Table of contents for October 2022 - January 2023 in Baba & Kleuter

REDAKTEURSBRIEF Die winter is verby, en die pandemie klaarblyklik ook. Sjoe! Ons kon uiteindelik weer vir Oma in Duitsland gaan kuier en het dus sommer ’n lekker stuk van die Gautengse winter ook vrygespring – wat my piekfyn pas. Ek kry gou koud en dit maak my knorrig. Die somerweer in Europa was fantasties. As Suid-Afrikaner lag jy maar bietjie in jou mou vir wat hulle ’n hittegolf noem. Ek was in die Paarl op skool en het gereeld in Februarie (met ’n warm middagete in my maag) 2.30 smiddags atletiek geoefen in die son met temperature van in die 40 grade. Dit was erg, maar almal het oorleef. Die koshuis het nie eens lugversorging gehad nie. Ons is dus maar net anders gekalibreer. My gemaksone is 25 grade, maar…

JOU RESEPTE BRONKORSSLAAI MET GARNALE & AVOKADO GENOEG VIR 6-8 MENSE BESTANDDELE SLAAI ■ 1 bos bronkors OF ’n pak gemengde slaaiblare wat bronkors insluit ■ 2 avokado’s, gehalveer, geskil, ontpit en in kwarte gesny ■ 2 pienk pomelo’s, geskil en in segmente gesny (hou ’n halwe pomelo eenkant) ■ 24 gaar garnale, uitgedop maar sterte behou POMELOSLAAISOUS ■ ½ k (125 ml) olyfolie ■ 1 t (5 ml) Dijonmostert ■ ¼ k (30 ml) pomelosap, uitgedruk uit die halwe pomelo wat eenkant gehou is ■ sout na smaak METODE 1. Slaai: Rangskik die blare, avokado, pomelosegmente en garnale op ’n groot, plat slaaiskottel. 2. Sous: Klits al die slaaisousbestanddele saam. Voeg die sout by, proe en pas aan indien nodig. 3. Giet die slaaisous oor die slaai en sit…

MEISIES MET PLANNE In Minki se boekedag is een van Minki se gunstelingboeke die inspirasie om Lara beter te laat voel nadat haar dansdrome vir eers daarmee heen is. Minki maak ’n plan is die volgende boek in die reeks en Minki en haar maats is baie opgewonde toe hulle ’n onverwagse besoeker kry. Maar waar kom hierdie dierbare katjie vandaan? Hierdie boeke is deur Jaco Jacobs geskryf en die oulike illustrasies is deur Tumi K. Steyn. Dit is geskik vir planmakers ouer as agt jaar. R120 elk, Pan Macmillan. LEES HIERDIE EEN OP ‘N VOL MAAG Wat eet Mpumi? is ’n nuwe toevoeging tot die Mpumi-reeks en deur die Suid-Afrikaner Lebohang Masango geskryf. Hierdie boek met helder illustrasies is gemik op drie- tot sesjariges en word op ’n eenvoudige…

BEPLAN DAAI BABA As jy wil weet op watter dae van jou siklus jy op jou vrugbaarste is, moet jy weet wanneer jy ovuleer. Veral as jou siklus se lengte nie altyd dieselfde is nie, is ’n ovulasietoets onontbeerlik. Easy@Home-ovulasietoetse werk saam met die Premom-toepassing op jou slimfoon. Jy neem ’n foto van jou toetsresultaat en die toep verwerk dan die data en wys jou onmiddellik hoe dinge vorder. Jy kan jou siklus en fertiliteitsvenster en -voorspellings so fyn dophou. In die boks: Easy@ Home se 50 ovulasietoetsstrokies en 20 swangerskaptoetsstrokies. Te kry by homedoc.co.za en takealot.com teen R729. SPEEL KLAAR MET PUISIES Sukkel jy met jou vel? ACleo kan help. In die boksie kry jy ’n aanvulling met sink en vitamien B wat spesiaal geformuleer is om ontsteking te…

Sodra jy daaraan begin dink om swanger te raak, kan jy maar begin om jou lyf gereed te kry. As jou swangerskap ’n verrassing was, het jy ook nie tyd om te mors nie. Baie van wat jy in die maande voor die geboorte doen, kan jou ervaring van jou kraamdag beïnvloed. In ’n neutedop: Hanteerbare kraam is nie net geluk nie, dis die samekoms van ’n klomp dinge wat begin gebeur sodra jy uitvind jy is swanger. EERSTE TRIMESTER KIES JOU SPAN Begin sommer vroeg al oor jou geboorteopsies dink. Jy het 260 dae om ’n paar groot besluite te neem en jy moet vooraf goeie raad inwin. Moenie toelaat dat ander mense se menings, ervarings of vrese jou beïnvloed nie. Raadpleeg solank ’n paar sorggewers voor jy iemand…

Net 280 slapies en wat begin het as twee selletjies, ontwikkel tot ’n engeltjie binne-in jou. Om hierdie wonderwerk te laat gebeur, het jou liggaam elke dag belangrike voedingstowwe nodig. ’n Gesonde leefstyl verminder nie net die gevaar van komplikasies in jou swangerskap en geboorte-afwykings by jou baba nie, maar ook die risiko dat sy later in haar lewe ’n chroniese siekte kan ontwikkel. Begin dus reeds voor jou swangerskap gesond eet en oefen gereeld; dit sal jou ook help om jou ideale gewig te bereik voor jou nageslag op pad is. NODIGE NUTRIËNTE Met nog ’n mensie binne-in jou maak dit sin dat jy meer kos nodig het, maar nie net énige kos nie; kos vol voedingstowwe! Swangerskap verhoog wel jou energiebehoefte, maar dit beteken nie ’n daaglikse dubbeldik…

Vind hulle hier Teen hierdie tyd wil jy waarskynlik weet waar en hoe jy hierdie goeie goggas kan inkry ... BRONNE VAN PREBIOTIKA • Piesangs, bessies en ander vrugte • Hawer • Koring • Uie • Aspersies • Preie • Tamaties • Alfalfaspruite • Volgrane • Peulgewasse (lensies, boontjies, kekerertjies) • Spinasie en ander groente BRONNE VAN PROBIOTIKA • Jogurt, mits die etiket aandui dat dit lewende kulture bevat. • ’n Paar formule- of opvolgmelksoorte, of babapap – mits die etiket aandui dat dit bygevoeg is. • Dit word soms gevoeg by sap of graan-energiestafies – lees die etiket. • Gegiste kos soos kefir, kombucha, suurkool en amasi. • Probiotika kom ook in verskillende vorme in aanvullings voor. Jy sal die beste resultate kry as jy ’n kombinasie van pro-…

BABAS EN HUL SPYSVERTERINGSPROBLEME Ma’s is dikwels bekommerd dat hul baba hardlywig is as die doek al ’n rukkie leeg is en dit lyk asof baba druk. Die beste aanduiding van hardlywigheid is egter nie gereeldheid nie, maar eerder ’n droë en harde stoelgang – selfs al het jou baba gereeld ’n poefdoek. Dit is belangrik om jou baba goed gehidreer te hou, want dit is die beste manier om hardlywigheid te voorkom. Aan die ander kant van die poefspektrum is ma’s bekommerd oor diarree. Babas wat borsvoed, het gewoonlik baie natterige poefdoeke. Sommige babas kan 10 vuil doeke per dag hê, en ander net een per week – dit is alles normaal. Wees egter op die uitkyk vir slym in die stoelgang of ’n enorme poefdoek, want dit kan…

DROPS: 1. Indrio F et al. Eur J Clin Invest. 2011;41:417–422. 17. Indrio F et al. J Pediatr. 2008;152:801–806. (in Biogaia FGIDs in infants Jan 2021); 2. Savino F, et al. Crying time and RORy/FOXP3 expression in Lactobacillus reuteri DSM 17938-treated infants with colic: A randomized trial. J Pediatr 2018;192:171-177. FEMME: 1. Gardiner GE, Heinemann C, Bruce AW, et al. Persistence of Lactobacillus fermentum RC-14 and Lactobacillus rhamnosus GR-1 but not L. rhamnosus GG in the human vagina as demonstrated by randomly amplified polymorphic DNA. Clin Diagn Lab Immunol 2002:92-96; 2. Reuterina Femme® Approved Package Insert, December 2009; 3. Gardiner GE, Heinemann C, Baroja ML, et al. Oral administration of the probiotic combination Lactobacillus rhamnosus GR-1 and L. fermentum RC-14 for human intestinal applications. Int Dairy J 2002;12:191-196. 4. Anukam…

Hoewel jy seker nooit sal weet presies wat in jou peutertjie se gemoed omgaan terwyl jy die koms van ’n nuwe baba verduidelik nie, kan jy seker wees dat hy wel sekere goed sal begryp, terwyl ander begrippe maar taamlik abstrak sal bly. Moenie bekommerd wees as hy nie alles verstaan nie. Die koms van ’n nuwe baba is altyd opwindend en dis belangrik dat jy jou peuter daarby betrek. Hier is ’n paar wenke vir hoe jy die groot gebeurtenis vir hom ’n bietjie makliker en meer verstaanbaar kan maak: ■ Jou peuter het nog geen benul van tyd nie – probeer dus maar die nuus uitstel tot jou magie al begin wys en jy wesenlike bewyse het om die konsep te verduidelik. Wag liefs tot ná die eerste…

V My kind hou sy potlood verkeerd vas, maak nie saak hoeveel keer ek hom reghelp nie. Hy is in graad O en gaan volgende jaar grootskool toe. Hy draai ook die bladsy of boek waarop hy werk heeltemal skeef wanneer hy teken of skryf. Hoe kan ek hom help? E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. "Hulpmiddel om die Stetro-potloodklem te versterk" A LIZANNE DU PLESSIS ANTWOORD: Ek het by Bunty McDougall, arbeidsterapeut en skrywer van die The Happy Handwriter®-program, om raad gaan aanklop. Sy sê dat as jou kind in staat was om sy potlood korrek vas te hou, sou hy dit gedoen het. Soms het die spiertjies net nog nie genoeg ontwikkel nie. Daarom sal dit goed wees as ons na…

WATTER SOORT KIND IS JOU BLONDEKOPPIE? Gítte is ’n vriendelike, besige bytjie met ’n baie spontane persoonlikheid. Sy hou van lekker lag, blomme, musiek en dans. Sy is mal oor buite speel, veral in die grond en sand. Sy is versot op water en kan nie genoeg kry van die see nie. Sy geniet die trekkers en trokke op die plaas. Sy en die drywers op die plaas het ’n spesiale verhouding en sodra hulle haar sien, sal hulle altyd vir haar toet! Sy is ook mal daaroor om saam met haar pa, Stephan Rautenbach, te gaan kyk na die plukkery en kry altyd ’n nartjie of drie om huis toe te bring. Natuurlik dink sy ons plaas se nartjies en lemoene is die lekkerste in die hele Gamtoosvallei. JULLE…

JOU FOTOBLAD Maak seker jy en jou baba kry die voedingstowwe wat julle nodig het deur aan te hou om jou swangerskapsaanvulling te gebruik terwyl jy borsvoed. Stellar-Mama bevat die aktiewe vorm van folaat, kalsium, gecheleerde yster, omega 3 en ander noodsaaklike vitamiene en minerale vir jou en jou baba. Begin al voor jou swangerskap met Stellar-Mama en neem dit dwarsdeur jou swangerskap en terwyl jy borsvoed. Om in te skryf: Stuur jou gunsteling-foto na sharing@ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

JOU KUNSVLYT KLEURRYKE BLOMBLAARKRANS BENODIGDHEDE ■ stukkie karton en ’n potlood ■ skuimkransvorm ■ papier in verskillende skakering van een kleur. Ons het pienk gekies ■ gom GAAN SO TE WERK 1. Trek die vorm van ’n blaar op die karton af. Knip dit uit en kyk of jy gelukkig is met die skaal en dat dit goed by die grootte van die skuimkrans pas. Dis die patroon wat jy vir die blare gebruik. 2. Gebruik die kartonblaar om blare uit die papiervelle te sny. Mik vir altesaam 80 blare. Vou elke blaar in die helfte om dit ’n blaarvorm te gee. 3. Begin die blare effens oormekaar op die skuimkrans plak. Plak sowat agt blare voor jy met die volgende skakering voortgaan. 4. Herhaal tot die krans vol is.…

JOU LEEFSTYL 1. Stap in die tuin en pluk blomme vir elkeen van jou kinders se kamer. 2. Klim saam met jou kind boom. 3. Hou ’n gesinspiekniek by ’n natuurreservaat. Pak ’n bederfie vir nagereg in. 4. Maak geskenkpapier vir Kersgeskenke deur rooi en groen aartappelboompies op bruin papier te druk. 5. Beplan nou al ’n kleurryke herfs. Soek saad wat julle nou kan saai sodat die tuin nie aan die einde van die somer, wel... saai lyk nie. 6. Pars blomme in ’n ou telefoonboek en raam die droë blomme. 7. Tel plat klippies op, verf dit groen en pak dit in ’n potjie. So skep julle ’n abstrakte plant wat altyd groen bly en geen water nodig het nie. 8. Dis dié tyd van die jaar heerlik…

V Sal ek weet wanneer ek regtig besig is om te kraam? Ek wil nie hospitaal toe storm en almal op hol jaag en dan is dit ’n vals alarm nie. A DR. JP DU BUISSON ANTWOORD: Kom ons kyk na die tekens wat definitief vir jou sê dat jy hospitaal toe moet gaan. As jou water breek, is dit belangrik om in te gaan. Dis onwaarskynlik dat hulle jou dan huis toe sal stuur. Onthou, jy sal nie noodwendig dadelik met kontraksies begin nie. Natuurlik is dit ook belangrik om hospitaal toe te gaan as jy bloei. ’n Kraamteken soos slymerige vaginale afskeiding, wat soms met bloed gemeng kan wees, is ’n aanduiding dat daar besig is om veranderinge by die baarmoedermond plaas te vind ter voorbereiding van die…

As jy ’n keisersnee beplan, weet jy miskien wanneer jy jou baba gaan ontmoet, maar die geboorte self kan steeds ’n bietjie skrikwekkend wees. Hier is wat jy moet weet. 1 VOOR DIE TYD Jy moet minstens ses uur voor jou geskeduleerde keisersnee kos en vloeistof vermy. Onthou ook om jou dokter te vra watter van jou gereelde medisyne jy daardie dag mag drink en wat jy moet oorslaan. Jy moet minstens twee uur voor die geskeduleerde tyd by die hospitaal opdaag. Probeer om vroeg daar te wees want daar is baie papierwerk terwyl jy eintlik op die geboorte wil fokus. As jy kan, doen al die papierwerk voor die tyd aanlyn. Maak ook seker dat jy lank voor die geboorte al ’n magtigingsnommer by jou mediese fonds kry.…

E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. LISANNE DU PLESSIS ANTWOORD: Die twee belangrikste eerste stappe na suksesvolle borsvoeding is om jou baba korrek vas te hou en korrek aan jou bors te laat heg. Daar is verskillende maniere waarop ’n baba vasgehou kan word en ma en baba kan self besluit wat vir hulle die beste werk. Dis baie belangrik om te onthou dat jy eers gemaklik moet lê of sit en dan jou baba na jou lyf moet bring. Jy moet byvoorbeeld nie na jou baba op jou skoot afbuk om te borsvoed nie, want dan gaan jou rug seer word en baba kan aan die tepel hang, wat seer tepels veroorsaak. DIE BESTE MANIER OM UIT TE VIND OF JOU BABA…

Voordele in oorvloed Nie net ons spysvertering- en immuunstelsel baat by ’n goeie balans van voordelige bakterieë nie – hulle woon ook op ons vel. Elke oppervlak van jou liggaam is bedek met mikroskopiese organismes, meestal bakterieë. Hierdie organismes skep hul eie piepklein ekostelsel wat ‘n mikrobioom genoem word. Die teenwoordigheid van voordelige organismes help jou gesond bly omdat jou vel die eerste verdedigingsmeganisme teen aanval van buite is. Probiotika voed die vel se mikrobioom, wat dit help om te floreer en groei. So neem die goeie bakterieë toe tot hulle mans genoeg is vir die minder gawe kieme. Die uiteindelike wenner is jou gesondheid. Kom ons kyk na ander toestande wat ook baat by probiotika kan vind. "20% VAN BESOEKE AAN DIE PEDIATER IN DIE EERSTE VIER MAANDE IS…

KINDERS EN HARDLYWIGHEID Hoewel tekens en simptome van hardlywigheid in die eerste lewensjaar kan voorkom, is simptome geneig om ’n hoogtepunt te bereik tydens potjielesse – iewers tussen twee en vier jaar oud. Hardlywigheid is trouens ’n algemene en angswekkende probleem by kinders, en sowat 30 persent sukkel selfs ná puberteit nog daarmee. Vir ’n jong kind kan hardlywigheid vinnig meer as ’n dermprobleem word. Angs en stres kan die simptome vererger, en behalwe vir ongereelde en pynlike stoelgange kan jou kind ook later begin weier om toilet toe te gaan. Jy kan help deur hom meer vloeistof te gee en meer vesel by sy dieet in te sluit. As dit nie werk nie, is stoelgangversagters jou volgende opsie. Maak ook seker dat jou kind genoeg tyd (3 tot 10…

JY HET NODIG ■ 2 stukke oorskietmateriaal wat verskil in tekstuur, soos ’n sagte handdoek of stywe katoen ■ Verskillende linte ■ Spelde ■ Naald en garing ■ Naaimasjien MAAK SÓ 1. Knip uit albei materiaalstukke ’n vierkant van sowat 20 x 20 cm uit. Gebruik ’n glas om die hoeke van elke blok rond te knip. 2. Knip elkeen van die stukkies lint tot sowat 6 cm. Vou dit dubbel. 3. Plaas een van die blokke materiaal met die regte kant na bo neer. Steek die dubbelgevoude linte reg rondom die rand van die materiaal vas sodat die punte na buite wys en die gevoude middelpunt na binne. Ryg die linte met die naald en garing aan die materiaal vas. 4. Plaas die ander materiaalvierkant met sy gesigkant bo-op…

’N HEEL ANDER SOORT GROOT 5! Ken julle die Groot Vyf van Suid-Afrika se oseane? En die Piepklein Vyf? En die Diep Vyf? Soek saam met jou kleuters na hierdie interessante diere. Groot 5 Afrika-pikkewyn Sonvis Leerrugseeskilpad Bultrugwalvis Walvishaai Piepklein 5 Knysna-seeperdjie See-anemoon Bloublasie Seekastaiing Skoonmakergarnaal Diep 5 Selakant Vulkaansponsdier Koningklipvis ORI-spinnekopkrap Jandorie Gaan na tinyurl.com/mariene-beskerming om meer te leer van ons land se oseaanbewaringsgebiede. Dis ’n wonderlike webtuiste waar mense foto’s en kennis deel. REK JOU RANDE Mr Price se babaklere was duidelik so ’n sukses dat hulle sommer op groot skaal uitgebrei het. Mr Price Baby-winkels skiet nou soos sampioene oral op! Die nuwe winkels bied alles vir babas en kinders tot sewe jaar oud. Talle nuwe produkte en groot handelsmerke is te kry, van…

Teen dié tyd weet jy al dat jou peuter nie altyd ’n logiese, diepdenkende wesentjie is nie. As daardie koppie eers uitgehaak het, gaan al jou argumente en onderhandelinge niks help nie. Een of twee slegte harewas-ervarings (soos ’n piepklein druppeltjie water in sy oog) is al wat nodig is om boetie so steeks soos ’n donkie te maak. Dan sit jy met jou hande in jou hare oor die kind wat gek is oor spat in die swembad, maar nooit as te nimmer gaan toelaat dat ’n bottel sjampoe of stortkop naby hom kom nie. STAP #1 BLY KALM EN FERM Jy is die ouer en jou kind is fyn op jou emosies ingestel. As dit lyk of jy gaan weifel, het jy klaar die stryd verloor. Hou voet…

V My tweejarige is nie gek oor eet nie, maar het altyd darem aan minstens een kossoort gepeusel wat ek voorsit. Hy eet egter die laaste ruk niks. Hoe hanteer ek sy eetstaking? E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. A ANEL KIRSTEN ANTWOORD: My eerste brokkie raad is: Wees geduldig! Baie kinders gaan deur ’n fase waarin hulle etes weier. Dit is veral tipies tussen 18 en 36 maande oud en dan maak dit gewoonlik deel van hul “onafhanklikwording” uit. Maak seker jou kind kry ’n maksimum van 500 ml melk per dag in (die ideale hoeveelheid is 380 ml) sodat aan sy basiese voedingsbehoeftes voldoen word. Moenie die fout maak om sy melk meer te maak omdat hy swak eet nie –…

JOU KLEUTER Praksie gaan oor ons vermoë om uit te werk hoe om ons hande en die res van ons liggaam te gebruik om byvoorbeeld met ’n speelding te speel, ’n mes en vurk te gebruik of jou mond, kake en tong só te vorm dat dit ’n herkenbare klank maak. Apraksie het te doen met die onvermoë om sensoriese en groot en fyn motoriese take te kan uitdink, beplan en uitvoer. Terapeute en ander kenners verwys soms ook na die woord dispraksie wanneer hulle eintlik apraksie bedoel. Apraksie verwys na die afwesigheid van die vermoë om take te beplan en uit te voer, terwyl dispraksie net na ‘n effens ligter vorm van die toestand verwys, verduidelik Marli Smit, ’n arbeidsterapeut van Bloemfontein. WENK Leer jou dispraktiese kind dat die…

Nadia Fourie van Glentana in die Suid-Kaap se seuntjie Gideon (5) is ’n presteerder, maar hy sukkel om enige mislukking te verwerk. “Gideon wil alles aanpak, maar hy verstaan nie dat hy nie noodwendig onmiddellik alles goed sal kan doen nie,” sê Nadia. “Hy probeer dan een keer, en as hy nie wen of die ding perfek regkry nie, wil hy dit summier los. Sy vel is ook baie dun. As maatjies dalk vergeet om hom in te sluit of hom ’n beurt te gee, onttrek hy en is hy werklik lank vies daaroor, al was dit glad nie met opset nie.” Nadia wil Gideon help, maar voel gefrustreerd deur sy irrasionele optrede. Gideon het ook begin om lelike goed oor homself te sê en Nadia is bekommerd oor sy…

1. Die kompetisie se inskrywings is oop vanaf 23 September 2022 tot 31 Augustus 2023. Geen laat inskrywings word aanvaar nie. Sien bl. 8 en 9 vir meer inligting oor die drie verskillende kategorieë se sluitingsdatums. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word outomaties vir albei…

JOU KOMPETISIE ONS IS AANLYN! Sosiale medi Volg ons op sosiale media om op hoogte te bly van kompetisienuus. #CoverStarSearch Vir die volledige reël, en bepalings en voorwaardes, blaai na bl 97. Om ‘n seuntjie in te skryf, epos ‘n foto na coverstar@ypbmagazine.com Maak seker die foto is onlangs, duidelik en van goeie gehalte. Onthou om die kind se naam, ouderdom en waar julle vandaan kom in te sluit, asook kontakbesonderhede. Ouderdomsgroep: 3 tot 48 maande SLUITINGSDATUMS VIR SEUNS: 31 DESEMBER 2022 Om ‘n pasgeborene in te skryf, epos ‘n foto na coverstar@ypbmagazine.com Dit kan enige geslag wees. Maak seker die foto is onlangs. Onthou om die kind se naam, ouderdom en waar julle vandaan kom in te sluit, asook kontakbesonderhede. Ouderdomsperk: 3 maande SKRYF PASGEBORENES IN: 1 JANUARIE –…

E-POS UIT DIE BUITELAND Ek en my man, Tertius, bevind ons al langer as ’n dekade in die buiteland. As pasgetroudes het ons eers in die eksotiese Karibiese hawestad Barranquilla in Colombia, Suid-Amerika gewoon. Tans woon ons saam met ons amper driejarige seuntjie, Christiaan, in Switserland nadat Tertius deur sy werk hierheen verplaas is. Ons rustige bergdorpie, Oberägeri, lê langs een van die mooiste mere in die land en van ons balkon af het ons ’n uitsig oor die Alpe. Ons is tuis hier, al verlang ons na die Oos-Kaapse strande en goeie biltong (en Sally Williams-nougat). Een dag koop ons verskillende Alpekase en Switserse sjokolades en die volgende braai ons of droog ons boerbeskuit in die oond. Al kan jy al jou varsprodukte direk vanaf boere op jou agterstoep…

As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

Die dodetal op ons land se paaie word elke jaar erger, en die regering se pogings om mense van padveiligheid bewus te maak, het blykbaar geen invloed nie. Padongelukke is die grootste oorsaak van sterftes by kinders onder vyf jaar oud. ’n Kwart van die mense wat elke jaar op ons paaie omkom, is kinders. Volgens die Padverkeer-bestuurskorporasie is daar jaarliks meer as 700 000 botsings op ons paaie. En die Wêreldgesondheidsorganisasie waarsku dat die padsterftesyfer vir kinders op paaie in sonnige Suid-Afrika dubbel die syfer van die res van die wêreld is. ’n Mens kan spekuleer oor die redes daarvoor tot die perde horings kry, maar dis beter om die feite te aanvaar en uit te vind hoe jy jou gesin hierdie vakansie so goed as moontlik kan beskerm.…

JOU SWANGERSKAP Die vreemdeling wat saans uit die badkamerspieël na jou terugstaar het iets geweldigs reggekry en jy kan nie verwag om binne ’n oogwink weer soos jou ou self te lyk nie. Ten spyte van wat Hollywood-ma's jou probeer wysmaak, is daar nie ’n wonderkuur wat binne weke ná ’n swangerskap die oortollige vetjies sal laat wegsmelt nie. Dit gaan oefening en ’n gebalanseerde dieet verg. Probeer om nie te lank te wag voor jy weer fiks begin word nie, want die voordele kan nie oordryf word nie. Selfs net ligte oefening sal jou help om jou kragte te herwin, jou energie ’n hupstoot gee en stres verminder. Dis ook die gouste manier om weer te voel asof jy jouself word nadat jy jouself oorgegee het aan die skep…

Voor jou en jou kleinding se liggaam optimaal kan werk, is ’n gesonde spysverteringstelsel noodsaaklik. Meer as 500 verskillende soorte bakterieë is hard aan die werk in die spysverteringskanaal. Presies hoeveel en wat hul eienskappe is, verskil van plek tot plek. Elke mens op aarde het ’n unieke derm-mikrobiotaprofiel (mikrobiota is ’n gemeenskap mikroörganismes in jou derm) wat in die vroeë kinderjare gevorm word. Hierdie omgewing, of bioom, bly egter nie konstant nie, maar word aanhoudend beïnvloed deur faktore soos dieet of siektes, om maar net twee te noem. Dr. Anton Janse van Rensburg van Johannesburg sê dat baie aspekte van ons moderne lewe ongelukkig nie die bioom in ons derms gesond help hou nie. “Antibiotika, rook, stres, anti-inflammatoriese middels, teensuurmiddels vir die maag en die afwesigheid van gegiste voedsel…

BORSMELK IS PROPVOL PROBIOTIKA Borsvoeding help om jou baba se ingewande ná sy geboorte met voordelige bakterieë te vul. Dis omdat miljoene van hierdie piepklein mikrobes met elke slukkie melk na baba se dermkanaal gestuur word. Borsmelkbakterieë speel verskeie rolle in jou baba se dermkanaal. Dit verminder die voorkoms en erns van infeksies, verbeter die dermversperring deur die hoeveelheid slym wat as ’n skild dien te verhoog, lei die immuunstelsel op om goeie bakterieë van slegtes te onderskei, produseer anti-inflammatoriese stowwe wat die derms laat floreer, verbrand energie wat bepaal hoeveel vet jou baba berg, en breek suiker en proteïene af. MILJOENE MIKROBES WORD ELKE DAG, MET ELKE SLUK, NA DIE DERMKANAAL VAN JOU BABA GESTUUR. Die bakteriese samestelling van jou borsmelk word weer beïnvloed deur hoe jy die lewe…

As jou kind antibiotika neem, is dit ’n goeie idee om hom ook ekstra probiotika te gee. Dit is omdat antibiotika die balans van organismes in die dermkanaal verander en sodoende kan sekere skadelike bakterieë die oorhand kry. Dit kan weer tot maagontsteking of diarree lei, of jou kind se maag kan opgeblaas en seer wees. Vra jou dokter vir probiotika wanneer sy antibiotika voorskryf. Vra ook wanneer jy daarmee moet begin, want dit kan die doeltreffendheid van antibiotika belemmer as dit tegelykertyd toegedien word.…

HMM, GLO ONS DIT? Die internet is darem ’n wonderlike plek. Ons het nou op ’n blog gelees dat babas wat in Mei gebore word, glo gemiddeld 200 g swaarder is as babas wat in ander maande gebore is. Kom ons doen ons eie ”navorsing”. Vra al jou vriendinne en kennisse en laat weet ons by sharing@ypbmagazine.com of die Meibabas in jou vriendekring inderdaad swaarder was. ’N GOEIE BRA IS ’N BELEGGING Mama Noo het van die beste en mooiste swangerskap- en borsvoedbra’s wat ons nog gesien het. Die reeks is gemaklik vir slaap, sport en ná geboorte. Dis natuurlik ook borsvoedvriendelik en is te kry in groottes van 30B to 46F. mamanoo.co.za HULP VIR DIE HEEL KLEINTJIES As jou baba vroeg gebore is en minder as 1,5 kg weeg,…

0 – 6 MAANDE Jou borsmelk voorsien in al jou baba se voedingsbehoeftes. Iewers tussen 17 weke en ses maande gaan jou baba egter gereed wees om aan vaste kos bekendgestel te word. Die Wêreldgesondheidsorganisasie beveel aan dat jy egter steeds aanhou om jou baba te borsvoed. EERSTE KOS PUREE VIR BEGINNERS. Sagte, gladde, fyn puree of pap is ’n goeie keuse vir jou baba se eerste kennismaking met vaste kos. WAT OM TE GEE: Graanpap vir babas; gladde purees van gestoomde vrugte soos appels en pere, of soet groente soos wortels, patat en pampoen; ryp fyngedrukte piesang. Stel die kosse een-een bekend en begin dit later kombineer. VERMY EERS: Baie sterk smake en enigiets wat tot verstikking kan lei. Sout, suiker en heuning is verbode, so ook die drink…

Watter kind hou nie van roomys nie? Dit kos net ’n paar minute om self tuis lollies te maak. Sit dit in die vrieskas en vergeet daarvan tot ’n lekker warm middag wanneer jy jou kind daarmee kan verras. Jy sal sien hoe daardie ogies begin blink as jy die lollies uitkeer. Tuisgemaakte lollies of ysies is boonop baie goedkoper en gesonder as gekoopte roomys. Al wat jy nodig het, is ’n mooi gietvorm. Verskillende soorte van silikoon of plastiek is oral vir ’n appel en ’n ei te koop. Dink saam prettige name vir jul gunsteling-kombinasies uit. HIER IS ‘N PAAR VOORSTELLE VAN HEEL MAKLIK TOT ’N BIETJIE MEER MOEITE 1 Vir die eenvoudigste ysies vries jy eenvoudig vrugtesap of kombinasies van vrugtesap. Gunstelinge is grenadella, bessiesap, lemoensap, druiwesap…

JOU KLEUTER Gaan jou kind gereed wees wanneer daardie eerste skoolklok lui? Wat beteken dit in elk geval om skoolgereed te wees? Skoolgereedheid is die maatstaf waarvolgens ons bepaal in watter mate ’n kind verstandelik, motories, sosiaal en emosioneel daarop voorbereid is om ’n sukses van sy skoolloopbaan te maak. ’n Kind kan as skoolgereed beskou word wanneer hy voldoen aan die eise wat die skool stel, of, om meer spesifiek te wees, wanneer hy fisiek, perseptueel, sosiaal, emosioneel en akademies sonder stres met die eise van die skool kan byhou. Wanneer ons oor skoolgereedheid praat, gaan ons van die vertrekpunt uit dat kleuterskole en voorskoolse onderwyseresse net gedeeltelik vir jou kind se opvoeding verantwoordelik is. Jy is die primêre opvoeder en dit is jou voorreg om seker te maak…

JOU KLEUTER Dáái gesprekke oor seks is ’n verantwoordelikheid wat swaar op sommige ouers se skouers rus. Ma en pa se tong kan skielik knoop, hulle kan bloos of hulle kan heeltemal onbeholpe voel wanneer daar gesels moet word oor waar babatjies vandaan kom. Moenie die onderwerp vermy nie. Ouers kan kinders van vroeg af al help om ’n gesonde houding oor seks te ontwikkel as hulle weet hoe om vrae op ’n ouderdomstoepaslike manier te beantwoord. Kenners meen ’n mens se seksopvoeding begin by die babawiegie en eindig by die graf. LÊ VAN JONGS DIE FONDAMENT Die goue reël van seksopvoeding is om jou kinders van seks te vertel voor hul agtste verjaardag, sê prof. Elna McIntosh, ’n seksuoloog van Johannesburg. “Teen daardie ouderdom kan hulle self lees en…

SMS-KODE BK240FF DRIE GELUKKIGE LESERS WEN ELK ’N GESKENK VAN FERTILITYSOS TER WAARDE VAN R2 500 ELK! Gestel jy probeer swanger word, maar sukkel met onverklaarbare onvrugbaarheid, PSOS (polisistiese ovariumsindroom), herhalende miskrame, sekondêre onvrugbaarheid of manlike onvrugbaarheid? Dan is dié FertilitySOS geskenk net vir jou! Die FertilitySOS-boek sal jou ’n unieke perspektief gee oor hoekom jy sukkel om swanger te raak en jou lei oor hoe om die onverklaarbare onvrugbaarheid en herhalende miskrame op ’n natuurlike manier teen te werk. Die prys sluit ook twee sessies met ‘n vrugbaarheidsafrigter in, wat jou sal help om die moontlike oorsake van jou onvrugbaarheid te verken en om jou liggaam in optimale reproduktiewe gesondheid te kry. Jy hoef nie alleen te wees op jou vrugbaarheidsreis nie. Facebook: @fertilitysos en Instagram: @infertilitysos SMS-KODE BK240NB…