Table of contents for 2026-01-07 in Isolezwe

EZINDLEBENI zabaningi eNingizimu Afrika ukungena ezinkambeni zikaFaro kwabantu bakuleli bese beshayela izimoto emigwaqweni sekuyinsakavukela, umchilo wesidwaba. Kakusethusi. Kunjalo nangezinye zezinkinga ezisikhungethe kwamanye amazwe ezingaba yindaba egudwini, kubatshazwa imihlola egilwa yizakhamuzi ezephula umthetho ezishunyayezwa ngawo nsuku zaphuma. Kuthangi uMnyango wezokuThutha kuleli, ubambisene namaphoyisa uqinisekise ukuthi kubantu abangu-16 000 ababoshelwe amacala ehlukahlukene ngesikhathi samaholide kaDisemba, iningi labo baboshelwe ukushayela bephuzile. Besibuka imikhankaso ebiholwa uMphathiswa wezokuThutha KwaZulu-Natal, uMnuz Siboniso Duma, lapho aboMnyango wakhe bebeveza uhlobo lwabantu ababanjwa behabulile amasica base bengena esitelingini. Bekubalwa ngisho amaphoyisa imbala, kubanjwe othisha, wena mhlengikazi, wena dokotela, kuboshwe nezikhulu ezethenjiwe zikahulumeni njengezimenenja zomasipala, nabameli kwezomthetho imbala, nayo yonke enhle ingxubevange obungathemba ukuthi kuyo umlayezo ufika kangcono. Lobu ubufakazi bokujula kwenkinga yotshwala esizweni nasesizukulwaneni sethu. Abantu abasekhaleni lokukhuthaza ukuba abantu baphuzele ngasekhaya noma bathole abashayeli abazobahambisa uma sebencintile yibo…

MHLELI: Mangifisele abafundi bephephandaba Isolezwe izilokotho ezinhle zonyaka ka-2026. Njalo uma kuqala unyaka omusha uzwa abantu bezibuza "kazi lo nyaka usiphatheleni?" Kodwa kabasho ukuthi "lo nyaka ngiwuphathele ukuthi nokuthi". Ngisho nezanusi azikaze zingashaya emhlolweni, zibeke izinto ezizokwenzeka ezinhle noma ezimbi kunoma yimuphi unyaka omusha. Onyakeni esiphuma kuwo bekunamacala ezinkantolo nokubulalana, ikakhulukazi kosaziwayo nabantu besifazane. Amacala esiwabheke ngabomvu aphathelene nokubulawa kukaSandiso Magaqa owabulawa zinswelaboya ezikupolitiki ezikhohlakele ezaziyizikhulu kuKhongolose. Yilezi athi uMnuz Nelson Mandela ngama-mercenaries okumele zixoshwe enhlanganweni. Elinye icala okufanele liphelile kulo nyaka elokubulawa kukaSenzo Meyiwa. Bese kuba elokubulawa kuka-AKA okungakakaboshwa ngisho noyedwa ongungqondongqondo kulo noma-ke abasolwa abayizinkabi sebeboshiwe. Thina bantu baKwaZulu-Natal kufanele siphendule umbuzo othi: "Yini izinkabi eziningi - noma yikusiphi isehlakalo - zivele kulesi sifundazwe esiholwa ngu-Lt General Nhlanhla Mkhwanazi, olwa nenkohlakalo eGauteng?" Kukulesi sifundazwe lapho izikhondlakhondla ezishushumbisa ngezidakamizwa…

INHLANGANO engenzinzuzo ebhekele inhlalakahle yomphakathi iGatekeepers South Africa ihlabe ikhwelo kuhulumeni lokuthi kunyuswe iminyaka yabantu abavumeleke ukuthenga utshwala isuke ku-18, iye ku-23 ukuzama ukunqanda ukubhebhetheka kwesihlava sezingane nabantu abasha abacwile ezinkambeni zikaFaro. Umqondisi wale nhlangano, uNksz Lizelle Maurice, uthe esinye sezizathu ezenze ukuthi bahlabe leli khwelo wukubona okuningi konakala ezweni njengoba belokhu bande njalo abantu abaphuza utshwala ngokungenamkhawulo emphakathini. “Konke lokhu kunomthelela omubi emphakathini njengoba sonke sazi futhi sibona kahle ukuthi ukuphuza kwabantu utshwala ngokweqile ngesinye sezizathu eziholela ekutheni kwande izingozi ezilimaza futhi zibulale abantu emigwaqweni mihla namalanga, futhi singekushalazele ukuthi utshwala buneqhaza ezenzweni zodlame esizibona zenzeka nsuku zonke emphakathini kulabo abahlulwa wukuzilawula,” kusho uNksz Maurice. Eqhuba, uthe leli khwelo labo babona lizosiza ngokuthi kulawuleke indlela abantu abathenga utshwala ngayo njengoba kuzovimbela ukuthi utshwala bungathengwa yinoma wubani ngoba abanye abantu…

KULANDULA kukaRhulani Mokwena kubalandeli beMC Alger yase-Algeria abamfuna uthuli uRelebohile Mofokeng we-Orlando Pirates kufanele kukhumbuze abasondelene naleli qembu laseSoweto, ukuthi kuseduze kangakanani ukuthi bapheshukelwe yilesi silomo somdlali. UMokwena obeqeda ukunqoba kwiCS Constantine emdlalweni weligi yase-Algeria, obekumbeka esicongweni se-log ngamaphuzu angu-35 emidlalweni engu-14, utshele abezindaba abenesithangami nabo ukuthi nakuba emfuna lo mdlali weBafana Bafana kodwa akubukeki sengathi uzomthola. Ngokusho kukaMokwena, uyazi ukuthi abalandeli be-Alger abafuni omunye umdlali ngaphandle kukaMofokeng kodwa kuzofanele baxole ngoba lo mdlali akazimisele ngokuzinza e-Afrika uma esuka kwiPirates. Ukuthola amadlelo aluhlaza kukaMohau Nkota ngaphambi kokuqala kwesizini nokuhamba kukaMbekezeli Mbokazi, kuholele ekutheni iqale phansi inkulumo yokuthi uMofokeng uzolithola nini ithuba lamadlelo aluhlaza? UNkota ugila izimanga kwi-Al Ettifaq yaseSaudi Arabia njengoba uMbokazi esanda kusayiniswa yiChicago Fire edlala kwiMajor Soccer League (MLS) yase-United States of America (USA), ngezindodla zemali. Ngaphambi kokuqala…

KUDAYISWA kukaSinoxolo Kwayiba esahlale izinyanga kwi-Orlando Pirates kuwuphawu lokuthi kwesinye isikhathi ukusayiniswa yiqembu elikhulu kungaba yigxathu eliya phambili kwesinye isikhathi kungahambi ngokohlelo. UKwayiba (35) ufike kweZimnyama ngaphambi kokuqala kwesizini ka-2025/26, esuka kwiChippa United, asebuyele kuyona wasayina inkontileka yeminyaka emithathu. Wazalelwa eMotherwell ngaseGqeberha, waqala ibhola elikhokhelayo kwiPretoria Callies kwiligi iMotsepe Foundation Championship. Wathathwa yiChilli Boys ngaphambi kwesizini ka-2023/24. Ikhono lakhe lokuxhumana nozakwabo esiswini, aphinde aye phambili ayoshaya amagoli, limenze wagqama, waze wafakwa eqenjini lesizwe, iBafana Bafana, elidlale kwiCosafa Cup. Ufike kwiPirates kubhekwe ukuthi uzokhuphukela kwelinye izinga kodwa kwaba nzima ukuthi athole ijezi ngenxa yokuthi ubelibanga nabadlali okubalwa kubona uPatrick Maswanganyi, Sipho Mbule, Relebohile Mofokeng, Oswin Appollis noKabelo Dlamini, nabo abadume ngokuphakela ozakwabo ibhola. Njengoba iPirates imemezele kuleli sonto ukuthi isayinise u-Andre de Jong obedlalela iStellenbosch FC, naye odlala ngendlela ecishe ifane,…

ESIWUVALELISILE unyaka ka-2025, singene manje ku-2026 futhi akusekho ukujikela emuva. Kukhona abathi "siyabonga waphela lo nyaka, bese sifile izindaba ezimbi". Kunabathi "sifunde lukhulu, sakhula ngokomqondo". Abanye bathi "hamba nyaka osizwise ubuhlungu salahlekelwa abantu esibathandayo". Kukhona abathi "sethemba ukuthi lo nyaka omusha uzosiphatha kahle njengoba besiphethwe kahle ku-2025". Ngonyaka ka-2025 sibone ububanzi, amandla nobuze bengalo yomthetho. Lokho sikubone ngamacala angenile, amanye aqhubeka, amanye ahlelelwa unyaka osuqalile. Sibone nezigcawu (Commissions of Inquiry/Judicial Commission) ziqala ezibeka obala ukuthi izinhlaka zikahulumeni zisebenza kanjani. Sathola nanokuthi iPhalamende likazwelonke nelesifundazwe lisebenza kanjani. Bangasala kanjani ongqongqoshe abasivezelile ukuthi basebenzisani nani uma bethatha izinqumo. Ikhomishini kaMadlanga Sizokhumbula ukuthi emuva kwenkulumo nabezindaba ka-Lieutenant General Mkhwanazi ngenyanga kaNtulikazi, kwajutshwa le Khomishini eholwa nguMahluleli uMadlanga okade elisekela lomdidiyeli wabahluleli laphaya eNkantolo yoMthethosisekelo. Baqala ofakazi bagonyuluka ngokwenzeka eMnyangweni wamaPhoyisa (SAPS), kwavula yena…

UTHIWA ubefuna ngodli ifa likamalume wakhe okuthiwa udubule wabulala umalumekazi eBhukhanana, eMpangeni, ngoLwesihlanu. Kulesi sigameko, okuthiwa senzeke ekhaya, kufe uNkk Zethu Mzelemu, kwaphinde kwalimala umzukulu wakhe, okuthiwa udubuleke ehlombe. Ngokusho kwesihlobo, uMnuz Zenzele Mzelemu, umsolwa (32) ongumshana kumufi, ubevele engamhlalisile kahle umufi kulandela ukufa komyeni wakhe (ongumalume kumsolwa) ngo-2022. "Abebesondelene nomufi bathi umshana ubehlala ahlale amxakazise, athi ufuna ifa alinikwa umalume wakhe ngaphambi kokuba ashone,” kusho uMzelemu. Elandisa uthe kulona kukhona izindlu zemiqasho, izinkomo kanjalo nomuzi obekuhlala kuwo laba ababeganene, nokuyiwo agcine ebulalela kuwo umufi. Uthe abakhumbuli ikhona incwadi yefa eyayicacisa obekushiwo umsolwa futhi akekho nokhumbulayo umyeni kamufi ethi umsolwa akonikezwa lezi zinto esikhundleni sokuthi zithathwe umkakhe. “Yinto esingazi ukuthi iyinkulumo eqhamukaphi,” usho kanje. Uqhube wathi kwenzeka isigameko nje, bese kunesikhashana umsolwa eviliyela ngesibhamu egcekeni, njengoba naye ebehlala kuwo lo…

OMUNYE wabadlali abagqamisa ibhola laseNingizimu Afrika eminyakeni edlule, uDoctor Khumalo, ubona sekufike isikhathi sokuthi abaqeqeshi bamaqembu adlala kwiPremier Soccer League (PSL) bafake isandla ekukhuliseni amathuba eBafana Bafana okuhamba ibanga elide kwiNdebe yoMhlaba. IBafana esazikhotha amanxeba kulandela ukuwashiswa kwayo ijezi yiCameroon kwi-Last 16 ye-Africa Cup of Nations (Afcon) ngempelasonto edlule, ayinaso isikhathi sokuzixaka ngosekwenzekile ngokusho kukaKhumalo owayesenkundleni ngesikhathi iNingizimu Afrika idla isicoco se-Africa Cup of Nations (Afcon) ngo-1996. Nakuba iBafana ifike eMorocco nesithunzi sokulala isithathu kwi-Afcon edlule, ibingabukeki njengeqembu elihambe eMzansi lithwelwe ngeqoma ukuthi lizokwenza okungcono kunendondo yethusi eyabuya nayo kwi-Afcon yango-2024 e-Ivory Coast. Ngokusho kukaKhumalo abadlali abamqoka beBafana bafike kulo mqhudelwano bekhombisa izimpawu zokukhathala. “Mhlawumbe sekufike isikhathi sokuthi kwenzeke lokhu uBroos aseneminyaka ekhala ngakho lapho lo mqeqeshi waseBelgium exhumana khona nabaqeqeshi bamaqembu adlalelwa ngabadlali abumba ngabo iBafana. “Kusukela umqhudelwano waqala…

KUNGENZEKA abuyele enkundleni uBradley "Surprise" Ralani obemenyezelwe njengomqeqeshi omusha weqembu elidlala kwi-kwiSafa Northern Cape ABC Motsepe League. iGaza United, njengoba kuvela ukuthi uzama inhlanhla kwi-Orbit College eyibamba kwiBetway Premiership. URalani (38) odle ngomjiko nejubane ezimpondweni, uzakhele igama emaqenjini okubalwa kuwo iCape Town City neMamelodi Sundowns kumasizini ambalwa edlule. Ngemuva kokuhlukana neHungry Lions edlala kwiMotsepe Foundation Championship ngo-Okthoba nyakenye, umemezele ukuthi usewaphanyeka emgibeni amakhokho. Kuphele unyaka odlule eseqashwe njengomqeqeshi omusha weGaza. Nokho kuvele ukuthi uRalani usewathintithile amakhokho, wayoziqeqesha ne-Orbit ngenhloso yokuthola inkontileka ngaphansi kweso elibukhali lomqeqeshi uPogiso Makhoye okuqinisekisile ukufika kwalo mdlali izolo. “Yebo, uSurprise uyaziqeqesha nathi. Usanda kusijoyina nje ezinsukwini ezimbalwa sibuyile njengoba sivela ekhefini elifishane silungiselela ukuqala kwemidlalo yePSL. Kodwa okwamanje kuseva kakhulu ukuthi ngingaphawula ngokuziqeqesha kwakhe ngoba akakasayini lutho nathi,” kushaya ngamafuphi uMakhoye ethintwa yiSolezwe izolo. Uma kwenzeka…

UHLUKENE imibono ngesiketi esifishane ebesigqokwe wumsakazi woKhozi FM, uBingelela Mpanza, ngesikhathi ephethe uhlelo kwiMthandeni Summer Experience eMdletsheni ngempelasonto. Ubegqoke isiketi esimhlophe ebesiveza idilozi nezithende zezinqe. Abanye abalandeli ezinkundleni zokuxhumana bakhwele badilika kuye bashiya abangalazi ngendlela uBingelela abegqoke ngayo. Bebethi ubegqokise okomdansi wodumo lokungadilozi uZodwa Wabantu nomculi wamapiano uMawhoo. Bebemgxeka ngoba bethi ungumsakazi wesiteshi esihlonishwayo futhi akasilo itshitshi njengoba enezingane. Nakuba kunjalo abanye bamncome kakhulu uBingelela ngokubawashisa amehlo kulo mcimbi futhi bathi kuyilungelo lakhe ukugqebheza. Eziphendulela ekhasini lakhe likaFacebook, uBingelela unxuse abantu abaxhoshwa yindlela agqoka ngayo ukuba bacimeze. Uthe abangakhathazeki noma baphathwe wukhwantalala ngenxa yokugqoka kwakhe ngoba bazogcina bequleka. Ubuye wathi abafuna ukumlawula bangaqhubeka nokwenza lokho ngoba yena kuyamchaza. Uthe abantu abathi akavele ahambe nqunu ngoba ukugqoka akakufuni, bayamdukisa. "Othi ngimuhle u-right kodwa lona othi vele ukhumule-straight ngoba ukugqoka awukufuni, angimsaphothi."…

UMELULEKI okhethekile kaMengameli Cyril Ramaphosa kwezotshalomali, uDkt Alistair Ruiters, usabonakala esethubeni elingcono lokuthatha isikhundla sikaMnuz Ebrahim Rasool owaxoshwa ekubeni yinxusa lakuleli e-United States (US), ngasekuqaleni konyaka owedlule. Ngokwembiko yabemithombo yezindaba ehlukene, uRuiters uthwelwe ngeqoma wosomabhizinisi futhi kuthiwa akaconsi phansi eqenjini eliyingxenye kahulumeni wobumbano i-DA. Kuthiwa uRuiters angasingatha ngobuchule ezezimakethe ngokunjalo nepolitiki yaseMelika. Abanye abasikazwa kulesi sikhundla ngomakadebona we-ANC nowayengungqongqoshe wezokuVikela nokuThuthukiswa koMthethosisekelo, uMnuz Roelf Meyer, Mnuz Marthinus van Schalkwyk (owayengumholi weNational Party owajoyina i-ANC kamuva wasebenza njengongqongqoshe wezokuVakasha), Mnuz Andries Nel (oyiPhini likaNgqongqoshe wezoBulungiswa nokuThuthukiswa koMthethosisekelo njengamanje), Mnuz Gerhardus Koornhof (umeluleki kamengameli ePhalamende), Mnuz Trevor Manuel (owayengungqongqoshe wezeziMali) nowake waba ngumholi we-DA, uMnuz Tony Leon. URasool waxoshwa nguhulumeni wase-US ngemuva kokuthi kumenyezelwe ukuthi “ungumuntu ongemukelekile” ngemuva kokugxeka ukuphatha kukaMengameli waseMelika uDonald Trump. UMnyango wezoBudlelwano bamaZwengamazwe ushone ezintangeni ubuzwa izolo, ngokuvalwa…

MHLELI: Ngicela ungiphe isikhala ngidlulisele imbokodo isikhalo kuhulumeni. Yize bengangithumanga kodwa kuzobajabulisa abaningi ukubona lo mbhalo kwazise babekhala ngokuthi baphucwe imali yesibonelelo ebibalekelela okwangempela emakhaya. Ngibhala nje ngisetekisini ebheke eGoli, sibathathu abesilisa emotweni bese kuthi abanye bonke kube yimbokodo ediniwe futhi obonayo ukuthi ibhodla umlilo. Kwakuvota angiboni ukuthi basayophinde bevote. Indlela abacasuke ngayo, kunanamagama engingeze ngawasho lapha abawabizayo bese befaka nele-GNU. Indaba ingemali kahulumeni lena ebizwa ngesibonelelo sabantwana, nabayichaza njengebibamba iqhaza ekuthengeleni abantwana izidingo zabo bathole nemali yokuya nokubuya esikoleni. Abaningi bathi abathandana nabo bafaka eyokudla kuphela, abanye bathi abantwana sebebayekise nezimoto ebezibathutha, sebehamba phansi amabanga amade uma beya noma bebuya esikoleni. Njengamanje babone kungcono baye eGoli bayozama amatoho, bashiya amakhaya nabantwana. Omunye uze wakhala ngogesi ohamba njalo kwesaKwaMthethwa, wathi nomuzi wakhe useduze kwehlathi . Yena-ke ythe ushiye amantombazane wodwa…

UNENGEKILE umphakathi waseWhite City, e-Utrecht, osahleli ebumnyameni kulandela ukuhamba kukagesi ngezikhukhula zangoDisemba 26. Ngokusho kwelungu lomphakathi elicele ukungadalulwa, ngalolu suku konakala ingqalasizinda kagesi okuyizigxobo ezimbalwa kanye nezintambo maqede kwahamba ugesi endaweni. “Indawo yethu incane, cishe yimindeni ephakathi kuka-20 no-30. Awukho ugesi futhi asazi nokuthi sizoba nawo nini,” kusho ilungu lomphakathi. Lithe akukaze kufike muntu kwabasuke bejutshwe ukuba bazobheka umonakalo uma kade kunezikhukhula. “Imeya kamasipala yafika ngoLwesihlanu, yathembisa ukubuya izolo, kodwa lokho akubange kusenzeka,” lisho kanje. Lithe okucasula umphakathi wukuthi kuvele kwabola konke ukudla obekugcinwe emafrijini njengoba bekuyisikhathi samaholidi kaKhisimusi. “Sibe noNcibijane omnyama, besihleli ebumnyameni, sibolelwe nawukudla emafrijini,” kusho ilungu lomphakathi. Liveze nokuthi kule mindeni, kukhona nepheshukelwe wuphahla kodwa engakaze iluthole usizo. “Sizwe sekuthiwa sebenezibalo zabakhahlamezekile. Sazibuza ukuthi baqede kanjani ukuhlanganisa uhla lwabakhahlamezekile bengakaze balubhade endaweni yethu,” libuze kanje.…

I-DURBAN’S Super Giants izoya emdlalweni olandelayo weBetway SA20 nePretoria Capitals, idinga ukunqoba ngemuva kwesikhathi eside ingawatholi amaphuzu aphelele. La maqembu azotholana phezulu eKingsmead Stadium, namuhla ngo-5.30 ntambama. ISuper Giants yagcina ngomdlalo wokuvula ukunqoba ngesikhathi iguqisa ompetha bangesizini edlule, iMI Cape Town, ekuhambeni. Kusukela lapho, icazelane amaphuzu neMI CT ngemuva komdlalo ophazanyiswe yimvula, inqotshwe yiJoburg Super Kings ekhaya nasekuhambeni. Umdlalo obekumele iwudlale neCapitals ePitoli, ngoMgqibelo, nawo uphazanyiswe yisimo sezulu, amaqembu athola amaphuzu amabili ngalinye. Ngenxa yalokhu iSuper Giants isendaweni yesine ngamaphuzu ayisishiyagalombili emidlalweni emihlanu. Amaqembu amane azoqeda phezulu kwi-log yiwona azodlulela emidlalweni yomkhumulajezi kulo mqhudelwano. “Imvula nesimo sezulu eThekwini naseGauteng, kwenze izinto zaba nzima kodwa ngicabanga ukuthi into emqoka wukuqhubeka nokuzama ukunqoba imidlalo esele ukuze sizibeke ethubeni elihle lokudlulela phambili,” usho kanje umshwibi weGiants, uKwena Maphaka. “Umgqigqo ubalulekile emiqhudelwaneni yalolu hlobo…

OYISETHENJWA somgadli ongukaputeni we-Egypt, uMohamed Salah, udalula ukuthi ezakhe azikho phakathi kwamaqembu athwelwe ngeqoma ekunqobeni isicoco se-Africa Cup of Nations (Afcon) kodwa ufunga uyagomela ukuthi bazokhipha wonke amangwevu kuze kube sekugcineni. USalah (33) ushaye igoli lesithathu ngesikhathi ezakhe ziguqisa iBenin ngo 3-1 kowe-Last 16 ye-Afcon ngoMsombuluko, e-Adrar Stadium, eMorocco. Ngalokhu zizibekisele indawo kuma-quarterfinal alo mqhudelwano. Lo mgadli ungomunye wabadlali abamqoka abathwele amathemba okubuyisa isithunzi saleli qembu lase-Egypt, okuyilona eselinqobe i-Afcon amahlandla amaningi ukwedlula wonke amaqembu esizwe ase-Africa emlandweni walo mqhudelwano. I-The Pharaohs isinqobe i-Afcon amahlandla ayisikhombisa. Nokho seyiphenduke abakhwekazi le ndebe kuleli qembu njengoba lagcina ukuyinqoba ngo-2010 ngokuguqisa iGhana ngo 1-0 kudlalelwa e-Angola. “Angicabangi ukuthi siyizimfilithi ekunqobeni lesi sicoco,” kusho uSalah ekhuluma nezintatheli. “Sinabadlali abasebancane, iningi labo elidlala e-Egypt. Silwela izwe lethu, sonke sisebenza ngokuzinikela nokubambisana. "Ayikho imidlalo elula kwi-Afcon,…