Índice para Christmas 2025 em Idees

KONTAK MY BY terena@ideasfactory.co.za instagram.com/terenaleroux Ons sit by die ‘bar’ onder in die hoofstraat en ook enigste straat wat deur die pragtige ou Italiaanse dorpie loop. Net om dit duidelik te stel - hier is ‘n bar‘n koffiewinkel waarheen almal soggens gaan vir ontbyt, van twaalfuur af vir ‘n aperitivo, en saans raak dit meer soos ‘n regte kroeg soos wat ons dit ken. Hier kom jou drankie nie sonder iets om te eet nie en dis nie net ‘n paar verlore olywe nie. Die bymekaarkomslag vandag was vir ontbyt, maar ons het ‘n bietjie laat begin en langer rondgesit en toe die kerkklok aankondig dis twaalfuur, was dit soos die spreekwoordelike vliegtuig wat oor is en ons bestel opsluit ‘n prosecco en dus ook die gepaardgaande bord versnaperinge. Met…

ANDERSTE KALENDER (blaai om vir die aanwysings) KERSFEES-KOEPEL ‘n Groepering van blare en saadpeule wat gespuitverf is, word ‘n boeiende stillewe as jy dit onder ‘n glaskoepel uitstal. ❁ Kyk by bloemiste- en vintagewinkels vir glaskoepels in verskillende groottes. ❁ Kombineer ‘n verskeidenheid elemente in verskillende groottes en vorms - maar alles in wit - om ‘n mooi tentoonstelling te skep. Kartonsterre, -bome en -sneeuvlokkies wat by die Kerstema pas, sal ookgoed werk. ❁ Jy kan die klein uitstalling onder die glaskoepel so gereeld as wat jy wil verander, of ekstra elemente byvoeg, soos ‘n string Kersliggies wat met batterye werk. ANDERSTE KALENDER Tel die dae af tot 25 Desember met ‘n baie spesiale spierwit handgemaakte Adventkalender. ❁ Skep die dele van die kalender deur droë blare van verskillende vorms…

PESTO-SKILFERKORSSTER Genoeg vir: 4-6 Bereidingstyd: 20 minute Baktyd: 30 minute Oondtemperatuur: 180 °C ♥ 1 rol gekoopte skilferkorsdeeg, ontdooi ♥ omtrent 40 ml basiliepesto ♥ 15 ml fyngerasperde parmesaankaas ♥ 1 eier ♥ 30 ml melk…

GEBORDUURDE GESKENKKAARTJIES LET WEL: Ons het ‘n linnemengelstof vir hierdie projek gebruik aangesien dit moeilik is om met linne te werk wanneer jy borduur, veral met kleiner projekte. MOEILIKHEIDSGRAAD: maklik TYD: 1-1½ uur per kaartjie (na gelang van hoe moeilik die borduurwerk is) JY BENODIG ♥ geskenkkaartjiepatroon op bladsy 121 ♥ borduurontwerp van jou keuse ♥ linnemengsel of katoenmateriaal ♥ aanstryk-tussenvoering ♥ bypassende masjiengare ♥ lint of koord ♥ borduurgare en -naald ♥ borduurring ♥ 5 mm-ogies en ogiegereedskap ♥ aftrekmetode van jou keuse (ons het ‘n hitte-uitwisbare pen en ligkas gebruik) SO MAAK JY 1 Voordat jy jou materiaal uitknip, trek jou borduurontwerp op ‘n groter stuk materiaal af. Dit verseker dat jou borduurwerk goed in die borduurring pas en voorkom dat die materiaal te klein is, afhangend van…

 VILTBALLE EN - POPPIE MOEILIKHEIDSGRAAD: maklik TYD: 1-2 dae vir al vier (na gelang van hoe moeilik die borduurwerk is)  JY BENODIG ♥ patrone op bladsy 118 ♥ vilt in verskillende kleure ♥ bypassende borduurgare ♥ borduurnaald ♥ stopsel ♥ pypskoonmaker ♥ kouelym ♥ houtkraal vir die poppie se gesig  SO MAAK JY VIR DIE VILTBALLE 1 Gebruik die patrone op bladsy 118 en trek die hoofdeel van elke Kersbal op die vilt af (twee per bal). Knip dit uit. 2 Knip ook die verskillende patroondele uit wat op elke bal moet kom (een van elk) en lym of werk dit op die voorkantdeel van die bal vas. 3 Versier die balle met verskillende borduursteke. 4 Sit die voorkant- en agterkantdeel van elke bal op mekaar (regte kante na buite)…

SKONE SOFISTIKASIE (VORIGE BLADSY) Hierdie eenvoudige Kersdekorskema met ‘n eklektiese mengsel van vintage meubels en sober maar tog verleidelike tafeldekor met hope fyn groenigheid is lieflik lig en helder. Al wat kort, is feestelike heildronke en gaste wat vrolik en vol vreugde is! Die kraakwit skakerings sorg vir ‘n gevoel van suiwer vrede, die meubels bring warmte en nostalgie, en die menigte vars groengoed herinner ‘n mens dit is die seisoen van harmonie en groei. Die geheim om hierdie kalm dekorskema feestelik en oorvloedig te laat voel is om groenigheid by te voeg waar jy ook al kan: Hang kranse aan die stoele en teen die mure en gebruik gevlegte takkies as dekor op die tafel… meer is meer! Sorg vir ‘n gemaklike, informele gevoel aan die tafel deur bonkige…

DOOPKLEUR-TAFELDOEK VAN PAPIER Ons het ons papiertafeldoek ‘n doopkleur-voorkoms gegee deur velle ongedrukte koerantpapier te spuit met ‘n verdunde oplossing van blou ink en water. Hang die nat papier oor ‘n wasgoedlyn om droog te word – maak seker die velle papier raak nie aan mekaar nie, anders sal dit aan mekaar vassit! Wag tot die papier droog is en gebruik dan jou naaimasjien om inrygsteke aan een lang sykant van elke vel papier te stik en dit in ‘n geplooide ‘romp’ te vorm. Las die stukke aan mekaar en plak dit met alkantkleeflint op ‘n ronde tafel. WENK: Koerantpapier is baie delikaat - maak seker jou naaimasjien is op sy stadigste stelling gestel. LIG: Gee ‘n vintage kandelaar ‘n nuwe voorkoms met kerse, delikate blomme, Kersversierings en linte. SKEP…

SAGTE KARAMELLEKKERS Maak: omtrent 50 lekkers Bereidingstyd: sowat 30 minute ♥ 200 g witsuiker ♥ 80 g vloeibare glukose (by bakwinkels te kry) ♥ 110 g botter ♥ 125 ml vars room GEURVARIASIES ♥ 5 ml soutvlokkies ♥ 60 ml fyngekapte geroosterde en gesoute amandels ♥ 10 ml fyngekapte versuikerde gemmerskywe Kry alles gereed voordat jy begin. Meet al die bestanddele akkuraat af. Voer ‘n vierkantige bakpan van 20 cm met bakpapier uit en spuit dit liggies met kleefwerende kossproei. Kry ‘n bakkie met yswater gereed om jou karamelmengsel te toets.…

KUSSINGOORTREKSEL MOEILIKHEIDSGRAAD: gemiddeld TYD: 3 dae VOLTOOIDE GROOTTE Pas oor kussing van 45 x 45 cm. JY BENODIG ♥ diagram op bladsy 119 ♥ 250 g Kismet Premium Super Soft Melange Aran in kleur 305 (Duck egg) ♥ 100 g Kismet Premium Super Soft Melange Aran in kleur 325 (Off-white) ♥ 100 g rooi breidraad vir die pompoms ♥ 4,5 mm-sirkelbreipen ♥ steekmerker ♥ 45 cm-ritssluiter in die hoofkleur ♥ pompommaker of twee stukke karton van 6 x 6 cm vir die pompoms SPANNING 18 ste x 23 rye = 10 x 10 cm. Die spanning kan gebruik word om die oortreksel groter of kleiner te maak. Die patroon word in veelvoude van 10 ste gebrei. AFKORTINGS her – herhaal HK – hoofkleur KK – kontraskleur PM – plaas merker…

LIEFLIKE TAFEL Neem jou tyd en sorg dat die dek van die feestafel ‘n liefdestaak op sigself is. Begin met melkwit breekware, vintage eetgerei wat subtiel skitter en natuurlik hope en hope kerse en jy's halfpad daar. ❁ As dit by breekware kom, is rustiek jou beste keuse: Al die keramiekware op die foto is van Mervyn Gers (mervyngers.com). Wonki Ware (wonkiware.com) en Zara Home (zarahome.com) het soortgelyke stukke. ❁ Dit is die ideale geleentheid om die vintage silwereetgerei wat jy by jou ouma geërf het uit te haal. (Jy kan natuurlik ook altyd onpaar messe, vurke en lepels gebruik wat jy by jou plaaslike vintagewinkel of aanlyn opspoor.) Vra die kinders om jou te help om die silwerware blink te vryf – dis ‘n eenvoudige taak wat baie pret…

SLAAIKRANS MET GEROOKTE SALM Rangskik jou slaaibestanddele in die vorm van ‘n krans vir ‘n maklike maar indrukwekkende voorgereg, of sit dit só voor as deel van ‘n koue buffettafel. Genoeg vir: 4-6 as ‘n voorgereg Bereidingstyd: 30 minute ♥ 1 Engelse komkommer, gewas ♥ 2 ryp avokado's ♥ 10 ml suurlemoensap ♥ 60 g klein kruieslaaiblare ♥ 150g radyse, skoongemaak en in dun skyfies gesny ♥ 200 g gerookte salm- of forellinte ♥ 1 suurlemoen, in ringe gesny ♥ 160g frambose ♥ 100 g granaatpitte SUURLEMOEN-DIJON-SLAAISOUS ♥ 15 ml dijonmosterd ♥ 30 ml suurlemoensap ♥ 5 ml heuning ♥ 90 ml canola-olie ♥ 5 ml gerasperde suurlemoenskil ♥ snye korserige brood, om voor te sit SLAAISOUS Klits die mosterd, suurlemoensap en heuning saam om ‘n smeer te vorm. Klits…

BETLEHEMSTER-STAL Hierdie mooi Kerstoneel met sy drie wyse manne en sterre skep jy met net ‘n paar boomtakkies en ‘n bietjie verbeelding. MOEILIKHEIDSGRAAD: gemiddeld TYD: halfdag JY BENODIG ♥ droë boomtakkies ♥ houtkrale vir die drie wyse manne se koppe ♥ goue, silwer en roosgoue karton vir die krone en sterre ♥ goue koord of bypassende bakkerstou ♥ gomgeweer ♥ handwerkgom ♥ skerp skêr ♥ saag ♥ teekersies KRISTALVERSIERINGS Tooi jou Kersboom of huis met hierdie saggies glinsterende versierings gemaak van kandelaarkristalle. MOEILIKHEIDSGRAAD: baie maklik TYD: omtrent ‘n halfdag vir 12 versierings, droogtyd ingesluit JY BENODIG ♥ Kersfeesprente op bladsye 92-93 ♥ kandelaarkristalhangers (pendants, sien wenk hieronder) ♥ goue koord of bypassende bakkerstou ♥ modge podge ♥ handwerksponsie ♥ handwerkmes en snymat WENK: Ons het ons kristalhangers teen ‘n baie…

SPELDEKUSSINGHUISIE ‘n Gelukkige naaldwerktafel het beslis ‘n gelukkige huisie vir jou spelde nodig. Leer die gewoonte aan om mooi oorskietlappe te hou, want dit is ideaal vir dié projek en maak ook die beste geskenk vir jou naaldwerkvriendinne. MOEILIKHEIDSGRAAD: beginner met naaldwerk-en borduurervaring TYD: 1 dag  JY BENODIG ♥ huisiepatroon op bladsy 119 ♥ klein stukkies linnemateriaal vir die mure, deur, vensters en dak ♥ bypassende gare ♥ oulike pompomlint vir die dakdetail ♥ borduurgare of baie dun breidraad in verskillende kleure ♥ klein borduurring ♥ skerp naald en borduurnaald ♥ poliësterspeelgoedstopsel ♥ wateruitwisbare pen ♥ klein ronde fles vir die binnekant van diespeldekussing  SO MAAK JY 1 Gebruikjou wateruitwisbare pen en trek buitelyne op die stuk hooflinne volgens die huisiepatroon op bladsy 119. Span die materiaal in ‘n klein borduurring.…

DIE WAARDE VAN OU IDEES-TYDSKRIFTE Ek's nou die dag in ‘n liefdadigheidswinkel waar ek op vier ou uitgawes van Idees afkom – uit 2017, 2018, en een nog met glansbladsye. Synde iemand met tien duime maak ek nooit iets self nie en dus, moet ek bieg, het ek in die verlede nie altyd Idees gekoop nie. Ek raap die ou uitgawes op, want julle stilering is vir my superinspirerend, sommer net ‘n feel-good. Ter agtergrond, as ek ‘n tydskrif of koerant lees (nie aanlyn nie; ek hou van die gevoel van die papier en die ritueel van omblaai), maak ek ná die tyd leespakkies vir my naaste vriendinne. So, uit hierdie vintage uitgawes van Idees, kry my niggie Kobie hekelpatrone (sy het onlangs vir my ‘n Afrika Burn-geïnspireerde trui gebrei…