Índice para September 2016 em Idees

Sonskyn het nog altyd vir my hand aan hand gegaan met lag en glimlag, hernude energie , lang dae en skemerkelkies. Al was ek in my jeug 'n groot wintermens , het die son my jaar nd jaar al hoe meer verlei na 'n mooi gedekte tafel in die buitelug, 'n handdoek , boek en sonsambreel langs die swembad , laatmiddae in die tuin en ja - na yskoue skemerkelkies vol ment en suurlemoen en ander mooi stukkies vars vrugte. Skemerkelkies herinner aan vakansies , aan ou vriende wat saamkuier en aan hope vieringe van spesiale geleenthede en prestasies. Elke keer as die ment in my posseel-tuintjie dreig om oor to neem , reken my kind die plant weet dit raak somer en die familie kom kuier. In die uitgawe…

     Vandat ons Cornel ontmoet het, was daar net mooi niks vaal aan hierdie sprankelende vrou nie. Haar werk was vars en kleurryk, haar helder rokkies het haar persoonlikheid weerspieël, en in haar huis het elke vertrek sy eie kleur en karakter gehad. ‘Ná Desember se rustyd in my neutrale seehuis het ek net ’n ongelooflike behoefte gehad om dieselfde rustigheid in dié huis in te bring. Die baie bont en patrone moes nie net van die mure en meubels af nie – ek het dit ook uit my klerekas gegooi. Ek het regtig ’n behoefte aan ’n rustiger lewe en kleur is so ’n groot deel daarvan,’ vertel sy. Haar vertrekpunt was om elke muur, kroonlys en plafon in dieselfde liggrys kleur – Plascon se Light Stone (NEU06) –…

SPYSKAART COSMOPOLITAN BEET GEMARINEER IN VODKA MET BOKMELKFETA EN BOSBESSIES PIÑA COLADA HOENDER GEPOSJEER IN KLAPPERMELK EN RUM EN VOORGESIT MET ’N PYNAPPEL-EN-PATATPUREE MENTJULEP VIS GEMARINEER IN WHISKY EN VOORGESIT MET ’N MENT-COUSCOUSSLAAI KIR ROYALE VONKELWYN-EN-BESSIE-PANNA COTTA SKEP DIE PRENTJIE Vier ’n spesiale geleentheid met ’n glansryke skemerkelkpartytjie. Ons het ’n kleurskema van wit, silwer en goud gekies om ’n gesofistikeerde prentjie te skep. Sit elegante vingerhappies voor en pak ’n dranktrollie met mooi glase waar gaste self hulle drankies kan meng terwyl hulle deel bly van die geselskap. BEET GEMARINEER IN VODKA MET BOKMELKFETA EN BOSBESSIES Genoeg vir: 6 (as happie) Bereidingstyd: 40 minute, plus marineertyd Gaarmaaktyd: omtrent 20 minute • 6 middelslag-bete • 60 ml vodka • sap en fyngerasperde skil van 1 lemoen • 125 ml gekapte…

MODERNE DROË RANGSKIKKING Gebruik gedroogde blomme om glasbottels te versier. Jy kan ’n blom op die voorkant van ’n bottel plak met spuitgom, ’n blomkop soos ’n prop in die bottelnek druk, of bloot ’n blom binne-in die bottel sit. RINGE MET BLOMKOPPIES Maak jou eie ringe deur klein gedroogde blomkoppe met hars te set in leë metaalringe of blanks (by krale- en handwerkwinkels te kry). Meng gelyke hoeveelhede hars en verharder volgens die vervaardiger se aanwysings. Maak seker die leë ringvorm staan gelyk (jy kan dit in ’n stukkie wondergom druk om regop te staan), gebruik ’n haartangetjie om die gedroogde blom in die vorm te sit en giet dan die harsmengsel versigtig bo-oor om dit te bedek. Laat dit vir 24 uur staan om te verhard voordat jy…

TIPI-TENT MOEILIKHEIDSGRAAD: redelik maklik TYD: 1 dag JY BENODIG • vier 40 x 40 mm-dennehoutlatte van 2,4 m lank • 7,5 m melkdoek • 2 m katoen- of polikatoenmateriaal • omtrent 2,7 m kant met ’n mooi rand, die breedte van jou keuse • 3 m geweefde lint met ’n patroon (opsioneel) • 1 m effekleurige geweefde lint • bypassende masjiengare • tou • boor met ’n boorpunt wat ’n bietjie groter is as die dikte van die tou SO MAAK JY 1 Meet en knip vier panele van 1,75 m elk uit die melkdoek. Vou een paneel in die lengte in die helfte, meet in die breedte 75 cm van die vou af aan die onderkant en maak ’n merkie daar. Trek ’n skuins lyn van die 75 cm-merk…

JY BENODIG vertakte boomstomp houtbord vir die blad 3 skakerings van liggrys verf verfkwas dun spyker skuurder met 180-grint-skuurpapier basiese gereedskap (hamer, uitsnysaag en skroewedraaier) HET JY GEWEET? ‘Ombree’ kom van die Franse woord ombre, wat ‘skaduwee’ beteken. VIR DIE POOT 1 Skuur die vertakte stomp mooi glad en vee dit skoon met ’n sagte lap of borsel. As dit nie voorheen ’n voetstuk was nie, moet jy die takke se punte mooi gelyk afsaag. 2 Verf die boonste deel van die stomp net tot in die middel met die ligste grys en laat dit droog word. Wend ’n tweede laag aan en laat dit weer droog word. Verf van onder af (d.w.s. van die pote af) na die middel toe met die donkerste kleur, laat dit droog word en…

Die kreatiewe dryfkrag agter ’n pragtige produk is baiekeer dié produk se beste bate, maar ook grootste swak plek. Omdat ons as handwerkers met hart en siel betrokke is by ons produk, sukkel ons soms om te verstaan waarom dinge nie altyd volgens plan verloop nie: hoekom ’n produk nie so goed verkoop as wat ons gedink het nie of waarom kaartjies na ’n geleentheid nie opgeraap word nie. Ons glo ons weet wat die beste is vir ons besigheid en spring gou op ons perdjie wanneer ander mense voorstelle maak om dinge anders aan te pak. As entrepreneurs is ons geneig om by elke aspek van ons produk betrokke te wees – van die vervaardiging en bemarking tot die verpakking en verkope. Die punt is dat jy dalk briljant…

V Hoe kies ’n mens die regte hekeldraad? A Hekeldraad is te kry in ’n verskeidenheid gewigte, wat verwys na die dikte van die draad, eerder as die gewig daarvan op die skaal. Die dunste draad word ‘kantgewig’ (lace weight) genoem, waarmee met ’n 2 mm-of dunner hekelpen gehekel word. Die volgende dikte is superfyn, dan sportgewig en dan dubbelbreidraad (DK of double knitting), daarna mediumgewig en so gaan dit aan tot by ekstradik (jumbo). Die draaddikte word gewoonlik op die etiket aangedui. ’n Kinkel in die kabel is dat breidraadmaatskappye die dikte van hulle drade verskillend op die etiket aanbring. Só kan een maatskappy se superfyn-kategorie ’n ander een se sport-kategorie wees. Hoe nou gemaak? Die beste plan is om verskillende drade op die hekelpen te toets deur ’n…

Versamel en laai ons maandelikse papierpakkies af en maak seker jy het spesiale ontwerpe vir al jou behoeftes. KOOP NOU SEPTEMBER! • Die pakkies kos R15 per maand. • Jy kan Januarie tot Augustus se pakkies ook nog bestel as jy dit misgeloop het. • As jy die hele jaar s’n teen R120 koop, kry jy Januarie tot September se pakkies met die res wat maandeliks volg tot Desember 2016. KOOP AL ONS AANHALINGS IN EEN PAKKIE VIR R15! GAAN NA ideasmarket.co.za om by ons webwinkeltjie uit te kom.…

tiffinbitesized.com.au Fiona Ryan skryf oor kos, reis en die dinge wat sy geniet (en nie geniet nie). Haar werk as projekbestuurder betaal vir haar reise en gee haar die kans om ‘waansinnige bedrae geld’ op etes en kooktoerusting te blaas. Fiona se man is haar gereelde reismaat en hulle maak altyd tyd om plaaslike markte en spesialiteitswinkels te besoek en geregte en happies te soek wat ander mense vir haar aanbeveel het. ‘Ek het ook nie probleme met ’n massering of skemerkelkie op die strand nie … ’ karenbarbe.com Die materiaalontwerper Karen Barbé woon in Santiago, Chili, en word geïnspireer deur tradisionele handwerk, volksgoed en goedkoop plastiekgoed – kortom: enigiets eenvoudigs en onpretensieus. Só skep sy handgemaakte stukke vir haar handelsmerk, Karen Barbé Textileria, ‘wat ’n vrolike, knus atmosfeer aan…

Waar koop ek die deeg? Die meeste supermarkte verkoop bolle deeg wat gereed is om te gebruik. Dit is gewoonlik te kry in die yskas-afdeling waar hulle produkte soos knoffelbrood en tortillas aanhou, of gaan vra by die bakkery-toonbank. As daar niks op die rak is nie, vra die bakkery-assistent om ’n kilogram deeg vir jou af te weeg. Sorg dat jy so spoedig moontlik by die huis kom, want die deeg sal begin rys sodra dit nie meer in die yskas is nie. Panpizza met salami Maak: 2 Bereidingstyd: 45 minute, plus rystyd Baktyd: 30 minute Oondtemperatuur: 200 ºC • 1 kg gekoopte brooddeeg • 500 ml gerasperde mozzarella • 12 skywe salami of pikante salami • vars basilieblare, vir garnering PIZZASOUS • olyfolie • 1 middelslag-ui, fyngekap…

MOEILIKHEIDSGRAAD: gemiddeld TYD: 2 uur • resep op die oorkantste bladsy • koekborde van onderskeidelik 20 cm en 30 cm in deursnee • klein skuinslem-spatel • groot spatel of deegskraper • lepel • lekkergoed en ander happies om die koek te versier (sien stap 5) Sny elke koek horisontaal in twee lae. Gebruik ’n bietjie versiersel om die eerste laag op die koekbord van 20 cm te plak. Plak die koeklae saam met versiersel tussenin en maak met elke laag seker die koek is nog perfek gelyk. Plaas die koek op die groter koekbord om die versierwerk te vergemaklik. Smeer ’n dun lagie versiersel oor die hele koek. Dit word die krummellaag genoem omdat los krummels daarin vasgevang word. Sit die koek vir 30 minute in die yskas en bedek…

PATROON Patrone - groot of klein - dra by tot ‘n vars, sorgvrye voorkoms. TEKSTUUR Die kantdetail om die moue herhaal die kleur en patroon van die rok maar voeg tekstuur by. BLOMMEE & KANT Die delikate blompatroon van die kant sorg vir ’n tikkie romantiek in hierdie uitrusting. LANK & LOS ’n Maksirok is ideaal vir minder warm dae. Wees op die uitkyk vir een met ’n interessante patroon.…

MOEILIKHEIDSGRAAD: baie maklik TYD: 15 minute per blokkie GROOTTE 1 blokkie = 8 x 8 cm ná dit geblok is. Voltooide kombers = 152 x 104 cm. Vir ’n groter of kleiner kombers kan jy eenvoudig meer of minder blokkies hekel, maar onthou daar is 19 blokkies in die lengte en 13 blokkies in die breedte. Dus kan jy volledige rye van 13 blokkies byvoeg of weglaat vir ’n langer of korter kombers, of meer of minder blokkies oor die hele lengte vir ’n breër of smaller kombers. JY BENODIG • katoen- of ander dubbelbreidraad in die kleure van jou keuse • 4 mm-hekelpen • tapisserienaald LET WEL Gebruik ’n staansteek pleks van 3 ks as eerste steek om die ketting te vermy wat ’n ‘naat’ vorm. Om die steek…

S tel jou eie ‘huisdagboek’ saam waarin jy jou huis se verfkleure kan aanteken, die grootte van die vensters, en selfs watter gloeilampe in elke vertrek gebruik word. So het jy al die inligting byderhand wanneer jy op die ingewing van die oomblik besluit jou badkamer kort ‘n opkikkersessie; of jy sien die perfekte blindings vir jou slaapkamer; of jy is by die kwekery en soek die presiese roosvariëteit wat so mooi groei in jou tuin. Dink aan die boekie as jou huis se biografie en teken alles aan wat nuttig kan wees. Besoek ons webwinkel, ideasmarket.co.za, om ons joernaalblaaie te koop en af te laai. Gebruik dit om jou eie huisjoernaal te bind, of plak die los blaaie in ’n bestaande notaboekie vas. Jy kan selfs twee maak –…

Ek sit gemaklik met my oë toe, kombers oor my bene en elektrodes aan my kop. Al wat ek hoef te doen is om nié te veel te dink nie en enige gedagtes wat wel opkom, so gou as moontlik soos wolke te laat wegdryf. Nee, ek is glad nie besig om te mediteer nie; ek is besig met breinoefeninge. Dit was juis aandagtigheids-(mindfulness-) meditasie wat my bewus gemaak het van hoe ons almal ’n invloed op ons eie brein kan hê. Ons kan leer om nie toe te laat dat ons gedagtes met ons op loop gaan nie, en as dit dan nie anders kan nie, om ten minste beheer te neem oor wát ons dink. Ons weet almal hoe dit voel wanneer jy angstig is: Jou maag trek…

JOU PROJEKTE VIR DIE NAWEEK Voel jy lus vir ’n naweek weg van die huis waar jy net naaldwerk doen, kuier en leer om met die nuutste Bernina-masjiene te werk? Die Idees-span wag vir jou by Simondium’s Country Lodge naby die Paarl, waar ons van Vrydagmiddag 23 September tot Sondagmiddag 25 September saamtrek vir ’n heerlike naweek van kreatiwiteit. Teen die einde van die naweek sal jy twee voltooide naaldwerkprojekte hê om huis toe te neem: ’n sigeunergordyn en ’n oulike karavaanspeldekussing. Die Idees-span gaan weer ’n kreatiewe demonstrasie hou, en wat sal ’n besoek aan die Boland wees sonder ’n lekker wynproesessie met plaaslike verskaffers? Ons het net plek vir 30 mense in ons groep – moet dus nie te lank wag voordat jy bespreek nie. Vir net R2…

GROENTE: Aartappels, artisjokke, aspersies, beet, blaarslaai, blomkool, boerbone, broccoli, ertjies, knoffel, komkommer, kool, pampoen, patats, preie, rabarber, radyse, rape, sampioene, seldery, skorsies, spinasiebeet, sprietuie, tamaties, uie, waterblommetjies, witwortels, wortels. VRUGTE: Appelliefies, avokado’s, kiwivrug, koejawels, lemmetjies, lemoene, moerbeie, nartjies, papajas, piesangs, pomelo’s, pynappel, suurlemoene. KRUIE: Brandnetels, gousblomme, kappertjies, knoffelgrasuie, laventel, lourierblaar, meerjarige basilie, meerjarige bonekruid, ment, perdeblom, pietersielie, roket, roosmaryn, salie, sitroengras, surings, tiemie, vinkel. BLOMME BESKIKBAAR IN SEPTEMBER Anemone, angeliere, anthuriums, barbertonse madeliefies (en die dwergsoort), craspedia, erikas, freesias, (sekere) fynbossoorte, goudroede, hanekamme, heide, heliconia, inkalelies, irisse, konfettibos, koringblomme, krisante, leeubekkies, Oosterse lelies, orgideë, papierblomme, pronkridderspore, (sekere) protea- en speldekussingsoorte, ridderspore, rose, sewejaartjies, sintjanskruid, soetemalings, stokrose, tjienkerientjees, tulpe.…

DEEL JOU NUUS! Nuwe winkels & handwerk: Dala Watts (dwatts@media24.com) Kos: Louisa Holst (ideasmagazinefood@gmail.com) Dekor & mode: Carin Smith (carin.smith@media24.com) KUNS ONTMOET ontwerp Mariska Botha maak dié mooi eklektiese oorbelle. Dit word met laser uit hout gesny voor sy dit dan verf en kleur. • Stuur ’n e-pos na wooden.envy@gmail.com vir meer inligting, of soek haar by facebook.com/wooden.envy. Skemerkelkietyd Dié lieflike roosgoudbedekte vlekvryestaal-mengfles sal ’n tikkie glans aan enige drankiepartytjie verleen. Die stel bestaan uit drie stukke en kos R699 by takke van @home landwyd. Gebruik ’n sitrusskiller om ’n dun reep suurlemoen- of lemoenskil te sny waarmee jy ’n sitruskrul vir jou skemerkelkie kan maak. Draai die skil om ’n eet- of sosatiestokkie, los dit vir ’n paar minute en verwyder dan die stokkie. HEKELMATERS Sue Bellwood is die…

Genoeg vir: 8-10 Bereidingstyd: 40 minute, plus rystyd Baktyd: 45 minute Oondtemperatuur: 190 ºC • 1 kg gekoopte brooddeeg • 30 ml olyfolie • 125 g streepspek, gekap • 2 preie, in ringetjies gesny • 6 knoffelhuisies, fyngekap • 1 eier, liggies geklits met 10 ml water • 30 ml fyngekapte vars pietersielie • 250 ml gerasperde cheddarkaas 1 Plaas die deeg in ’n groot mengbak en bedek dit met ’n klam teedoek. Laat dit eenkant rys tot dit in grootte verdubbel het. Verhit die olyfolie in ’n pan, voeg die spek by en braai dit vir 3 minute. Roer die prei en knoffel by en roerbraai dit tot dit sag is. 2 Verdeel die deeg in twee en rol die een helfte in ’n sirkel van omtrent 22 cm…

Genoeg vir: 16-20 Bereidingstyd: 30 minute Baktyd: 45 minute Oondtemperatuur: 160o C DONKERSJOKOLADE-MODDERKOEK MET KARAMELVERSIERSEL • 350 g sagte botter • 375 ml Huletts Treacle Sugar • 750 ml Huletts White Sugar • 6 groot eiers • 15 ml vanieljegeursel • 100 g kakaopoeier • 20 ml koeksoda • 1 125 ml koekmeel, gesif • 500 ml suurroom • 550 ml vuurwarm water VERSIERSEL • 350 g sagte botter • 1 blik karamel • 1 kg Huletts Icing Sugar, gesif GANACHE • 300 g donkersjokolade, gekap • 150 ml vars room WENK Dié koek smaak op sy beste as jy dit bak ’n dag of twee voordat jy dit versier en voorsit. 1 Klits die botter, klam bruinsuiker en witsuiker saam tot dit romerig is. Klits die eiers een-een by…

DIE SON IS JOU VEL SE NOMMER 1-VYAND. REG? Helaas nee, die aanslae teen jou vel en die aggressors wat voortydige lyne, plooie, sakkerigheid, droogheid, ’n growwe tekstuur en donker vlekke veroorsaak, staan nou tou en wedywer om die grootste skade aan te rig. Die nuwe term om van kennis te neem is ‘atmosferiese veroudering’. In eenvoudige taal beteken dit dat ’n wandeling in Adderleystraat, ’n oggend in die park of ’n inkopietog in die Mall of Africa net so skadelik vir jou vel kan wees as ure se onbeskermde blootstelling aan die son. Nuwe navorsing dui daarop dat rook, roet, lugbesoedeling en sogenaamde osoonbesoedeling die vel se verdedigingsmeganismes aftakel en vrye radikale laat baljaar. Die omgewing of atmosfeer sluit alles in wat nie geneties is nie. Daaronder tel dieet,…

Vroeg op ’n Saterdag wemel The Country Butcher van mense wat ’n koppie boeretroos kom geniet en die koerant lees terwyl hulle vir hulle vleisbestelling wag, in die deli rondsnuffel vir ’n tuisgebakte soetigheid, of hulle daaglikse inkopies van plaasvars eiers, melk en brood kom doen. Gwynnedd Laubscher was nog nooit juis ’n vleiseter nie, wat nog te sê ’n slagtery bedryf! Daar was een voorwaarde waarop sy sou instem om saam met haar man, Jacobus, ’n slagtery oop te maak: Dit moes ’n mooi slagtery wees. Wat die Ideesspan baie nuuskierig gemaak het om dié leser te ontmoet, want dis soos ons ook oor die meeste dinge in die lewe voel. The Country Butcher se skoonheid strek egter verder as net die stylvolle dekor. Die winkel is silwerskoon en…

Brief aan ’n vriendin Die lewe werk op snaakse maniere. Ek is deesdae in die ‘nobody loves me, everybody hates me’-stadium. Alles is fout. Sannie Suurpruim is my naam. ’n Paar dae terug kry ek ’n WhatsApp: ‘Wat is jou adres? Ek wil vir jou iets stuur.’ So gee ek my adres en dink nie weer daaraan nie. Vanoggend kry ek weer ’n WhatsApp: ‘Jy moet jou pakkie gaan optel.’ Ek ry Poskantoor toe, vrek nuuskierig oor wat die pakkie kan wees... My stoutste verwagtinge word oortref. Dis ’n pakkie vol liefde, omgee, vriendskap en tyd. Baie dankie, my vriendin, jy is ’n vriendin duisend. Ons stap al jare die pad en jy het maar net ’n manier om my op te tel wanneer ek dit nodig het. Woorde kan…