Table of contents for 2023-01-09 in Isolezwe

MREPHA onengoma eshisa izikhotha, uK.O, uthi umvuzo omkhulu kuye ukushintsha impilo kunokuhlomula imiklomelo. UK.O ukhiphe i-albhamu iSR3 enengoma iSete apike kuyo uYoung Stunna noBlxckie. Le ngoma ibe ngeyesibili ukudlalwa kakhulu emisakazweni kuleli nyekenye ngemuva kweParis. Iqophe umlando ngokuhlala esicongweni ngokudlalwa kakhulu njengoba isiqede amasonto angu-18 elandelana nokuyindawo esakuyo namanje. KwiSpotify idlalwe kakhulu amahlandla angu-10.6 million. Ihlukanise unyaka kwiMetro FM, Gagasi FM nakwezinye iziteshi. KuKhozi FM ibe sendaweni yesithupha. UK.O uthe yena wenza umsebenzi bese eyekelela kubantu. “Ekugcineni uma sekukhethwa ingoma yonyaka noma eminye imiklomelo kuba nabantu. Abantu kwesinye isikhathi bathi ‘hhayi mina nginobudlelwano nobani, kungcono ngifake le’. Akukuhle ukuthi uthathe inhliziyo yakho uyifake entweni ongeke uyilawule,” kusho uK.O. Uthe okubalulekile kuye wukusebenza kanzima futhi umvuzo akuyona imiklomelo nokuthi ingoma idlale ngo-12 ebusuku ngoDisemba 31. “Umvuzo ukuthi ingoma ikufake ebantwini, uqashwe…

UZuma ukuphikile ukuthi inhloso yecala lapho ezishushisela khona uRamaphosa kwakungukuvimba umengameli angakwazi ukungenela umbango wezikhundla engqungqutheleni yokukhetha ubuholi be-ANC. Ukusho lokhu emaphepheni asenkantolo lapho ephendula khona isicelo sikaRamaphosa, ofuna ukuba inkantolo ichithe icala alifakile. UZuma kanye noRamaphosa babambene ngezihluthu empini yezomthetho. Le mpi iqalwe uZuma omangelele uRamaphosa emsola ngokuba ingxenye yokwephulwa komthetho ecaleni lapho ezishushisela khona mathupha umshushisi omkhulu ecaleni lakhe lenkohlakalo, u-Advocate Billy Downer, nentatheli yeziko lezindaba elibika ngesiNgisi. Kuleli cala elithethwa eNkantolo eNkulu eMgungundlovu, uZuma usola uDowner ngokuputshuzela intatheli ulwazi oluyimfihlo ngempilo yakhe. Usola uRamaphosa ngokungathathi zinyathelo ngesikhathi embikela ngokuphula kukaDowner umthetho. Ngokwamasamanisi, uRamaphosa kufanele ayoziphendulela ngalokhu eNkantolo eNkulu ePitoli, ngesonto elizayo. Emva kokuthunyelwa amasamanisi, uRamaphosa ube esenikela enkantolo efanayo, efuna ukuthi kuchithwe isicelo sikaZuma. Emaphepheni asenkantolo, uRamaphosa uthi isicelo sikaZuma siyimizamo yokumketula, wathi inhloso yaso bekungukumvimba ukuthi…

MHLELI: Ngicela ukubongela labo bantwana nabazali babo uMdali abasizile wabahlenga kwafika unyaka omusha bengabulawanga, noma babesemabhadini okuntshontshwa ngabathile, befuna ukuyobabulala babacwiye izitho zabo. UNkulunkulu ubasizile bangaba kulawo makhulu ezingane ezithathwa yizimoto zivela ezikoleni, ziyocwiywa ziphonswe ehlane. UMdali wasidala edala abantu yena abazophilisana kahle nabanye abantu futhi kuhlonishwana, kusizwana, kukhuliswana ngendlela ethokozisa Yena. Umntwana bekungumntwana ngisho kuthiwa uqhamuka kuphi, ingane uyifica ephutheni uyayikhipha futhi uyisize ingaphinde ilenze, uyifica enkingeni, ayizalwa nguwe kodwa ngoba wumntwana njengowakho uzomsiza umkhiphe enkingeni omfica kuyo. Ngezikhathi zethu sasificwa wubaba noma ngumama ephutheni, wawubaleka ngoba wakufica wayekushaya aqinisekise ukuthi kukugqamele ukuthi ubusephutheni elibi futhi ngeke uphindele ephutheni elijabulisa uSathane ngoba uzokhula nalo. Ngisho kuthiwa abazali bakho yilaba abangayi endaweni eyingcwele, hlawumbe abasebenza imisebenzi emihle, ngendlela yokuthi babona uNkulunkulu kungathi akekho nhlobo, kodwa wena cela kubazali bakho…

MHLELI: Ngibingelela ithimba lonke lephephandaba lethu nabafundi balo. Ngethembe ukuthi sonke singene kahle onyakeni omusha. Nginifisela inhlanhla nonke kulo nyaka omusha, egameni leNkosi yethu uJesu Krestu. Ngithi angihalalisele iqembu lami engilithanda kakhulu, iMamelodi Sundowns. Likhulu leli qembu bakwethu, abanye ozakwethu bakwamanye amaqembu sebelivumile. Likushaya lidlala ekhaya noma ekuhambeni, labo abasanenkani engekho kuyobasiza ukulijoyina ngoba alisathinteki manje. Isiphakamiso sami kwiSouth African Football Association (Safa) sithi kungabanjani uma ingayeka ukulokhu iqasha abaqeqeshi beBafana Bafana, idedele yona iSundowns nabaqeqeshi bayo ukuze iNingizimu Afrika iphephezelise ifulegi lezwe. Zolo kokhu, kade sibuka iNdebe yoMhlaba, iSundowns ibingenza okugcono laphaya njengeqembu lezwe futhi inqobe bese kujabula abakuleli. Kahle kahle ngithi iqembu lezwe akube iyona i’Downs, Abafana ba Style! Umbono wami nje, zikhona izindleko ezingehla ukuze yonke imali isize lapho kudingeka khona. Asicabangeni sijule ukuze sakhe iNingizimu Afrika…

Ngalesi sikhathi sonyaka izitshudeni eziningi ziye zithutheleke emanyuvesi ziyobhalisa bukhoma, ezinye zazo zisuke zingazange zizifake izicelo phambilini. INyuvesi yaKwaZulu-Natal, i-UKZN ithe isiyazi ukuthi kukhona abathile abangaziwa, abathi bangamalungu e-EFF Studend Command abamemela izitshudeni ezikhungweni ukuze zilekelelwe ngokubhaliswa osekwedlulelwe yisikhathi, nalabo abazozifikela mathupha ukuzozibhalisa kuzo zonke izikhungo. Ngokwesitatimende laba babuye basabise ngokuthi bazoshisa izakhiwo zenyuvesi okuyindlela yokuheha abagilwa. I-EFFSC kuthiwa isikuqinisekisile ukuthi ayinalwazi ngalo mkhankaso futhi iyaziqhelisa kulobu bugebengu. Isitatimende esithunyelwe yile nyuvesi sithi akukhokhelwa ukufaka isicelo sokufunda, noma kungathiwa usifake ngasiphi isikhathi sonyaka, ukufunelwa indawo yokuhlala abafundi elawulwa yinyuvesi nokufaka isicelo sokuthola uxhaso lwemali yokufunda, nakho akukhokhelwa. "I-EFFSC siyibuzile ngalaba bantu abazibiza ngayo, yaziqhelisa kubo, yathi ayibazi futhi ayiwazi nalowo mkhakhaso wokubhaliswa kwezitshudeni ngaphakathi. La maqola ahamba ngaphakathi enyuvesi abheke ukuthi ngobani abadinga usizo, bese ebatshela ukuthi azobasiza kodwa kuyakhokhwa.…

AKANAZO izimpendulo ngesizathu sokuthi kwenziwa yini ukuthi kuze kufikwe kuhhafu wesizini yeDStv Premi ership i-Orlando Pirates ingakaze ilishaye igoli esiwombeni sesibili umqeqeshi wayo, uJose Riveiro, ekubeni ethengelwe inqwaba yabagadli obekubhekwe ukuthi basize ekubhakuziseni inethi. Yize kusobala ukuthi kunesimo esifufusayo kwiPirates engayazi iwini emidlalweni yeligi eyisikhombisa kodwa uRiveiro akazange akhombise izimpawu zokuthi uyakubona lokhu ngesikhathi ekhuluma kwiSuperSport kulandela ukushaywa yiCape Town City ngo-2-1 ngoMgqibelo, e-DHL Stadium, eKapa. IPirates ishaye igoli layo lika-10 kule sizini esiwombeni sokuqala kodwa isifo sayo sokuba buthuntu esiwombeni sesibili sivulele iCity intuba yokuqoqa amaphuzu amathathu kwazise yona ikwazile ukushaya amagoli amabili sekubuywa ekhefini. Emuva kwalo mdlalo uRiveiro osesele ngamaphuzu angu-18 kwiMamelodi Sundowns eqhwakele embangweni wesicoco, ubuziwe ukuthi kungani iqembu lakhe lingakaze lilishaye igoli esiwombeni sesibili ekubeni libophele uKermit Erasmus, Zakhele Lepasa, Kabelo Dlamini, Evidence Makgopa, Kwame Peprah…

UPHITHENE amakhanda emndenini wakwaGwala eMariannhill, zima nse izinhlelo zokungcwaba isaguga sakhona emva kokuthi elinye ilungu lomndeni linqwahe nomazisi kamufi. Kuthiwa uNkk Ignacia Gwala ushone ngoDisemba 31 emva kokugula iminyaka elinganiselwa ku-14. Indodakazi yakhe, uNkk Nonhlanhla Phungula nomfowabo, uMnuz Nkosinathi Gwala bakhala ngokuthi omunye udadewabo, uNkk Mpume Mnqotho ushaye wachitha nomazisi kamufi ezinsukwini ezimbalwa eshonile. UNkk Phungula uthe udadewabo wakhe itulo lokuthatha umazisi kamufi, ngokuthi ayobikela amaphoyisa ukuthi ubulelwe ngoshevu, akashonanga ngokugula. “Afikile amaphoyisa ngoJanuwari 1 ehamba naye udadewethu, afike acela ubaba (82) ukuthi awanike umazisi kamama ukuze ezokwenza ikhophi ezoyiswa emakhazeni kahulumeni lapho kuzofike kuhlolwe khona isidumbu, kucaciswe ngalezi zinsolo,” kusho uNkk Phungula. Uthe esikhundleni sokuthi awubuyisele kuyise umazisi kamufi, awunike udadewabo, ongabange esabuya kubo, okungasaziwa nokuthi usehlala kuphi. Uthe ngesikhathi belandelela ukuthi kwenzeke kanjani lokhu, iphoyisa ebelikhona ngesikhathi…

MHLELI: Ngizwakalise umbono wami ngeqembu lesizwe lekhilikithi amaProteas. Into engithinta kakhulu yindlela iqembu lethu elidlala ngayo, ikakhulukazi kubashayi bamabhola abenzi kahle uma bebhekene namabhola. Lokho kufakazelwa nawukuthi kwakugcine nini nje ukubona umdlali oshaya amabhola, ehlanganisa amakhulu amabili. Kunzima nje lokho. Kukodwa kuyakutshela ukuthi abashayi bamabhola kabenzi kahle. Angazi noma bayakubona yini lokho abaqoka iqembu lesizwe . Uma ngikhumbula kahle kwagcina ngoHashim Amla ukwenza- 311 sidlala ne-Australia eSidney engaphumanga. Lowo mdlalo ngiyakhumbula ukaputeni kwakuwuGraeme Smith, owaze wathi iNingizimu Afrika ayiphume kungene i-Australia izogijimisa isibalo eyayisibekile ebhodini ngaleso sikhathi. Lowo mdlalo sawuwina njalo ngakho ukuba nabashayi bamabhola ababeka into ecokeme ebhodini. Njengamanje abadlali bethu behlulwa nawukwenza u-150. Sekuyisikhathi manje sokuthi kusondezwe uGary Kirsten ukuthi azoqeqesha abashayi bamabhola, ngoba ungumqeqeshi onamava oseke wawina iNdebe yoMhlaba ne-India. Wayeqeqesha abashayi bamabhola abasezingeni oSachin Tendulkar, Virat…

Ukusho lokhu kulandela isigameko sokuminza kwengane eneminyaka eyisishiyagalombili emfuleni uMsunduzi, uRashma Rashidi, ngoLwesine. UNgqongqoshe walo mnyango, uMnuz Sihle Zikalala, uthe imiphakathi iyanxuswa ukuthi iqhubeke nokulalela uma kukhishwe izexwayiso zokuguquguquka kwesimo sezulu. “Amathimba ezinhlekelele asazama ukubheka isidumbu sengane enyamalele okukholakala ukuthi imuke namanzi emfuleni uMsunduzi,” kusho uZikalala. Uphinde wathi kunezindlu eziningi ezimoshwe yimvula komasipala bezifunda ezahlukene. Uveze ukuthi kukhona abalulamayo esibhedlela kulandela ukuwelwa yindlu bephakathi endaweni yaseMsinga. Uveze nokuthi amathimba ezinhlekelele asebenza ngokubambisana noMasipala waseMsunduzi ukuqinisekisa ukuthi abantu abasondeli ezindaweni ezigcwele amanzi kuleli dolobha. Uthe awukaziwa ukuthi umonakalo mungakanani kodwa kusabhekwa. “Usaqhubeka umsebenzi wokukhuculula kulandela imvula enamandla ebonakale ezingxenyeni ezahlukene zesifundazwe,” kusho yena. UZikalala uthe izinyathelo ezithathwe uphiko lwezinhlekelele olungaphansi komnyango wakhe, ziqinisekise ukuthi imiphakathi iyakuqonda ngokuphelele okufanele ikwenze uma izithola isezimeni ezinzima. “Ngakho siyafisa ukuwabonga amathimba abejutshwe ukwenza lo msebenzi…

I-IFP KwaZulu-Natal isihlabe ikhwelo lokuthi kuningi okufanele kwenziwe ukulwa nesihlava sokukhulelwa kwezingane ezisencane. I-IFP ikusho lokhu ngoLwesihlanu kulandela ukuthi uMnyango wezeMpilo kulesi sifundazwe uveze ukukhathazeka kwawo ngokuthi phakathi komama abatete ngosuku lukaNcibijane, kukhona oneminyaka engu-15. Okhulumela leli qembu kwezempilo esifundazweni, uNkk Ncamisile Nkwanyana, uthe ngasekuqaleni konyaka odlule, abakwaStats SA baveza ukuthi zingaphezulu kuka-83 000 izingane ezizale izingane ngonyakamali u-2019/2020. Uthe kulesi sibalo kwavela ukuthi u-18 550 wezingane ezizelwe, owaKwaZulu-Natal kanti uzalwe yizingane ezineminyaka ephakathi kuka-10 no-17. “Kudingeka ukuthi kube khona okwenziwayo ngokushesha ukuze kuliwe nalesi sihlava,” kusho uNkk Nkwanyana. Phakathi kwezinto abalule ukuthi kufanele zenziwe, uNkk Nkwanyana uthe kufanele kuphunywe umkhankaso kuyofundiswa imiphakathi ngokubaluleka kokuhlela umndeni nangokuzithiba ocansini. Uthe kule mikhankaso kufanele nabantu besilisa nabo bangashinywa ngaphandle ukuze nabo bafundiswe ngokubaluleka kokuhlela umndeni. “I-IFP iyakholelwa ekutheni udaba lokuncishiswa kokukhulelwa kwezingane…

KULINDELEKE avele namuhla eNkantolo yeMantshi yaseThekwini, owesilisa osolwa ngecala lokudlwengula, abulale intombazane yaseMayville, ngeledlule. Isidumbu sikaSenamile “Aphula” Sphengane (6) sitholwe sijikijelwe esikhotheni eduze kwenkundla yezemidlalo iWiggins, ngoMsombuluko odlule. Kuthiwa umsolwa wambulala ngokumsonta intamo umufi. Wayekade egcine ukubonakala ngayizolo kubo, edlalela imidlalo kwiselula, ebuka nethelevishini. Okhulumela amaphoyisa KwaZulu-Natal, uColonel Robert Netshiunda, uthe: “Umsolwa uboshwe ngoLwesihlanu, kanti ubhekene namacala amabili, elokudlwengula nelokubulala.” Lithintwa ilungu lomndeni, uNksz Phumla Sphengane lithe: “Besingakezwa lutho. Amaphoyisa abengakasazisi ngokuboshwa kwakhe. Ngaleso sizathu akukho esingakuphawula ngoboshiwe.” Ngeledlule ngesikhathi Isolezwe libika ngesigameko, lithole ukuthi umufi unyamalale ehleli nesoka likadadewabo kanina ngesikhathi yena (unina) esaye kothenga isinkwa esitolo sendawo. Kuthiwa yilo elitshele unina ukuthi u-Aphula uphume wahamba nenye ingane ecishe ilingane naye eyafika yazomvakashela. Emva kokunyamalala kwakhe, akubange kusavela ebanganini bakamufi ukuthi iyiphi le ngane efike yamthatha kubo. Isidumbu sakhe…

BANGU-7 004 abantu ababulawe ngabanye eNingizimu Afrika ngekota yesibili kunyakamali u-2022/2023. Lesi sibalo sinyuke ngabantu abangu-841 ababulawa, uma kuqhathaniswa nesikhathi esifanayo ngo-2021. Ezigamekweni “zokuziphindiselela komphakathi” okanye ukuzijezisela abasolwa, kushone abangu-528 kwathi abangu-362 babulawa ngesikhathi kubanjwa inkunzi. Iziteshi zamaphoyisa eNanda, Mlaza, KwaZulu-Natal naseNyanga eWestern Cape, zihamba phambili ngamacala okubulala abikwe kuzona. Ngaphezu kwalokho, amaphoyisa aphenya amacala angu-250 okubulawa kwabantu abaningi ngesikhathi esisodwa. NgoJulayi, kubulawe abantu angu-17 eSoweto. Lesi sehlakalo silandelane eduze nezenezeke ezindaweni ezahlukene KwaZulu-Natal. Ubugebengu obubikwayo bukhomba ukujula kwenkinga ebhekene nezwe. Ongoti bami ekutheni inselelo enkulu wukuxhaphaka kwezibhamu okugcina sekubulawa ngazo abantu. Ukuqonga kwezibalo sekwenze izinhlaka ezehlukene emiphakathini namaqembu ezepolitiki baphakamisa ukuba kukhonjwe indlela uNgqongqoshe wamaPhoyisa, uMnuz Bheki Cele. UMengameli Cyril Ramaphosa usanda kuphendula ngokuthi izibalo eziphezulu kazisho ukuthi uCele wehlulwa wumsebenzi. Izwi elilokhu liqhamuke njalo kuhulumeni ngelokuthi makubanjiswane ekulweni…

URashma Rashidi (8) wasePeace Valley 2, uminze ngoLwesine ngesikhathi ehamba nonina, nengane yakwabo enezinyanga ezimbili. Echaza ngesigameko unina kaRashma, uNksz Zahara Aruna, uthe ubekade ehambe nazo zombili izingane zakhe beyothenga okubalulekile edolobheni. Uthe ngesikhathi sebebuya, ubebambe ngesandla uRashma, ebelethe udadewabo onezinyanga ezimbili emhlane, ethwele ekhanda abeyokuthenga edolobheni. Uthe uhlole isimo samanzi, wabona kuphephile ukuthi angawela ngoba amanzi abebukeka engemaningi kangako. “Buqamama nami, bekukhona omunye wesifazane obesehambe ibangana naye ewela kuwo umfula. Kukhona omunye wesilisa, obesilandela naye ewela, wuye lona wesilisa othe angilethe kuye uRashma, awele naye ayombeka ngaphesheya komfula ngoba ngibukeka ngithwele kanzima ukuthi ngingawela nezingane ezimbili ngedwa nomthwalo ekhanda,” kusho uNksz Aruna. Uthe ubeqeda kumnika uRashma owesilisa ngesikhathi ephunyuka, maqede wahamba namanzi. “Ngezwa esememeza uRashma ethi “mama” ngathi ngiyaphenduka ngabona ukuthi usethathwe ngamanzi. Ngazama ukumnqanda kodwa kwaba nzima ngoba…

USolwazi Tulio de Oliveira , oyinhloko yesikhungo esicubungula ngokuzishitshashintsha kwamagciwane eCovid-19, eNyuvesi iStellenbosch ubhale kwiTwitter ukuthi bathole lolu hlobo lwegciwane emasampuleni ebebewahlola aseWestern Cape ngoDisemba 27. Leli gciwane laqala e-US, inhlangano yezempilo, iWorld Health Organisation (WHO), ithi selisabalalele emazweni angu-28. Ulwazi olukhona luthi leli gciwane luthelelana masinyane. UMnyango wezeMpilo kuleli uthe okwamanje awukakaziswa ngokusemthethweni ngokutholakala kwaleli gciwane ezweni, usazama ukuthola kabanzi ngalo ngakho ngeke ukwazi ukuphawula. UMnuz Foster Mohale okhulumela lo mnyango, uthe basakhuluma nososayensi ukuze bathole ulwazi oluyilo ngegciwane lakamuva. Uqhube wathi okwamanje igciwane elisahlasela abantu abaningi kuleli i-Omicron, siphansi isibalo sabantu abahaqwa iCovid-19 ezweni. Uthe umnyango usazoqhubeka nokusiqapha isimo ikakhulukazi njengoba abantu kade behlangene ndawonye, bezijabulisa ngesikhathi samaholidi. “Sisalokhu sibhekile okwenzeka kuleli nakwamanye amazwe ngalesi sifo, siphinde silandele nesikutshelwa ngososayensi abacwaninga ngeCorona emhlabeni…

I-CAPE Town City ilengelwa yishobolo elehlele i-Orlando Pirates embangweni wesicoco seligi yeDStv Diski Challenge. Imidlalo yeDiski ibuye ngesivuthevuthe ngempelasonto, kwakhala isibhaxu emaqenjini ahlukene. Elinye lamaqembu aqale unyaka ngezinyembezi yiCity evale unyaka ihlezi esicongweni se-log. Ikhale ngaphansi kwiTS Galaxy ngo-3-2 emdlalweni obekulindeleke ukuthi iwusebenzisele ukwandisa igebe lamaphuzu phakathi kwayo ne-Orlando Pirates esendaweni yesibili. ICity izihola phambili ngamaphuzu angu-26 emuva kwemidlalo engu-12. EZimnyama, ezihlule iChippa United ngo-3-1 kwaMhlanga, eMpumalanga, zinamaphuzu angu-24 emidlalweni engu-12. Ukuhlulwa kweCity kuyibeka engcupheni yehlazo elehlele iPirates ngesizini edlule. EZimnyama zihlale esicongweni isikhathi eside kodwa zehla iningi selizitshela ukuthi sezingompetha beligi. Isicoco sigcine sidliwe yiStellenbosch engomakhelwane beCity eWestern Cape. ICity yehlulwe umqeqeshi u-Ian Tyler esekhale ngokungahleleki kwePremier Soccer League (PSL). Uthe bafike entathakusa ngosuku lomdlalo ngenxa yokungahleleki kwezinto. Ngaphezu kwalokho, ukhale nangokuthi abaziqeqeshanga kahle beyiqembu ngenxa yokuthi abanye babadlali…