Table of contents for 2025-11-28 in Isolezwe

NTSHA eyabonakala kumasizini amabili ohlelo iBig Brother izobonakala eziqeshimi ezine zalolu hlelo oluyisipesheli iBig Brother Mzansi: The Special! kusuka ngoDisemba 14, ngo-5 ntambama. Le ntsha eyabonakala kwiBig Brother Mzansi Umlilo neSiyamosha, izohlala phansi nengxenye yababehlezi endlini kaBig Brother ukubheka ukuthi bakuphi nempilo futhi bunjani ubudlelwano babo manje nabanye ozakwabo. UShirley Adonisi wakwaM-Net uveze ukuthi kuyaqala emlandweni walolu hlelo ukuthi kwenzeke okunje. “Kuzoqopheka umlando ngalolu hlelo njengoba ingxenye eyaba ngundabamlonyeni ngesikhathi isendlini kaBig Brother kuyiyo ezogqama kulezi ziqephu eziyisipesheli esizozikhombisa. Bazohlangana babheke izingxabano ababa nazo, izigameko ezenzeka ababukeli okungenzeka ukuthi abazibonanga. Abanye abaxabana endlini bazothola ithuba lokubuyisana njengoba manje sebephumele ngaphandle,” kusho uShirley. Uthe lolu hlelo luzobe lubanjwe wuSmash Afrika, nokunguye ozobuza yonke imibuzo ababukeli bohlelo okungenzeka babe nayo. “Siyazi sonke ukuthi iBig Brother Mzansi ingaphezu nje kokuthi ibe wuhlelo kubabukeli…

EZIQALILE ukuphuma izimemo zomshado omhlophe zomculi kamaskandi waseMandaba, eNkandla, uKhuzani Mpungose, njengoba uzobanjwa izinsuku ezimbili. Maphakathi nalo nyaka uKhuzani wamemezela ukuthi uzobe egcagcelwa ngoDisemba 15, kubo eMandaba Waveza ukuthi ngalolu suku umema wonke umuntu, ngisho abalandeli bakhe ukuze bazombona ethatha unkosikazi. Isimemezelo sakhe wayesifake ekhasini lakhe enkundleni yokuxhumana iFacebook. Izolo Isolezwe libone isimemo sezinhlelo zomshado wakhe njengoba kuzoqala omhlophe, okumenywe kuwo abakhethiwe ozoba maphakathi nesifundazwe, endaweni yomntakabani okujwayele ukuthi kubanjwe kuyo imishado yabadla izambane likapondo ngoDisemba 11. Kulesi simemo izicukuthwane ziyalelwe ukuthi zigqoke okumnyama, njengoba kuyiwona umbala wosuku. Uma siqhubeka siveza ukuthi kuyothi ngoDisemba 15, abe esesinelwa unkosikazi wakhe ekhaya kubo. Okugqamile kulesi simemo ukuthi uKhuzani akalifakanga igama lengoduso, njengoba namanje kungaziwa ukuthi intokazi ayithathayo ngeyakuphi. Kodwa umthombo weSolezwe osondelene nalo mculo uveze ukuthi noma engalazi igama lalona wesifazane kodwa…

KUQINISWA umkhankaso wokulwa nobubhoklolo ezikoleni zakuleli njengoba uMnyango weMfundo eyisiSekelo usuqinise izinhlelo zokusebenzisana namaphoyisa ukuvikela abafundi abayizisulu, emva kokubikwa kwezehlakalo ezevile ku-11 000 kulo nyaka. Lezi zehlakalo zibikwe ezikoleni zakuleli kusuka ngo-Okthoba 2024, kuya kuSepthemba 2025. Izibalo zivezwe nguNgqongqoshe walo mnyango, uNksz Siviwe Gwarube, ephendula umbuzo welungu le-EFF ePhalamende, uMnuz Lencel Mashidika Komane. Ubebuze ukuthi zingaki izehlakalo ezibikiwe zokuchukuluzana kwabafundi ezikoleni zakuleli kusuka ngonyaka odlule. Uthe ngokolwazi abalutholile, zingu-11 194 izehlakalo ezibikiwe ezikoleni. "Sinezinhlelo nezindlela zokulwa nale nkinga ezikoleni zakuleli. Sifuna abafundi baphephe bakhululeke nsuku zonke uma besezikoleni. Siqinise nomkhankaso wokusebenzisana namaphoyisa ukuze kuliwe nale nkinga," usho kanje. Uthe ngokohlelo olukhona kumele izikole zisungule amakomiti ahlanganisa izinhlaka ezehlukene, okungothisha, izigungu ezilawula izikole namaphoyisa. "Kukhona nomqingo onikwa izikole ukuze zikwazi ukubhekana nalezi zehlakalo. Zonke izikole zinemigomo yokuziphatha kwabafundi eyakhiwe ngokuhlanganyela…

UZIZWA ukhululekile umndeni womfana (9) waseNtuzuma, eThekwini, kulandela ukubanjwa kukayise omdala owabalekela icala lokuzama ukumbulala maphakathi nonyaka odlule emva kokudedelwa ngebheyili ngoJanuwari ngonyaka odlule. Umsolwa, uMnuz Sduduzo Mavundla (29) waseChesterville, eThekwini, ubanjwe amaphoyisa aseNorth West ngoLwesibili lapho abebhace khona maqede wavela kafishane eNkantolo yeMantshi yaseThekwini izolo. Icala lakhe libe selihlehliselwa uMsombuluko. Usolwa ngecala lokuzama ukubulala nelokushaya ingane yomfowabo ngasekuqaleni kukaJanuwari ngonyaka odlule. Waboshwa emva kwesigameko, wavela enkantolo, wadedelwa ngebheyili, wagcina esebaleka eyobhaca eNorth West. Isolezwe likhuluma noninakhulu womgilwa, uNkk Veronica Msweli, uthe ayikho into ebajabulise njengokuthola ucingo obelubazisa ukuthi umsolwa usebanjiwe. “Sibonga abezindaba ngokusabalalisa ukuthi ufunwa amaphoyisa, wagcina ebanjiwe,” kusho uNkk Msweli. Uthe asebekubhekile manje wukuthi umsolwa abhekane namacala akhe. “Sifuna ukubona liqala liqulwa icala lakhe bese eyagwetshwa, anikwe isijeziso esimfanele,” kusho uNkk Msweli. Ukhale ngokuthi ohlwini lwamacala abekwa umsolwa…

GESIKHATHI wakhiwa uMthethosisekelo waseNingizimu Afrika, kwakungakaze kucatshangwe ukuthi abaholi bayoke bavukwe wubugovu, babe ntekenteke ekulweni nenkohlakalo baphinde baphambuke nasezimisweni zokubeka izwe phambili. Yingakho lo somqulu ugixabeza amandla amakhulukazi iHhovisi likaMengameli. Inhloko yamajaji ezweni nePhini layo bakhonjwa nguMengameli, aphinde abe nezwi lokugcina ngamajaji angena eNkantolo yoMthethosisekelo emva kwezincomo zeJudicial Service Commission, oyinhloko yamajaji nabaholi bezepolitiki ePhalamende. Lo sokhaya wezwe unamandla okuqasha umengameli nosekela mengameli beNkantolo ePhakeme okuDluliswa kuyona amaCala. Ukhomishana wamaPhoyisa kuzwelonke uqokwa nguMengameli wezwe. Ongqongqoshe beminyango kahulumeni baqashwa nguMengameli, bengazange benze zicelo zomsebenzi nanhlolokhono ngalezo zikhundla. UMthethosisekelo uthi uMengameli unelungelo lokuvuka ekuseni – uma ethanda – akhombe noma yisiphi isakhamuzi kwesobungqongqoshe. Kanti uvumelekile, ngale kokuphimisa incazelo, ukuba achithe loyo amchithayo. Lapha uMengameli uvumelekile ukulandela inhliziyo yakhe ngoba akukho okumphoqa ukuba achaze ngezinqumo zakhe. Sisesikhathini lapho kuthiwa imali kayikho kodwa sibe…

MHLELI: Nami ngihlanganyela nabanye abaningi abakhihla esikaNandi ngokudlula isigubhukane emhlabeni kukaDkt Vusumuzi A. Shongwe. Uyamazi nawe Mhleli, nani bafundi bephephandaba leSizwe. Ungomunye obelobela leli phephandaba asiklezise ngokuningi okwelapha isizwe. Ubebhala eveza ukukhathazeka ngokukhulelwa kwezingane ezincane okuyindaba egudwini kulezi zinsuku. Ubeveza nokuthi ngokubona kwakhe kudalwa yini futhi kungagwenywa kanjani. Kuningi-ke obhale ngakho, Mhleli, obekwakha isizwe ngingekuqede. Kodwa into engingangabazi ukuthi imkhathaze waze wangena ethuneni, umsindo oseNdlunkulu kaZulu selokhu kwebuza uBhejane phum' esiqiwini. Imkhathaze kakhulu le nto ngoba ubebhala ngayo iziqephu zilandelana isonto ngesonto kulo Isolezwe Ngempelasonto. Ubengakholelwa kokuningi iNdlunkulu ekholelwa kukho ukuthi lo msindo uyoqedwa yizinkantolo. Ubelokhu ekhulume ngendlu yakwagogo. Lapho wayesho ukuthi iNdlunkulu ayinganciki kakhulu ezinkantolo, kodwa ayizixazululele yona. Ekhuluma Iqiniso futhi. Isizwe samaZulu asakhiwanga yizinkantolo ezisebenza ngemithetho yaseNtshonalanga, sakhiwa kwaZulu. Ubekuveza futhi ukuthi wayesondelene kangakanani neNgonyama endala, nobudlelwane bubuhle…

IZOSETSHENZISELWA izinhlelo zokuthuthukisa izwe, ukwehlisa intela ekhokhwa abasebenzi, ukwehlisa isikweletu sezwe, ukuxhasa ezemfundo nezempilo kanjalo nezinye izinto imali ezongeniswa uma kuphasa isiphakamiso sokunyusa intela kwabagembulayo kuleli. Ngokukahulumeni uhlela ukufaka intela engu-20%, ngaphezu kwentela ebizwa yizifundazwe ezehlukene kuleli ezinkampanini zokugembula. Inhloso ngukwehlisa umdlandla kwabagembulayo njengoba uhulumeni enza minyaka yonke ngokunyusa intela eshaya abaqhafi kanjalo namaxhwele. UMnuz Christopher Axelson, inhloko yezentela emnyangweni kaMgcinimafa kuleli, uthe ngale ntela bafuna kwehle nesibalo sabagembulayo ngokufaka le ntela kwabagembula ngobuchwepheshe (online gambling). "Kuhlukene imibono njengoba silindele ukuthi kube nemvunge ngalesi siphakamiso, abanye bathi izinkampani zizoshiya ziye kwamanye amazwe ngenxa yale ntela. Sithole ukuthi nakwamanye amazwe iyafakwa le ntela, kwamanye le ntela ingaphezu kuka-20%. Inkulu imali ezongena emnothweni wakuleli ngokukhokhisa le ntela," usho kanje. Uthe ngale mali bahlose ukwenza izinto eziningi njengoba kuhlale kukhalwa ngesabelomali esinciphayo minyaka…

KUBHEKWE ngabomvu ukubonakala okokuqala kwensephe yomgijimi yamabanga amade, uGerda Steyn, emjahweni i-African Bank Soweto Marathon webanga lika-42.2km eSoweto kusasa. Lo mjaho waminyaka yonke uzogijinywa okwehlandla lika-35 kusukela wasungulwa ngo-1991. USteyn ogijimela iHollywoodbet Athletics Club uzobe ewugijima okokuqala. Okuzobe kubhekiwe kuyena wukuthi uzophumelela yini ukwephula irekhodi lika-2018 lika-Irvette van Zyl lika-2:33:43. UVan Zyl, obalwa nezinye izintokazi zaseMzansi ezenza ezibukwayo emijahweni yamabanga amade, usewunqobe amahlandla amahlanu lo mjaho waseSoweto. USteyn (35) ophethe amarekhodi amaningi emijaho emikhulu yaseMzansi, uzobe ethwelwe ngeqoma kwiSoweto njengoba enqobe i-Totalsports Two Oceans Marathon neComrades Marathon ngokwehlukana. Ulale isibili kwiHollywoodbets Joburg 10km ngoSepthemba, wabhekisa amabombo kwiCape Town Marathon ngo-Okthoba kodwa egcine ibhuntshile ngenxa yesimo sezulu esibi. “ISoweto Marathon inomlando onothile. Ingeminye yemijaho ehlonishwayo ikakhulukazi kubantu baseGauteng. Umzila walo mjaho muhle ngakho ngimagange ukuwugijima. Sekuyisikhathi ngilangazelele ukuyigijma iSoweto Marathon futhi…

KUTHI shu ukuphasa ngeBachelor kwa-matric kwabaya emanyuvesi njengoba kuzoshintsha ukwenza kuzothathwa abanamaphuzu amaningi. Lokhu kungenxa yokuthi zimbalwa izikhala ezikhona emanyuvesi njengoba bebaningi abafundi abafake izicelo zokuyofunda khona kunasemakolishi amakhono amaTVET. Isikhwama esixhasa ngemali yokufunda iNational Students Financial Aid Scheme (NSFAS), siveze ukuthi u-95% wabafake izicelo ufuna ukuyofunda emanyuvesi. NgokweNSFAS bangu-893 852 abafake izicelo zoxhaso ngonyaka ozayo. Kulaba abangu-766 253 abazobe bezokwenza unyaka wokuqala. UMnuz Waseem Carrim ibamba lesikhulu esiphezulu kwiNSFAS, uthe kumele kube nomkhankaso wokugqugquzela abafundi ukuthi baye emaTVET. UCarrim uthe bambalwa abafake izicelo zokuxhaswa abaya emaTVET. "Kumele kugqugquzelwe abafundi ukuthi bawabheke amakolishi njengendawo abangaya kuyona, bangabheki amanyuvesi kuphela," usho kanje. Uveze nokuthi kumele kubhekwe nokuthi kungani kungabesifazane abaningi abafake izicelo zoxhaso. "U-66% wabafake izicelo zoxhaso abesifazane, abesilisa bangu-34%. Kumele kubhekwe ukuthi kwenzekani ngabesilisa njengoba isibalo sabafaka izicelo sisincane kakhulu."…

ITHEMBISE ukuqhubeka nokuxazulula inkinga yamanzi iMeya kaMasipala wesiFunda uMkhanyakude, uMnuz Siphile Mdaka, ekhuza ibuya kulesi sikhundla. UMdaka, oyikhansela le-ANC, uqokelwe esikhundleni emhlanganweni womkhandlu eHluhluwe ngoLwesine. UMdaka ukhethwe ngaphandle kokuphikiswa. UMdaka wayekade ekhishwe ngevoti lokungabethembi ubuholi bakhe ngoSeptemba, kwabe sekufakwa ikhansela le-IFP, uMnuz Comfort Khumalo. Izolo uKhumalo uveze ukuthi useshiyile ekubeni ikhansela kulo masipala. Ikhansela le-EFF, uMnuz Simo Mthembu, lona liqokelwe kwesephini lemeya. Emva kokubekwa kwakhe uMdaka uthe uzoqhubeka lapho egcine khona ngaphambi kokuba akhishwe. “Abantu basemiphakathini ehlukene lana eMkhanyakude badinga amanzi, ngakho angeke ngikwazi ukuphumula amanzi engakaphumi kulezi ndawo. Ukubuya kwami manje ngizoqhubeka la ngigcine khona ekutheni abantu babe namanzi.” USihlalo we-EFF eMkhanyakude, uMnuz Shaka Shangase, uveze ukuthi akukho abangakubungaza njengoba abantu baseMkhanyakude bengenawo amanzi. “Esikufunayo thina ukuthi abantu baseMkhanyakude bathole amanzi nentuthuko yalo lonke uhlobo abayidingayo. Thina njengosopolitiki kumele…

EBALA ziningi kakhulu izinkinga ezikhungethe iNingizimu Afrika, iningi lazo ezisukela ekungethembekini kwabaholi ababekwe ngokwezepolitiki, nabaphathi abanikwe amandla okulawula izwe kuze kuyoshaya nakubantu nje imbala. Kodwa singakusho ukuthi kukho konke okunganambithisiseki ngezwe lethu, kunezenzeko eziletha ithemba. Njengoba izwe lithe petu amakhomishini namakomidi ayisipesheli kuphenywa inkohlakalo, ububegengu obenziwa yizigilamkhuba nabaholi, ubusela nokukhwabanisa, nezinkantolo ziyisigcawu sayo yonke inhlobo yamacala - akhona amaqhawe enza okuhle egameni lezwe. Kunomholi webutho ongafikephi ngesiqu olokhu eqhubekile nokwandisa amagabelo obuqhawe eqenjini lesizwe lekhilikithi. Ukaputeni wama-Proteas, uTemba Bavuma, nethimba lakhe basanda kugila izimanga ngokudla umhlanganiso emdlalweni we-Test bebhekene ne-India khona kwelaseNdiya. Lo mlando oqoshwe uBavuma nezakhe akuyona into kanoma ubani njengoba elakuleli lagcina ukunqoba okufana nalokhu eminyakeni engu-25 edlule ngesikhathi ama-Proteas esaholwa owayengukaputeni osewadlula emhlabeni uHansie Cronje. UBavuma ungukaputeni wokuqala omnyama kuleli qembu futhi ungene kulesi sikhundla abalandeli abaningi…

KUBUYA ekulimaleni kukaMakhehleni “Cash” Makhaula kumqinisa idolo umqeqeshi we-Orlando Pirates, u-Abdeslam Ouaddou, ngamathuba okugudluza iMamelodi Sundowns esicongweni sebhola laseNingizimu Afrika esihlale kusona iminyaka eyisishiyagalombili. IPirates inengqayizivele yethuba lokuqhwakela kwi-log yeBetway Premiership njengoba izobhekana neDurban City eMoses Mabhida Stadium, eThekwini, kusasa ngo-3.30 ntambama. ISundowns ebambene neZimnyama ngamaphuzu angu-25 esicongweni, imatasa nemidlalo yeCaf Champions League kule mpelasonto. Lokhu kusho ukuthi uma iPirates inganqoba kwiCity ingahlala esicongweni se-log, ivule igebe lamaphuzu amathathu. UMakhaula ubonakale okokuqala enkundleni ngesikhathi iPirates inqoba ngo 2-0 kwiChippa United emdlalweni wePremiership ngoLwesibili. Lesi siphekepheke sePirates, salimala iqakala ngoMeyi ngesikhathi bebhekene neKaizer Chiefs emdlalweni wamanqamu weNedbank Cup eThekwini. Nakuba u-Ouaddou ebegxile ekuncomeni ithimba lePirates lodokotela ngelikwenza kubadlali abalimele kodwa kuvelile nokuthi uMakhaula ubenzela lo mqeqeshi umsebenzi ubenzima kula masonto ambalwa adlule. “Kumnandi kumqeqeshi ukubuya kwabadlali abanegalelo elibonakalayo eqenjini ngoba lokhu…

KAPUTENI weDurban City, uSiphamandla Ncanana, ubhoboke ngokuthi kuyabathikameza ukudlalela imidlalo yasekhaya namaqembu amakhulu enkundleni iMoses Mabhida Stadium ngoba bazizwa kakhulu besekhaya uma bedlalela enkundleni yabo iChatsworth Stadium. UNcanana usho kanjena nje bazobhekana ne-Orlando Pirates eMoses Mabhida Stadium, eThekwini, emdlalweni weBetway Premiership kusasa ngo-3.30 ntambama. ICity iyiqale kahle isizini yokuqala kwiPremiership njengoba isendaweni yesikhombisa kwi-log. Izobhekana nePirates esefomini enkundleni ejwayele ukugcwala abalandeli beZimnyama noma ngabe zidlala naliphi iqembu eThekwini. ICity isiphendule iChatsworth Stadium ishashalazi lokucoboshisa amaqembu asuke evakashile, ilekelelwa yizinkumbi zabalandeli bayo eziphuma ngobuningi. “Kuyasithikameza kakhulu ukuthathwa kwemidlalo yethu yasekhaya ilethwe eMabhida ngoba eChatsworth yilapho esaziyo ukuthi yilapho okufanele siqoqe khona amaphuzu ngoba yinkundla yethu yasekhaya. Sisuke sikhululekile, kumnandi uma sidlala khona. Ngakho uma sesidlala eMabhida, siphinde sihlulwe khona njengoba kwenzekile sidlala neChiefs (Kaizer) siba nayo leyo nto yokuthi ukuba besiseChatsworth…

UBUKEKA sengathi unguphunyuka bemphethe usomabhizinisi obhekene noxhaxha lwamacala, uMnuz Vusumuzi "Cat" Matlala, njengoba esagwetshwe ngecala elilodwa kwangaphezu kweshumi aseke wawaboshelwa. Uxhaxha lwamacala aseke abhekana noMatlala lufundwe ngesikhathi evele phambi kwekomiti lasePhalamende eliphenya izinsolo ezenziwa wuKhomishana wamaPhoyisa KwaZulu-Natal, uLieutenant General Nhlanhla Mkhwanazi. Uhlu lwamacala olufundwe yilungu leDA, u-Advocate Glynnis Breytenbach, luveze ukuthi phakathi kuka-2000 no-2018 uMatlala waboshwa kwaze kwaba yizikhawu ezingu-13. Oxhaxheni lwamacala aboshelwa wona kukhona awokubamba inkunzi kuhleliwe, owokuntshontsha izimoto, awokugqekeza, elokushaya, nelokutholakala nempahla entshontshiwe. Linye icala elamgweba uMatlala, okungelokutholakala nempahla entshontshiwe. Kukhona futhi lapho uMatlala akhishwa phambili kuhoxiswa wonke amacala. U-Advocate Breytenbach, ufune ukwazi ukuthi kungani lilinye kuphela icala agwetshwa ngalo uMatlala. "Kuyamangaza ukuthi kule nqwaba yamacala osuke wabhekana nawo linye kuphela elakulahla." UMatlala uthe akayiboni into esolisayo ngokuhoxiswa kwamanye amacala. "Ngabe kwakufanele ngigwetshwe kulawa amanye amacala? Ukuhoxiswa kwamacala…

PHEZU kokuba kuhambe kahle ukubhalwa kwezivivinyo zika-matric kuleli, kodwa uMnyango weMfundo eyisiSekelo ukhathazekile ngokwanda kwesibalo sabafundi abebegula ngesikhathi kubhalwa, abanye bebenokhwantalala. Lokhu kuvezwe nguNgqongqoshe walo mnyango, uNksz Siviwe Gwarube, njengoba kuphothulwe ukubhalwa kwalezi zivivinyo. Izolo abafundi abambalwa abangakwazanga ukubhala iComputer ne-Information Technology, banikwe elinye ithuba lokuphinde babhale lezi zifundo. KwaZulu-Natal kubikwe izehlakalo ezimbalwa okubalwa imibhikisho yomphakathi owawukhala ngezidingo, ukushiswa kwesikole iMpolweni Secondary, umfundi owaba sengozini yemoto wagcina engabhalanga, umfundi owashisa omunye ngamanzi kubangwa isoka okwenza isisulu sangakwazi ukuqhubeka sibhale. UNksz Gwarube uthe phezu kwezingqinamba ezibekhona kodwa izivivinyo ziqedwe ngaphandle kwezinkinga. "Kube nezinhlelo zokululeka abafundi abebenokhwantalala, bagcina bekwazile ukubhala. Abanye babhalele ezibhedlela kanti abanye banxuse ukubhalela kwezinye izindawo ngenxa yezinkinga. Sikhathazekile ngezehlakalo zobugebengu abafundi babanjwa inkunzi beyofunda ebusuku nemibhikisho yomphakathi kwezinye izindawo," usho kanje. UMphathiswa wezeMfundo esifundazweni uMnuz Sipho Hlomuka, uthe…

MHLELI: Iqembu lezepolitiki i-MK Party ngokhetho luka-2024 iphenduke ithemba kubantu abansundu, ikakhulukazi KwaZulu-Natal. Abantu abaningi eNingizimu Afrika bajoyina ngobuningi bebona inhlansi yenkululeko ephelele efaka nomnotho osezandleni zabacindezeli. U(Nkk) Duduzile Zuma-Sambudla wathola ithuba lokuzakhela igama lakhe njengomunye wabantu abasungula i-MKP. Kuma-interview ubekubeka kucace ukuthi ubaba wakhe uyikhanda, yena uyintamo. Ikhanda angeke lenze lutho ngaphandle kwentamo. UDudu wabe esesungula ithimba lakhe eligqoka izinto ezimnyama ku-MKP. Ngingasho nje ngithi uDudu neqembu lakhe bayibulele i-MKP, ikakhulukazi kuzo zonke izifundazwe, kwasala iKwaZulu-Natal. Lapha eGoli ezinkethweni zokuchibiyela ayiwini lutho, abantu bakhala ngoDuduzile neqembu lakhe asebephendule i-MK ifa lakwabo. Kudlaliwe ngabantu kodwa ngiyethemba u(Mnuz Jacob) Zuma uzophaphama ngonyaka ozayo uma sekuvotwa, sebehleli ku-8%. Vusi Ngobese EGOLI…

CISHE abambana ngezandla amalungu eMK nawe-IFP esiShayamthetho saKwaZulu-Natal kubangwa isiphakamiso sokungabethembi ubuholi bukaNdunankulu, uMnuz Thami Ntuli. Amaphoyisa athwale kanzima ezama ukuhlukanisa amalungu eMK nawe-IFP abefuna ukufikisana emandleni ngesikhathi eqhudelana ngemibhikisho abeyibambe ngaphandle kwesiShayamthetho, eMgungundlovu, izolo. Amalungu eMK nawe-IFP abebhikisha emgwaqweni ophambi kwesiShayamthetho, ehlukaniswe amaphoyisa. Ngesikhathi bebhikisha bekunomhlangano ngaphakathi esiShayamthetho. I-MK ifuna kukhishwe uNtuli kanti i-IFP ayifuni nokuyizwa eyokukhishwa kwakhe. Isiphakamiso sokungabethembi ubuholi bukaNtuli esifakwe yiMK sizolalelwa esiShayamthetho ngoDisemba 15. Kuke kwaba nemibiko yokuthi isiphakamiso sokungabethembi ubuholi bukaNtuli sizolalelwa izolo kepha uSomlomo, uNksz Nontembeko Boyce, wabuye wacacisa ukuthi isiphakamiso sizolalelwa ngenyanga ezayo. UNksz Boyce unikeze le ncazelo emva kombuzo kaSotswebhu weMK esiShayamthetho, uMnuz Bonginkosi Mngadi, ofune ukwazi ukuthi sizolalelwa nini isiphakamiso sabo. IMK yasifaka ngenyanga edlule okokuqala isiphakamiso sokungabethembi ubuholi bukaNtuli. UNksz Boyce wasichitha isiphakamiso sayo, wakhala ngokuthi asihambisani nemigomo yesiShayamthetho.…

UMGADLI weMilford FC, uSiphosethu “Mdeva” Ndlabi, uveze ukuthi bafundile emaphutheni angesizini edlule aholele ekuphumeni kwabo embangweni wesicoco seligi yeMotsepe Foundation Championship phezu kokuhlala esicongweni se-log isikhathi emzuliswaneni wokuqala. UNdlabi (26) ungesinye sezethenjwa kwiMilford ebuyele esicongweni se-log yeChampionship ngokushaya iHighbury ngo 2-0 ngempelasonto edlule. Isesicongweni ngamaphuzu angu-24 emidlalweni engu-12. Yehlukaniswe ngamabilli neCasric Stars esendaweni yesibili ngangu-22 emidlalweni engu-12. IMilford izobhekana neHungry Lions ngeSonto ngo-3.30 ntambama eMhlathuze Sports Complex, eRichards Bay. “Sifundile emaphutheni ethu angesizini edlule lapho sike sahlala khona phezulu kwi-log kodwa sagcina siphumile embangweni weligi sahluleka ngisho ukuzibekisela indawo kumaPlay-Offs. Ngakho indlela esisayiqale ngayo isizini iyasikhuthaza ekutheni siqhubeke nokwenza kahle nokulwela ukugcina umgqigqo, sigweme namaphutha esiwenzile phambilini,” kusho uNdlabi, odabuka eMpilisweni, eLusikisiki. “Siyayazi inselelo esibhekene nayo njengeqembu elihlezi esicongweni se-log ngoba iqembu neqembu elizobhekana nathi lizolwela ukusihlula kodwa sizimisele ukuzibamba…