Table of contents for 2026-01-26 in Isolezwe

HOUSE OF ZWIDE Ngo-7 ebusuku, kwi-e.tv UXOLO lukaFaith luyahluleka ukufika ngendlela ekahle ebantwini abalimele ukuze balapheke futhi noNtombi uyamvimba ukuthi abe yingxenye yomndeni wakwaZungu, ukuze kungandi izinkinga. UKhulubuse uvikela uFaith, nokuphoqa uSbahle ukuthi axolise, okushiya uNtombi enokujabula. USbahle uhlela iqhinga lokuziphindiselela. USbahle noSabelo bahlela iqhinga elingahambisani nokufunwa uFaith njengoba kukhona ukungezwani okudala udlame emzini wakwaZungu. U-Ezekiel noCarter baqinisa ibutho eTembisa. UFaith (Winnie Ntshaba) uzibuza ngekusasa lakhe noKhulubuse njengoba udlame oluqalwe uSabelo luletha ukwesaba emndenini. Amanga kaMolefe ayaphela uma uNozipho ethola iqiniso futhi efuna izimpendulo ngokushesha. UFaith bamhamba ngemuva uma uNtombi evuma ukwamukela unkosikazi wakhe wesibili. Iqiniso likaMolefe limenza athole ithuba lesibili noNozipho. INIMBA Ngo-9.30 ebusuku, kuMzansi Magic UKUZILA kuphenduka kuba yinto enzima ukuthi izibeke. Into efunwa owesilisa kakhulu iphoqa ukuthi kube khona ukungenelela okuyingozi okwenzekayo. Njengoba abanye abantu bebheke into…

MHLELI: Ubuchule bobuhlakani bezizwe emhlabeni beyame emasikweni azo ngokuhlukana kwazo. Amasiko nemikhuba yezizwe ngokuhlukana kwazo kuyisakhi nesizinda esigqamisa ubuzwe bazo, ngokwezilimi nangobuchule bobuhlakani bazo. Amasiko ngamasiko ezizwe yiwona msuka ogqamisa ubuhlakani nezinga lokuphila kwaleso naleso sizwe. Okusho ukuthi isiko nesiko laleso sizwe liphenduka isikompilo laso. Izizwe eziningi zisabukelana phansi ngokwamasiko azo, kube sengathi ezinye izizwe kazikwazi ukucabanga uma ziqhathaniswa nezinye. Ezinye izizwe zicindezeleke ngenxa yamasiko azo, ezinye zithuthukile ngenxa yamasiko azo. Izizwe ezimnyama eziningi zibukeleka phansi ngenxa yamasiko azo, ngakho belu ukwehlulelana ekutheni ubani onosiko oluyilo nolungcono. Ubufakazi balokho wukuthi ziningi izizwe ezimnyama esezifudukele emasikweni ezinye ezizwe, ikakhulukazi emasikweni abamhlophe. Konke lokho kwadalwa yinkolo, imfundo, ezombusazwe, yindlala, ukuthumbana kwezizwe, ukuthanda amadlelo aluhlaza nokuthekela ulwazi ongenalo. Isibonelo, iSilo uShaka emlandweni sathumela ibutho eMelika liyofunda ukuphatha isibhamu kodwa lelo butho kalibuyanga.…

UTHWALE kanzima umthwebuli weSolezwe enkonzweni yemigcagco kaJanuwari, ebandleni lakwaShembe, eBuhleni, eNanda, izolo. Umthwebuli, uDoctor Ngcobo obese kuphele amahora amabili ethwebula izithombe zobekuqhubeka, ujikelwe esiswini njengotshwala omunye wabefundisi, ophume naye iqhubu. Ngokusho komthombo, okhona ngaphakathi ebandleni, uNgcobo uze waguqiswa phansi maqede umfundisi, wamemeza ngombhobho, ethi: “Size simthole umuntu ocekela phansi isithunzi sebandla.” Kuvela ukuthi lo mfundisi ubesho lokhu kulandela ukugxekwa kwaleli bandla ngesikhathi esifanayo nyakenye, kusabalala ezinkundleni zokuxhumana izithombe zabakhwenyana asebekhulile nomakoti abasebancane. Kuthiwa lo mfundisi usole lo mthwebuli, ethi nguye oyimbangela yakho konke ukugxekwa ibandla elangena kukho. Kuvela ukuthi akagcinanga nje ngokuhhahhamezwa nangokushawodwa eguqiswe phansi, ubuye wacinyiswa zonke izithombe abese zithwebulile, kwathathwa nemininingwane yakhe okuhlanganisa nenombolo kamazisi. Nakuba uphume engenamyocu, usizwe ezinye izingwevu zebandla, ezimzwele zamphelezela esehamba. UMhleli weSolezwe, uMnuz Thulani Mbatha, uthe ukuphatheka kwentatheli ngalolu hlobo kube yishwa ebelingagwemeka.…

UBUYE ukuzethemba kwiKaizer Chiefs ngesikhathi iqoqa amaphuzu agcwele okokuqala kwiCaf Confederation Cup ngokunqoba kwiZESCO United emdlalweni ka-Group D izolo ntambama, eLevy Mwanawasa Stadium, eNdola, eZambia. Kuwathathe imizuzu emibili ukuthi Amakhosi azithole esehamba phambili ngegoli eliqedelwe nguPule Mmodi kade kuyikhona engqofelwe epalini nguFlavio Da Silva. Womabili la maqembu aqale lo mdlalo engayazi iwini kuleli qoqo okuboshelwe kulona iZamalek SC ne-Al Masry okungamaqembu athathwa njengamakhulu e-Egypt. Siye koshicilela lo mbiko iZamalek ne-Al Masry bengakawuqali owabo ka-Group D obuse-Egypt izolo ebusuku. Okusheshe kwacaca esiwombeni sokuqala wukuthi iChiefs ibibonana kangcono. Lokhu kugcine sekuqhatha abeZESCO nonondweba obephethe umdlalo kwazise bebebukeka bekholelwa kakhulu ezikhwepheni. Ayikho iminyakazo ethusayo ebiqhamuka neqembu lasekhaya kulesi siwombe sokuqala obekungobunye ubufakazi bokuthi iChiefs ibibhekene neqembu ebelingakacoshi lutho ngokwamaphuzu emidlalweni emibili yamaqoqo. Kubukeke kukhona okutshelwe abadlali beZESCO ngesikhathi sekhefu kwazise ibuye isinokuzethemba obekungekho…

I-HOLLYWOODBETS Sharks iqophe umlando ngesikhathi iba yiqembu lokuqala kule sizini ye-United Rugby Championship (URC) eliguqise i-DHL Stormers eqhakwele kwi-log. Le wini ka-30-19 bekungeyokuqala ngqa kwiSharks kulo mqhudelwano lidlalela eKapa. Okwenze yehla kahle ngokusho kukakaputeni weSharks, u-Andre Esterhuizen, wukuthi banethuba lokuyiphinda iStormers kusashisa ngoMgiqbelo ozayo, kwazise leli qembu laseKapa yilona elizobe seliseThekwini. Kusukela kuqale isizini, iSharks ibiqala ukushaya ingcwenga yento kusukela umdlalo uqala kuze kuyophela umdlalo ngoMgqibelo, e-DHL Stadium, eKapa. Leli qembu laseThekwini eliphekwa ngu-JP Pietersen, lingelinye lakhombise izimpawu zokuthwala kanzima kusukela kuqale isizini. Ubufakazi balokhu ukuthi iSharks ihleli kunombolo-14 kwi-log ngamawini amabili, yathola induku amahlandla amahlanu, yase idlala ngokulingana kowodwa. EzikaPietersen zifike emdlalweni neStormers ebingayazi induku zivela ekutholeni uswazi oluphoxayo ekhaya kwi-Emirates Lions nayo ethathwa njengamaqembu adonsa kanzima kule ligi. Okwenze iSharks yawujabulela nakakhulu lo mphumela ukuthi iStormers ibamukele esibayeni…

IMANGELE inhlangano ephakela izikole KwaZulu-Natal, iNational School Nutrition Programme Service Providers, ngesinqumo soMnyango wezeMfundo esifundazweni, sokukhipha isekhula eyazisa ngokunqanyulwa kwezinkontileka zabaphakayo, ekubeni lungaqaliwe uhlelo oluthinta izikhalazo ngabazoqokwa ukwenza lo msebenzi. Le nhlangano ikhala ngokuphanga umdaka izulu linganile eMnyangweni, ngoba ibisalinde lolu hlelo lwezikhalazo kodwa kwakhishwa le sekhula ethi ekupheleni kukaMashi nonyaka, ziyanqanyulwa izinkontileka zabenza lo msebenzi. Usihlalo wenhlangano, uMnuz Lindani Matiwane, uthe ngokwazi kwabo zingaphezu kuka-700 izikhalo ezifakwe nyakenye, ngezinto ezingahambanga kahle ngokuqokwa kwabazophaka uma sekuphele inkontileka. "Kuningi ukuphulwa kwemigomo okwenziwa wuMnyango ngoba besisabhalele uMnyango kaMgcinimafa, sibuza ngokuqala kohlelo lwezikhalazo njengoba kunolwazi owezeMfundo okwakumele uze nalo, owawuthe luyashoda," usho kanje. Uthe bayazibuza ukuthi yini inhloso yale sekhula ekubeni kusanohlelo lwezikhalazo olungaqalile? "Siyazibuza ukuthi yini ephusha iNhloko yoMnyango (Mnuz Nathi Ngcobo), ukuphula imigomo kaMgcinimafa noNdunankulu wesifundazwe (Mnuz Thami Ntuli), wokuthi kumele…

SIKOLE saseMlazi iMenzi High sifana nezinye izikole elokishini laseNingizimu Afrika ngezinselelo esibhekene nazo nalezo ezibhekene nomphakathi wakule ndawo. Kodwa kukodwa okwehlukile osekwenze iMenzi ibe yinyama kubazali abaningi abafisa ukuba izingane zabo zenze kahle: Imiphumela yaso yakwa-matric okusukela ngo-2011 abafundi bakhona baphasa ngo-100%. Futhi asigcini lapho ngoba iningi lalaba bafundi bathola amamaki abavulela iminyango emanyuvesi, bephumelela nge-bachelor pass. Kuyavela futhi ukuthi ezifundweni ezithathwa ngokuthi zishonisa phansi abafundi njengeMathematics, Accounting, abafundi eMenzi benza kahle kuzo. Wonke lo msebenzi selokhu waqala ukubonakala kowayenguthishanhloko wakhona ongasekho uMnuz Felix Mshololo owatshala imbewu yokuzimisela kubafundi nakothisha kulesi sikole esisaqhubeka nanamuhla ukuba yisibani kwezinye ezindaweni zabamnyama. IMenzi, nezinye izikole ezisezindaweni ezazicindezelekile ngesikhathi sobandlululo, siyisibonelo sokuthi ngokuzinikela kothisha kungashintsha okubi okuvame ukuyamaniswa nezindawo zethu. Kumanje lesi sikole siphethwe uNks Nozipho Ndlanya onguthishomkhulu, naye othathe izintambo kuNkk Thulisile Ntombela,…

MHLELI: Kwelakho elishaya emhloleni, ngicela ungikhiphela nasi isikhalo sethu singabasebenzi benkampani yabaqaphi ebizwa nge-Freeman. Le nkampani isebenza ukuqapha izakhiwo zomkhandlu waseMhlathuze, koMpangeni, Richards Bay, Mzingazi, Esikhaleni namaphethelo, Nseleni, kwesaKwaBiyela, eBukhanana nakwezinye izindawo ezingaphansi kwalo mkhandlu. Isisibulele ngendlala nangezikweletu njengoba isikweleta imiholo yezinyanga ezintathu, kwabanye ezine. Sikhuluma nje sivele ngentamo ezikweleteni kusukela kwezikaKhisimusi, ezokuthengela abantwana umfaniswano wesikole, ukubakhokhela ezikoleni, ezimotweni abazigibela ukuya khona. Nathi singasali ngaphandle kokokugibela, njalonjalo. Angisaphathi kwabanye ozakwethu asebexabane nomasitende baze babaxosha emiqashweni. Abanye badlelwa impahla yabo yibo omastende ngoba bengakhokhelwe imali yabo yokubahlalisa. Abaphathi benkampani basikhalela ngokuthi umasipala ongabakhokhele. Sicela, Mhleli, usilekele ngokushicilela le ncwadi ukuze nabakwamasipala bayifunde bese bevela bachaze ukuthi ngampela abayikhokheli yini inkampani noma kuvalwa thina. Uma bengayikhokhele, siyacela bayikhokhele ukuze nathi sikhokhelwe imali yezithukuthuku zethu. Uma kungakuthi iyahubhuza inkampani, iyakhokhelwa, sicela bangenelele baxoxe…

AKUBA kukhona abalandeli be-Orlando Pirates ongazange wehle kahle kubona umphumela ewuthole kwiSekhukhune United kodwa ukaputeni, uNkosinathi “Bhodlela” Sibisi, uzishaya isifuba ngerekhodi lokungehlulwa laleli qembu emidlalweni nasemiqhudelwaneni yaseNingizimu Afrika. IPirates ibambane ngo 0-0 neSekhukhune United emdlalweni weBetway Premiership ngoMgqibelo, ePolokwane. Lona bekuwumdlalo wehlandla lika-18 kweyaseNingizimu Afrika ingayazi induku. Ngenxa yalo mphumela, iPirates yehlulekile ukubuyela esicongweni se-log yePremiership eyehliswe kusona yiMamelodi Sundowns. La maqembu abambene ngamaphuzu angu-29 kodwa iqembu laseChloorkop liphezulu ngenxa yokuthi lingcono ngamagoli ekubeni liphambili ngomdlalo kwiPirates. USibisi uthe bayawamukela umphumela abawutholile. “Besingadlala kuze kushone ilanga kodwa igoli belingeke lingene. Okumnandi wukuthi nangakithina kalizange lingene igoli, okusho ukuthi sisawubambile umgqigqo wokungehlulwa. Ngineme ngendlela iqembu elidlale ngayo uma uzokhumbula ukuthi bekuwumdlalo walo wokuqala wonyaka,” kuqhuba uSibisi ethimbeni lezindaba lePirates. IPirates yagcina isibhaxu ishaywa yiMarumo Gallants neSekhukhune imidlalo ilandela ekuqaleni kwesizini. Kusukela…

UHLABEKE umxhwele umqeqeshi waMaZulu, u-Arthur Zwane, kuphumelela iqhinga abelibophele iTS Galaxy abayehlule emdlalweni weBetway Premiership eMoses Mabhida Stadium, eThekwini, izolo ntambama. AmaZulu anqobe ngo 3-2 kulo mdlalo oshise esiwombeni sesibili. Amagoli ashaywe nguThandolwethu Ngwenya amabili noMlondi Mbanjwa esiwombeni sesibili. AweGalaxy abekwe enethini nguVictor Letsoalo noJunior Zindonga. Ngalo mphumela, Usuthu lunyukele endaweni yesine kwi-log yePremiership, lweqa iSekhukhune United edlale ngokulingana ne-Orlando Pirates ngoMgqibelo. "Besidinga ukubafakela ingcindezi. Badlalile phakathi nesonto, ngakho besazi ukuthi umfutho wabo uzokwehla. Bekudingeka sibafake ingcindezi, sibaphoqe ukuthi benze amaphutha. Esiwombeni sokuqala sibaphuce ibhola kaningi kodwa asikusebenzisanga lokho. Iqhinga belilihle, sibalindile. Besazi ukuthi uma ubanika isikhathi nesikhala ikakhulukazi eduze nebhokisi, bazokwazi ukuxhumana bashaye igoli. Ngakho bekufanele sikuvale lokho, sibazume uma bekade behlasela. Esiwombeni sokuqala kusebenzile kodwa besizenzela phansi," kusho uZwane. Ukufuna kukaZwane ukuwina lo mdlalo kubonakale emuva kokuthi abafana…

I-CAPE Town City iqinise umkhankaso wayo wokubuyela kwiBetway Premiership iqoqa amaphuzu amathathu kwiGomora United eDobsonville Stadium, eSoweto, ngoLwesihlanu ntambama. ICity igawulwe yizembe kwiPremiership ekupheleni kwesizini ka-2024/2025, yehlela kwiMotsepe Foundation Championship. Nokho impilo ayibange isafana kuleli qembu kwazise liqale kabi kwiChampionship kulandela ukuchitha abadlali abaningi abanamava ebelidlala ngabo kwiPremiership. Emuva kokuthi lisayinise abanye abaziwayo ebholeni laseMzansi, liqalile ukuqoqa amaphuzu. Kuyiwe ekhefini le-Africa Cup of Nations (Afcon) ngoDisemba, iCity isiwubambile umgqigqo. NgoLwesihlanu, i-The Citizens ibuye isilandela ngemuva yaqoqa amaphuzu amathathu kwiGomora engomakoti kwiChampioship, yagcina inqobe ngo 2-1 wamagoli kaTherlo Mossa noCayden Fortune. ICity isidlale imidlalo eyisithupha ingahlulwa futhi isiwine emine ilandelana. Ukuqhubeka nokuwina kweCity akubuzwa ukuthi kufaka ingcindezi emaqenjini aphezulu kwi-log okubalwa kuwona iMilford esesicongweni, ekhale ngaphansi kwi-University of Pretoria ngo 3-2 ekuhambeni ngoMgqibelo. I-The Citizens isendaweni yesine ngamaphuzu angu-25 emidlalweni engu-15.…

UPHATHE kabi futhi kwathusa abaningi ukudlula emhlabeni kowayengumsakazi woKhozi FM, uMandla “Njinji” Magwaza, othathwe wukugula esibhedlela ngoMgqibelo ekuseni. Izindaba zokushona kukaNjinji (42) ziqinisekisiwe umndeni ngesitatimende. “Umndeni wakwaMagwaza uphatheke kabi ngokudlula emhlabeni kwendodana yawo, ubhuti, ubaba, umyeni nelungu lomndeni uMandla “Njinji” Magwaza ozalwe ngoDisemba 8 ngo-1984,” kusho isitatimende. Sithe umndeni uphatheke kabi ngalokhu futhi ucela isikhathi sokuba wodwa esithe. Nokho uthe uyakubonga ukwesekwa okutholayo nemiyalezo yenduduzo. Lokhu kuthuse abantu abaningi ngoba ubesanda kubonakala engomunye wabaphathi bohlelo emcimbini iLast Dance Music Festival eMgungundlovu, ngoDisemba 31. UNjinji wesule emsakazweni Ukhozi FM ekupheleni kuka-2024. Ngaleso sikhathi wayethula uhlelo Ukhozi FM Top 20 ngoMgqibelo. Ngaphandle kokusakaza, uzakhele udumo ngephimbo lakhe elalisebenza kumabika esiteshi nasezikhangisweni. Umsakazi woKhozi FM, uLucky Nkosi, uthe ibuhlungu indaba kaNjinji obedume ngokwenza izikhangiso ezidlala emsakazweni. “Ngike ngaba nesikhathi naye ngoDisemba, ngaze ngazi…

MHLELI: Kuqala kusukela kwabunjwa i-ANC ngo-1912 kwakubukwa izinselelo ezibhekene nenhlangano nesizwe bese kuphakanyiswa igama lomholi noma labaholi abazohola lo mbutho. Lokhu sekwashaywa indiva njengoba imali, ukuzicebisa nenkohlakalo sekuhamba phambili ekuqokeni umholi nabaholi. Ngikusho lokhu ngoba uDkt Zweli Lawrence Mkhize usafuna ukuba nguMengameli. Ngesikhathi kubunjwa lo mbutho ngo-1912 kwakunabaholi nezithunywa ezicabangayo, ezazicubungula ukuthi zidinga umholi onjani nozobheka izinselelo zombutho nesizwe njengoba kwakuhlanganiswa zonke izizwe ezimnyama ezazilwa nengcindezelo ngokuhlukana. Bahlala phansi, bacabanga baqhamuka negama likaMafukuzela, uDkt John Langalibalele Dube. Ngeminyaka yawo-1930/40 i-ANC yanyamalala emehlweni abantu, yabanda emzabalazweni ikakhulukazi yagqitshwa yi-Industrial and Commercial Union. Lapho ibona lokhu, sekuzalwe ne-ANC Youth League, yakhetha uDkt Alfred Bitini Xuma ukuthi ayihole yase yenza uMfundisi John Calata waba uNobhala Jikelele. Ngaphansi kwalaba baholi kwabunjwa ne-ANC Women's League. Kwafika isikhathi lapho umzabalazo usudinga abaholi abazowufaka kubantu ngenxa yokuthi…

UMQEQESHI weMamelodi Sundowns osenuka iqaqa kwezinye izingxenye zabalandeli baleli qembu laseChloorkop, uMiguel Cardoso, akasiboni isidingo sokuxhamazeliswa wumphumela abawuthole ekhaya ngeledlule kwiCaf Champions League ngesikhathi bebanjwa yi-Al Hilal Omdurman yaseSudan. ISundowns ibithwelwe ngeqoma ngesikhathi ibhekene ne-Al Hilal yabanjwa ngo 2-2 emdlalweni ka-Group C weChampions League ngoLwesihlanu, eLoftus Versfeld Stadium, ePitoli. Ukungawini kwayo kuholele ekutheni abalandeli bangenami, bafuna izimpendulo kuCardoso nakuFlemming Berg oyi-Technical Director. UCardoso uphume ngesango lasemuva kwazise abalandeli bebethi kabamudle bamfele ngenxa yentukuthelo. Lo mdlalo uqale vele ikusasa likaCardoso lisematheni kwazise awashabalali amahlebezi akhomba ukuthi uPitso Mosimane okusenguyena yedwa owawinisa iSundowns iChampions League, usendleleni ebuyayo. Ubufakazi balokhu yindlela abalandeli beSundowns abebecula ngayo igama likaMosimane emuva komdlalo obekuwukumtshela ngqo uCardoso ukuthi abasamfuni kuleli qembu. UBerg uthelwe ngoketshezi oluthile, wasala emayoywana. “Angisiboni isidingo sokudinwa kangako ngoba kasizange sishaywe futhi konke kusesezandleni zethu…