikwels swak ontwerp is, uitmekaar laat val. Die…

DÍT is juis hoekom Carla haar onderneming @AskCarlaKote Trade Solutions genoem het. “Ons het net probeer om hoenders te vind wat aan die spesifikasies van ons koper voldoen,” sê sy oor die uitvoerkontrak vir 540 ton hoenderpote per maand na China wat sy losgeslaan het. Die waarde van die kontrak, wat met die hulp van onder meer die Wes-Kaapse handelsbevorderingsagentskap Wesgro, Standard Bank en die departement van landbou, landelike ontwikkeling, grond en omgewingsake in Mpumalanga beklink is, beloop R300 miljoen per jaar. Tot 3 000 werksgeleenthede kan in die waardeketting geskep word. Teen die tyd dat Kote én die Chinese koper besef het daar is verskeie hoë regulatoriese hekkies om te oorkom, het sy reeds bewys dat Suid-Afrikaanse boere die hoenders sal kan produseer wat aan die vereistes voldoen. “Tot…

Geldbeplanning Dit gebeur gereeld dat finansiële instellings van hul kliënte vereis om sekuriteit te bied vir hul skuld deur middel van sekuriteitsessies op lewenspolisse. Dikwels gebeur dit dat die finansiële beplanner nie betrokke is by die besluit welke polisse gesedeer moet word nie. Dit gebeur ook soms dat die finansiële instelling bloot van ’n kliënt vereis om ’n nuwe polis uit te neem as sekuriteit vir die betrokke skuld. Dan word die kliënt se volledige lewensversekeringsportefeulje nie in ag geneem nie. Die gevolge hiervan kan wees dat die volle praktiese implikasies van sodanige sekuriteitsessies nie behoorlik in ag geneem word met betrekking tot die kliënt se testamentêre wense nie. Ernstige gevolge Boer A koop ’n plaas en doen by XYZ-bank aansoek om ’n verband van R 10 miljoen. Die bank…

KOMPLEKSITEIT kan aangedryf word met die frase: “Wat is in ’n naam?” Dit is seker nie vergesog om aan te neem dat die woord “land” in die naam Land- en Landbouontwikkelingsbank van Suid-Afrika fundamenteel op ’n ontwikkelingsrol dui nie. Die spesifieke insluiting van “ontwikkeling” in die naam van die bank skep ongelukkig ’n gebrek aan fokus en is vrugbare grond om van die spoor af te dwaal. Net om dit baie duidelik te maak, die finansiering van (landbou) grond is in wese ontwikkeling. Dit ontken geensins die belangrikheid van ’n landbouontwikkelingsagentskap(pe) in Suid-Afrika nie, maar dié onderwerp val buite die omvang van dié rubriek. Die Land Bank geniet ’n unieke nismarkposisie in die sin dat dit die vermoë het om aan die een kant langtermynfinansiering en aan die ander kant…

YOUTUBE maak jaarliks miljoene rande uit advertensies op kanale wat valse bewerings maak oor klimaatsverandering. Inhoudsvervaardigers gebruik nuwe taktieke wat dié sosialemediaplatform se beleid wat waninligting beveg, omseil. Luidens ’n onlangse verslag het die Centre for Countering Digital Hate (CCDH) kunsmatige intelligensie (KI) gebruik om transkripsies van 12 058 video’s te ontleed wat die afgelope ses jaar op 96 van YouTube se kanale geplaas is, en wat nuwe webblad-onderafdelings oopmaak. Die kanale het inhoud aanbeveel wat die wetenskaplike konsensus oor klimaatsverandering, naamlik dat menslike gedrag tot langtermynverskuiwings in temperature en weerpatrone bydra, ondermyn. Die CCDH, ’n organisasie sonder winsoogmerk wat haatspraak aanlyn monitor, sê sy ontleding het bevind dat inhoud wat klimaatsverandering ontken, wegbeweeg het van onwaar stellings dat aardverwarming nie gebeur nie of dat dit nie veroorsaak word deur…

Op kort termyn lyk die oplossing vir plaasveiligheid dalk ooglopend: Span buurtwag- of sekerheidsoptrede deur die gemeenskap in met die ondersteuning van private ondernemings. Dit kan ook help om langtermynoplossings te vind. Dit kan egter net werk as almal die idee steun, en in talle gemeenskappe het dit nog nie gebeur nie. Gegewe dat Suid-Afrika bloots gery word deur erge misdaad – van moord tot veediefstal – is dit jammer dat nie meer landelike distrikte ’n funksionele plaaswag het nie. Die hele land behoort verbind te wees met radio- en kameranetwerke wat boerderygemeenskappe self bestuur. Hierdie ideaal word egter gerem deur ’n reeks faktore wat gelukkig nie onoorkombaar is nie. ■ Mense vergeet gou. Boere voel gerus, al was daar ’n paar voorvalle in hul distrik. Plaasveiligheid kan as “afgesaag”…

Met 2023 wat wêreldwyd die warmste jaar sedert 1850 was, is dit gepas om die uitwerking hiervan op veeboere uit te sonder. Baie word geskryf oor die uitwerking van klimaatsverandering op gewasboerderye (en -keuses), maar dit is minder sigbaar in die veebedryf. Ná die warm temperature wat tydens die huidige somer in Suid-Afrika ondervind is en wat waarskynlik meer gereeld gaan voorkom, is dit belangrik dat boere ingelig is oor die impak van hittestres. Tropiese en subtropiese klimaat het ’n regstreekse én onregstreekse uitwerkings op plaasdiere. Volgens voorspellings sal klimaatsverandering ’n meer ekstreme uitwerking op Afrika hê as op ander vastelande met meer gematigde temperature. ’n Hoë omgewingstemperatuur het die grootste uitwerking op diereproduksie, aangesien die meeste plaasdiere op hul beste presteer by temperature van 4 ºC tot 24 ºC.…

Rooibos is ’n uniek Suid-Afrikaanse produk wat wêreldwyd verbruik word. Omdat dit slegs in Suid-Afrika in ’n betreklik klein gebied verbou word, is daar tot onlangs nog geen navorsing gedoen om die presiese grond- en blaarnorme vir voeding van die rooibosplant vas te stel nie. My navorsing in hierdie verband is om verskeie redes belangrik. Dit is moeilik om nuwe landerye te vestig omdat rooibos in die beskermde fynbosbioom verbou word. Dit is ook van groot belang om die norme vir rooibos vas te stel om te verseker dat bestaande lande optimale produksie bereik om sodoende die volhoubaarheid van die rooibosteebedryf te verseker. Die navorsing is die eerste wat gronden blaarnorme vir die bedryf vasstel en sal rooibosboere help om optimale bestuurspraktyke toe te pas wat produksie verhoog sonder om…

’n Ideale pasmaat vir ongelyke oppervlakke Die stewige grondvryhoogte van 380 mm van die Kemach 3,5 ton-vurkhyser maak dit ideaal vir werk op ruwe, ongelyke terreine. Dit het ’n viersilinder-Isuzuenjin wat 37 kW lewer, en lekker groot bande. Die hyser het drie opligfases en kan goedere tot 4,7 m hoog lig. PRYS: R690 000. Navrae: Francois Venter, Kanu Equipment (Kaapstad), 082 311 0606. Hou watervlakke via satelliet dop ’n Moniteringstelsel wat uit die ruimte ’n oog op watervlakke hou, die Gallagher Agbot-vloeistofmonitor, skakel “verskonings” soos swak seine of ’n ruwe terrein uit. Dit hou tenks se watervlakke via satelliete dop, en het ’n 3 meter lange sensorkabel wat die data deur ’n universele monitor versend. ’n Omhulsel beskerm die monitor teen die elemente. Die stelsel laat presiese datainsameling toe. Dit…

Wanneer ek in die oggend stap om ’n koerant te gaan koop, kruis my pad gereeld met ’n man s’n wat deur ’n wit hondjie getrek word. Nee, jy het nie verkeerd gelees nie. Die man word letterlik deur die hondjie getrek. Die leiband is styf gespan en vir geen oomblik is daar sprake van ’n rusperiode nie. Op ’n dag het ek in hul pad gaan staan en vriendelik ’n gesprek aangeknoop terwyl die wit brakkie in halwe sirkels, heen en weer rondom hom, besig gebly het. “Meneer,” het ek gevra, “verskoon my nuuskierigheid, maar mag ek weet wie jy is en watter hondjie dit hierdie is wat blykbaar geen einde ken nie?” Met spontane vriendelikheid het hy geantwoord: “Ek is, soos jy seker aan my spraak kan hoor,…

GAUTENG CARLETONVILLE LEEUWPOORT (356), 54 ha, aan M. Lin, van J.G. en W. Koen, R2625000. VLAKDRIFT (163), 21 ha, aan Hemp Vest Africa Prop (Edms.) Bpk., van Jomandi Generators (Edms.) Bpk., R8 800 000. NIGEL PALMIETFONTEIN (316), 477 ha, aan SN Hart (Edms.) Bpk., van C.M. Pedro, R1414500. WELVERDIEND (379), 17 ha, aan BOC Rentals & Management BK, van H. en V. de Beer, R3000000. PRETORIA DONKERHOEK (365), 22 ha, aan Joe & Jerry’s Trucking (Edms.) Bpk., van F. Hoewe, R3150000. HARTEBEESTFONTEIN (123), 21 ha, aan Flying Hedgehog Bush Camp (Edms.) Bpk., van Rafiki Grond & Geboue (Edms.) Bpk., R2 500 000. KAMEELFONTEIN (297), 21 ha, aan V.P. Madonsela, van G. en H. Myburgh, R3 000 000. WATERVAL (273), 24 ha, aan Farmyield (Edms.) Bpk., van Pyramid Piggery (Edms.) Bpk.,…

Besoek landbou.com/veilings vir die jongste veilingsnuus Die kleinveebedryf ondervind die uitwerking van die heersende trae ekonomie in die eerste ronde veilings van geregistreerde en kommersiële diere van die jaar. Woordvoerders van veilingshuise beskryf die neiging op veilings as ’n kopersvriendelike mark waar goeie teelmateriaal teen billike pryse opgeraap kan word. Dieter Schutte, takbestuurder van BKB op Cradock, skryf die probleem in die mark toe aan produsente wat nie die nodige kapitaal het nie. Die gemiddelde prys van teelramme is tot dusver laer as vantevore. Die duurste ram op een van sy veilings op 24 Januarie was R34 000, terwyl ’n ander veilingshuis die hoogste prys van R50 000 vir drie ramme op Bredasdorp behaal het. Volgens Schutte benadeel die sukkelende ekonomie ook die verkoop van vroulike diere. Die eerste ronde…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 20-21 FEBRUARIE: Oplossings vir Suid-Afrika se platteland, aangebied deur Senwes en Landbouweekblad. Nampo Park, Bothaville. Meer as 60 gevallestudies wat reeds ’n verskil aan die platteland maak. E-pos: events@landbou.com; kaartjies by Quicket: qkt.io/Platteland (meer op bl. 54). SKOUE 7-10 FEBRUARIE: Heidelberg. Vic Brand, 063 995 3294; Sarah Koch, 082 725 4091; e-pos: sarah.val@gmail.com 9-10 FEBRUARIE: Victoria-Wes. Jaco Olivier, 083 410 5603; Adri Gerber, 082 940 8231; e-pos: vicweslandbou@gmail.com 14-18 FEBRUARIE: Riversdal. Pieter van Wyk, 082 494 0631; Ansie du Buisson, 072 651 7148; e-pos: riversdalskou@gmail.com 22-24 FEBRUARIE: Williston. Keith Coetzee, 082 825 3889; Klara Steenkamp, 060 580 7480; e-pos: willistonskou3@gmail.com 29 FEBRUARIE-2 MAART:Swellendam. Suzaan…

Anderkant die reënboog In Suid-Afrika weet jy jy het ’n aar in die volk se gemeenskaplike onderbewussyn raakgeboor wanneer Kurt Darren besluit om ’n liedjie te skryf oor iets wat jy kwytgeraak het. Soos die geval met Dricus du Plessis, Suid-Afrika se nuwe wêreldkampioen in gemengde gevegkuns. As groot rugby-ondersteuner het Dricus laas jaar ná een van sy gevegte hier skuins voor die Rugbywêreldbeker-eindstryd luidkeels laat weet dat die Springbokke se teenstanders eenvoudig “nie weet wat ons weet nie”. Iets wat hy herhaal toe hy self ’n wêreldtitel losgeslaan het ná sy sege oor die taai Amerikaner Sean Strickland. En Dricus is natuurlik reg. Mense wat nie Suid-Afrikaners is nie, kan eenvoudig nie begryp wat ons elke dag as land moet trotseer nie. Die alewige, onnodige gesukkel, die vrot politici,…

Rubriek Die Wêreld- Ekonomiese Forum (WEF) stel altyd in aanloop tot sy vergadering in Davos, Switserland, ’n wêreldrisikoverslag beskikbaar. Dit bevat ’n objektiewe meting deur sake- en politieke leiers van die wêreld en lande se risiko’s. Dit is dus belangrik vir diegene in die landbou om kennis te neem van die verwagte risiko’s waaroor wêreldleiers bekommerd is. Dit is veral belangrik dat aandag gegee word aan die moontlike impak op Suid-Afrikaanse besighede en boerderye. Ongeag die lys van wêreldleiers is dit myns insiens steeds die ANC-regering se skelmstreke wat die grootste risiko’s vir besighede in Suid-Afrika inhou. Dit word gestaaf deur GRAFIEK 1, wat toon dat die grootste sakerisiko’s die direkte gevolge is van korrupsie en wanbestuur. Die risikoverslag toon die grootste risikofaktore met inagneming van hul impak en interaksie.…

As ’n uitvoerprodusent met ’n groot geografiese reikwydte moet die Dutoit Groep sy vinger op die pols hê van markneigings, verbruikersvoorkeure, primêre produksie én die effek van klimaatsverandering en staatsverval. Landbouweekblad het met Hennie du Toit, die groep se nuwe uitvoerende hoof, gepraat. Hoe verander jul markte? Brittanje en Europa konsentreer toenemend op selfvoorsiening en talle veldtogte steun hul eie produksie. Met stagnante of lae bevolkingsgroei raak die geleenthede relatief kleiner. Ons sal meer klem lê op spesialiskultivars vir dié markte, wat die Noordelike Halfrond se eie produksie sal aanvul. Die sleutel is om kleinhandelprogramme te bekom en te onderhou wat nie noodwendig groot pryspremies bied nie, maar stabiliteit verleen. Die groei lê in die Ooste, wat vereis dat ’n mens vinnig moet kan aanpas by ’n vraag wat voortdurend…

Hy’s ’n sakeman wat niks om dowe neute doen nie. Net die tyd sal leer of Mark Zuckerberg, uitvoerende hoof van Meta – die maatskappy agter Instagram, Facebook en WhatsApp – se boerdery-ideaal by droom gaan bly en of hy ’n nuwe gier gaan vestig en kommersialiseer. Sy dogters, Maxima (7) en August (5), help met die makadamia-aanplantings op sy plaas van 560 ha op die Hawaise eiland Kuaui, het Zuckerberg in ’n plasing op Instagram gesê. Op dié plaas wil hy Wagyuen Angus-beeste gebruik om van die beste beesvleis ter wêreld te produseer deur hulle makadamiameel en bier te voer. Zuckerberg, of Zuck, soos hy homself noem, het onlangs sy stilswye verbreek oor die geheimsinnige bedrywighede op Ko’olau Ranch, sy plaas in Hawaii. Dit volg op ’n onthullende verslag…

Rubriek Boerderybestuur In die groot dae van Desember het ek gesoek na wat my in 2024 te doen staan en wat ek nog kan bydra om Suid-Afrika en die landbou op ’n beter trajek te kry. Ek het weer eens besef ek luister nie genoeg nie: nie na God nie en nie wanneer mense praat nie. Ek formuleer antwoorde vir mense terwyl hulle nog praat. Ek luister ook nie mooi as ek meen die gesprek het min waarde nie. Eina! Ek het einde 2023 ’n studie begin om eerder ’n beter volgeling van Jesus te word as om tyd te verspil deur te tob oor wat alles in Suid-Afrika verkeerd loop. Tydens die studie het my vrou, Retha, ’n hoofstuk se leeswerk aanbeveel uit R.C. Sproul se boek The Holiness…

Boereplan Sy mengbak van vlekvrye staal met ’n vermoë van 200 liter, ’n in- en uitlaatstelsel én ’n gawe motortjie is só doeltreffend dat Jurie de Kock van Oudebakoven by Napier al tien vir medeboere gemaak het. Dié jong boer hou nie van sukkel nie, en met ’n ontwerpkwalifikasie in die sak het hy kort nadat hy op hul familieplaas ingeval het, ’n oplossing vir die tydrowende mengproses gesweis. Hy het in 2021 by die boerdery aangesluit nadat hy aan die Stellenbosse Akademie vir Ontwerp en Fotografie gestudeer het. Die proses om chemiese stowwe, soos gifstowwe, behoorlik te meng, word gewoonlik met die hand gedoen. Jurie boer saam met sy pa en oupa, albei Jurie genoem, maar sy groot belangstelling lê eintlik by die ontwerp van nuwe werktuie en vernuwende…

KLEWERIGE LUGBRAAIER-VARKLIES Ek het die idee vir hierdie resep by die Australiese sjef Matt Preston gesien toe lugbraaiers mode geword het. Jy laat die lig gesoute varkliesblokkies oornag in die yskas en daarna is dit blitsig om te maak. Die varklies is binne minute gereed – smulsag met bros swoerd. Die soetsuur sousie rond alles perfek af. ■ 500 g varklies met vel, in hapgrootte blokkies gesny■ Fyn sout Sous ■ Stukkie vars gemmer, dungesny■ 2 knoffelhuisies, dungesny■ 125 ml lemoensap■ 100 ml sojasous■ 100 ml appelsap■ 100 ml suurlemoensap of bruinasyn■ 60 ml bruinsuiker Geur die varkliesblokkies liggies met sout en pak dit op ’n draadrak wat jy op ’n bakplaat neergesit het. Verkoel onbedek oornag in die yskas. Verhit al die bestanddele vir die sous oor lae hitte…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Maak kos daarop. Lees op bl. 82 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 83 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 29 Februarie 2024. Geen posstukke word meer as…

In 18 (52%) van die distrikte in die Oos-Kaap is gunstige grondprysneigings vir die twaalf maande tot verlede Desember waargeneem. In 5% (teenoor 11% die vorige jaar) van die distrikte was daar geen transaksies nie. Pryse het veral gestyg by Pearston (14,5%), Fort Beaufort (10,6%) en Jansenville (9,1%). Dit het skerp gedaal by Graaff-Reinet (-19,4%), Joubertina (-19%) en Cradock (-18,5%). In die betrokke tyd is 354 ooreenkomste in 34 distrikte gesluit. Dit het 181 415 ha teen R2,311 miljard behels. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 22% (30%); 50-150 ha, 14% (16%); 150-300 ha, 13% (12%); 300-450 ha, 11% (7%); 450-600 ha, 8% (9%); groter as 600 ha, 31%…

Hoe het jy in die afslaersbedryf beland? En hoe lank is jy al ’n afslaer? Ek het in 1997 as ’n veilingsklerk by Vleissentraal op Louis Trichardt begin werk. Ek is later oorgeplaas na Mokopane waar ek in 2003 bevordering gekry het tot afslaer. Ek is nou al 20 jaar lank afslaer by Vleissentraal en is in 2007 na die Klerksdorp-tak oorgeplaas. Ek het weer ’n bevordering gekry, dié keer as takbestuurder. Ek is sedert 2022 uitvoerende direkteur van Vleissentraal Klerksdorp waar ek tans steeds as afslaer optree. Daar was verlede jaar druk op veepryse. Wat sal die situasie vanjaar wees? Ek dink vanjaar gaan steeds nie maklik wees nie. Al is daar meer sprake van uitvoer, raak die invoer vanaf ons buurlande ook ál meer. Ek is bekommerd oor…