Table of contents for 18 July 2024 in Kuier

Dit voel of deadline-dag hierdie week ekstra bedrywig is. Soos ek hier tik en ons regmaak om dié uitgawe drukkers toe te stuur, word daar tussendeur op ons sociais gewoel om lesers te laat weet hulle moet uitkyk, ons splinternuwe KuierCombo Kreatief is op die rak. En kyk ’n bietjie hier regs hoe mooi lyk dit! Ons kry gereeld boodskappe van lesers wat wil weet wanneer is daar weer ’n KuierCombo op pad. Party hoop dis resepte. Ander soek lekker breipatrone, nóg ander soek wenke wat werk. Wel, daar’s goeie nuus: Ons nuwe Kuier-Combo bevat sommer ietsie van als! Daar is resepte, breipatrone, maklike DIY-projekte én wenke. As jy die TikTok-tuiskokke Tietie en Nanna se nuwe kookreeks, Tietie en Nannakook, geniet op VIA,skuif nader. Hulle deel van hul liplekker resepte…

Die afgelope drie maande hou die fiktiewe Soebatskloof se mense en hul geheime, gekonkel en affairs kykers vasgenael voor die TV. Die telenovela Kelders van Geheime, e.tv se eerste plaaslik vervaardigde Afrikaanse reeks, se sowat 2 miljoen kykers ná slegs drie weke getuig daarvan. En twee karakters wat veral die kwik - én die bloeddruk- laat styg met hul streke, is die ma-en-seun-duo Veronique en CJ Marais. As hulle eers mekaar op die kassie pak, spat die vonke tussen hulle. Kuier het onlangs self gaan inloer op die stel op die Plaisir-wynlandgoed naby Simondium in die Paarl, om Rushney Ferguson (35) en haar medester Angelo Johnson (21) te ontmoet, wat vir die eerste keer saam op ’n voorblad verskyn. Rushney se karakter, Veronique Marais, is die bestuurder van die restaurant…

“Ag nee man, móre is alles beter.” Dít was altyd Adéle Strauss (61) se woorde wanneer die lewe iemand sou pootjie en plattrek. E“n ek sweer, as jy eers daai woorde gehoor het, het jy regtigwaar beter gevoel,” vertel haar oudste kind, Anél Strauss-Van Rooyen (36). Nou sal sy dit nooit weer hoor nie… Haar gulhartige ma se lewe is tragies kortgeknip - en dít deur griep. Adéle het onlangs in die waakeenheid gesterf kort nadat die H1N1 -griepvirus by haar gediagnoseer is. Dit was kort ná die Paarlse gr. 11 -leerder Shannon Cortereal (17) ook in die waaksaal van die Paarl-hospitaal oorlede is nadat sy griep opgedoen het. Adéle, ’n Upingtonse sakevrou, was geliefd in haar gemeenskap. Sy’t ’n groot hart vir haar medemens gehad, veral bejaardes en haar…

Sy’s bekend as die skoolsekkie en “Mielies se ma”, oftewel Elsa Booysen in Arendsvlei, en die skreeusnaakse Gadija Suleiman in die kykNET-dramareeks Sara se geheim. Vroeër vanjaar het sy nog gesig gewys as die cop Forty Bell (Brendon Daniels) se vrou, Bernice, in die misdaadriller White Lies op M-Net. Maar deesdae sit Roxanne Blaise in die hoofregisseurstoel van die nuwe kykNET & kie telenovela, Skemergrond, wat draai om die Louw-familie en hul blomplaas, Everlasting. Eintlik woeker dié Kaapse aktrise al ’n paar jaar agter die skerms. “Ek het eintlik ge-oudisie vir Skemergrond en toe kry ek ’n oproep van Roberta Durrant van Penguin Films [wat die telenovela vervaardig] om te sê sy soek ’n regisseur, en wil ek nie eerder dít doen nie.” Roxanne het dadelik ingestem. Dit was juis…

STAAT MAKER - SWART Swart is ’n staatmaker in enige kas en gaan nooit uit die mode nie. Ons wys hoe jy stylvol in informele én formele drag kan lyk. JENNIFER LOPEZ (54) JLo se swart-en-wit-kombinasie is ’n stylwenner. Dié ma van twee breek haar swart broek en swart knooptrui met ’n wit toppie, en trek haar hoofkleur deur na haar ekstras, soos’n stylvolle sonbril en swart handsak. Ons steel haar voorkoms en gaan vir ekstra gemak met ’n paar loafers. Jy kan ook wit of swart tekkies hierby dra, en as stywe toppies nie jou ding is nie, gaan vir ’n losser wit hempie. MINDY KALING (45) Om swart te dra hoef nie vervelig te wees nie. Dié aktrise maak ’n modestelling in swart leer-items deur die modehuis Ralph…

Vertrap ‘sagte hart’ Vraag VLOERLAP VIR VRIENDE Antie Val, ek het ’n baie sagte hart en sal myself te na kom om ander te help. Ek leen geld (wat ek self benodig) aan vriende, en moet dan soebat om dit terug te kry. En daar is talle wat dit nooit teruggee nie. Hoe stel ek boundaries, en sal ek my vriende verloor? HARRIET Antwoord BESTE HARRIET Nee jinne, vir wat sal jy ’n lat vir jou agterent pluk en dan nog jouself pakslae gee? Jy weet jy gaan nie ’n medalje kry as jy ander help - wat jou net uitstres en in geldmoeilikheid gaan bring - nie, nè? Jy is ’n goeie mens, maar die mense wat jy help, wat soms nie eens die decency het om jou terug…

“Sy lag is weg”, 4 Julie Sterkte en simpatie aan Ugen Johannes [wat gesterf het nadat ’n aar in sy kop gebars het] se ouers. Die werklikheid tref jou en niks is meer dieselfde nie - die leë kamer, die verlange… MAGGIE ELIZABETH GERTSE Mag God julle in Sy groot liefde omvou en julle pyn versag. Dis baie hartseer. My opregte meegevoel aan julle. ILANA ABRAHAMS “Al skeer-skeer na sukses”, 4 Julie Benito Johannes se inspirerende beroepspad maak my hart warm. Ek is bly dat hy floreer en dit met passie doen. Mag hy meer en meer bereik. DAVID JANUARY Waar daar ’n wil is, is daar ’n weg. As sommige jongmense dít ook net wil besef. SHARON BOOYSEN Nou soe! Wys hulle hoe, boeta. TOKKIE APRIL “Wat in de…

Al op laerskool was hy die class clown en kletskous. Sy juffrou het die gepratery sommer ook in sy rapport genoem, vertel die radio-DJ en social media influencer Yuzriq Meyer (32), oftewel “Mr Meyer”, laggend. “‘Hy doen baie goed, maar hy praat baie’, het daar in my rapport gestaan. Maar een ding: My werk was altyd klaar. My gr. 6-juffrou en my pa het dít altyd vir my geleer: Jy kan playful wees, maar doen eers jou skoolwerk. So, al het ek gereeld die fool gespeel en baie gepraat in die klas, was my werk al lankal klaar en het ek alles geweet wat in my skoolboeke aangaan.” Vandag is Yuzriq ’n vermaakster of note, met meer as ’n halfmiljoen followers op sy socials. Daarby is die man se podcast,…

Min dinge kan jou so gou op jou mooiste laat lyk soos ’n nuwe hairdo. Gelukkig is daar sommer ’n klomp style om van te kies en keur - van ’n korter kroon tot lang vlegselstyle. En winter is juis die ideale tyd om die jongste trends vir ’n spin te vat. KORT EN KRAGTIG Lus vir die hare laat waai? Min dinge is so bevredigend en bevrydend soos om ontslae te raak van ’n swaar en moeilike boskaas. Gelukkig vir jou is kort hare ook nou hoogmode. Daar’s iets vir elke soort haar en elke tekstuur. Probeer ’n punt-perfekte pixie, of iets meer boheems en lig. 1. KORT KRULLEBOS Riri het omtrent die tonge laat klap toe sy onlangs met ’n kort krullekapsel by die launch van haar harereeks,…

Sy’t ’n natuurlike aanvoeling vir mode, en toe die flambojante stylguru Mariam Desai (58) in 2015 haareie modehuis, Cherrie Couture, uit haar huis in Pelican Park in die Kaap begin het, is die klere sommer in haar garage gesny. Nou, nege jaar later, is hul modest chicuitrustings dié local brand waarin al wat ’n celeb, en vroue van al wat ’n size, wil pryk. Met Kuier se besoekaan dié modebaas se Cherrie Emporium-tak in Ottery slaan die rye en rye klere die asem weg. Alle skeppings, met skoene, oorbelle, kopdoeke, borsspelde en handsakke is netjies uitgestal. Mariam se passie vir haar werk is duidelik. Sy hou by met die trends en pas haar reeks daarvolgens aan. Sy is veral mal oor Koreaanse modes, ’n persoonlike styl-gunsteling, en sy gaan jaarliks…

JOU KIND: VERMAAK RAVEN AND ROVER - DINO J. MARTINS Die heuwel naby die Ewaso Nyiro-rivier in die noorde van Kenia is ’n goeie plek vir Raven om te kyk hoe die diere rondom hom lewe. Dan ontmoet hy sy vriend Nusurika, ’n wildehond, se vyf babas. Een van hulle is Rover. Dis die eerste dag wat hulle ma hulle die wêreld wys, en Rover is nuuskierig oor als en almal rondom hom. Raven leer Rover oor vlieë, akkedisse, skoenlappers en baie meer, en soos hy alles van nuuts af aanleer, leer ons as lesers ook meer oor dié dinge. SPRINGBOEKIE - FANIE VILJOEN Springboekie is mal oor boeke. Hy wil ál die boeke in die wêreld lees, hoewel hy nie juis weet hóé hy hierdie reusetaak gaan regkry nie.…

salf salon sambreel satelliet seep seggenskap sensitief sensueel sexy siekte skakelaar skatkis skedonk skilpad skoen skoolhoof skouer slagaar slak sleutel slootgrawer sneeu snoesig snor sokkie sonpaneel sonsteek sowaar spandabelrig speletjie spesialis staking stembrief stoksielalleen stokvel stopsel stopstraat storm streek strooi stroomop struikel suiker suring surrogaat suster swanger swerf sweterig sypaadjie OPLOSSING VERSKYN IN DIE UITGAWE VAN 1 AUGUSTUS 2024. SOEK VIR DIE SPELETJIENOMMER.…

VAN RADIODROME TOT TV-STER As’n seuntjie op Swellendam in die WesKaap het hy aityd saam met sy ma na radiodramas geluister. Hy’t dan dié stories uitgeleef met sy action figures. Met flieks het hy hom in daai wêrelde inverbeei, so verdiep was hy. “Daarna het ek die karakters nagemaak en my familie daarmee vermaak,” sê Ayden (21). Vandag lééf hy sy droom van voor die kameras wees as deel van kykNET & kie se nuwe telenovela, Skemergrond, waarin hy ’n hoofrol, sy eerste groot TV-rol, speel. ONTMOET JUNIOR Hy speel Junior Maarman, die oudste Louw-kleinkind en seun van Hazel (Carmen Maarman) en Ronnie (Mario Haupt). Skemergrond speel af op Gemoedsdrif, ’n fiktiewe dorpie in die Wes-Kaap, en die Louw-familie en hul pragtige blomplaas, wat sy ma bestuur. Junior is die…

Dis 17 April 2024. Die skrywerskopieë vir my tweede jeugboek, Ek sal vir jou veg, is pas afgelewer. “Cazlee” is uiteindelik hier! Ek het my kopieë deurgeblaai, teen my lyf vasgedruk, en die pasgedrukte bladsye geruik. Ek wou die oomblik waardeer, onthou en die dankbaarheid ten volle ervaar. “Wide Awake” deur Katy Perry het begin speel en ek het gedans. Van die een liedjie na die ander, tot Snow Patrol se “Chasing Cars” begin speel het. As gevolg van Grey’s Anatomy koppel ek dié lied aan verlies - nie dat dié woorde juis help nie: “Ifl lay here, if l just lay here, wouldyou lie with me?” Met die laaste lirieke sien ek altyd hoe ek en ’n verlore geliefde, dikwels my suster, op die gras lê en gesels. Terwyl…

Sy’t altyd geweet sy’s bestem vir groot dinge. Sy ís immers gebore uit ’n lyn van sterk vroue wat ken van hard werk vir wat hulle wil hê. Sy’t al baie baadjies gedra. Sy’t al appels gepluk in die boord, aartappels verpak in ’n pakstoor, was eers ’n taxi-guardjie, toe skuif sy self agter die stuurwiel in, en nou’s sy’n gekwalifiseerde onnie! Deesdae spog Veronique Stonga (27), wat bekend was as ’n taxi driver in Ceres, met ’n nuwe titel: dié van skooljuffrou. Dit het klippe kou en dissipline gekos om hier uit te kom, sê dié boorling van die Wes-Kaapse dorpie Prince Alfred Hamlet, maar sy verruil dié lewenservaring vir niks. Dit het haar karakter help vorm. “Die beste plek om te begin, is onder. Van daar af kan…

Dink terug aan die tyd toe jy agt jaar oud was. Wat is van die dinge wat jou toe trots gemaak het? Dalk ’n drie tydens ’n bulletjierugbywedstryd? ’n Oulike klastoespraak wat jou juffrou beïndruk het, of dalk ’n groot rol in jou skoolkonsert? Wat meeste van ons nie op dié lysie sal kan sit nie, is dat ons op daardie ouderdom reeds teen kanker geveg het - en boonop nou al jare in remissie is. Dít is iets waarop klein Naasir Chand van Palm Ridge in Gauteng sommer baie trots is, en met reg: in Mei vanjaar was sy kankeral’n hele sewe jaar in remissie. En om ander te inspireer, is nou deel van wie hy is. Soos toe hy onlangs by die huis gekom en aangedring het dat…

INSPIRASIE Die foon lui sonder ophou. Eers is dit ’n bekommerde honde-pa: Hul geliefde troeteldier is yskoud en sukkel om te loop. Wat nou? Dan, nog een: ’n Gesin se kat is beseer en moet dringend by ’n veearts kom. Kan hulle dalk kom help, word bekommerd gevra. Só kry Bronwyn Olifant en haar man, Danfred, daagliks oproepe van mense met troeteldiere wat hul dienste benodig. Hoewel hulle oorval word, probeer hulle om op elke oproep te reageer. Die egpaar bedryf’n unieke diens, met ’n ewe unieke spelling: die “Diere Ambulaans Dienste”, of DAD, uit hul kantore in Eersterivier, Kaapstad. DAD staan mense in minderbevoorregte gebiede by in noodsituasies met hul vierpotige kinders. Hulle bied ’n diens wat’n mens kan opsom as: Bly kalm. Die Olifants is hier. “Dis gewoonlik…

HOENDER-EN-RYSSOP BYKOS: MIELIE-EN-CHIVE-PUFFS (sien resep op bl. 29) Lewer sowat 2 L sop BESTANDDELE 1 eetlepel olie 1 ui, gekap 3 groot wortels, geskil en in blokkies gesny 1 selderystingel, gekap 2 knoffelhuisies, fyngedruk 2 takkies vars tiemie sout en varsgemaalde swartpeper 6 koppies hoender-stock 1 koppie halfgaar rys 3 hoenderborsies 1 koppie gevriesde ertjies ’n handvol vars pietersielie, fyngekap METODE ■ Verhit die olie in ’n groot kastrol oor matige hitte. Voeg die ui, wortels en seldery by en stir fry vir 3-4 minute tot die ui goudbruin is. ■ Voeg die knoffel en tiemie by en braai nog ’n minuut lank. ■ Geur met sout en peper, giet die stock by en voeg die rys by. Roer terwyl jy dit tot kookpunt bring, verlaag die hitte en laat…

Wys griep die deur Die griepseisoen is hier. Dís wat jy als moet weet. Antwoord Baie mense is die afgelope ruk platgetrek deur griep, en talle het in hospitale beland. Die jaarlikse griepseisoen het mos in April afgeskop, en ’n klomp griepstamme wat ernstige gesondheidskomplikasies by sommige pasiënte kan veroorsaak, sirkuleer tans. Dit word verwar met die covid-19-variant met lae vlakke van oordraagbaarheid en erns wat in omloop was. Die subtipes en afstammings wat die meeste opgespoor is en sirkuleer, is die A(H1N1) pdm09, voorheen bekend as varkgriep, gevolg deur griep B/Victoria en griep A(H3N2). Dis nie vreemd nie, want griep A(H1N1) pdm09 is al vanaf 2010 jaarliks as’ seisoenale griepstam in omloop. Griep A-virus is erger by volwassenes. Sowat 8 tot 10% van pasiënte wat vir longontsteking gehospitaliseer word,…

Kinders is nie altyd vriendelik met mekaar nie - soms knou hulle mekaar af. Maar daar is ’n groot verskil tussen maats wat soms ongevoelig optree en vriende wat in ongesonde patrone verval en boeliegedrag toon. As jou kind se maat soms iets onsensitiefs sê, is dit heeltemal anders as wanneer ’n maat gereeld venynig teenoor jou kind is. Dis byvoorbeeld een ding vir ’n maatjie om skielik nie met jou kind te wil speel nie, maar iets heel anders as dié maat aanhoudend jou kind afkraak. En wanneer jou kind vasgevang is in ’n ongesonde vriendskap waarin hulle geboelie word, raak dit tyd om in te gryp. Hier is raad vir hoe jy toksiese gedrag kan herken en hanteer. WANNEER IS ’N VRIENDSKAP TOKSIES? ’n Toksiese maat is iemand…

SMS OM IN TE SKRYF! VOLTOOI: Sy is die stem agter Valentina, die meisie van Gru se vyand in Despicable Me 4. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 7 Augustus 2024. SMS/R1,50. Die oplossing verskyn in die uitgawe van 29 Augustus 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 7 AUGUSTUS 2024. GEEN WHATSAPP-BOODSKAPPE WORD MEER AS INSKRYWING AANVAAR NIE.…

RAAK WYS MET… Brenden ’n Mot vlieg by ’n dokter se spreekkamer in. “Hoe kan ek help? “vra die dokter, en waaraan hy dié onverwagte besoek te danke het. “Dokter, my hele lewe is ’n gemors. My tienerdogter is swanger, my seun is op dwelms en my vrou het met ’n ander man weggeloop. Dit lyk ook die maatskappy waarvoorekwerkgaan eersdaags sy deure sluit. Ek kan dit nie meer vat nie. Gee raad, asseblief,” sê die mot, met sy kop in sy vlerke. Die dokter sit vooroor en skud sy skop. “Jislaaik, meneer Mot. Dit klink erg, maar dit lyk vir my jy het eerder ’ sielkundige as ’’ dokter nodig. Hoe het jy hier by my beland?” Die mot sê: “Jou lig wasal een wataan was.” Hoekom begin ek…