Índice para August 2020 em Weg!

Elke geslag het ’n kulturele verwysingsraamwerk. As ’n Afrikaanse kind van die voorstede in die jare sewentig en tagtig het ek en my vriende Bud Spencer en Terence Hill, Spaghetti Westerns en veral koeng foe-flieks verslind. Die adrenalien het sterk gevloei ’n dag of wat nadat ons gekyk het hoe Bruce Lee ’n klomp Chinese bendelede flou skop. ’n Groepie maer laaities sou in iemand se agterplaas bymekaarkom. Iemand se ouer broer wat beweer het hy het ’n geel gordel in karate, sou ons probeer lei met iets wat hy die “Kraaifontein-kata” genoem het. Dan sou ons karate, koeng foe, judo en rofstoei oefen. Dit was minder pynlik om Bruce Lee se wyshede in te oefen: “Empty your mind, be formless, shapeless, like water. If you put water into a…

Hierdie roerende dokumentêre fliek handel oor die konflik tussen mens en dier in Afrika. Dit fokus op gemeenskappe in Tanzanië wat langs die westelike grens van die Serengeti- nasionale park bly en hulle stryd om oorlewing. Ons is meestal vertroud met die stories van stropery, wildhandel en markte waar wilde diere se vleis verkoop word, maar dié fliek fokus op nuwe rolspelers en werp lig op hoe ingewikkeld die situasie werklik is: Die stryd om hulpbronne namate beskermde gebiede krimp en die mens se behoeftes groter raak. Wat van die stroper wat ’n wildbewaarder geword het? Of die boer wie se oes deur ’n trop olifante vernietig is? Wat is hulle opsies, en wat van die diere se regte? Die Suid-Afrikaanse filmmaatskappy Black Bean Productions het die fliek vervaardig en…

HOBBIT SE HUIS K-Way Kids Pop-up PLEK VIR 2 KLEIN KINDERS GEWIG 1,3 kg OPGEVOU 67 x 67 x 2 CM Die kinders gaan waarskynlik nie heelnag hierin slaap nie, maar dis ’n lekker speel- en wegkruipplek vir jong ontdekkingsreisigers. Die tent is 210 cm x 100 cm x 80 cm wanneer dit opgeslaan is. Dis ook ’n goeie sonskuiling as jy die dag strand toe gaan. Dit kom in ’n pizzavormige drasak saam met penne, en is maklik om op te slaan: Haal die tent uit die drasak en gooi in die lug op. Die ingeboude pale laat die tent oopskiet; jy hoef net die tentpenne in te slaan. Maak net seker jy weet hoe om die tent weer in te pak vóórdat jy op jou volgende avontuur vertrek!…

Lungile Lusenga, toerismegids “Die Natuurlike Erosiebrug op Goedehoop is nie die enigste noemenswaardige rots in die omgewing nie. Soos jy uitry na die Koninkryk van eSwatini toe, kan ’n mens Goliat se Voetspoor aandoen. Dit lyk soos die 1,8 m lange spoor van ’n linkervoet. Party mense glo dit is God of Adam s’n; ander sê weer dat e’Mpuluzi, ’n reuse-vrou in die tradisionele fabels, hier verby is. In die rigting van eManzana (Badplaas) is ’n grot met ’n rotstekening en die naam Ti’Qwa – dis die San-woord wat die verhouding tussen God en die mens beskryf. Kontak Lungile by 076 041 5374 vir ’n toer van besienswaardighede in die omgewing.…

Die Amasonereënwoud was jare lank op ons wenslys. Uiteindelik is ons in die hawestad Belém in die Amasone! Voor ons vertrek op die reis van ’n leeftyd, moet ons ’n paar dae wag vir die vragskuit wat ons en die Landie na die stad Macapá neem. Dié stad op die noordoewer van die Amasonerivier is sowat 330 km weg van Belém soos die kraai vlieg. Tussen Belém (tegnies langs die Parárivier wat deel is van die Groter-Amasonedelta) en Macapá lê een van die grootste riviereilande in die wêreld – Marajó-eiland. Teen 40 000 km² is dit twee keer so groot soos die Krugerwildtuin. Terwyl ons wag, besluit ons om ’n paar dae op Marajó te verwyl. Hier’s drie dorpies op die eiland en baie meer fietse as voertuie. Nóg ’n…

Hoe was die pad soontoe? Stil. Ek het in die 333 km van Mbombela tot by Wakkerstroom net twee polisievoertuie gesien; een op die R40 net voor Barberton en die ander op die R38 soos ’n mens Ermelo binnery. My permitte en papierwerk was in orde, maar gelukkig het hulle my nie afgetrek nie. weer ’n slag te kuier. Ek dink dis wat mense, veral Suid-Afrikaners, die heel meeste mis – goeie geselskap. Watter een van die blyplekke was jou gunsteling? Dit hang af waarvoor jy lus het. Vir ’n romantiese naweek, mik vir The Boat House. Teen Die Meer is bekostigbaar. Miss Chrissie’s Country House is ouwêrelds met mooi uitsigte. Die Goedehoop-plaas is afgesonder, en die Damhuis by Tolderia is ’n puik plek vir ’n familiesaamtrek. Ons oorweeg dit…

Vier nuwe reservate vir die Noord-Kaap! Moenie te opgewonde raak nie: Dié vier nuwe reservate het nie die Groot Vyf, ruskampe of piekniekkolle nie. Nee, dis suiwer vir die beskerming van unieke eilandberge (ook genoem inselberge) en skaars plantegroeistreke soos die Boesmanland-inselstruikveld, Aggeneys-gruisvygieveld en die Boesmanland-grasveld teen stropery en mynbedrywighede. Die alleenstaande eilandberge lê oos van Springbok. Die nuwe Areb-, Karas-, Marietjie van Niekerk- en Smorgenskadu-natuurreservaat vorm saam die Karrasberge- beskermde gebied (57 km²). Dié gebied vorm weer deel van die Sukkulente-Karoo-bioom van 116 000 km², wat strek oor die droë westelike deel van Suid-Afrika – insluitend Namakwaland en die Richtersveld-oorgrenspark. Dis ongewoon vir sulke dor streke om só biodivers te wees. Hier hou onder meer 27 amfibiese, 121 reptiel-, 431 voëlspesies én meer as 6 300 plantspesies (en verskeie…

Hoekom dierkunde? Ek is sedert my kinderjare lief vir die natuur – veral diere en reptiele. Ek het langs die Nelspruit-natuurreservaat grootgeword en baie tyd saam met my hond, Chunky, daar deurgebring op soek na slange en ander gediertes. Ná skool het ek ’n B.Sc.-graad in biodiversiteit en ekologie aan die Universiteit Stellenbosch voltooi. En daarna ’n meestersgraad in dierkunde met my hooffokus in herpetologie – die studie van reptiele en amfibieë – gedoen. Dit was ’n groot voorreg om die gedenkmedalje van die Suid-Afrikaanse Akademie vir Wetenskap en Kuns vir my meestersgraadtesis te ontvang. Vertel ons van die tesis. Ek het die genetiese struktuur van drie woudreptiel-spesies wat langs die ooskus van Suid-Afrika voorkom, ondersoek: die natalse swartslang (Macrelaps microlepidotus), die pondo-platgeitjie (Afroedura pondolia) en die woudwurmslang (Leptotyphlops sylvicolus).…

Elke kind moet ’n boomhuis hê. Hier geld jóú heerskappy. Jou ma kan jou nie beveel om jou boomhuis aan die kant te maak nie. Dis buite haar jurisdiksie. Reg van toegang word voorbehou. Indien jy wil ontsnap van ’n mededingende kinderbende, ’n irriterende kleinsus of ’n ouer met ’n houtlepel – dan trek jy eenvoudig die hangleer op. Die hangleer: die boomhuis se weergawe van ’n trekbrug oor ’n klipfort se grag. Ek kén van boomhuis bou. Nog voordat ek skool toe is, het ek en my beste pêl en buurman, Willie van Tonder, ’n klein houtplatform in ’n boom in ons erf aanmekaargeslaan. Dié platformpie het ontaard in ’n dekade lange konstruksieprojek wat op sy hoogtepunt ’n seweverdiepingboomhuis was met lopende water, elektrisiteit, ’n kaggel én ’n hysbak.…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Gerolde blouwildebeesfilet Genoeg vir 6 Bereidingstyd 15 minute plus marineertyd oornag Gaarmaaktyd 15 minute Jy benodig • 1 blouwildebeesfilet van ongeveer 1,8 kg • 2 koppies karringmelk • 3 eetlepels uiemarmelade • 200 g spekrepies, brosgebraai • 2 wiele fetakaas, gekrummel • 1 koppie babaspinasieblare, geblansjeer • 2 eetlepels olyfolie • sout en varsgemaalde swartpeper na smaak Só maak jy 1 Sit die filet in ’n groot glasbak met ’n deksel, giet die karringmelk oor tot die vleis bedek is, en laat die vleis oornag in die yskas marineer. 2 Haal die vleis ’n paar uur vóór jy vuurmaak uit die yskas sodat dit kamertemperatuur kan bereik. Haal dit uit die karringmelk en klad die meeste van die marinade weg. Vlek dan die filet in die lengte oop om ’n groot reghoek te kry wat sowat 2 cm…

As kind was ek die enigste voëlfanatikus in ons skool en is gereeld gespot. Daar was dalk een of twee maatjies wat soms belangstelling in die wonderwêreld van voëls getoon het, maar die meeste van my klasmaats was meer begaan oor ’n plek in die rugbyspan, die nuutste Stüssy-jeans en praatjies oor wie vir wie vry. By ons tienjaarmatriekreünie het dinge egter ’n verrassende (en welkome!) wending geneem (o, genade, dis vanjaar die Groot Twintig!). Ewe skielik wou álmal met my oor voëls gesels. Selfoonfoto’s van ’n skaars spesie wat iemand iewers afgeneem het, is onder my neus gehou en ander wou weet hoe ’n mens voëlsoorte identifiseer. Ek het my toegelaat om vir ’n oomblik selfvoldaan te glimlag, maar ek was grotendeels oorweldig deur dankbaarheid dat sóveel mense die…

Ek en my vrou, Clara, het in November 2019 die Krugerwildtuin besoek. Dit was my jaarlikse verlof en ons het nege dae by Letaba gekamp. Ons geniet die kamplewe en ons Gypsey Romany-woonwa is baie gerieflik. Ons was dié middag teen omtrent vieruur rustig rondom die woonwa besig toe Clara ’n likkewaan gewaar. Sy het my geroep en ek het my kamera opgetel en begin foto’s neem. Ek het ’n Canon EOS 760D met ’n Sigma 150-600 mm-lens. Die likkewaan was net sowat 15 m van ons af. Net ’n paar sekondes later gebeur daar iets wat ek glad nie verwag het nie: ’n breëkoparend 1 swiep ondertoe en vang die likkewaan! Ek het nie die arend voor die tyd gewaar nie; dus weet ek nie of hy iewers in…

Hoeveel kos dit per dag? Brasilië is duurder as die meeste ander Suid-Amerikaanse lande wat ons besoek het. Ons gemiddelde daaglikse begroting was R1 500 per dag en dit sluit kos, blyplek vir twee, diesel én motordienste in. Om geld te spaar kamp ons gereeld wild. Ons bly net in formele akkommodasie wanneer daar geen ander keuse is nie. En as ek nie my eie ryding het nie? Ons het drie maande deur Brasilië getoer en 22 000 km gery, maar daar is nog soveel plekke waarby ons nie kon uitkom nie. Jy moet baie tyd tot jou beskikking hê vir ’n selfrytoer. Indien tyd ’n luukse is, vlieg eerder tussen bestemmings en gebruik openbare vervoer of huur ’n voertuig om ’n spesifieke omgewing te verken. Nietemin, het ons dit…

IN DIE TYDSKRIF: Stuur jou beste reis- en natuurfoto’s na menseselense@weg.co.za – ons publiseer dit dalk op ons “Mense se lense”-blaaie, en daar is ’n prys te wen elke maand. OP INSTAGRAM: Gebruik die hutsmerk #menseselense en merk Weg deur @menseselense by te voeg in jou foto se onderskrif. Op dié manier sien ons jou foto, en deel dit dalk ook op ons profiel. AANLYNKURSUS: Neem Beter Foto’s is die naam van Weg se gewilde aanlynfotografiekursus. Dit kos R950 eenmalig en jy werk op jou eie tyd. Skryf in by neembeterfotos.weg.co.za FOTONAWEKE- EN TOERE: Weg bied van tyd tot tyd fotografiekursusse aan wat ’n dag of naweek lank is, en soms ook fotografietoere. Hou die tydskrif dop vir enige aankondigings.…

KYK VOOR JY KIEK. In ’n natuurfoto het jy dikwels meer subtiele kleure wat egalig verander – die groen, bruin en grys van blare, klippe en gras. Maar soms is daar dalk blomme – spatsels pers, pienk, wit, of rooi. Dra die kleur by tot die toneel, of nie? Sny dit uit die raam indien dit die aandag aftrek van jou hoofvoorwerp. Sluit dit in indien dit dinge verfraai en die boodskap van jou foto versterk. GEBRUIK KLEUR IN JOU GUNS. Kyk na Johan se mooi foto hierbo. Die wit-en-rooi bootjie is die mees prominente deel van sy andersins besige foto – die agtergrond is vol mense en geboue. En aangesien die bootjie so helderkleurig is, is daar geen twyfel dat dit sy hoofvoorwerp is nie. Die weerkaatsing in die…

WAT IS DIT? Fokusdiepte (depth of field) verwys na die afstand in jou foto tussen die voorwerp in fokus nááste aan die kamera en die vérste voorwerp, wat ook in fokus is. VLAK FOKUSDIEPTE. Wanneer fotograwe praat van ’n vlak of smal fokusdiepte, is die afstand tussen die verste en naaste oorwerp wat in fokus is, (of dele van een voorwerp) klein. Celeste se skulpfoto hierbo illustreer dit goed – daar is een vlak van die raam wat skerp in fokus is (haar lensopening was f1.8). Die skulpe selfs net effens nader aan die kamera is uit fokus, en die skulpe effe dieper in die foto ook. Jy kan hierdie effek gewoonlik kry deur jou kamera se lensopening groter te stel – gebruik die laer waardes van jou lens se…

MOENIE BLINDELINGS SKIET NIE. In die dae van filmfotografie het elke foto getel, want met elke rolletjie film kon jy net 24 of 36 foto’s neem. Maar moenie duisende digitale foto’s neem net omdat jy kan nie. Elke foto moet steeds berekend – en kosbaar – wees. Spaar jou oomblikke van mal gaan vir wanneer die aksie gebeur – gebruik dán snelvuur en neem 100 foto’s om daai 1 uit ’n 100-skoot te kry. WEES GEDULDIG. Haastig wees en fotografie gaan nie lekker saam nie. Daar is nie altyd ’n jakkals wat duiwe vang by die Cubitje Quapwatergat in die Kgalagadi nie. Maar vra die geduldige fotograwe – as jy wéér en wéér daar gaan sit, en wag (jou koffie gaan koud word), dan sal jy die jakkals een of…

As ek dit nie mis het nie... Ek het Toast Coetzer se artikel oor Copperton in Weg #188 baie interessant gevind, spesifiek die foto van die miskraal op bl. 45. Daar is baie min van dié krale in Suid-Afrika oor wat uit blokke skaapmis gebou is. Voordat ek die artikel gelees het, het ek van net een geweet! Ek het op ’n plaas genaamd Bultfontein in die Richmonddistrik in die Noord-Kaap grootgeword en ons het só ’n kraal gehad. Volgens my pa, Freddie (84), dateer die kraal uit sy oupagrootjie se tyd, dus min of meer die 1890’s. In daardie jare was daar nie jakkalsproefkampe nie. Veewagters het die skape bedags in die veld opgepas en saans in ’n kraal van klip en takke toegemaak. Die mis in die kraal…

Wat biomassa betref, hou die sardientjieloop kers vas by die wildebeesmigrasie in Oos-Afrika! Dis enorme statistiek vir dié klein vissies. 200000 Dis hoeveel ton sardientjies elke jaar langs die Wes-Kaapse kus gevang word. 20000 Die geskatte aantal dolfyne wat op ’n goeie jaar die sardientjieloop volg. 621 Die aantal sardientjies wat eenkeer in die maag van ’n donkerhaai gevind is! 21 Die aantal spesies wat in die visbedryf as “sardientjies” geklassifiseer word. 20 Die gemiddelde lengte (in cm) van ’n volwasse sardientjie. Bronne wildoceanfilm.com; shark.co.za; healthbenefitstimes.com…

VOLMAAN 3 AUGUSTUS SPRINGGETY: 4 AUGUSTUS HOOGGETY: 3.43 VM. & 4.07 NM. LAASTE KWARTIER 11 AUGUSTUS DOOIEGETY: 13 AUGUSTUS HOOGGETY: 10.45 VM. & 11.10 NM. NUWEMAAN 19 AUGUSTUS SPRINGGETY: 20 AUGUSTUS HOOGGETY: 4.02 VM. & 4.22 NM. EERSTE KWARTIER 25 AUGUSTUS DOOIEGETY: 27 AUGUSTUS HOOGGETY: 10.57 VM. & 11.22 NM. Hierdie is die hoogwatertye vir Kaapstad. Vir ander plekke tel jy minute by of trek dit af. (Let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie.sanho.co.za SONOP & SONONDER (16 AUGUSTUS) Kaapstad 7.24 vm. en 6.17 nm. Bloemfontein 6.46 vm. en 5.53 nm. Johannesburg 6.35 vm. en 5.49 nm. Durban 6.28 vm. en 5.33 nm. Bron…

ONTMOET DIE SKRYWER Faansie Peacock (ja, dit is sy regte naam!) is ’n passievolle voëlkyker, illustreerder, skrywer en gereelde bydraer in hierdie tydskrif. Faansie se Voëlboek is ’n publikasie enig in sy soort en ’n wonderlike hulpbron vol pret en speletjies (en 722 spesies!) om ’n liefde vir voëls en voëlskyk by kinders aan te wakker. Hy vertel meer. Jy het al begin voëls kyk vandat jy vyf jaar oud is. Waar het jou belangstelling begin? Dis die vraag wat die meeste mense vra en het die swakste antwoord. Aangesien ek so jonk was, kan ek nie soos baie ander mense ’n spesifieke oomblik uitwys nie. My ouers is bosmense en ons het baie tyd in die buitelug deurgebring. My vroegste herinneringe is van spesifieke voëls – soos ’n nagreier…

Jy kan volgende maand ’n Weg- kamerasak ter waarde van R520 wen! Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se lense” gepubliseer word. Dié produk is beskikbaar by winkel.weg.co.za…

HOE LANK IS DIE TOER? 8 dae, 7 nagte, (tenteverblyf ) TOERDATUMS 29 Januarie-5 Februarie 2021 7-14 Februarie 2021 19-26 Februarie 2021 28 Februarie-7 Maart 2021 HOEVEEL KOS DIT? Koste R12 950 p.p.; halfprys vir kinders jonger as 10. INGESLUIT BY DIE PRYS • Kamptariewe • Toegangstariewe vir parke • Alle geadverteerde aktiwiteite •Tente, eetgerei en breekware • Drie maaltye per dag, plus tee en koffie in die kamp • Professionele toerleier en gidse • Tweerigtingradiokommunikasie WAT MOET EK BRING? • Jou eie voertuig (brandstof is vir jou sak, asook grenspostariewe en padbelasting) • Jou eie matras, slaapsak en ander kampbeddegoed • Kampstoele • Drinkgoed en versnaperinge • Versekeringsdekking vir mediese noodgevalle en ontruimings BESPREEK NOU! Skakel 044 535 9033 of stuur e-pos na bookings@bhejane.com; bhejane.com…

HALLO, EK IS ’N WIT WANGUIL. Uile kan uitstekend sien. Sommige uile kan ’n muis tot 800 m ver sien! Jy sal nie sommer ’n uil hoor vlieg nie. Hulle fluweelagtige vere se randjies is soos ’n fyn kammetjie. Dít stel die vere in staat om klank te demp. Daai regop veertjies is nie ore nie. Hulle ore is net gaatjies langs hulle kop. Sommige uile se een oor sit effens hoër as die ander een – dus kan die uil presies bepaal waar ’n geluid vandaan kom. Die verekrans om hulle gesig werk soos ’n satellietskottel wat maak dat hulle nóg beter kan hoor. ’n Uil het vier “tone,” oftewel kloue. Twee wys vorentoe, een agtertoe en die vierde een is omkeerbaar – dit kan voor- én agtertoe beweeg!…

Die dieet van breëkoparende bestaan hoofsaaklik uit soogdiere, voëls en reptiele. In sekere gebiede sal soogdierprooi dominant wees, maar in ander gebiede voëls of reptiele. In die ooste van ons land, soos in die Kruger, maak voëls (meestal grondvoëls soos tarentale en fisante) en reptiele ’n groter persentasie van die prooi uit. Hulle is veral versot op likkewane. Daar is verskeie redes waarom roofvoëls hulle kop “onderstebo” draai soos op foto 1. Die meeste roofvoëls se oë is voor in die skedel – ander voëls s’n sit aan die kante van die kop. Dit gee roofvoëls ’n wyer veld van binokulêre sig wat dit moontlik maak om uiters akkuraat op voorwerpe te fokus (’n breëkoparend kan prooi tot 6 km ver uit die lug identifiseer!). Die nadeel is dat roofvoëls…

SKIET SAAM MET DIE SON. Probeer jou posisioneer sodat die sonlig die diere wat jy afneem, van voor af tref. Keer jou rug na die son, en neem foto’s mét die son, nie teen die son nie. MAAR... Daar is altyd uitsonderings tot die reël: Willie se foto is hoeka mooi omdat die lig van ágter die buffels skyn! In Engels praat die ouens van “backlighting”– lig wat van agter af skyn. Dié sonstrale tel dikwels stowwerigheid in die lug op (of vogtigheid soos vroegoggendmis), en dit gee ekstra atmosfeer aan jou foto. Jy kan ook randbeligting kry met die son wat van agter af skyn en die buitelyn van jou voorwerp belig. BEWOLKTE WEER. Op ’n sonnige dag is die kontras tussen die donker vel van byvoorbeeld ’n buffel…

KIES JOU TEIKEN. Maak seker jy weet wat die hoofvoorwerp in jou raam moet wees. Die koedoebul met die drie draaie? Of die een met die twee draaie langs hom? Maak seker jou hoofvoorwerp (ja, ja, dis die een met drie draaie!) vertoon prominent – én dit moet in fokus wees! BESLUIT WAAR DIE VISUELE IMPAK LÊ. ’n Trop olifante sorg altyd vir mooi foto’s – maar hoe laat jy jóú foto uitstaan bo die ouens wat langs jou in die wildkykvoertuig sit? Kyk na Annemarie se oulike foto hierbo. Sy het ingezoem op één klein ollie. Die grotes se bene (wat amper soos boomstompe lyk) “raam”nou vir Junior. En die slurp van die een verskaf skaal en omdat dié aan die kleintjie raak, het Annemarie ’n byna intieme olifant-oomblik…

MENEER BEHEER. ’n Vinnige sluiterspoed gee jou beheer oor ’n bewegende voorwerp wat jy wil afneem – daai springbok wat rondtrippel, pronk en stof skop buite Twee-Rivieren se hek. Of dalk staan die voorwerp in jou foto stokstil, maar jy is die een wat beweeg – soos wanneer jy ’n kokerboom probeer afneem uit ’n bewegende voertuig in die Richtersveld. Digitale kameras kan deesdae teen ’n baie hoë ISO (sensorsensitiwiteit) skiet sonder te veel gehalteverlies, wat dit moontlik maak om in byna enige toestand die sluiterspoed te kies wat vinnig genoeg is om die aksie in jou raam te kan vries. STADIG, NOU. Sluiterspoed het egter ook ’n meer ontspanne kant. Maak jou sluiterspoed stadiger en kreatiewe deure gaan oop. In Annerie se foto hierbo kry die reëntoneel nou ’n…

HOU DINGE EENVOUDIG. Nagfotografie kan tegnies raak, maar jy kan begin deur dinge eenvoudig te hou. Kyk na Stefan se oulike foto hierbo. Met ’n sterk flits of kollig kan jy saans diere en voëls afneem. Jy wil hulle natuurlik nie verskrik of pla nie, maar die meeste diere sal dit verduur as jy vir ’n kort rukkie die lig op hulle hou vir ’n foto. Stel jou ISO hoër vir meer sensorsensitiwiteit (Stefan s’n was ISO 1250) en maak jou lens-opening so wyd moontlik oop (Stefan s’n: f2.8) sodat jy met ’n vinnige sluiterspoed kan skiet (1/640ste van ’n sekonde, in dié geval). GEBRUIK JOU KAMPVUUR. Op ’n kampvakansie kuier jy omtrent elke aand om die vuur. Gebruik dié tyd (sodra jy klaar jou beurt gehad het om aartappels…